彌敦左岸

營業中

休息中

香港的娛樂確實比歐美地區為多, 卡拉ok, 酒吧, "波樓"等, 多不勝數。而香港人要求高, 經常都要有新鮮感, 店鋪要走多元化, 不斷脫變才能滿足取悅到多多要求的顧客。從前酒吧都是放工後跟同事happy hour的地方, 近年酒吧不單單是喝酒的地方, 還提供午餐, 甚至是晚餐的場所, 而且食物質量還挺不錯。這間"彌敦左岸"光是名字會以為是位於彌敦道, 其實是坐立酒吧食肆林立的赫德道, 而且門面的大招牌搶眼非常。之前到來是為happy hour, 這趟則為晚飯而來。酒吧分成兩層: 下層可跟三五知己邊喝啤酒邊看球賽。而上層是品酒區, 用餐區之餘, 走到盡頭更有放了樂器的舞台, 原來每晚八時後會有樂隊現場表演。較早前更請來本地樂隊"觸執毛", 蠻喜歡他們的音樂風格, 可惜錯過了。再走入一點, 還有更隱蔽的地方, 設有美式桌球供耍樂。一站式娛樂, 與其說是酒吧, 應該說是clubhouse更貼切。先點上飲品, 作為酒吧, shooter, whisky當然少不了, 不過這次沒有喝上酒精類, 反而要了mocktail和果汁。California Punch $58由紅莓汁, 橙汁和菠蘿汁組成的

今日去左一間好有feel既餐廳，黎之前都冇諗過原來入面咁大間。分左兩層，下層有個大屏幕可以一面飲酒一面睇波/聽歌，上面就好多座位，都幾有氣氛，亦都好大好闊落，行到最入仲有個area可以比客人玩桌球，原來每逢星期一至五既10點會有live band喺度表演，星期六會有DJ show，可惜我今日黎到時間尚早，冇機會欣賞。行到最入仲有一個桌球室，如果book左vip room就可以享用，就算冇book都可以用$60玩半小時，都幾多娛樂。我地兩個人黎到被安排坐呢個咁闊落既位，枱面有棧燈，店內播放住英文歌，幾舒服幾有氣氛。以為酒吧冇乜嘢食啦，原來唔係，食物都幾多種類。先叫左兩杯無酒精飲品Mint Pineapple Cooler入面有菠蘿、薄荷同梳打，淡淡既菠蘿味又帶少少薄荷味，都幾清新。Gunner淡淡既薑味，加上汽水，清清地入口舒服。法式龍蝦湯$68湯既濃度適中，可以飲到龍蝦嘅鮮味，飲完又唔會覺得口渴，而蝦肉都幾新鮮，旁邊既蒜蓉包外脆內軟，蒜蓉味香濃，就咁食都好好味。蟹肉香芒木瓜沙律 $118製作精美既沙律，用上各種食材:芒果及木瓜，吃到中間又食到啖啖蟹肉，食材新鮮，生果同蔬菜清甜，沙律感覺

GYM友生日，其生日飯局就自然多。她在4月底生日呀！！！！今晚終於輪到我了。這位GYM友真的交遊廣濶！她知道我在尖咀工作，願意稍移玉步，約定在尖沙咀的晚餐。目標是公司附近的餐廳，還必需要有她喜歡的～龍蝦。於是在網上搜索，找到這家餐廳。参考網上照片及意見，還可以吧！即便龍蝦不夠飽，還有其他款式！訂位後，告訴GYM友生日飯目的地。網上有地圖，真方便。大家約定在餐廳見了。　　餐廳地鋪是酒吧，樓上就是晚餐的地方呢！幽暗的環境，是談情的好地方。 有好几張枱己被留座了！也有客人連群結隊的來到。要處理最重要的事了：看餐牌　以龍蝦為首，再選一份肉類及一份沙律（扮健康）　　　　　下單後，把注意力回到我倆的世界吧！吹吹水，姊妹淘，分享扮靚減心得。我倆便對著這盞枱燈竊竊竊私語了。　　　　　　香煎北海道鮮帶子沙律配青檸醋汁 Pan-Seared Hokkaido Scalop Salad with lime Vinaigrette　　　三粒巨型帶子，比手指更厚。表面略煎至金黃色，外圍已變為白色圈圈，中間部份還是鮮帶子刺身的淡黃色呢！另外有法國邊豆，小蕃茄，蘑菇，三色椒，生洋蔥，火箭菜及沙律菜等配料。把法國邊

