影片
更多
2016-10-10
4056 瀏覽
上次去荔枝角嘅The Americano時，偶然發現依間意大利小店Pizza Piazza，門口開得有少許隱蔽，好易走漏眼，之後再上網睇睇風評唔錯，對我嚟講荔枝角區又頗就腳，所以，約咗個老死過嚟一齊試吓，人算不如天算，佢啱啱被老細扯住走唔甩，既然坐落就唔好意思就咁走，唯有獨腳戲食番餐。從門面都可以窺探室內嘅情況，走進餐廳，一室灰藍與白嘅配襯，木地板，天花吊起少少盆栽，予人一種自我小天地之感。睇店名就知店家主打喺意式薄餅，所以 ，一大版喺各式各樣薄餅，價錢由$108-$178，亦有自組款式，都喺12吋嘅拿坡里薄批。但喺，一支公好難食一個薄餅喎，故此，後面一版晚市套餐就實際啲，套餐嘅形式頗得意，因為，可以點前菜、沙律、小食或主菜，再加多$38就成為一個套餐，所包嘅喺是日餐湯及甜點 / 飲品，都幾自由。唔收加一服務費，收費更實際！西蘭花忌廉湯喺今晚嘅是日餐湯，西蘭花個味道比較清，但忌廉湯個質感打得好滑，雖然個湯唔喺好花巧，卻喺有水準嘅出品。伴湯仲有個小圓餐包，拎上手喺熱烘烘，喺一個窩心位，咪睇少依一點，個包熱唔熱都影響咗個第一觀感。自家製蕃茄芝士醬扁意粉配孖寶虎蝦 $128兩大隻虎蝦煎得焦香
從門面都可以窺探室內嘅情況，走進餐廳，一室灰藍與白嘅配襯，木地板，天花吊起少少盆栽，予人一種自我小天地之感。
睇店名就知店家主打喺意式薄餅，所以 ，一大版喺各式各樣薄餅，價錢由$108-$178，亦有自組款式，都喺12吋嘅拿坡里薄批。
但喺，一支公好難食一個薄餅喎，故此，後面一版晚市套餐就實際啲，套餐嘅形式頗得意，因為，可以點前菜、沙律、小食或主菜，再加多$38就成為一個套餐，所包嘅喺是日餐湯及甜點 / 飲品，都幾自由。唔收加一服務費，收費更實際！
西蘭花忌廉湯喺今晚嘅是日餐湯，西蘭花個味道比較清，但忌廉湯個質感打得好滑，雖然個湯唔喺好花巧，卻喺有水準嘅出品。伴湯仲有個小圓餐包，拎上手喺熱烘烘，喺一個窩心位，咪睇少依一點，個包熱唔熱都影響咗個第一觀感。
自家製蕃茄芝士醬扁意粉配孖寶虎蝦 $128兩大隻虎蝦煎得焦香誘人，令整道菜嘅賣相都變得非常吸引，而且，蝦背已鎅開，以刀叉輕輕一軋一擰已可以取出蝦肉，蝦肉十分爽甜且彈牙，可見餐廳用料不賴；至於啲扁意粉，落單前店員會問你需唔需要煮腍少少，擔心有啲客唔慣，咁我就梗喺叫佢唔好啦，要有咬口先好食，的確啲扁意粉煮到啱啱好，煙韌有咬口，個自家製蕃茄芝士醬清新鮮活，炷炷麵都掛滿汁，實在好食。
自家製蕃茄芝士醬扁意粉配孖寶虎蝦
$128
79 瀏覽
1 讚好
0 留言
香蕉批是日甜品有香蕉批或意式奶凍揀，以前者較特別，所以，揀咗香蕉批，實在無揀錯，超好食。外型有啲似意大利芝士餅，而食落口個做法都有一半似，以消化餅做餅底，做得夠薄，中層喺香蕉果蓉，清甜充滿蕉味，上層喺馬卡風芝士，輕柔軟滑，再好似意大利芝士餅咁灑上唂咕粉，成年事就變得美妙至極。
香蕉批
$30
52 瀏覽
1 讚好
0 留言
因為揀咗甜品，所以，想嘆咖啡就要額外落單。翻菜牌時都對比過，如果要餐飲，而是日甜品額外落單有無著數，其實都喺一樣，因為是日甜品都喺賣$30。不過，如果套餐揀飲品先，甜品另外落單嘅話，就會有更多選擇。
鮮奶咖啡 $30咪睇佢小店一間，咖啡都有唔少選擇，心水就梗喺鮮奶咖啡啦。拉花都算做得細緻，咖啡味道醇香，只喺口感未夠平均圓潤，飲到尾會有少少奶泡未撞勻啲濃縮咖啡嘅感覺。但以$30而言，亦絕對喺一杯好抵飲嘅鮮奶咖啡。
到廠廈搵食不時都有驚喜感，有時，更會喺遇上卧虎藏龍之地，今晚晌Pizza Piazza所食到嘅嘢，極具水準，加上招呼又好，喺可以帶俾客人驚喜嘅小店。
張貼
