叁不館

叁不館，相當出名既邊爐，未食過都聽過，係聚會既出名選擇到場就會知點解，門口霓虹燈超靚好吸晴懷舊風裝飾，香港回憶，入到去係好特色既裝修，排檔mix街市既feel好正好有港味道，牛肉檔真係出牛肉，海鮮檔真係出海鮮餐牌都好百搭，咩都有，好特別馬報mix舊報紙既樣，睇到一半……侍應好主動介紹有咩選擇，今晚有咩推介、海鮮有咩、可以點配專業又親切醬料盤好吸引好正，店員都仲會介紹實在太好，推介店舖自己炒既葱油，真心超香濃超正必必必必食，勞蘇食既提示係千祈唔好輕手，落多啲同加少少蒜個味道先最出太多特色湯底，今次食雙拼，玫瑰花花藥饍湯 拼 媽！好辣啊麻辣湯上枱藥材味好香，就用頂級安格斯牛頸脊，試試個湯，牛頸脊上枱切得好靚，油脂比平常既牛頸脊多，啱晒用藥饍湯淥夠清，好有牛味，肉質相當唔錯仲會有紅棗既甜味，當然要配埋推介葱油，超夾超正，完美味道昇華用藥湯試桂花蚌，唔算大隻但都好鮮，用藥湯有少少甜都ok娃娃菜同腐皮就正常到媽！好辣啊麻辣湯食麻辣湯無理由唔食鴨血啦，麻辣湯足料幾香，配落鴨血無得輸，鴨血好滑好好味辣就無叫阿媽既，如果好想食好辣可以自己加料試返牛肉個啲料，同藥饍湯各有風味，好難比較，都好味到招牌午餐肉餃，作為一個午餐肉fans，點可以唔食配麻辣湯，外皮其實似雲吞皮外啲，薄而滑入面係調左味既午餐肉料，都幾好味幾有午餐肉既特色，正打正邊爐無得唔啤啤佢，有雪凍左既碗添，加分咁既食物質素係一個咁有特色既懷舊港味地方打邊爐，實在無得輸仲要服務一百分，多人仲有房坐，超正既聚腳點！#如果生日送啤酒就好雖然已經買三送一#舒壓#暢快#疏肝…查看更多

女朋友對懷舊風所有野都好著迷😌當比佢發掘到呢間《叁不館》完全係佢鍾意嘅環境，所以二話不說即刻book枱要我陪佢去打邊爐同….…打卡😌🤩一入到去餐廳裏面，就好似時光倒流咁，去咗7-80年代嘅香港，不論店內裝修枱櫈同牆壁，甚至餐具menu都有精心設計過，仲會有唔同嘅theme比大家打卡影相同懷緬下從前嘅香港🇭🇰當晚嘅playlist就有王傑,beyond,陳奕迅……做background music😄炸住音樂打邊爐🤩入坐後服務員會打開個menu推介下有咩好食,同埋是日海鮮推介；點完餐後再逐個逐個醬料介紹；到個湯底到左，又會叫我地飲左頭啖湯先，好細心呀🥰服務💯👍🏼最後我哋點咗🔽1️⃣香茜茜皮蛋湯 $98 💯…看似簡單飲落絕不欺場🤩2️⃣頂級安格斯牛頸脊（例牌） $268 💯…油花均勻絕非平價貨👍🏼3️⃣萵筍片 $48…正常發揮4️⃣豬頸肉片 $68💯…新鮮來貨有驚喜😆5️⃣自家炸魚皮 $68 💯…一定要叫👍🏼6️⃣鯪魚釀豆卜 $60…賣相好普通但食落有質素😋7️⃣白鱔片 $98…新鮮8️⃣Asahi 啤酒 $ 38💯…大大支好夠凍🍻💯必食推介⬇️1️⃣香茜茜皮蛋湯 $98💯真係要飲佢哋頭啖湯，芫茜配皮蛋仲有淮山同馬蹄，成個湯底入味得黎又無咩味精味2️⃣頂級安格斯牛頸脊 $268 💯牛頸脊比一般為厚切，有牛味肉質嫩，性價比高👍🏼4️⃣豬頸肉片 $68 💯極度推介豬頸肉片，因為係用新鮮嘅豬頸肉並唔係一般雪藏野，極度爽口5️⃣自家炸魚皮 $68 💯一定要叫呀，自家製炸到脆卜卜好香口8️⃣Asahi 啤酒 $ 38💯隨啤酒附送兩隻雪凍咗嘅碗去飲啤酒🍻💯$38一支大嘅Asahi 好鬼抵飲🤭出面打邊爐又點止呢個價錢總結： 今次除左食環境，食物水準都唔馬虎，睇得出老闆真係用心經營，雖然價錢中上，但價錢同食物質素係成正比..想舒舒服服打邊爐嘅，《叁不館》都係我嘅推介✌🏻p.s.仲要讚美下兩位服務員嘅Service💯，又會密密手自動加湯👍🏻雖然個場唔大，但全場得佢兩個女孩子serve客，但都保持到服務質素好😄都唔容易㗎！快快手密密做都面不改容🥰…查看更多

