河內越式料理 (西洋菜南街)

旺角行完街經過見到店內都九成滿座，而且行到攰想搵個地方食嘢坐吓，就入咗去幫襯！在餐廳內不斷見到有食客入黎，感覺上餐廳應該有甘上下質素先會吸引到食客，令我更加期待呢一餐。食物款式種類繁多，基本上越式食物都可以喺餐單上搵到！午餐及下午茶各有menu ，而且小食飲品都有好多選擇，一定會有一款合適。順化蕃茄蟹肉扎肉湯檬因為天氣熱，就order 左酸酸開胃湯粉。蕃茄茄湯是精粹，好濃味，但不是味精；配合蟹肉鮮味，好夾！基本上食完湯粉都飲埋個湯！魚露扎肉炒河粉份量十足，上菜時魚露味好香好重，熱辣辣，好有鑊氣；扎肉已幫手切埋一條條，加上越式辣椒醬是另有一番風味！越式豬頸肉豬頸肉肥瘦適中，肉質鮮嫩，比想像中有驚喜！濱海伴香茅牛肉原來濱海是一條條米粉組成一個米團；香茅牛肉即叫即燒，滿有肉汁，加上魚露，生菜，九層塔，十分香口！芒果沙冰值得一叫的飲品，因為它不是用糖水製成，不會只有死甜味道！喝得出使用真芒果製成，而且還夾雜着芒果肉可以吃，喝完清爽舒服！吃完這餐，我終於知道呢間餐廳點餐客似雲來！…查看更多

今年3月中去咗一轉越南芽莊，輕鬆渡吓假，由於芽莊喺個沿海城市，海產豐富，所以，嗰幾日我哋食海鮮居多，反而越湯粉就較少食。今晚兩公婆就懶煮，出嚟尋味搵食支持吓本土經濟，近近哋揀「河內越式料理」，貪佢一出地鐵站口附近就喺，加上風評不俗，定價實惠。雖然鋪仔細細，但裝修都幾骨子，偏向摩登嘅設計，唔多見啲傳統嘅越南擺設，反而有啲藝術嘅裝飾，個人嚟講，最緊要喺乾淨企理，坐落感覺舒服。食物嘅選擇都幾多種類，包括越式湯粉、越式撈檬、飯類、越式三文治、米紙卷類、沙律類、濱海類、小食、廚師推介、精選菜式……等等，最抵食喺個「優惠二人餐」，不過，啲湯粉選擇唔喺好啱老婆心水，加上佢有唔喺必須嗌嘢飲，而散點又有追加小食，計落個價錢都OK喎。餐牌最尾一頁喺飲品，包括多款特色飲品、沙冰，為顧及個別人士需要，亦提供少量港式飲品 同埋幾款暖意風情熱飲。最好就喺嗌咗主食，有得加配飲品，唔一定要叫套餐同樣可以慳返好多。枱面就放咗一啲特色嘅調味醬料，而餐具、餐紙、牙簽等就放晌枱側拉櫃中，排列整齊，自由取用。越式手打炸蝦餅（細）$33既然可以追加小食，當然用盡啲配額啦，先試一客炸蝦餅，喺咪真喺手打就唔知，但食落真喺好彈牙，又夠蝦鮮味，外層炸得脆口，卻唔油膩。上湯灼田原菜 $20老婆就鍾意食多啲菜，當然額外嗌多碟灼菜俾佢啦，雖然睇表面只喺灼菜一碟，食落又覺得有啲唔同，啲生菜以上湯灼，我估就正正喺淥河粉啲牛骨湯，所以，特別有陣陣香味。越式河內三寶飯 $72食燒味經常都會聽到三寶、四寶飯，估唔到呢度都有個三寶飯，可以一次過試晒香茅豬扒、香茅雞翼同扎肉，睇相都見份量十足，配埋啲醃菜，平衡返啲炸嘢。豬扒好鬆化，雞翼就好嫩滑，炸得香口，充滿香茅味，扎肉好有彈牙感，絕對唔啲平假貨，此外老婆竟然讚啲白飯好食，話軟熟得嚟有口感，我就鍾意撈埋啲甜豉油同蔥油一齊食，滋味滿分。順化蕃茄蟹肉扎肉湯檬 $68大大碗湯檬嚟到，好墜手，好夠份量，睇啲色已經覺得好對辦，未食都有期望。通常嚟啲越南餐廳食湯河都牛骨湯，蕃茄湯就比較少，先試啖湯，蕃茄味酸香鮮活，絕對唔喺搵茄膏推嗰啲貨色，再唧少少柑桔汁，更有畫龍點睛之效。最開心就喺唔使動手就食到啖啖蟹肉，呢個先喺我叫佢嘅重點；至於啲檬粉，入口都好滑溜，而且，份量真喺估唔到嘅多，真抵食。鮮芒果沙冰 $36沙冰嘅份量非常之足，夠晒大杯，滿到瀉咁滯，好有睇頭，仲加咗少少芒果粒作點綴，沙冰嘅芒果味好清甜，口感幼細，飲到尾都飲唔到咩碎冰，反而感覺有少少似奶昔，總之就襯晒熱焫焫嘅湯檬！西洋菜街搞搞吓可以講喺發展咗成條食街，兩旁食肆林立，選擇非常之多，又各有特色。而我哋今晚食咁多嘢都喺二百鬆啲，真喺好抵，嘢食又有質素喎，加埋份量十足，值得再撐嘅小店。…查看更多

