女人街食飯公司

營業中

休息中

XO醬海鮮小炒王色澤鮮亮，配料豐富，賣相吸引。上桌時XO醬香氣四溢，帶點微辣，入口鮮味十足，魷魚爽口，蝦仁彈牙，脆果香脆，蝦乾香口惹味，食落啖啖脆魚仔，令人食到停唔到口！鳳梨咕嚕肉外層金黃酥脆，肉質嫩滑，酸甜醬汁包裹著鳳梨、三色椒和肉塊，食落啖啖酸甜，撈飯超正，超開胃，香氣撲鼻，吃後不覺膩。椒鹽脆鮮魷炸得香脆，鹽香和蒜香交織，炸蒜炸得好香脆，撈飯一流！蘸埋醋食，配搭一流😆酥炸蠔餅外皮酥脆，好多粒蠔仔係入面，超足料！黑椒蜜餞薯仔牛柳粒色澤誘人，黑椒香氣濃烈，牛柳粒嫩滑，薯仔帶微甜，又係另一味食到唔停口嘅餸菜！馬拉盞時蔬炒牛肉色彩繽紛，馬拉盞香氣撲鼻，牛肉滑嫩，蔬菜爽脆。整體來說，每道菜都色香味俱全，令人食過返尋味😋

女人街食飯公司，淨係個名都已經港味十足，將大牌檔既風味同特色帶入去有冷氣舒服乾淨既餐廳環境🥳晚市做到12點，可以舒服地享受港式大牌檔既懷舊味道👍🏻淨係個裝修都好值得打打卡，餐牌大量鑊氣小炒、懷舊港式菜，走吸引🤩馬拉盞時蔬炒牛肉，一上枱超級香，啲鑊氣飄緊出嚟咁🔥芥蘭炒，削開左啲芥蘭苗炒，手工就係依度，一食不得了外爽內腍滑，馬拉盞超夾，掛晒係啲菜度好惹味🤤牛肉似係牛仔肉，好嫩滑既肉質，每舊都帶焦香，相當高質既一道小炒🫠大牌檔食鑊氣無理由唔啤啤佢，嘉士伯配戰鬥碗，用戰鬥碗飲酒就係豪爽🍻海鮮時間🪼老陳皮蒸龍躉頭腩，用傳統中式瓷碟原碟蒸，隻碟上都仲好熱😙龍躉頭腩真材實料，新鮮，肉質爽身彈牙，骨膠原十足，啲豉油都好正好精華😍手工位又黎，啲陳皮絲真係切到超絲，平時有時一係就無味，一係就大大條搶晒啲鮮味，依個幼絲每舊魚腩一至兩條，味道平衡更有層次😘新西蘭蟶子皇，蒜蓉粉絲蒸，超大隻好鮮爽，價錢抵食，粉絲吸晒啲精華都勁好味😋啲餸菜上枱淨係賣相都贏🙈仲要照顧晒色香味，神還原大牌檔風味，食物真心超高質，手工菜🤩bookmarked❤️

這間大排檔充滿懷舊老香港的風味，門外有大酒樓的金龍，店內又有香港舊式招牌、紙皮石和鐵閘等等，滿足食飯和打卡兩者兼備。這次點得太多，小菜還是不要超過人頭好，吃得太過飽。 脆皮牛腩 - $128 這款牛腩創自粵廚的，由於製作工序比較多，出面十分罕見。新鮮的牛腩帶筋帶肉又有些許油花，入口軟嫩帶彈性。沾上中式脆漿，炸至甘香鬆脆，包住入味滷製牛腩，再配芥末薑汁更添惹味。 鳳梨懷舊咕嚕肉 - $108 咕嚕肉份量頗多，粒粒好圓潤，炸得外酥內嫩，充滿鮮豬肉汁外，還均勻塗滿糖醋汁，酸酸甜甜的好清爽開胃。 馬拉盞時蔬炒牛肉 - $98 炒得好有獲氣，新鮮翠綠的通菜口感爽脆，富馬拉盞的濃郁鹹香味和香辣感。裡面還有鮮牛肉片又大片又多，鮮嫩又帶點嚼勁。 蛋白杏仁茶 - $28/碗 充滿濃郁南杏的香甜果味，還有不少滑溜的蛋白，整碗雪白又香滑無比，好清潤。 

呢間餐廳以80年代大牌檔為主題📺以舊式香港霓虹燈招牌、鐵閘、酒樓喜宴金龍等作裝飾，專食懷舊本土菜🇭🇰💗黑松露厚蝦多士($28/件)多士炸得金黃香脆，食落唔肥膩🥪舖上爽口彈牙嘅蝦肉同香濃嘅黑松露醬🦐點埋黑松露沙律醬，香氣十足💎💗優惠孖寶($198)🐔招牌瑤柱走地雞(半隻)：半隻雞份量十足，雞皮爽彈，皮下脂肪較多，雞肉涷食肉質依然嫩滑，味道清淡。面頭放滿瑤柱、炸蒜同蔥絲，有泰式酸辣汁🌶同蔥油🥣兩款沾醬🐚豉椒炒蟶子皇(2隻)：蟶子都算幾大隻，食落爽脆鮮甜，唔會有沙。加入豆豉、三色椒🫑同洋蔥🧅一齊炒，醬汁香濃惹味💗馬拉盞時蔬炒牛肉($98)通菜新鮮爽脆，色澤翠綠唔啞色，炒得唔油膩🥬牛肉軟滑唔韌，有牛味而唔係鬆肉粉味🐃馬拉盞調味唔會過鹹同過辣