源興美食

源興很多年前嚟過⋯⋯今次朋友安排，在朋友家中拜訪後，帶筆者進來，由於不用自己安排，所以食店名稱及地址都不用費心，幸福地作跟班就可以。但由於朋友也是首次到訪，駕車🚗在食店四周兜圈仍未搵到食店位置，最後致電到食店後才找到⋯⋯一到門口在後巷，筆者就記起原來多年前到訪過，上次和朋友找此食店，也是如此難找，所以一進來就有印象⋯⋯由於朋友安排，一些小菜已一早預訂杏汁白肺湯~杏仁味十足，但磨碎未算滑溜。燒鵝半隻$275~熱騰騰嘅燒鵝，配上紅酒一樂也。陣店义燒皇$96~筆者是一名义燒控，到來例必點义燒，燶邊夠腍入味，相當喜歡。椒鹽九肚魚拼鮮魷$128~單單看隻碟嘅Size 細細碟，相比其他菜式價錢略貴，但細看之下，原來㕑子用上了細一個碼的碟盛，碟大一點，相信感覺截然不同。風味茄子$92~外脆內軟，惹味非常，是一個很合襯的下酒小吃。燒鱔~當日可能出品太多，所以燒得皮過火，味道還可以的。炒通菜~有鑊氣又未算太油膩。家鄉蓮藕餅$98~原先想點咕嚕肉，但㕑子話比人食咗，由此可知，小店預計份量少，所以隔離枱食咗就冇得食。㕑子就整咗依碟蓮藕餅，真係半私房菜，㕑子有乜煮乜。糯米釀雞翼$46/隻~手功菜，要預訂。XO 醬炒麵$68~反沙芋頭$75~平時的反沙芋，外面是脆糖漿的一片感覺，而這裡的做法，真係反沙，陣陣沙糖碎。整體來說每碟都是熱騰騰出品，一讚，店內的女店員服務很好，夠細心。小小的店舖，㕑子煮完會走出來招呼，令食客感受到一份誠意。…查看更多

🇭🇰源興美食·呢間之前睇alfred介紹已經好有興趣架啦 不過真係要多啲人先可以叫到佢啲招牌野食 所以前排終於搵到幾個朋友仔一齊食🥳🥳而且佢呢度係無收開瓶費同加一 超適合同朋友黎聚會🥰·煲仔玫瑰雞$380/隻 l 蜜汁燒鰻魚$175 l 糯米釀雞翼$43/隻我超中意佢個玫瑰雞 佢係完全入曬味 好香玫瑰露酒味 而且豉油味香得黎唔會太鹹🤤🤤之後佢所有部位都好嫩 而且佢個雞皮仲係爽口既 完全唔會肥膩 超正🐤😍😍之後佢個鰻魚都燒到好香口 個皮超脆 而且肉質好彈牙😌😌個糯米釀雞翼都唔錯 因為佢入面有啲臘腸既 所以食落好惹味 不過就比較飽肚少少😈😈·風味茄子$88 l 源興咖哩羊腩$168之後佢個茄子炸到超酥脆 而且個茄子超juicy 好襯啤酒🍆佢個咖哩羊腩就係我地見到隔離檯好靚 所以跟機叫既 佢個羊真係煮到淋曬 而且完全唔會騷 好正 不過我自己就覺得真係有D辣 不過佢種辣唔係持續超耐個種黎既所以都ok😌😌·滋潤杏汁白肺湯$238 l 香滑椰皇布甸$29之後佢個白肺湯我自己都覺得好中意 佢係好濃杏汁味 但係又唔會好似杏仁茶咁搶 飲落好舒服🥰而且佢入面既白肺好厚身 口感好好 不過我地另外有朋友就唔係特別中意佢個比較漿口既質感🤣🤣最後佢個椰皇布甸都好滑 好好食 整體我都幾中意 不過佢呢度個裝修係偏茶餐廳少少既 所以就坐得無咁舒服咁 勝在可以坐到收鋪😈😈·#rbyeat#rby港式#rby鰂魚涌·📍鰂魚涌海光街11號漢威大廈地下7號舖…查看更多