雖然唔係位處「彌敦道」，但位於尖沙咀心臟地帶既「彌敦左岸」呢個名真係改得非常唔錯。除左帶點英式風情，好等我地一眾七、八九十後懷緬過去之外，呢個帶點詩意既名字更加好似將我地帶到去另一個世界，將平時工作的屈悶通通一數而空！餐廳位於赫德道既地舖，樓高兩層。地面街舖主打happy hour想飲返兩杯既朋友，而樓上就係俾用餐同埋包場開party等等之用。雖然為處鬧市，但包場K房平日收費都只係$3000左右，就算周末時都係$5-8千蚊不等，咁既價錢可以坐到廿幾三十人都算合理啦！香煎北海道鮮帶子沙律配青檸油醋汁 ($148)：煎到火喉剛剛好既帶子非常鮮味，能夠做到表面香口之餘卻仍然食到僅餘既海水味，撈埋沙律上面既青檸油醋汁一齊食真係非常開胃、清新醒神！法式龍蝦湯 ($68)：龍蝦湯整體感覺唔錯，特別鍾意佢裹面既材料令到湯能夠有點咬感，配埋附送既蒜蓉飽一齊食剛好可以中和返湯既鹹味，值得推介作為主菜之前既點綴之選！焗原隻龍蝦米多配燒粟米，薯條及韓式泡菜 ($368)：龍蝦方面真係原隻開邊上，喺size方面真係「冇呃人」！龍蝦首先起晒D肉，之後再將D肉撈埋燈籠椒同埋蘑菇再擺返落個蝦殻到同芝士一齊去焗，超正

第一次聽到「彌敦左岸」呢間酒吧餐廳，以為係係彌敦道，原來唔係架，係係尖沙咀赫德道既。酒吧分兩層，上層佔地好大，環境暗暗地，好有英式酒吧既FEEL，偏入既位置仲有live band，可惜今晚無人表演，唔知幾時先會有呢?去完洗手間出黎之後，就見到好大張桌球檯，但係見無人玩，加上自己又唔係玩得叻，都唔係咁敢玩。呢間酒吧餐廳除左有酒飲之外，仲有好多野食，有沙律、餐湯、意大利飯、意粉、薄餅等等。蟹肉香芒木瓜沙律:沙律賣相好靚，色彩繽紛，睇到都好開胃，份量都好多，材料方面有蟹肉，芒果，沙律菜同木瓜等等。蟹肉味道鮮甜，配埋新鮮既芒果同埋而爽脆既沙律菜，味道非常清新。最值得一讚既係D沙律無咩點落沙律汁，好合我口味。法式龍蝦湯:龍蝦湯顏色呈橙紅色，未飲都聞到好香既龍蝦味，飲落後口感creamy，龍蝦味香濃，仲有爽口彈牙的龍蝦肉在內，好好味。旁邊既蒜茸包都唔錯，蒜香味好香，麵包烘得剛剛好。香燒西班牙黑毛豬肋骨配芝士酸辣汁:豬肋骨賣相好靚，份量都幾多，上檯後店員都好用心地幫我地切開，豬肋骨既醬汁係用芝士同酸辣汁整成，醃得都幾入味，食落甜甜辣辣，味道都幾特別，肉質方面都幾嫩滑。粗薯條方面脆香可口，不過就真係要

放工後與好友 Happy Hour 閒聚，公司附近的酒吧固然是合適的落腳點。一般酒吧普遍有兩個通病，一是場內充斥着煙味，二是地方太迫太嘈。今次到訪的酒吧餐廳好友之前來過一次，條件大體切合大家要求。酒吧分兩層，地下樓層設有大投影電視，方便邊飲啤酒邊看球賽。上層設長長的吧枱及敞大的用餐區，餐桌密度相對疏落，環境昏暗，裝潢帶古舊風格。近洗手間的位置，設有一桌球桌及足球機，旁邊更設有兩間獨立卡拉OK房供唱歌派對之用，設施多元化。在約晚上八時的時段，場中更有現場演唱，用餐氣氛更佳。食品方面，餐廳主要提供意式美饌，作為酒吧，美酒特飮固然選擇更多。頭盤香煎帶子沙律配青檸油醋汁，帶子選材大隻肉厚，鮮甜肉嫩，配上清爽的田園沙律已有不俗的成效。唯一要留意的是所投放的洋蔥，部分辛辣感過強，或多或少影響沙律輕盈味道的原意。餐湯兩道，野菌濃湯湯中雖載有碎粒野菌，但口味很顯偏淡欠香。法式龍蝦湯是比野菌濃湯好的湯品，雖然湯質仍是比較薄，其味道與滑感還算在合理水平。 筆者喜愛豬肋骨，所以此菜式常是餐枱上的常客。香燒西班牙黑毛豬肋骨配芝士酸辣汁，出品熱辣大份，亮點在於用上的醬汁，有別於常見的燒烤汁，主廚以芝士酸辣汁入饌