Espresso Alchemy (如心廣場一期)

呢間cafe嘅店面比想像中細，好好彩咁啱等到窗邊位😍睇中咗呢間cafe嘅落地玻璃view好耐喇，望出去雖然唔係咩靚景，不過感覺都幾舒服~⁡【厚切意大利煙肉配卡邦尼意粉】用料充足👍🏼厚切煙肉嘅口感同味道都好似煙鴨胸，好香煙燻味😋醬汁比起一般嘅卡邦尼杰身少少，食食下都有少少膩而且食到尾見到碟底都幾多油🤯⁡【青醬烤雞意大利三文治】麵包烘到脆脆哋😋雞胸作為餡料令人有意外驚喜，肉質鮮嫩😍青醬有少少香料味，整體感覺好清新👍🏼⁡個人認為呢度嘅三文治比意粉出色，配上落地玻璃開揚景觀，舒舒服服咁hea下都唔錯🥰有機會想再試埋其他款式嘅三文治😋⁡題外話: 近日比【魷魚遊戲】洗晒腦🦑有無人同我一樣...見到呢間cafe嘅logo都會諗起🙈…查看更多

環境短評 ｜估唔到荃灣如心呢邊有間咁舒服嘅cafe，空間好大，環境寧靜休閒，因為周邊人流唔算多所以店內外都唔會好嘈，而且大落地玻璃向街，景觀都幾開揚射返啲陽光入嚟感覺好舒服☀️食物方面｜青醬烤雞意大利三文治 $68烤雞三文治最怕肉會鞋，本身睇落都見好似幾滑咁，估唔到食落都一啲都唔會太實同痴牙，好嫩🤩﹗﹗﹗青醬嘅濃淡度控制得幾好✨，食落味道好夾又自然，作為早餐真係健康又開胃🥰如心全日早餐 $138The Alchemy All Day Breakfast材料方面有牛油果🥑、牛角包🥐、炒滑蛋、蘑菇、蕃茄🍅、煙肉、哈密瓜🍈，非常豐富，而且材料配搭又同出面又少少唔同超級開心嘅係有半個牛油果🥑，而且啱啱好熟，配其他材料食好夾。另外，滑蛋都做得又滑又大份、係牛角包都係大大隻又鬆脆～另外都好少見All day Breakfast會配哈密瓜，我個人好加分，食啖香甜嘅哈密瓜味蕾有種Refresh 嘅感覺，而且哈密瓜都好甜～泡沫咖啡 $42Cappuccino 咖啡拉花靚，而且$42係大杯，都唔算好貴，味道甘香，咖啡帶偏向nutty口味，唔會太酸太苦，香醇易入口。…查看更多

Espresso Alchemy本身係尖沙咀開店，荃灣分店開左一排，但因為餐廳唔大再加限聚令，係唔想等位既情況下比較難直接坐低食到。餐廳主打咖啡同比較健康既輕食菜單：例如好多女生點佢嘅青醬雞胸沙律，或者一啲用牛油果、煙三文魚、火雞胸、雞胸、大蝦、希臘乳酪醬等比較健康食材菜式。減肥一樣去得。.青醬雞排沙律 💲79⭐️4.5/5份量絕唔欺場，沙律組合都好有誠意，份量超大一盤草。健康雞胸用慢煮方法處理肉質鮮嫩，加埋健康系青醬調味，雞份量都係其他輕食餐廳既兩倍。兩個人share 做正餐都超飽肚。.火雞胸蕃茄三文治配希臘乳酪醬 💲79⭐️4.2/5大份到有少少嚇親😅，我預期係得一半既份量。火雞胸、蕃茄、菜配我平日食開既希臘乳酪原來咁夾。.青醬烤雞意大利三文治 💲68⭐️3.8/5青醬雞胸個感覺幾健康，雞胸有調味有少少咸肉質唔算鞋。配料有菜有蕃茄係基本，雞胸份量唔吝嗇都有好多件，Panini 底面都烘得香脆，唔錯。.香煎虎蝦配蘆筍辣蕃茄汁意粉 💲108⭐️2.5/5蕃茄意粉來講，呢個失水準。虎蝦大隻正常但蕃茄醬底好淡出事，蘆筍有啲苦。後悔唔叫個沙律算。.Cappuccino (L) with Alchemy Blend💲42Flat white (R) with Lollinut Blend💲37Latte (R) with Lollinut Blend💲37⭐️4/5咖啡有🈯️定配搭：Cappuccino 會配Alchemy Blend 比較nutty, heavy body； Flat White, Latte 會配上較Fruity 既Lollinut Blend。兩種都好滿意，奶啡控表示有回頭。.…查看更多