放工約朋友去太子附近搵食，諗起西洋菜南街嗰邊多選擇就行過去睇下～見有間越南菜座無虛席咁，而且門口餐牌價錢幾大衆化，朋友又話想食湯粉，咁就等位食呢間啦～ Order咗幾款~~賣相幾好!!順化蕃茄蟹肉扎肉湯檬 $68蕃茄湯底酸甜度幾好，唔會過酸，夾住蟹肉、檬粉一齊食多咗份鮮甜味，有驚喜！不過個人就略嫌配料較少河內生牛肉湯河粉 $59熱辣辣嘅牛骨湯頭，令生牛肉剛好浸熟，牛肉食落嫩滑，配上大量配料，夾住河粉一齊食可以減去油膩感，推介！追加小食～ 越式手打炸蝦餅（細） $33大大件，炸到外面好脆、入面彈牙，點埋雞醬 一流！追加小食～ 香茅雞翼（2件） $23睇落以為外皮好乾，但咬落入面幾juice，雞翼都夠大隻，唔錯～主食加錢配飲品熱蜜糖柑桔+$5好足料！落咗3、4個柑桔仔，配埋蜜糖水，甜甜酸酸，夠潤喉椰汁紅豆冰 +$10紅豆夠軟糯，甜度啱啱好，配埋椰汁夠解渴，呢個配搭真係無得輸呢~值得一提，枱面準備好各款醬汁俾客人，唔駛下下要問店員拎～ 贊！晚市一個主食+ 小食 + 飲品 只係人頭一百蚊左右，仲要唔駛加一，價錢合理，性價比幾唔錯！雖然座位唔算好闊落，但坐得舒服，地方乾淨整潔！值得一贊！河內越式料理 (西洋菜南街) (旺角)旺角西洋菜南街204號地舖…查看更多

