泰皇閣泰國菜館

營業中

休息中

這一晚突然想食泰國菜🇹🇭當然要去九龍城呀🔎好多餐廳揀！隨心選了這家泰皇閣泰國菜館📍-這家門面有傳統泰國風情，有唔同泰國菜式🤎我首先點左馬拉盞炒椰菜苗，🥬少辣惹味🌶不過椰菜苗相對比較難咬，淋d更好呢‼️-再回點了主食泰式濕炒牛肉河🥢呢個好大碗濕濕地好易入口，材料算多😋個人鍾意加埋辣椒粉更加惹味！🌶-怕唔夠飽，我地再點了酸甜醬炒鮮魷🦑開胃的酸甜味， 鮮魷好爽口✅可惜份量唔算多呢⚠️-飲品就點了咸檸七喜，泰式經典之選🍹經典泰菜， 價錢都算適中的✔️

屯馬線開通了，今日同愛人首日就去宋皇台站食泰菜。真係第一次見九龍城甘多人我們揀了這間店，等了四十五分鐘，但我太笨了，冇booking，下次會book枱，唔使等甘耐，好在愛人都願意陪我等我們點了以下。。。泰式豬肉濕炒河，分量不算大兩個人食啱啱好。這個菜不會太辣但我覺得有點略咸， 菜感覺很新鮮。這沙冰又令我surprise,提子好像是原粒地放落去打沙冰，當中會見到一粒粒的提子皮，好像真的食咗一粒粒提子一樣。串燒很好食，很入味。

COVID-19 新型冠狀病毒肺炎疫情開始爆發至今，好少約朋友到外用餐，但到至今開始約返一些朋友聚下舊，我們在IG相識快接近1年了，真心沒有想過可以在社交平台認識朋友，感恩地識到佢，今次的姊妹聚會選擇了一間黃店。【泰皇閣泰國菜館】等了一會就入去坐低，疫情下，店方以隔板為餐桌保持社交距離。入面座位不多，好像地道泰式餐廳似的。我8：00到，菜館已經坐滿了，心想應該很好味吧。老闆話「全民堅守真正安心，拒絕監控軟件，本店提供登記方法方便，不使用安心出行的客人到來用餐，並承諾設法保障客人私隱，而所有個人資料只會被保留30一天隨後燒毁。」老闆都幾有原則同善心，菜館每月初一十五都會喺香港及泰國兩地派發飯盒及水果給有需要人士亦有蝦片義賣歡迎大家隨緣樂助，真的是施比受更為有福。餐牌三花八門，有炸蝦餅, 泰東生菜包, 蝦醬炒通菜, 串燒, 泰皇閣招牌炒飯, 椰青, 生蝦刺身, 芒果沙冰等等，最後揀左以下4款。🌟秘製泰式炸豬手$178一款是泰國必食名菜，雖然外表看來略為乾身，但入口就知道肉汁豐盈。咬下「索索」聲，脆卜卜之外，真是如吃乳豬似的，停不了。整體炸豬手夠香脆、皮脆肉嫩，味道亦較濃，蘸取泰式酸辣汁醬，

九龍城泰國味道餐廳。食物質量可以，環境好多人，位置都足夠。九龍城聖德勒撒醫院出返黎接近候王道附近街巷都有唔少餐廳。泰國菜式好多馬拉盞方面的青菜，肉類都會主要豬牛羊雞。今次主要系晚餐，不得不點泰國菠蘿炒飯。原隻菠蘿海鮮炒飯成個菠蘿上臺，起晒肉，系屬於留起菠籮作裝飯用具。整個鮮甜味道的泰式炒飯，菠蘿當然系新鮮，裡面還藏有鮮魷，菠蘿肉、臘腸、火腿、雞肉切粒，蝦仁或雞肉，雜豆等等，肉鬆同腰果同樣點綴了成個炒飯的味覺。馬拉盞炒椰菜苗酸酸甜甜，開胃小菜。其實都係用蝦仔類同廣東蝦醬發酵而成。通常炒通菜，芥蘭。今次有菜苗又可以試一試。另外飲品就啤酒試了一試系泰國啤酒singha，勝獅啤酒其實屬於百搭，可搭幾乎所有泰式料理。爽口，搭配之後上臺的炸蝦餅拼春。酸酸辣辣1惹味又夠喉。其實主打的餐牌內容都會在餐廳顯示。任君選擇。色香味俱全。

