民豐粉麵行

營業中

休息中

民豐既糯米糍好出名不嬲都知，難得到荃灣，當然要一試！買左芝麻同花生兩隻味。糯米糍拎上手係有少少聚手嫁😆圓圓的，摸落仲好軟熟添！糯米糍面頭痴左有好多粉防黏，未食糯米糍前聞下會有一陣糯米香。忍唔住咬一啖，糯米糍皮軟熟、但未夠煙韌（我係煙韌控，期望係會有比較煙韌既口感）。皮都算厚，唔係薄皮果種，就算餡既比例唔少，但每一啖都會有糯米糍皮既分佈。仔細品嚐，皮有少少米香。餡料方面，我食既花生同芝麻都未有大家所講既爆餡現象。唔知係我唔好彩定佢已經縮左水。不過平心而論，都餡都唔算少既。無論係花生定芝麻，都明顯見到溝左好多砂糖，而甜度我認為適中。可能因為皮比較厚，甜度被中和。花生vs芝麻？係我心目中，花生勝！花生同砂糖混合後口感好夾。有花生香氣。花生甜度較芝麻高，但芝麻餡有種甘苦味，我比較接受唔到。加上我果個芝麻糯米糍皮比較厚，係皮厚變相餡更少既情況下，苦味更出。所以我中意花生多啲。整體而言，味道其實唔差，但唔驚艷。個人認為皮夠軟糯，但較厚，缺少煙韌口感。餡料冇想像中多，較失望。但一粒$5黎講，性價比高，經過可以買黎試下，特登搭車去就唔洗啦～除左糯米滋，韭菜豬肉餅亦係佢另一出名小食。買果陣仲煎緊，一煎起

上禮拜六去細舅父屋企食晚飯，就順便商量下禮拜日放假有冇咩地方想去想食啦，佢就突然提起話之前佢喺荃灣開工嘅時候有時候會黎哩間買野食的，我之前成日經過哩條街，都完全唔知哩間鋪，今日又放工經過，就加入人龍啦~ 條龍排咩嘅呢。。。到我喇，哦，原來係賣【韭菜豬肉餅】的，就要兩個吧，啊，可能我講得唔係咁清楚，阿姐聽錯咗，俾咗一個我，10蚊再見了 openrice嘅食友話哩個餅好好食的，仲有一個話係神級的。。。呵呵。。。就試下啦，咬啖先。。。再咬。。。嗯。。。其實好一般姐，以一個皮黎講算唔錯了，薄薄的，但塊皮同餡之間就緊咗啲喇，少少虛位都冇，口感就實咗啲囉，見到有人攞九龍城【清真牛肉館】嘅牛肉餅黎同哩間嘅比較真係有見地，【清真館】牛肉餅嘅口感就冇哩間咁實喇，唔駛好似佢咁多汁，但哩塊餅就真係乾咗啲囉，如果可以加少少汁，或者加少少雞蛋，又或者加啲軟硬度啱啱好嘅粉絲，口感就好得多了，以一塊餅黎講，宜家就差好多喇。。。 好彩買咗一個姐，俾少10蚊然後就再排另外一條隊，哩條應該係排茶果同糯米糍等等的，茶果留返下次，我今日唔想食咁多，就要花生糯米糍啦，4蚊再見喇~ 試試先，咬咬。。。哩啲先係糯米糍嘛，仲記得長洲