茜廊餐廳 (德福廣場1期)

營業中

休息中

九龍灣德福廣場的茜廊餐廳，營業了數十年嘅港式扒房，相信大部分人都會認識。喺德福行到唔知食咩好，不如就去茜廊回味一下，支持一下這間老字號西餐廳。作為港式扒房，夜晚一定要食吓茜廊嘅肉扒。🎏 香煎三文魚扒拼香煎鰽魚扒三文魚扒魚皮煎得好脆，一刀切落去，粉橙色魚肉爆出魚油。鰽魚扒亦都煎到微焦邊，魚肉卻保持嫩滑。雙拼滋味夠晒超值。🥩 特級西冷牛扒西冷扒夠晒重量，五成熟切開粉紅色肉芯仲滲緊肉汁，牛味夠晒香濃。點一點黑松露汁，會有另一番滋味。滋味分享，牛扒油香滴落薯菜上，會份外好食！
🥣🥖 紅白餐湯配蒜蓉包
紅湯羅宋酸甜蕃茄配牛肉粒；白湯忌廉就有蘑菇碎混奶香，配上蒜蓉包浸1秒，索盡精華。🍋 凍檸茶港式西餐，唔要咖啡要杯檸檬茶，檸茶篤到出汁先夠地道。喺九龍灣想平平哋鋸扒，回到基本步，過嚟德福廣場平台「茜廊餐廳」啦。

今日同好姊妹加佢囝囝到九龍灣食晚飯，見這間茜廊有推介晚餐滿$228就送兒童餐，又見幾多人食，就入去試試。環境都可以，算幾大；但服務就麻麻，見服務生常常放錯餐點單錯枱號，有點求其。我們點了2個晚餐（包餐湯+主菜及飲品）餐湯點了羅宋湯，好好飲，唔會太辣又濃郁又多菜多肉，餐包更是香脆又有牛油香味，幾正又大片黑松露雞肉飯唔知點解要有2條天地線插住（是裝飾嗎？但雞肉好軟腍、黑松露都幾香又唔會太濃、飯軟硬剛好，幾好食梅頭配吉列蠔薯菜好大一塊梅頭豬，雖然有點肥膏，但好腍好易咬；炸蠔好脆又濃蠔味；配菜的沙津菜都算新鮮，配上少少千島醬唔錯；可惜是薯仔有酸味，無食哂兒童餐有藍色黃色車車選擇，有不同意粉口味及配料不同男囝當然選了藍色，薯條都幾大條幾多薯條蓉在中間，豬柳都唔會太乾身，肉醬意大利粉可能凍咗有點硬了；另有一杯小橙汁送

朋友話黎哩間試下.之前都search過, 只係椰林閣級數既食物, 但價錢可以去到70蚊即管睇下係乜頭乜路入到去感覺一般張台布仲有積, 講真衛生真係麻麻朋友叫左滑蛋吉豬飯$73, 我就食葡國雞飯$56有跟餐包餐湯野飲餐包都算係半個蒜蓉包. 不過係用豬仔包整既有焗同唔焗揀忌廉湯都幾creamy, 仲好多菇...葡國雞飯, 仲以為佢係焗架添. 原來分開上賣相都唔差. d 汁尚可但d 雞都幾唔掂, 好多碎骨, 就算就咁食羹汁都會有碎骨, 差d 咬崩牙d 雞都幾大舊, 但最後都食淨兩舊, 因為頂唔順要係咁揀骨出黎, 太麻煩了朋友既豬扒飯. 個滑蛋做得唔錯, 又唔會好實, 有d 蒽香味, 幾有茶餐廳feel吉豬亦都炸得脆同唔係太油野飲唔算大杯, 只係中size, 叫左檸檬茶, 好啖其實睇住張menu真係冇咩嗌得落, 因為d 野好普通但又好貴.論環境食物同服務都唔係好突出, 唔明點解佢set 個價咁貴, 完全唔值冇下次