#🍎👧🏽九龍城嘅泰國菜 基本上都唔會差得去邊 但呢間嘅水準係超有驚喜🤩 特別係佢嘅串燒🍢仲係良心小店 當然要支持啦💛🔸沙嗲串燒🍢(半打)<豬+雞> ($82)平時嘅豬肉串一般較薄 所以食落偏乾同柴皮🤨 但呢度嘅豬肉好厚身🤤 顏色較淺 肉質好鬆軟!! 唔講以為自己食緊雞肉🤣 雞串就正常 兩款串燒都幾墜手 每樣食一串都飽飽地🙈(⭐評分：7/10)🔸炸蝦餅拼魚餅🦐🐟($76)蝦餅嘅外層好脆 夠薄 又唔會炸得太油太熱氣👍🏼 魚餅比一般食嘅厚身 食得出有好多香料😋 重點係唔辣！啱曬👧🏽嘅口味 (⭐評分：7/10) 🔸古法咖喱軟殻蟹🦀 ($218)👧🏽至愛的炸軟殼蟹💕 蒜蓉法包同軟殻蟹都係一開二 有8件 呢款咖喱加入雞蛋一齊煮 口味較溫和~而且咖喱係分開上 令軟殼蟹保持脆度👍🏼 一份有齊三款嘢食 超滿足的組合!!😆(⭐評分：7/10) 🔸蛋包鮮蝦金邊粉🥢($75)🔸馬拉盞炒椰菜苗🥬($70)金邊粉入得超滿🤣 賣相唔錯 麵條唔會痴埋曬👍🏼感覺比平時食嘅粗少少 如果可以再酸啲更好😛椰菜苗好惹味 微辣 但份量少咗啲同埋偏油(⭐評分：6/10)－－－－－－－－－🏝環境：N/A🛋服務：6/1

今晚同家人到九龍城食泰國菜，經過泰皇閣覺得都ok就入左去。門口見到餐廳初一十五都會捐齋菜，抵讚。入到去睇完餐牌就點左串燒，原隻菠蘿海鮮炒飯，馬拉盞炒椰菜苗，芒果沙冰。芒果沙冰-夠晒凍，又香芒果味，口感好好。串燒-點了墨魚丸，豬，雞。燒得岩岩好又夠香，肉質良好。原隻菠蘿海鮮炒飯-好足料，有好多海鮮，仲有好多新鮮菠蘿，有肉鬆在飯面仲有腰果。飯炒得夠乾身香口好味道。馬拉盞炒椰菜苗-辣辣地夠香口,菜翠綠好味道。

小倆口找吃的找到去九龍城！無他，想去泰國旅行想得慌了，唯有去吃個泰菜止止渴。九龍城最多的是泰國餐廳就眾所周知，但要找到一家出色的便要花點心思。是次另一半就挑了這家泰皇閣，位於衙前塱道，下班後從旺角先達中心旁坐紅色小巴過來才十分鐘左右，也很快，將來如果開通了地鐵沙中綫就更方便。小倆口這天不是很餓，所以粉麵飯就免了，先要了個柚子沙律和泰東生菜包，還點了一個芒果沙冰。柚子沙律的賣相不錯，柚子很新鮮，還配有鮮蝦，吃著十分開胃，入口時有一點椰子味，原來裡邊也混了一些椰絲，口感頗為豐富。份量也不算少，兩個人吃剛剛好。再來是最愛的生菜包，幾乎每一次吃泰菜也會點。餐牌上有兩個選擇，一個是清邁的，另一個是泰東的，兩者都是用豬肉，價錢也一樣，弱弱的我表示不知道有甚麼分別，看旁邊清邁的有三隻辣椒表示比較辣，泰東的只有兩隻辣椒，便點了泰東的。生菜很精緻的插在一個類似杯子的器皿上，每塊生菜以一匙肉放上去剛剛好，生菜很爽脆，肉也醃得十分入味，不會太咸，當中還有一點點青檸的清新味道。另一半想要點串燒，但我們週未剛剛吃過了另一家的，看餐牌雞翼可以逐隻點，便簡單的只要了兩隻燒雞全翼，出乎意料也十分不錯。雞翼燒得剛剛好，

朋友想食生蝦刺身，專登黎到泰國菜雲集既九龍城，試下呢間泰皇閣。中午時段有套餐，我地叫左黄咖哩豬頸肉飯，加$10要青檸沙冰，另外再叫個椰青。豬頸肉好食，青檸沙冰應該冇落糖，原汁原味，椰青清甜。生蝦刺身，肥美creamy; 馬拉盞炒椰菜苗幾好食；清邁豬肉生菜包幾辣幾惹味；雞豬肉串燒，豬肉比較出色。總括而言，呢間味道唔錯，但價錢相對貴少少。