呢間餐廳係見有位Youtuber介紹，話要預先book位，仲要預留定菜先，就專登黎食，間餐廳個位置有啲難揾，係條巷仔入面。Book位順便就預留埋一份例牌燒鵝($155)。賣相係靚，不過食落係肥膏偏多，但味道係香，肉味都重，個皮都脆身，但就真係肥咗啲。椒鹽九肚魚($98)，其實我覺得冇乜椒鹽味，似係有加小小調味，之後炸咁。脆皮燒腩仔($135)，呢個幾推介，好脆同個油脂分佈得好好，食每一舊都好過癮。風味茄子($88)，都算招牌菜式之一，不過唔知係咪調味重手咗，呢碟好鹹。其實呢間餐廳既食物表現中上，不過環境同服務有待改進。啲位置係相當逼，直情要背貼背，加上睇得出員工對熟客就特別好招呼，本身我地仲打算嗌糯米雞翼既，嗌咗話有，轉頭又話冇，但係就見到隔離枱熟客遲我地小小嗌，但佢地就有。熟客都係由新客做起，如果客人可以感受到餐廳對新客既熱情，同環境可以稍為再執下，應該會更好。…查看更多

~ 杏汁白肺湯坊間大路做法。。。先把杏仁加水用攪拌機打成漿，過篩後再把杏汁加入豬肺湯中，湯汁加熱至翻滾，加少許鹽調味即成。實話實說，足料無味精，不過杏汁”漿”湯頭非個人所好，入口感覺有點濃郁妖艷（個人仍是喜愛用原粒杏仁清燉做法。。。）～ 蒜蓉蒸扇貝合格～ 蒜拍青瓜海蜇份量足，價錢公道，味道合格～ 風味茄子外層粉漿炸得肉嫩皮薄脆身，配合炸蒜非常香口，送白葡萄酒一流，要挑剔的話鑊油建議勤換小小。～ 秘制家傳豬手大大件，咬落皮滑肉綿，合格。～ 蜜汁燒鰻魚招牌餸，用上大白鱔嘅靚腩位，師傅已去骨，入口皮脆肉滑滿滿油脂同蜜香，好味道。～ 糯米釀雞翼臘味糯米飯先炒香後釀入雞翼再生炸。 入口熱辣辣，雞翼皮脆肉軟綿，上乘花功夫作品，建議必食之選擇。～ 煲仔玫瑰鷄合格～ 咕嚕肉豬肉選料肥瘦適中、芡汁做到剛剛均衡地掛到每件豬肉和配料上、唔會多、唔會小、合格。～ 花雕蛋白蒸蟹蛋白嫩滑，花蟹足料夠新鮮，合格。～ 蒜蓉炒芥蘭成晚最失望嘅出品！先用水煮後再加油兜亂。。。生炒真係咁麻煩？綜合嚟講係一間用心做嘅小店，希望老板同師傅再俾多兩錢肉緊，期待下次再嚟過。支持小店！…查看更多

風味茄子 ($88): 炸得脆身, 而且炸粉薄, 可以食到茄子肉, 而且仲鎖得住茄子汁, 唔會冇味, 又幾惹味, 用黎送凍飲一流！蜜汁燒鰻魚 ($160): 哩碟菜係最特別, 佢用慢火慢慢將條鰻魚燒熟, 再一路將啲蜜汁慢慢滲入去啲肉度, 令到條魚能夠保持原本既鮮味, 再加埋蜜汁既配襯, 幾夾幾夾, 另外一提既係佢整得啲肉幾彈牙, 有別與平時街外食到, 值得一讚！杏汁白肺湯 ($88): 清清淡淡幾潤喉, 但比較偏重白果味, 略嫌豬肺唔夠出, 同埋口感唔夠綿糯米釀雞翼 ($38): 哩個就正常水準, 雞肉唔算特別嫩, 糯米唔係特別香口, 但佢包糯米既手藝幾好, 咬開雞翼口啲飯都唔會即刻跌曬出黎, 而係痴住隻雞翼, 唔錯唔錯！豉油皇鵝腸 ($88): 哩道菜比較遜色, 鵝腸唔夠肥美, 亦唔夠爽, 再加上豉汁入唔到落啲腸到, 搞到成碟野冇咩味椰皇布甸 ($29): 哩個甜品有驚喜, 椰汁味夠重, 而且好滑, 就好似食緊奶凍咁樣, 椰子愛好者, 可以一試！…查看更多