INN - I’m Not Nothing (已結業)

訂左檯7點鐘泥到I’m not nothing食晚餐。歐陸式嘅裝修增添浪漫環境氣氛。坐低無耐已經見到坐無虛席，泥呢度真係要訂位，閒日晚市都多人😳主菜方面分別點左2樣。香煎北海道帶子配香蒜辣味羅勒意粉（$138）帶子煎得好香，亦唔會鞋。整體來講意粉炒得好香唔會乾身，配合啲菇會多左口感，味道辣辣地好開胃！澳洲肉眼8安士配薯菜燒汁（$158）我地叫左5成熟，可以見到下圖真係做到5成熟無話過熟！牛肉較薄身，相對地唔會鞋同韌。配菜如薯條整得香脆可口！飲品方面叫左2樣青檸香茅薄荷梳打（$48）一飲就覺得好fresh✨✨夏天飲真係好match!最緊要係一定環督啲青檸同薄荷令佢地更加出味😋凍朱古力（$42）好濃郁嘅朱古力！唔係茶餐廳溝好多水沖嘅味！而且佢加左一大pat cream係面，睇得又食得，仲好邪惡啊🤩最後補上餐牌，佢嘅插畫畫風都好趣致😆總括泥講，餐廳食物價錢唔貴，而且都有質素，性價比頗高。泥開元朗可以一試！—————————————————味道：✨✨✨✨推薦：✨✨✨✨回頭：✨✨✨性價比：✨✨✨

元朗一向多食物，今次嚟到打卡餐廳之一嘅I’m not nothing，知道佢愈開愈多分店，所以嚟試下。環境餐廳行希臘風格，全店用白色，配綠色植物好有feel。餐牌餐廳都有特別設計，文青藝術風格，食物種類都可以話應有則有。 香煎北海道帶子配香蒜辣味羅勒意粉 $138 帶子焾身有咬口，意粉份量都頗多且好彈牙，辣味就唔算勁，再辣少少就更惹味！澳洲肉眼扒8安士配薯菜燒汁 $158 晚餐$158食到澳洲肉眼扒真係好抵，揀左5成熟，入面粉嫩程度有控制好係5成熟，肉味香濃，無乜筋同渣。榛子朱古力,香蕉,棉花糖,忌廉Crepe $68 見到望上話Crepe係必食，嚟到咁有格調嘅地方緊係要叫返d打卡食物。好多香蕉片，唔止表面，連入面都有，都幾飽肚，餅皮厚薄度啱啱好，個人口味就覺得可以再燶d。總括而言，打卡一流，食物上枱速度好快，情侶嚟又啱，一大班女仔嚟幫對方互相影相又啱！

I’m not nothing一直知道荔枝角有店，但依加元朗都有分店啦，方便哂我呢d屯門牛，不過menu好似係有少少唔同？夜晚6點開始係openrice book位，仲送生蠔同甜品，2揀1，甜品只送一客，如果要生蠔就每人一隻，好抵-香煎北海道帶子配香蒜辣味羅勒意粉 $138意粉尼到既時候，第一眼感覺意粉好似會好乾同無乜味，同平時見到既香蒜意粉個樣有d唔同，不過食落去原來係另一個層次，完全比佢外表呃左，原來係好入味既，不過辣味就唔出，但帶子都唔錯幾滑，唔會煎到過鞋🤤幾好食。澳洲肉眼扒8安士配薯菜.燒汁 $158 肉眼扒我地就叫左5成熟，不過我地都覺得偏熟，可能遲下要食番3成🤣個扒比較難切，所以肉質就鞋d啦。Crepes 法式班戟（芒果,青提,忌廉) $68最後訂位我地送甜品☺️整體成個甜品都唔太甜，不過唔中意佢配香料既芒果汁😖覺得個味好假，係成個甜品扣分點，可能配真正芒果溶會好食d😂整體餐廳環境都好舒服，係文青風，比大家打下卡，仲有室外坐位，個人覺得如果坐室外打卡就好d，不過夏天，怕熱既我就真係揀坐室內啦😂

今晚到了元朗鳳攸南街搵食。而這家新開張的「INN I'm Not Nothing」看似不錯，餐廳裝修簡約清新，營造出優雅悠閒的氣氛，坐得都舒服，不會很有壓迫感。香煎北海道帶子配香蒜辣味羅勒意粉煎香的帶子依然柔滑軟熟，外焦內嫩，非常可口。口感十足，意粉配上蒜香再加上辣椒乾和羅勒的香味，十分惹味，完完全全刺激我的味蕾，愈吃愈開胃，吃得津津有味。秘製蜜糖燒豬手配酸椰菜 豬手外皮烤得又香又脆，這個豬手最特別之處是用上秘製蜜糖燒成，除了豬手的鹹香味，還有清甜的蜜糖味，有點像蜜汁叉燒。豬手肉質嫩滑，肉汁豐盈，脂肪位煙韌，吮指回味。而豬手亦很有份量，也配有菠蘿及酸椰菜 。整體很滿意。法式班戟最後再點了法式班戟為這一餐畫上一個完美既句號。我挑了榛子朱古力和香蕉味道。法式班戟賣相好豐富，餅皮口感煙韌，味道和口感與熱香餅差不多，再配上Nutella醬和煎香蕉最Match的配搭，味道更加豐富，甜而不膩。「iNN I'm Not Nothing」雖則麻雀雖小，但五臟俱全。食物質素令人有意外驚喜，非常值得一試。