食泰國野都係去九龍城，早幾日約左一班FD 食晚飯，有個朋友係九龍城反工，咁就由佢拍板啦。咁佢話佢之前食過依間餐廳，所以就一於信佢黎依度食。我地平日黎依度食，唔算多人，環境都OK, 都適合一班人黎食既。咁因為我朋友黎食過既關係，就梗係等佢話事啦。我地就靜靜地坐低等食。我地四個人就叫左六樣野，有馬拉盞炒椰菜苗、炸蝦餅、串燒、泰皇秘制鰂魚、豬肉濕炒河同埋泰皇閣招牌炒飯。首先就食左個豬肉濕炒河，面頭就有豬肉同埋d 菜。河粉係睇得出炒過既，咁樣食法就無咁油，不過我就比較鍾意中式炒河咁夠鑊氣。炒椰菜苗之前無食過，但朋友都推介，試完之後的確係唔錯，爽口。仲有串燒炸蝦餅好食，份量多，炸得脆，而且每舊都好大件，我地四個人仲一人兩件tim。招牌炒飯即係蛋包住海鮮蕃茄炒飯，絕對係抵食之選。重點係依個泰皇秘制鰂魚，魚身砌片再炸過，魚肉外脆內軟，魚肉夠滑同埋夠鮮味。雖然睇落好多配料，但又唔係好咸，我地食完都話朋友無介紹錯。埋單個陣原來唔使加一，食左咁多野一個人都係140蚊左右，下次可以再encore。

今日同好友相約去到九龍城食晚飯我們就到了泰皇閣泰國菜館入到去大家就望下餐牌先花多眼亂好多都想食個環境都幾舒服,一眼就見到有咩菜推介我們點了以下食品馬拉盞炒椰菜苗,泰皇秘制鰂魚,炸蝦餅,串燒3拼,泰皇閣招牌炒飯,泰式濕炒豬肉河馬拉盞炒椰菜苗-椰菜苗有咬口,菜新鮮可口泰皇秘制鰂魚-只係賣相已經相當令人期待,食落更加係正.魚炸得岩岩好配合埋醬汁加沙律更加好食炸蝦餅-好香口,蝦味都好香,配合酸甜汁令到蝦味更勁串燒3拼-選了豬,雞,墨魚丸,燒得幾香口,再配合埋個沙嗲汁真係好正泰皇閣招牌炒飯-蛋包住去食都幾好食,仲有大蝦都好好食,料都好足夠,飯炒得好乾身泰式濕炒豬肉河-濕濕地幾易入口,有菜有豬肉都唔錯

今日姊妹淘吹水會，想食泰國菜去邊度好? 我心中嘅答案一直都係九龍城。想起上次食過 泰皇閣，好評不斷，二話不說今晚就直接殺入衙前塱道星期二夜晚，客人絡繹不絕，在這市道確是難得呢個咖喱香濃椰汁，咖哩汁點少得麵包，加上軟殼蟹一齊沾咖哩汁食會停唔到口，大家要留意下仲要encore份麵包先夠皮。馬拉盞炒椰菜苗 ($68)  椰菜苗冧身唔帶草青味, 味香且濃.仲有海鮮冬蔭公, 大大隻蝦, 湯夠酸夠辣.N 最愛嘅刺身, 食泰國菜都有選擇, 呢間係我食過咁多生蝦刺身中, 最最最爽口, 蝦肉好實淨, 值得為呢道菜再三來光顧.芒果糯米飯   芒果好甜, 糯米飯沾滿椰汁, 多到滿瀉咁, 所以至做到香滑唔黏口嘅口感.

又係每月一聚的大日子，講飲講食講八卦，同這班好姊妹一起，永遠都有說不完的話題。她們說食泰國菜當然要去九龍城啦，這點我也不會否認。這店之前都未曾光顧過，環境尚可，全部長枱，而食物方面都算很好。我自己有好幾款都特別喜歡，好適合我個人口味。"咖喱軟殼蟹" 汁好香滑，有點像濃湯，脆口的法包吸了汁加上香口軟殼蟹，口感好豐富，好滋味，餘下的汁如果用來配白飯，一定無得輸。"柚子沙律" 份量十足，我最愛食泰國柚子，又甜又多汁，加上泰式風味，少少辣好醒胃。"生蝦刺身" 生蝦都算大隻，好鮮甜，配上酸酸辣辣的泰式汁，味道都提升不少。"沙嗲串燒" 這裡很貼心，半打居然可以選3款，我自己食了豬同雞腎，兩款都好味，雞腎燒得很香又爽口。"馬拉盞炒椰菜苗" 椰菜苗炒起來有點爽爽的，唔係淋身那種，好多朋友都話未食過，其實泰國舖炒的一般都好好味，尤其配上馬拉盞，這家也不例外。