有時想約朋友打邊爐但又怕環境太嘈傾唔到計 最近終於搵到一間又有音樂聽又傾到計嘅火鍋店！店鋪裝修高度還原左60-70年代風格 用嘅器皿同裝飾例如招牌、傳單、木凳同竹蘿等等都好配合主題💛一坐低餐廳就會安排一啲開胃小菜 當日就有酸辣青瓜木耳同埋花生（每款$20）仲有一個混醬盤等我哋食之前去撈定啲醬汁（每位$18）·香茜茜皮蛋湯 $98職員有提我地湯底滾咗之後記得飲頭啖湯！湯底喝落好足料同時都唔會太濃強哂fo 仲可以清熱解暑👍🏻·頂級安格斯牛頸脊（例牌）$268估唔到例牌份量都唔少 有2-3人份量！食落脂肪分布平均 肉質鮮嫩好重牛味 非常有質素～·西班牙黑毛豬 $138黑毛豬食落都有驚喜 唔會太過油膩 厚薄度適中 肉質都好爽口！·豬粉腸 $68佢地嘅粉腸洗得好乾淨 唔會有苦澀味同腥臭味 食落好有嚼勁超級粉甜·脆鯇片 $75脆鯇片果然比普通鯇魚片好食好多！肉質結實 夠哂爽脆 肉味清新可口 淥過龍都唔會爛·皇帝菜 $45次次打邊爐都會食 因為佢夠鮮香嫩脆之餘仲索到好多湯汁！值得一讚嘅係哩度啲菜洗得好乾淨👍🏻·可口可樂 $16打打下邊爐覺得口渴仲可以嗌下嘢飲 呢度選擇都算多 除咗汽水同一jarjar嘢飲之外仲有紅酒menu～📍 叁不館 (天后)天后電氣道68號金輪天地7樓…查看更多

上星期天氣轉涼咗，就即刻去咗過下個邊爐癮🤣 朋友介紹咗位於天后新開嘅餐廳，估唔到係sell港式懷舊feel，而食物質素都幾高質，今次就介紹吓☺️天氣涼涼哋，所以嗌咗個暖笠笠嘅椰子雞湯，店員親自喺我哋面前倒入椰青水同加入雞件，雞件啖啖肉，仲要有好多件，非常真材實料！而且湯底好清甜☺️ 打打下成日都會忍唔住不幾啖湯嚟飲🤪上網見到啲人推介呢個小食，所以都嗌咗份！估唔到打邊爐都食到咁高質嘅小食😆 椒鹽嘅鹹味恰恰將粟米嘅甜味帶咗出嚟，比就咁食粟米更甜，真係好推薦🥰 (不過好熱氣)打邊爐嘅餸點可以無牛肉，今次試咗呢隻牛頸脊，就咁睇個賣相已經好靚✨ 呢隻牛肉食落牛味好濃，同埋偏厚身，有咬口得嚟但又唔會好韌，剛剛好😌 同埋烚耐咗食都唔會老，加上每塊都大大塊，鍾意有口感嘅人就啱晒！平時打邊爐真係好少食蚌，難得佢呢度咁啱有，就一於試吓佢😛 佢嘅桂花蚌幾新鮮，入口好爽好滑，一啲都唔腥，都幾推介，不過就貴咗少少🤏芝士控點可以唔嗌返啲芝士嘢食下呢？芝士獅子狗係以前食吉邊最鍾意嗌嘅配搭，慢慢冇食之後都好掛住佢😮‍💨 見到呢度有一定嗌！總共有八大粒咁多，每粒都脹卜卜，每次咬開啲芝士醬都湧哂出嚟，好滿足☺️ 不過食呢個好易焫親嘴😂平時好鍾意食爆汁嘅牛筋丸，咁啱佢呢度又有😋 牛筋丸每粒食落都處於爆汁狀態，好正🤤 同埋一定要趁熱食，先品嘗到佢嘅精粹！又係喺網上見到有人推介佢嘅冰豆腐，即係蜂巢豆腐。每舊豆腐都好大份，索晒啲湯汁食起上嚟超級入味，而且又好滑，果然冇介紹錯🤤另外，我哋叫咗油麥菜($42)同金菇($35)，金菇份量好多，食極都仲有，而油麥菜就好新鮮，兩者都唔錯🙌🏻總括而言，呢間港式懷舊邊爐店嘅嘢食普遍都好高質，最令我驚喜嘅係佢嘅椒鹽粟米，真係好惹味😚 而且個環境都好用心去設計，好有80-90年代嘅風味，連播嘅歌都係以前嘅老歌，邊聽邊打邊爐都幾有feel😌…查看更多

