荳子 (德福廣場1期)

營業中

休息中

今日嚟到九龍灣德福嘅Beans食晚餐，時間大約晚上6點左右就開始多人排隊。叫咗兩個餐，首先嚟嘅係呢份大蝦龍蝦汁闊條麵$148蚊加1。闊條麵比較硬身有咬口，鍾意軟身嘅可能要叫佢煮耐少少。味道方面大吓唔係話超大隻但爽口，成碟粉都有濃郁嘅香草同番茄味，可惜個番茄味蓋過咗個龍蝦味，變相龍蝦嘅味道就唔係咁重。餐飲方面跟咗熱檸蜜，毋須額外加錢，隻杯幾靚，清甜暖心。再嚟一份主食係和牛漢堡，$168，幾大碟。今晚叫咗7成，牛肉味幾香，可食個牛煮得熟咗少少會比較韌。薯蓉好飽肚，洋蔥辣口但香甜。加$28 配咗份黑松露薯條，睇落好似無黑松露，但佢嘅味道已經滲透晒喺個薯條，相當惹味。呢杯係香蕉芒果沙冰，跟餐加$40。啲冰磨得幾細緻好似泡泡咁綿，香蕉味好出眾一食就feel 到，可惜太濃香蕉味遮蓋咗啲芒果味，完全feel唔到。最後唔少得嚟個甜品，跟餐加$28。原本以為係三角形嘅件餅，點知出嚟個結果係咁精緻嘅檸檬蛋糕。一刀切開，佢入面有幾個層次，外層軟身，入面流心，仲有啲好似乳酪。食落勁香口檸檬味，而啲檸檬又均勻滲透整個蛋糕，呢28蚊值得一加。最後埋單兩個餐連加一盛惠$453

平日夜晚6點幾去到唔洗等位～座位都幾舒服，同其他枱有啲距離朋友嗌咗香蕉芒果沙冰，好飲！上面嘅cream好邪惡我就飲檸檬蜂蜜，係凍嘅，一嚟到我以為係熱，因為平時熱先會咁細杯但係飲落好舒服青咖喱軟殼蟹意大利飯：好食！啲飯辣辣地好開胃隻軟殼蟹仲炸得好好味！原隻波士頓龍蝦. 牛油軟包. 薯條. 龍蝦湯（小）：龍蝦包真係充滿龍蝦肉，麵包都整得好軟熟一開始仲諗緊細細杯係咩嚟，睇返menu先知係龍蝦湯都幾好飲以前試過外賣意粉，但係食完冇咩印象，我諗正正常常掛不過今次嘅嘢食真係唔錯食完出到嚟見好多人排緊隊

星期六約咗朋友喺九龍灣食lunch🍽一早已經決定食呢間之前去過荃灣嗰間店環境都舒服諗住靜靜地可以傾吓計都預咗星期六會好多人，好彩今次唔係等咗好耐，唔使半個鐘已經有位✌🏼店員都好有禮貌，一坐低已經有提供溫水，我哋一行三人揀咗四樣嘢食諗住happy share西班牙辣腸海鮮通粉有驚喜😏平時食開辣腸都係配蕃茄醬🥫估唔到呢個幾特別🤔小小辣好開胃🤏🏼值得一試香辣單骨雞翼都好出色🌈上到枱食嘅時候仲係熱辣辣另外單骨雞翼都有三四種唔同嘅口味，如果你鍾意食雞翼嘅一定要試，餐牌上亦有提供素食菜式🥗就算有朋友係素食者都有唔同嘅選擇總括嚟講食物質素唔錯價錢合理💁🏻‍♀️其實Beans好多地方都有分店🗺大家經過開都可以試吓💯