Boholic

營業中

休息中

呢日平日下午同朋友嚟咗呢間餐廳佢有兩層但都坐滿㗎！人氣好旺！！午市餐牌有多過十款 飯麵肉類同海鮮都有 任君選擇👌🏻同朋友嗌咗兩份Lunch set 包括自選主菜 麵包餐湯同埋是日水果茶🧄香辣蒜片辣肉腸墨魚仔意大利麵 $88幼身意大利粉偏硬身挺身有咬口蒜味十足辣味輕微係大眾都會接受到嘅程度辣肉腸鹹香帶啲焦香味另一主角墨魚仔新鮮彈牙 QQ軟軟越嚼越得意😆☕️黑糖伯爵茶鮮奶咖啡 +$39凍飲+$5 轉燕麥奶+$5 燕麥奶真係好值得轉啊😉伯爵茶獨特嘅香味配搭黑糖鮮奶咖啡真係好獨特上次飲熱今次試試凍口感會比較輕盈 但香氣不減～～ 🍚秘製三杯雞意大利飯 $82呢款好有驚喜 配料有磨菇 毛豆 洋蔥同埋蒜片就咁不一啖口感已經好豐富意大利飯煙煙韌韌 有嚼勁但又唔會話有種未熟嘅錯覺🤣醬汁方面味道都幾濃郁 但偏向三杯雞嘅醬香味 唔鹹表面有少量芝士碎增加奶香味無諗過佢三杯雞嘅份量咁多！！有大概6/7件雞塊 每塊都啖啖肉外皮見到金黃微脆 雞肉仲保持好嫩滑😋出色出色！🍋熱情果青檸薄荷梳打 +$26熱情果醬大多喺底部所以可以按自己鍾意嘅甜度攪勻好鍾意佢嘅配搭 有甜味得嚟好清新解暑 啱哂食完飯解膩或者熱天解暑☀️

餐廳：Boholic地點：長沙灣福華街菜式：多國菜餐牌：午餐餐牌有11款揀，有沙律，意粉，飯，漢堡，肉類等等，非常多選擇，包是日餐湯同自家製酸種包，仲有水果茶，升級其他餐飲就半價。餐牌仲有甜品同小食等。是日餐湯係蘑菇忌廉湯。蘑菇忌廉湯飲落滑溜，忌廉唔會太多，唔膩。自家製酸種包烤得香脆。兩款食物用上連蓋湯碗仔上，好美觀。香辣蒜片辣肉腸墨魚仔意大利麵 $88 另加一意大利麵係幼身spaghetti，口感唔錯。爽脆新鮮墨魚仔有4隻，辣肉腸段好多，味道偏鹹。意粉撈有枝豆同蒜片，味道唔太辣。越式烤美國特級豬梅扒 $128 另加一越式烤美國特級豬梅扒賣相不俗，烤得燶面豬梅扒大大塊，肉質勁脆又多汁，厚肉豬味濃。配有越式甜酸汁好開胃。下底有意式黃瓜同青瓜同三件薯仔，仲有少少滑溜厚身薯蓉，夠飽肚。備有特別切肉刀切豬。呢個價錢抵食。開心果奶蓋梳乎厘班戟 $138 另加一梳乎厘班戟需20-25分鐘時間製作，我落單就落即起，食完主菜就即刻有得食啦！梳乎厘班戟一上枱非常吸引眼球，班戟上面係滿滿嘅開心果奶蓋，加上開心果碎。一切開見到入面有兩大塊燶面班戟，好厚身而入面真係非常有空氣感，極度鬆軟而蛋香十足，重點係夠熱

今日喺長沙灣閒逛，偶然發現咗一間高質西餐廳，環境靚得黎又唔造作，影相打卡一流。主菜、甜品同氛圍都交足功課，難得三樣都咁出色，真係要記低。餐廳設計好有心思，地下三分之一位置擺滿鮮花、乾草同舒適梳化，散發住一種自然又悠閒嘅氛圍，好啱慢慢坐低食餐好嘅。主菜包是日餐湯配上自家製酸種包。🏅越式烤美國特級豬梅扒($128)：上枱已經香氣撲鼻，燒烤味十足。切開見到粉嫩肉色，外層微焦，內裏多汁，口感扎實唔鞋口。蘸埋越南酸汁，清新解膩，層次即刻提升。🏅香辣蒜片墨魚仔辣肉腸意粉($88)：香辣夠勁，蒜香突出，墨魚仔彈牙，辣肉腸入味，啖啖都刺激味蕾，食完仍然回味。🏅開心果奶蓋疏乎厘($138)：面層灑滿開心果碎，濃郁帶微甜，唔會膩，質感輕柔空氣感十足。