望月軒

營業中

休息中

之前一路黎信德碼頭都冇留意到3樓開咗個澳門廣場。入邊有好多間細細間嘅餐廳，包括呢間比較大間嘅酒樓，景色非常優美，睇到無敵大海景。我今日嚟到中午唔算人太多，唔需要等位就可以入座啊。呢度嘅點心選擇，最吸引我係有呢個流沙豬仔包（$38）。有一個豬嘅樣係上面，入邊嘅流心亦都唔野少，一咬又有爆漿效果。另外叫咗一個瑤柱賽螃餃（$38）。比我想像中足料，入邊嘅蝦份量同埋出邊好多蝦餃差唔多，仲有啲冬菇同埋蟹籽，當然仲有賽螃蟹嘅蛋白啦。最後就係響鈴牛肉球（$38），大大件，夠晒飽肚。肉質鬆軟。呢度午市茶位$16一位，我叫普洱亦都好香，好有茶味。每張枱上面都有紙巾，夠晒衛生。呢度嘅裝修亦都係較高檔，服務員亦都好有禮貌。

週末與家人飲茶飯聚，試了一間新酒家「望月軒」。酒家位處信德中心，單邊可享維港景緻。除大廳散座外，店內設有多間以月為名的廂房，用餐環境更佳。席間試了多款蒸炸美點，大隻鮮爽的「原隻蒸蝦餃」、酥化清甜的「蘿蔔千絲酥」，以及懷舊鬆軟的「原籠馬拉糕」皆屬小編推介。「麻香滑雞竹筒飯」川菜風味洋溢，麻辣滋味滲透每一口飯。因當中辣意不算剛烈，不嗜辣的朋友也可放心試試。其餘點心出品都有一定水準...憑藉不俗的點心水準、理想的用餐環境，以及合理的定價，有機會會再來飯聚。

今日到上環揾食，原本想到懷舊茶室打卡，但該茶室假期沒有營業，路經信德中心看見了幾塊很大牌寫着 "茶市早上7:30"，於是改為歎茶。食店於信德中心3樓，門口裝潢貴麗，有一列雲石地磚，近門口有漁缸及吧枱，中式食店都有吧枱算特別，而枱與枱之間算是寬闊，近門口更有兩張卡位，但卡位已有人佔據，我們最後被安排至中間圓枱！我們點選了一壺壽尾茶，茶味清香沒有苦澀味，$8/位算合理; 前菜($30)是花生和甜菜脯，花生香脆而菜脯爽口，但一般酒樓前菜都只是一碟，略嫌收2碟前菜比較貴！點心紙圖文並荗，一目了然，標榜即叫即蒸，不含味精，我很欣賞這一點; 這裡除了有一般酒樓的點心外，還加了上海特色小吃，喜歡吃上海小吃有多些選擇。我們兩口子總共點選了8款點心，食量有點兒驚人！芋絲炸春卷($25): 外皮香脆覺油膩，餡料有芋絲、蘿蔔絲、肉碎，餡料份量十足，蘸點淅醋以減油膩感。蟹籽燒賣皇($25): 稱得上皇必定是份量十足，它除了比一般燒賣大粒之外，另外蟹籽的份量亦很多，裡面的蝦粒鮮甜爽口，肉碎混合蝦肉口感一流。原籠馬拉糕($22): 口感鬆軟，份量與一般酒樓差不多，但味道夠甜，雖然我並是甜食粉絲但亦覺得甜味不足

老公男友人IN一家三口,約我o地尋日(23-12-2017 Sat)o黎呢o度食90分鐘下午茶放題,佢o地經團購以$220.00買原價$764.00o既四人票,我o地book o左2:30pm,大家都準時到達,安頓後就剔o野食喇,其實我o地想樣樣都試勻,但我o地最後o個轉o係3:40pm order時,飯就冇晒,詳情請睇”服務”一項.我o地食o左:1. 手拍青瓜(唔辣)青瓜爽脆,微酸,正常.2. 雞絲粉皮粉皮好幼,雞絲少,OK.3. 潮州粉粿同樣有沙葛同五香粉唔夠,一般正式. 4. 響鈴牛肉球響鈴有那?原來咪就只係腐皮牛肉球.5. 陳醋小木耳冷不防呢個係辣,但好彩唔算好辣,木耳爽口.6. 泡椒鳳爪又冷不防以為呢個係飄香無骨鳳爪,我食o左隻泡椒,好麻辣,但鳳爪唔辣,少少酸.7. 薑蔥牛百葉口感正常,湯味濃但唔知係乜.8. 生煎包煎得唔夠香脆,內裡都仍有肉汁,OK o既.9. 四川紅糖燒餅外形同生煎包相似,內裡紅糖唔太甜,好彩味道唔算好濃,否則好難接受.10. 蟹籽燒麥皇明顯打錯字,係蟹籽燒賣皇,OK正常啦.11. 香煎蘿蔔糕同樣煎得唔夠香脆,一般.12. 飄香無骨鳳爪鳳爪竟然係黑色,好腍

由於有個好朋友喺上環信德中心返工，而我們又有一段時間無見面，所以我們約咗今日去呢間「望月軒」飲下午茶！一入去到見到店內嘅環境裝修好光猛舒適，坐位與坐位之間亦好寬敞，而且仲有個落地大玻璃窗，可以一邊飲茶，一邊欣賞呢個無敵大海景，真係感覺好舒服，另一大享受！另外一樣最吸引到我們嘅係近廚房門口兩邊位置都掛咗「一大嚿」肥豬肉嘅玉石，寓意「家肥屋潤」，真係非常有特色！我們叫咗兩個下午茶優惠套餐：豉味涼瓜斑腩煎麵係將啲麵炸得好脆卜卜，之後再煎香，令到麵質更加香口脆身，涼瓜嘅質感好爽脆，斑腩嘅肉質亦好鮮甜嫩滑！筍尖原隻鮮蝦餃嘅餃皮好薄身，感質好煙煙韌韌，蝦肉好大隻，而且相當爽甜彈牙，真係好正呀！沙律醬脆海斑粒炸得好香脆乾身，唔會有好油膩嘅感覺，外層嘅炸粉亦唔會好厚身，入面係肉質好結實彈牙嘅海斑粒，再沾上酸酸甜甜嘅沙律醬一齊食，感覺好清新醒胃！響鈴牛肉球嘅肉質好鮮嫩多汁，食落有好清香嘅芫茜香味，牛肉味亦好濃郁！另外我們再單點咗北菇棉花鷄嘅魚肚燜得好腍好入味，鷄肉嘅肉質亦相當鬆軟嫩滑！桂花酒釀丸子嘅小丸子質感好煙韌彈牙，甜湯底有相當清甜芳香嘅桂花香味！真係值得一試！總括：呢度嘅環境相當舒適，而且食物嘅價