Lúa (已結業)

被這家越南餐廳美麗的外觀吸引，一直都渴望到來一趟。餐廳內的漫天燈籠確然壯麗，美不勝收。牛肉雜錦湯河，跟有檸檬角及大量芫荽。呷了口湯，果然清淡無比，馬上放入所有芫荽及檸檬汁，竟也未能突出鮮味。雜錦有牛肉、牛腩、牛丸、牛肚和扎肉，但跟湯一樣都是不夠味的。河粉軟滑卻不夠爽，大量芽菜再進一步沖淡了湯，這碗湯河未如人意。反觀法包就高分得多。首先法包極度的脆，包肉亦不飽滿而軟。香茅豬肉充滿香茅味，肉片又厚又腍。而最精彩的必然是多到爆瀉的鵝肝醬溢瀉湧出，此為之醬爆！雖然邊食邊跌，有點狼藉，不過每一口都是幸福！小食拼盤選了豬肉春卷、桔仔汁雞翼以及串燒牛肉。豬肉春卷脆而不膩；雞翼雖無甚桔仔味，倒也算大隻，肉亦細嫩有汁。沒有想到串燒牛肉，居然是一團免治牛肉捲在一條香茅來燒，難道蔗蝦變成茅牛乎？！串燒大蝦無可否認蝦是巨型的，奈何不知為何蝦肉超級紮實，莫說爽口，要從竹籤扯出來也甚是艱，配的蘸汁應該是甚麼牛油之類，卻又是無味的，食完只覺一口的油。飲品是越南百分百甘蔗汁配鹹柑桔。飲到蔗汁的香甜，鹹柑桔的味則是微乎其微，可有可無。裝潢引人入勝，惟食物只有法包可取而已。

Late Merry Christmas!!!🎅🏻 又到聖誕節啦🤣今次就去左呢間bookmarked 左超級耐嘅餐廳去食聖誕大餐😆 次次經過銅鑼灣都會比佢啲燈籠吸引住🤩想黎呢度打卡好耐～呢排終於去左～冇諗過呢間餐廳除咗啲裝修睇得之外，啲嘢食都唔錯，仲要有歌手係入面唱歌表現😆真係一次過滿足晒三個願望～🐔檸檬葉焗越南少女雞聖誕節要食燒雞焗雞是常識吧😂 表示第一次食越南嘅焗雞～平時都係食開pho多首先隻雞好大隻同埋係焗得超級嫩滑，真係一啲柴嘅感覺都冇，同埋入邊焗得一啲都唔乾，係超juicy🤤 聽聞係隻雞係未生蛋嘅雞，所以啲肉質特別鮮嫩😋 然後係主要用粗鹽焗，再撒左啲鹽焗粉同檸檬葉喺面，所以食到鹹味嘅同時都會散發住檸檬嘅清香～ 佢仲有個自己調嘅sauce，就用左柑桔汁、青擰汁同荷葉去調較出嚟，食落口酸酸甜甜，完全可以消除飽濟感🥰佢仲有附送個越式沙律，除左菜，仲有蘿蔔絲有洋蔥絲，個汁同個味都係酸酸甜甜咁，有啲似泰式沙律，都係又健康又可以醒胃嘅菜式～🐷香茅豬肉法包⭐️⭐️我係超級推薦呢個包！！呢個包真係超級足料超級好食～首先佢個法包焗得係超香脆，又唔會凍冰冰～感覺有少少似澳門嗰啲豬扒包嗰啲皮咁，但一啲

🇭🇰Lúa·呢間餐廳我之前見好多人食過㗎喇 佢啲燈籠真係幾靚🏮可惜我哋去嗰日燈籠嗰邊坐滿晒 不過我臨走之前都有去嗰邊好快咁樣影咗一張相😈😈·豬湯檬$119 l 香茅豬肉法包$98我覺得佢啲野食比我想像中好味都幾多 佢個豬湯檬湯底好濃 加埋啲青檸汁真係超有越南既感覺🍋而且佢入面係有好幾款扎肉既 而且全部都係厚切 口感好好 我自己比較鍾意佢既豬耳扎肉 因為佢食落有啲脆脆地既口感 好正 之後佢既豬肉丸都好好味 佢豬肉味好濃 而且好彈牙 口感好好😍😍佢入面仲有舊炆得好淋既豬軟骨同埋豬肉碎 超級豐富🐷之後佢個法包都好好味 佢個法包係焗到超脆 而且佢中間既豬肉超級juicy 配埋佢個豬肝醬同埋好爽既蔬菜絲超級惹味🤤·酸甜柑桔汁無骨鳳爪 $108 l Lúa招牌粉包炸兩(6件) $48 l 大叻炒夜香花$158之後佢個無骨鳳爪都幾有驚喜 佢個鳳爪口感好好 配埋個少少辣辣地既柑桔汁超級開胃😋之後佢個粉皮炸兩其實就係平時既炸越南豬肉卷出面加咗一層腸粉咁樣 不過我自己就覺得佢出面個粉皮偏厚少少 但係配埋個泰式酸辣醬都好味既😌😌最後個夜香花我哋都係第一次食 佢係真係一朵朵花芯咁 食落係澀澀哋甘甘地 都幾特別

✨班蘭布甸法包配自家製椰子雪糕💰98💫評分: 8.1/10📝斑蘭麵包布甸用qr code落單已經可以揀後上叫起❣️斑蘭布丁份量好多，斑蘭味好重,酥脆法包配椰子雪糕 ，冰火交融，有驚喜既甜品！見啲人叫另一款甜品越式牛油果慕絲都好吸引！✨香茅豬肉法包💰98💫評分: 8.3/10📝 法包同樣好鬆脆，配香茅豬肉片，加酸蘿蔔、青瓜、菜、扎肉等，口感豐富惹味，醬汁愈食愈辣，去到最尾嗰啖一定勁過譚仔3小辣！第一次覺得越式法包好味😋✨鮮蝦墨魚炒檬粉拌BB蝦💰268💫評分: 6.5/10📝檬粉唔覺油膩，BB蝦其實喺正常size隻，仲有彈牙墨魚仔，不過味道有啲清淡，所以我同朋友加咗側邊啲醬！✨Lua 招牌粉包炸兩(6件) 💰48💫評分: 7.7/10📝自家製粉包皮，質感好滑，中間包咗鬆脆嘅春卷皮、蘿蔔絲、配酸辣醬一流✨熱雞蛋咖啡💰46💫評分: 6/10📝面層喺熱雞蛋🥚再加咖啡一齊飲，仲有啲酒味，配搭特別不過我就唔喺好飲得慣，超多層次，杯嘢最靚喺有餐廳名！Lúa📍銅鑼灣東角道26號怡安大廈1樓13-15號舖及地下13-16號舖(銅鑼灣🚇D4出口行2分鐘)💫評分: 7.5/10💬推介食佢嘅班蘭布甸法包配自家製椰