哥哥添飯•妹妹泡茶

J12 麻油薑母鴨 併 白飯（$62）大約有六件鴨，薑味微辣，麻油味唔出，醬汁咸咸甜甜，味道是可以的。鴨件入味，但肉質好嚡，完全唔嫩滑。白飯可以免費加大。tm12 燒仙草奶茶鐵觀音（+$18）半糖微冰，鐵觀音味幾濃，但整體味道普通。仙草份量適中。J5 養生花雕醉雞濃湯麵（$62）好濃嘅花雕味，而且味道不錯，但可惜雞肉同樣都唔嫩滑，連雞翼、雞槌啲肉都係嚡的。半隻糖心蛋算係最好味。湯麵湯底好清，只有咸味。麵條普通，似759貨色。tm3 黑芝麻泡沫奶茶（+$14）微糖微冰，黑芝麻好似好多，但味道唔出，整體味道又係普通。如果一定要搵亮點，唯有揀醬汁，其他都無咩特別。唔試唔可惜。PS：自己 scan QR code 落單。沒有加一服務費。…查看更多

有朋友曾經推介過呢度俾我，話嘢食好抵，特別是下午茶時段。嗰日我去開大埔，就早啲出門口去呢度食午餐，1點去到坐滿人，要搭枱呀😥🍗🍜 養生花雕醉雞濃湯麵 (HK$59)．先食件雞件，滿滿花雕酒香，是雞髀肉，好入味，味道甜甜地嘅，口感軟身、嫩滑，好正呀！．接住就係飲湯，好濃郁嘅牛肉湯底，麵條煮得軟硬適中帶有咬口，相當會掛湯，令我每一口都牛味滿溢．最後就係食滷蛋，溏心的蛋黃，呈現啫喱狀，蛋白有些少滷汁味，好味呀😋☕️ 熱台式烏龍奶茶．口感奶滑，有茶味，但奶味比較重啲…查看更多

約了友人到大埔食飯同拎台灣手信，Thanks>3<~!友人推介到哥哥添飯•妹妹泡茶，都係台灣菜wwwwww。餐廳裝潢簡約，面積頗大，感覺明亮。餐牌，食物都幾多選擇，見招牌係牛肉麵就試下。老細萬歲黑糖珍珠奶茶 ，跟餐價$18，好大杯，奶茶入口順滑，少甜，珍珠份量適中口感煙韌。炸芋圓，$18，幾特別，外層少許脆，內軟身，味道香甜。養生花雕醉雞濃湯麵，$59，友人的。正宗紅燒手切牛肉麵，$78。都幾大碗份量十足，牛肉厚切口感鬆軟，湯底味道濃郁，麵條彈牙，都不俗呢。食物味道幾好，價格合理，下次有機再試其他。…查看更多

餐廳設計簡約大方，讓人感到寬敞大氣，營造輕鬆舒適的就餐環境。主打賣相吸引、份量誇張的台灣料理。雙層吉列漢堡芝士煎蛋魯肉丼飯頂層一塊脆邊煎蛋，兩大塊外脆內軟的日式吉列豬肉漢堡，中間夾住一塊熱溶拉絲芝士。人工手切半肥花腩油香撲鼻，混合粒粒分明日本珍珠米，吃起來黏唇迷人。招牌牛腱肉牛筋麵牛腱心軟嫩入味又有肉香，牛筋口感好冧而且軟滑，配上醇厚醬油的湯底，甘甜蓋過了油膩，食起來溫而不火，濃而不膩。滷豬腿拌芥辣汁魯肉丼飯經過濃郁滷水慢火烹煮，把豬腿外皮燉得軟滑鬆化，拌上特製日式芥辣汁更能醒胃提味。養生花雕醉雞濃湯麵陣陣酒香浸住嫩滑雞肉，不會過於刺鼻，醉雞外皮光滑富有彈性，肉質軟嫩保留肉汁並與酒香融合入味，亦不過於濃烈。重碳焙桂香烏龍奶茶(左), 甘香西柚百香果氣泡茶(中), 鮮手工製芋圓烏龍奶茶(右)…查看更多

大埔最近新開一間台式店,收工經過就去試下~可能因為冬天,所以有期間限定嘅養生花雕醉雞!佢嘅醉雞好香酒味,但又唔會嗆喉,又滑又好食~連啲杞子都勁大粒,吸飽咗醉雞汁好鮮味~而濃湯麵個湯底唔錯,麵仲好滑身添~唔想食鹽酥雞咁悶,呢度有幾款炸雞口味俾你揀~我哋就揀咗蜜糖芥末蛋黃醬,酸酸辣辣好開胃,大大件炸雞脆卜卜外皮~呢度仲可以俾你選唔同丼碗,走碳水嘅朋友仲可以揀菜丼添!我哋就揀咗鹵肉丼碗,滿滿嘅鹵肉真係撈飯一流~比起食物,我覺得呢度嘅飲品更令人驚艷!佢嘅重碳焙烏龍適合喜歡濃茶口味嘅人士,烏龍好香,不過桂花味就唔太夠~而我覺得鐵觀音仲正,飲得出個茶底好好~淡淡嘅清香味,再加埋奶同埋仙草,唔係一般台飲店嘅假味可以比美~後來問店員先知,原來用原片茶葉,難怪咁香~哥日去食飯時,因為仲係新店,所以有啲甩碌咁~但係啲店員都好熱心又好有禮貓,所以都幾滿意~相信我遲下都會再幫襯佢哋嘅茶飲,因為真係好香,令人一試難忘~…查看更多