慢理牆城

這家cafe係wishlist已經好耐，終於有機會與朋友去一試。餐廳位置很少，想去既朋友一定要提前預約啊，我地只能預訂到2點，實際去到現場之後仲要等一陣，可以看出佢地幾火爆。不枉等左咁耐，其實我本身只係對佢既環境有興趣，想不到食物非常驚喜！我地兩個女仔order左一個三文魚流心蛋大啡菇，一個明太子蟹肉扁意粉，一個青醬帶子扁意粉，一杯latte同一杯桂花latte。首先來的是三文魚流心蛋大啡菇，這個係見到很多人好評先點既，上菜之後果然同預期一樣，流心蛋非常澎湃，一切開就爆晒汁，好誇張三文魚同芝士比例唔錯，大啡菇都好厚肉，幾飽肚，唯一不足既係我覺得熱度唔夠，我以為會熱辣辣，但係只係溫溫地。跟住既兩個意粉真係完全超出預期地好味😋明太子蟹肉意粉果然係招牌，超大份量既蟹肉同蟹子，連埋下面既明太子醬意粉，好正啊！個醬唔會好鹹，甜甜地，好濃郁，意粉煮到al dente，每一條都被醬完全包覆著，真係好好味！青醬帶子意粉都好驚喜，我本身唔係好中意青醬，覺得有陣草青味，但係呢度既青醬應該係我食過最好味既青醬，完全無青味，反而好香濃，意粉亦都係al dente，同青醬撈埋一齊食天衣無縫，加上微微煎香既帶子，完全不輸明太子蟹肉意粉！兩個都係心目中既No 1！不過要提醒一句，佢地意粉既份量真係好多，係果種睇落唔係好多，但係食極都食唔完既果種，所以細食既女仔點菜時要注意了❗️飲品方面，因為我同朋友都唔飲到凍野，所以點左兩杯熱latte，個人覺得桂花latte幾特別，不過桂花味道可以再濃d，而latte就中規中矩，無咩驚喜，略嫌咖啡味唔夠。不過拉花真係好靚！總體來講，這家cafe係絕對會encore既cafe，衣家晚上編輯食評時已經好想食多次佢既意粉了，真係太好食啦😋下次有機會再試試其他main同佢既risotto先得！值得一提既係，佢地既服務都超級好，絕對有賓至如歸既感覺～推薦大家黎試試啊！…查看更多

星期一至五忙到喘不過氣，連鋒鋒都忽略咗🥺，即刻帶佢出去食野補返數啦🥰。慢理牆城嘅佈置與裝潢，有如置身於繁華鬧市中，靜靜地等候美食☺️呢到嘅職員超級nice呀!! 見你凍會俾杯暖水你飲😆 我地落好單後，飲品率先送到。鋒鋒至愛嘅 🍫薄荷朱古力，而我就叫咗杯鮮奶咖啡醒下神。熱飲嚟講好大杯，一邊飲一邊同鋒鋒傾計，好chill呀😉🍖牆城小食拼盤細size 都相當豐富，有六種炸物，每款炸到金黃香脆上碟，就放肆一次啦！當中美式甜辣醬香脆雞翼辣辣地夠惹味，雞肉幼嫩滑多汁。炸著條配上自家製蛋黃醬，黑松露味超誘惑，食到唔停口😋。最surprise 喺三角流心芝士，一咬熱呼呼嘅芝士流出，暖在心頭💕 要趁熱食呀！🍝青醬帶子扁意粉意粉即叫即製，等咗些小時間終於上枱。帶子以層層疊方式擺設，賣相超吸睛廚師超有心。帶子嫩滑鮮甜，肉質美味彈牙。意粉掛汁一流，吸附滿清新嘅青醬。每一啖都細膩juicy。店內仲佈滿好多可愛嘅卡通毛公仔，有點療癒嘅感覺。真喺想坐足一個下午喺到放空呀！…查看更多