河內越式料理📍旺角西洋菜南街204號地舖味道：😋😋😋😋😋😋😋😋環境：🎑🎑🎑🎑🎑🎑🎑🎑服務：😏😏😏😏😏😏😏😏河內越式料理設有大圍、尖沙咀、旺角等多間分店，今次試咗佢嘅旺角分店，估唔到食物大件夾抵食，CP 值幾高喎😍我哋order 咗1️⃣順化蕃茄蟹肉扎肉湯檬🍜💰66湯底濃稠，既有蕃茄嘅酸酸甜甜、又帶有香料嘅清新，非常開胃😋一碗有三塊大大塊嘅扎肉，仲有絲絲嘅蟹肉🦀，扎肉肉質彈牙、蟹肉勁多同好好鮮甜，正啊！2️⃣越式豬頸肉撈檬🍜💰62豬頸肉肥瘦相間、鮮嫩多汁，麵條彈牙掛汁，撈檬酸酸甜甜，非常清新開胃，夏天食一流！😌3️⃣越式炸春卷（2件）💰22四個字：皮脆餡靚！餡料有蘿蔔絲、豬肉、粉絲同木耳等，非常足料，配合埋酸酸甜甜嘅辣好惹味😍4️⃣凍越南滴漏咖啡☕️💰18上層係咖啡、下層係煉奶，餐廳會提供一枝匙羹比你撈勻。估唔到撈勻後仍然keep 到醇厚嘅咖啡香、煉奶又唔會太甜、死甜，大推👍5️⃣鮮芒果西米露💰10食得出芒果好新鮮，唔係罐頭生果/用糖水浸住個種，椰香味濃，消暑解渴之選😆另外雖然餐廳客人好多、外面都好多人排隊，但店員好有禮貌同耐性👍👍#香港美食 #美食推薦 #美食日記 #越南菜 #香港美食推介#旺角美食推介 #越南嘢推介#越南餐廳 #平民餐廳 #打卡餐廳 #河內越式料理 #越南餐廳關注組 #越菜 #河內#旺角好去處 #太子好去處 #食在旺角 #食在太子 #是靚午 #mongkok #mk #princeedward #kowloon #hongkong#hongkongfood #vietnamfood #hongkongfoodie…查看更多

唔知大家會唔會有時都想食下啲comfort food(?)🤭普通茶記啊米線啊越南粉呢啲呢(皆因我都好鍾意～)今次就同母親大人👩🏻行街經過見到都唔錯咁就入左去試啦🙆🏻‍♀️-🎈順化蕃茄蟹肉扎肉湯檬 $69第一啖湯飲落去好香濃又帶點鮮甜！蟹肉份量唔算太多，感覺係輕輕作點綴！扎肉幾有口感，食完瞬間有種暖笠笠既感覺😚-🎈越式香茅豬扒撈檬 $64雖然近排天氣好凍，但仍無阻我食撈檬既決心🫣酸酸甜甜既魚露配埋檬粉一齊食好開胃🥳只係落少少魚露調一調個味都已經好出🤏🏻至於豬扒煎到金黃色咁，香口得黎唔算太油膩！-🎈越式炸蝦餅 (細) $32正常發揮，香脆彈牙！-🎈凍椰果椰汁西米露 +$10🎈凍芒果西米露 +$10-總括而言，呢間都真心抵食CP值超高❤️雖然越南粉呢啲唔算話定價好貴，但呢度講緊人均$80左右已經有個粉加埋杯特飲🤭(當然唔包小食xd)自己都覺得已經算係咁了～-🔸河內越式料理📍旺角西洋菜南街204號地舖…查看更多

👧🏻😋👅🍽✨越南平民風味好好味🥰-河內越式料理🇭🇰 旺角西洋菜南街204號地舖 🇭🇰-🌾牆上裝飾好有越南特色, 有斗笠, 著越南傳統服飾女子既畫作等等🌾湯, 撈, 小食都好多款, 份量多, 出餐快, 座位舒服, 用餐體驗好, 個斑蘭茶超好飲!!-🍅🦀🍲順化蕃茄蟹肉扎肉湯檬 $64💯蕃茄湯勁濃郁, 冇味精, 每條檬粉雖然比較碎但食落更索湯💯扎肉同蟹肉只係放左係面頭都唔算話超足料, 但湯入面仲有超多肉碎所以好鮮甜, 呢個價錢絕對抵食-🐷🌯🍲順化豬肉卷撈檬 $62✨第一次食順化豬肉捲勁正好肥🤣 唔係一咬落會爆油, 但肥豬肉好香口✨炸到外脆內juicy, 撈埋個撈檬汁食更佳-🐖越式豬頸肉（細）$29💯香茅味超重, 唔只係皮, 連肉都有, 肉質爽得黎好滑-🥥🍹椰汁珍多冰 跟餐特飲 +$10✨童年回憶! 本身諗住用匙羹食珍多, 但原來幼飲筒都吸到! ✨椰汁同珍多比例岩岩好, 全程用飲筒飲到尾一齊完成-🏉🍹龍眼冰 跟餐特飲 +$10💯龍眼放面岩打卡, 底有好多杞子, 整體唔會太甜, 清爽!-…查看更多