呢度嘅裝潢走懷舊風，店外以至店內都有唔少打卡位，充滿老香港情懷，感覺十分地道😚！.💖[兩丁友打邊爐套餐] (HK$488).🔸[今晚卜卜蜆鍋] 湯底有12款，可任選其一。妹豬仔揀咗呢一款，湯底好清甜，蜆嘅數量唔少，而且好大粒，蜆肉脹卜卜， 十分鮮甜😋！店員仲特登比多兩個碗，等我哋用嚟載住啲蜆殼，非常貼心❤️！.🔸[頂級安格斯牛頸脊(例牌)] 牛頸脊厚薄適中，油脂分佈均勻，唔會太肥太瘦。食落肉質偏扎實，牛味香濃😍！.🔸[即包餃餃] 跟餐有3款即包嘅火鍋餃類🥟，每款2隻，分別係：雙籽鮮蝦雲吞、韮菜餃、招牌午餐肉餃。餃類即點即包，每隻都皮薄餡靚，食落好新鮮👍🏻！.🔸[手打丸丸] 跟餐係「手打五寶丸」，共5款手打丸類，每款2粒，分別係：豬肉丸、陳皮鯪魚丸、鮮牛丸、Q彈鮮墨魚丸、Q彈鮮蝦丸。5款手打丸都係迷你size，啱晒一啖食落口，由於係新鮮手打，食落新鮮又彈牙🙌🏻！.🔸[火鍋配料] 食咗豬頸肉片、冰豆腐、頂級蟹柳、芝士腸。值得一提～豬頸肉片拼砌成一朵花咁，十分有心思！而且厚薄適中，食落爽口唔油膩😋。.🔸[邪惡炸響鈴配自己啊炸魚皮] 新鮮炸響鈴同自製炸魚皮好大件，同樣係即點即炸，一炸起就端上，所以夠晒熱辣辣，食落香脆。放落湯底幾秒，吸收埋湯底，食落更惹味😉~.🔸[新鮮蔬菜大大兜] 其實係個雜菜拼盤🥬，當日食嘅蔬菜有呢幾款：油麥菜、白菜仔、蘿蔔片、南瓜片、木耳。.🔸[飽肚粉麵] 跟餐可以喺飽肚粉麵類揀選其一，妹豬仔就揀咗刀削麵，食落煙煙韌韌。不過佢遲上，而嗰陣又食得興起，所以唔記得咗影相😆~如果你哋唔鍾意食刀削麵嘅話，粉麵類仲有得揀：出前一丁、稻庭烏冬、紅薯粉、泡飯。.🔸[任飲無酒精飲品] (+HK$20/位)無酒精飲品主要有4個種類(涼茶、茶品、汽水、OOHA)共十幾款飲品。只要每位另加HK$20，就可以任飲呢啲無酒精飲品🥤。.✨妹豬仔👧🏻💬: 整體來講，呢個二人火鍋套餐包括唔少食物，夠晒飽肚，仲要唔收茶芥加一，以呢個價錢嚟講算抵食😚！.💡妹豬仔話你知💁🏻‍♀️～呢度提供咗10款醬油配料，包括：麻油、芝麻、沙嗲、麻醬、蔥頭油、炸蒜、青蔥、芫荽、指天椒、蒜蓉，等客人可以調出啱自己口味嘅醬油。.💡妹豬仔再話你知💁🏻‍♀️～呢度真係處處充滿老香港情懷。例如喺店外等𨋢位置，一邊係貼滿日曆紙嘅牆，另一邊就係寫滿文字嘅塗鴉牆。而店內就有戲院售票處、電影壁畫、懷舊玩具/用品。.💡妹豬仔再三話你知💁🏻‍♀️～除咗充滿懷舊特色之外，呢度嘅食物名稱真係好鬼馬，就例如以下嘅其他湯底名稱，令人會心微笑！「傻豬豬豬骨湯」「媽！好辣啊 麻辣湯」「笑茄茄牛腩湯」「咯咯花膠湯」「莫生氣椰椰雞」「眾人皆醒醉雞湯」.(以上價錢僅供參考，一切以火鍋店為準).…查看更多