餐廳位置好開揚，透過落地玻璃可以睇到外面嘅街道。本身餐廳內嘅座位都比較少，疫情底下再少咗座位可以安排，週末大概等咗20分鐘。青醬烤雞意大利三文治 $68三文治有烘底，表面係脆脆地。烤雞肉偏厚但食落幾嫩，而青醬味道對於我嚟講就有啲太濃郁，番茄有略略減輕青醬味。厚切意大利煙肉卡邦尼意粉 $88意粉煮到啱啱好，唔會太硬或太軟。意粉沾滿卡邦尼醬，仲會食到有蛋黃嘅味道。而厚切煙肉豐富咗成個口感，煙肉分量都多，而且唔會煮到好乾。Mocha $44Mocha味道好香濃，飲落口感好滑。飲品嘅拉花好靚，又可以打下卡。伯爵茶鮮奶朱古力 $40呢款朱古力嘅甜度較低，比較特別嘅係飲落會有淡淡伯爵茶香味，伯爵茶同可可嘅味道好夾。整體來講，有啲食物都幾特別，其他地方未必食到，而且價錢唔貴。…查看更多

鰂魚涌Espresso Alchemy結業真係好傷心，對煉金術既啡真係念念不忘，去到荃灣雖然有好多咖啡店選擇，但我都要揀佢作為我既第一餐荃灣Espresso Alchemy有個落地大玻璃，邊飲邊望街景，真係好chill呀，不過Cony 同Brown阻住左我既視線Flat white煉金術出品，信心保證，奶泡好綿滑，香滑既奶泡中又飲到espresso 既nutty，好好飲香煎虎蝦配蘆筍辣蕃茄汁意粉虎蝦煎得好香，辣蕃茄醬汁甜甜辣辣，好醒胃，雖然賣相唔算好靚但味道搭救青醬烤雞意大利三文治Panini 大大件的，入面有雞肉，蕃茄，青醬，醃製過既jalapeno同Mozzarella chesse, 雞肉都幾嫩，青醬同辣椒酸酸辣辣，個味幾夾Espresso Alchemy 價錢合理，咖啡又好飲，希望佢快d係港島區開返啦…查看更多

今朝同男友有野要出荃灣買，我地想搵間cafe慢慢歎個靚早餐，就醒起好耐之前黎過既呢間espresso alchemy😀兩個人叫左個蕃茄大蝦露荀辣汁意粉，青醬烤雞panini走芝士，自家製香蕉蛋糕同埋一杯mocha～意粉好彈牙，蝦肉勁大隻兼爽口😋 蕃茄汁口感豐富因為食到好多蕃茄粒，而且唔會太酸👍Panini超大份超多料，雞肉嫰滑juicy，青醬夠香，三文治烘烤到好脆，岩晒我呢個麵包多士控😍 食半份都已經幾飽😂見到佢既蛋糕一盤盤整好左係度賣相好吸引所以想試下，男友揀左香蕉味， 口感比較濕潤同飽肚，如果香蕉味可以再濃郁啲就更加好，不過$28咁大件都係非常值得一試👍Mocha係比較易入口嘅咖啡😀 朱古力味中和咗咖啡嘅酸同苦，但係依然有咖啡香，係我比較中意既款式～呢間cafe真心唔錯👍👍 嘢食嘢飲即叫即整保持到水準， 無論係朋友傾計聚會定係一個人處理公事或者放鬆下都係好適合嘅選擇👏…查看更多

放假約了好友聚一聚，大家都喜歡咖啡，所以揀了呢間咖啡店，商場內玻璃門旁，對出是睇到開闊嘅廣場境，店面細，白色主調很乾淨，牆上用了鏡子反射，不覺得細，揀了落地玻璃旁的三人枱，落單要去櫃枱，店員會跟號碼牌上菜首先要講喜歡這種灰色啞光餐具，簡約型格Long Black($36)很喜歡咖啡杯風格，黑咖啡入口順喉，很濃黑，味道微甘微酸（我接受到的範圍）Flat White($42)朋友飲，拉花靚煙三文魚沙律配檸檬醋醬（$78）很大一盤，煙三文魚厚切有咬口，羅馬菜爽口，蕃茄仔多汁，配上油醋汁開胃，好味火雞胸白蘑菇洋蔥意大利三文治（$66）雞胸火腿清爽唔油膩，菇頗香，洋蔥清爽，麵包烘過外脆鬆軟，唔落太多醬都不會乾，好味青醬烤雞意大利三文治（$66）朋友食美國牛肉洋蔥青椒蘑菇三文治（$79）朋友食藍莓麵包蛋糕（$28）很歐式住家風格的蛋糕，賣相是樸實，這種蛋糕不是鬆軟的，很厚實很飽肚，牛油味重，而藍莓夠多，酸味減輕了蛋榚嘅厚重感！甜味不重！整體ok食物幾好，喜歡餐具風格，幾次都唔係我去落單，不知落單時的服務，上菜收碟勤快！唯一缺點是廁所要行很遠，餐廳在地下，廁所在商場一樓，還要行頗遠搭電梯才上到一樓好友短聚好地方…查看更多