呢間越南菜嘅食物款式同價錢都幾大路(¯▿¯)周不時經過都想試下環境光猛舒適 湯麵撈檬飯餐款式好多～整體味道都𝚘𝚔𝚊𝚢啦—- ʕ•ﻌ•ʔฅ —-♡ 順化蕃茄蟹肉扎肉湯檬意想不到的VIP✨蕃茄湯底好濃郁 蟹肉份量亦都好多 檬粉索哂湯嘅精華 成碗都好鮮甜(*´▽`*)！扎肉亦好入味 浸喺蕃茄濃湯入面更滋味🥰.♡ 豬頸肉撈檬豬頸肉燒至微焦 邊位微脆 肉質爽口 唔嚡唔乾～撈檬配料比較簡單 有紅蘿蔔+生菜絲+少量花生 魚露甜酸度適中 食落開胃 味道正常發揮🫶🏻.♡ 椰汁西米露特飲將糖水變成飲品😆竟然冇想像中咁甜！反而椰汁味好香好突出 不錯～…查看更多

東南亞都係我幾鍾意既菜式之一，今晚Happy Friday就約咗朋友嚟呢度食晚飯😊❤️順化蕃茄蟹肉扎肉湯檬 💰6️⃣4️⃣個湯底超級夠味！飲落酸酸地，加埋啲青檸汁同辣椒就係另一個層次😙蟹肉份量唔多但鮮味👍扎肉彈牙，檬粉吸晒個蕃茄湯底好好食😋⭐️越式咖喱牛腩飯 💰5️⃣9️⃣唔知係咪越式嘅關係所以比較稀🤔同平時食開嘅港式/泰式/日本咖喱好唔同～唔辣亦唔甜，無乜椰汁味，味道比較淡～牛腩唔算好淋但又唔韌，正常水準～❤️上湯焯田園蔬 💰1️⃣5️⃣健康均衡之選👍清淡唔味精，對我呢啲外食一族黎講係必備🫣❤️越式炸蝦餅(細) 💰2️⃣9️⃣好香脆，蝦餅肉質都算彈牙，加配黎講好抵食🙌🏻❤️椰汁三色冰 💰1️⃣0️⃣呢杯係朋友點嘅，椰汁味好重，佢話底下仲有啲紅豆，好特別😯😯❤熱蜜糖柑桔️💰5️⃣唔太甜亦唔太鹹，味道啱啱好👍 埋單每人先$90，好抵食🤭…查看更多

今日去行下花園街，行完過去西洋菜南街搵野食，呢度美食林立我選左食越式料理。點河湯/撈檬可以追加小食又可以加配飲品。極品牛三寶湯河極品牛三寶湯河（生牛肉，牛展，牛丸）生牛肉肉質嫩滑，牛𦟌又幾煙韌，牛味香濃，牛丸又爽彈，河粉爽滑湯底濃郁美味可口越式炸蝦餅，蝦餅好爽口彈牙，蝦味香濃沾到甜辣醬好好味。越式豬頸肉燒到好香口，豬頸肉鎖住肉汁，食落又唔會肥膩順化蕃茄蟹肉扎肉湯檬，蟹肉好鮮甜，扎肉又爽彈，豆卜又索湯精華，蕃茄湯底好香濃鮮芒果西米露，有芒果粒，西米和椰汁又唔會太甜。杞子龍眼茶…查看更多