平常都是只買咖啡外賣堂食午餐倒是第一次感覺比較划算又有食物又有咖啡只需要$76又不用加一服務費青醬烤雞意大利三文治 - $66著名的意大利青醬混雜大蒜、羅勒、松子、帕瑪森乾酪粉和橄欖油味道清新之餘口感濃滑三文治經過烘焙變得香脆，切開時表皮發出的酥化聲再塗上青醬並鋪上雞肉、番茄、芝麻葉和芝士，感覺更清新稍微加熱讓芝士融化，口感更惹味Mocha巧克力咖啡(Regular Size) - $10加配價覆上輕盈柔細的鮮奶油帶來香濃的巧克力及咖啡風味，口感很香滑…查看更多

星期日約咗朋友去食野，一次過食哂早午餐，係荃灣西站行去約5分鐘，就到如心廣場一期。坐下來睇一睇想食啲咩，再到櫃位落Order。落完Order，比一個號碼牌，之後等約4-5分鐘，陸續將美食放到枱面上。🍝厚切意大利煙肉配卡邦尼意粉 $88有好多香脆又厚切既意大利煙肉，好有咬口，醬汁又好多，意粉仲煙煙韌韌。🥪青醬烤雞意大利三文治 $66熱辣辣既三文治，配上青醬汁(多汁)、蕃茄，最重要係烤雞，又香又好吃，又唔會好韌。🍰Homemade 藍莓蛋糕 $28厚切蛋糕好香，有大大粒藍莓，飽肚既蛋糕。🥤Iced Mint Chocolate $45有枝薄荷葉襯托係中間位置，配上可可粉。三層顏色，有漸變色嘅效果，薄荷朱古力上有朱古力泡沫再上有白色奶奶既泡沫，香濃既薄荷味。☕Milk Chocolate (LGE size) $41心形拉花圖案好靚，暖粒粒既熱朱古力，暖在心裡頭，甜度適中，香滑既朱古力。…查看更多

呢一日，約咗啲弟兄行城門水塘，咁啱老婆又約咗啲姊妹飲茶+食晏，得番小弟一支公，所以，就趁行山前食個早午餐，一餐頂兩餐。出咗荃灣西站，諗住行過去荃新天地打個轉，睇睇有咩選擇，就晌經過如心廣場時，見到地鋪有家「 Espresso Alchemy」，曾經光顧過知道其水準，加上一心打算嘆吓咖啡，呢道都算合晒心水。荃灣店嘅環境比尖沙咀店無咁分割，一眼睇通晒，裝修簡潔明亮，又一室以白為主調，走摩登路線。加上對外一面喺落地大玻璃，透入自然光，更感活力。拎本餐牌埋位慢慢研究，睇睇呢個時段有咩揀。晌首頁，見有張獨立嘅菜單，只喺周末及假日供應嘅「All Day」，但事後再睇埋主餐牌，除咗個「如心全日早餐」之外，其他菜式晌主餐牌都有，價錢亦喺一樣。再詳細問店員，就算揀呢個餐牌嘅菜式，亦無飲品優惠，故此，呢個唔喺套餐嚟。而主餐牌，先喺啲特色飲品，再落嚟就仲有多款咖啡、手工啤、朱古力、茶品、鮮奶及梳打……等等。食物方面，跟尖沙咀店有少少唔同，包括沙律、三文治、多士、漢堡、意大利麵及意式三文治。晌櫃枱落好單之後，侍應會根據你取得嘅號碼牌送上食物，亦順便擺上餐具，而餐廳卻無收加一服務費嘅。鮮奶咖啡 $41嚟到「 Espresso Alchemy」嘆咖啡，真喺唔使點擔心。睇見咁手工嘅拉花，天鵝嘅花紋咁細緻，已感覺差唔得去邊。小呷一啖，完全晌無攪過情況下，已飲得出嗰份均勻感，喺撞奶泡手勢夠好，而咖啡醇厚帶微微果仁香，故此，口感及味道都極具水準。青醬烤雞意大利三文治 $66本想點客虎蝦意粉，但始終等陣就行山，費事食得太飽，就嗌咗份輕盈啲嘅意式三文治。麵包烘得一格格，拎上手都幾熱辣吓，入口麵包烘至外脆內軟，而裡面混有好多香草醬、莫沙里拉芝士及蕃茄片，味道清爽卻富層次，雞肉亦比預期中嫩滑，用料不賴。香蕉蛋糕 $28雖然有點矛盾，但意猶未盡，追加多一客香蕉蛋糕。外層帶丁點焦脆，而裡面保持濕潤，口感實在，香蕉味好濃郁，襯住杯鮮奶咖啡，已經喺一種好好嘅享受。吃罷個早午餐，仲有點時間剩，晌個窗口位，享受微微日光，打打稿子，覆覆短訊、電郵，無拘無束，喺好嚮往嘅慢活生活。…查看更多