慢理牆城 WALL IS EAT✨一開始睇到呢個店名，仲以為係主打慢煮菜式，原來係食新派西餐，飲品同甜品名都好用心設計。裝修風格係綠化左既工業風🌿，好多影相位，岩曬鐘意打卡既大家📸。不得不提，店員服務十分親切有禮，食客離開個陣仲會送到出𨋢口，令您有種賓至如歸既感覺👍🏽😋食咗乜：車尼茄柚子果凍無花果沙律配肉桂蜜糖黑醋汁HKD$98😊沙律嘅配搭好清新，色彩繽紛嘅蔬果，加埋柚子果凍同埋金箔，色香味俱全。建議打卡後，將柚子果凍整碎同沙律撈埋一齊食✨牆城小食拼盤（小）HKD$168😊拼盤份量相當大，細拼盤已經夠3-4人食。一般出去食拼盤都會覺得唔多抵，全部現成貨翻熱。但呢個除左常見嘅薯條、蕃薯條、芝士條、芝士粒粒同埋香腸外，仲配搭埋水牛城雞翼🐥，非常豐富🥳黑松露醬岩曬鐘意GAS味嘅朋友🛢青醬帶子扁意粉 HKD$158😊青醬+帶子係穩陣之選。帶子煮得岩岩好，肉質嫩滑，意粉質地適中Come 芒，占士（三層芒果牛奶）HKD$88 😊帽事嘅，傻朱！（薄荷焦糖朱古力）HKD$82😊呢兩杯都係好玩之選，係店員細心指導下，將平平無奇既芒果+牛奶、簿荷+朱古力混合，變成好玩吸like之作✨（有睇曬呢個post所有相既您，有冇好似我咁”Wow 😮”出黎呢🤩）櫻花樹下的忽發奇想 HKD$158😊棉花糖+百力支+朱古力brownie嘅配搭，味道不過不失。但賣相同生日祝福語句有驚喜🌟🎂‼️TIPS‼️🚌點搭車：喺油麻地港鐵站B1 出口，過馬路後沿窩地老道行一個街口，轉入砵蘭街行前少少就到啦！全程行3分鐘左右🐼店內只有一張枱有呀熊陪您一齊食飯，想同佢坐就要盡早預約，同埋準時到啦🎂有朋友生日可以預約時同店員講聲，提供壽星姓名，店員會幫您準備小驚喜✨（感謝朋友幫我準備嘅生日驚喜😘）…查看更多

呢一日山長水又遠咁樣去咗九龍拎件新衫，就搵間餐廳食下飯，由於呢排意粉癮好勁，所以都係揀咗西餐。😍好衰唔衰，呢日又落大雨，好彩一出地鐵站行一兩分鐘就到，好方便👏🏻呢間餐廳其實好有心機做裝修，有嘢睇得黎，你會感覺到佢係有諗過度過，唔係求其買啲嘢喺度就算👍🏻Menu同成個室內設計都好陪襯，木質紙配簡潔嘅字型，第一頁就講下規矩，之後就係有咩飲有咩食，簡單而明😆 講真，放左工都唔想用腦🥴香煎法式羊架：紋青食羊鍾意食七成，所以都係煮出嚟偏向全熟，原本都驚熟得滯，會咬唔開，或者搞到牙都軟😅點知又OK喎！外面烤得好香口，肉味濃而不膻；沙律菜新鮮；薯條真係炸得好好食🤣青醬帶子扁意粉：紋青鍾意食帶子，咁我梗係揀帶子意粉啦🥰忌廉味同pesto味balance得幾好，食落都唔會膩，唔會得一兩粒帶子認真，如果喺旺角油麻地想食一間性價比正常嘅西餐，呢度真係不二之選👏🏻…查看更多

朋友生日提議食呢間餐廳其實之前睇openrice都有留意到呢間餐廳不過一直覺得呢d都係好睇唔好食架姐點知試過之後真係跌晒眼鏡佢嘅食物除左份量夠之外味道都非常好！先講我覺得最正嘅魚鱸魚係用百里香同檸檬焗出黎一揭開錫紙已經聞到陣陣香味一切開條魚d魚油同魚汁已經滲出黎魚肉仲好滑好有歐洲食海鮮果種感覺！第二大推呢個粉紅色嘅意大利飯唔會好漏反而仲幾開胃食唔停之選！覺得佢嘅pasta同risotto類做得特別好呢個黑松露意粉好creamy好香另外佢嘅飲品都好有心思有得飲又有得玩餐廳嘅擺設都擺得好精細幅牆拎黎打卡就一定唔少得啦！絕對係有姿勢有實際嘅餐廳！…查看更多

2018年10月20日。晴。油麻地。男朋友上網見到呢間餐廳裝修好似好靚咁，所以專登帶我一齊來食最後，再加多個朋友，三人同行～勇闖「牆城」！一入到餐廳就好似入咗個森林世界咁～裝修主要用夾板，砌咗好多個櫃櫃上面多數都係擺裝飾品仲加咗啲綠色膠草做下點綴係幾靚嘅～可能因為咁，所以好多人來食下午茶慶祝生日點甜品影相打卡食物方面呢，我哋嗌咗三個主食，很愛牛油果嘅我忍唔住嗌多咗杯牛油果乳酪英式豪華早餐，$148腸仔、煙肉同個菇都唔熱嘅味道無乜特別，最好食應該係塊多士牛油果忌廉蟹肉意大利飯，$168呢個男朋友嗌嘅，嗌嘅時候我無留意上枱嘅時候以為面嗰啲係吞拿魚完全唔覺有蟹肉味雖然係咁，但呢個risotto味道唔錯～飯煮得剛剛好，仲有少少硬度忌廉汁用芝士調味，鹹淡適中，忌廉汁亦好creamy加埋蟹肉同牛油果，豐富咗個層次～有不同嘅口感青醬帶子扁意粉，$148帶子大大隻，有三隻，啱啱好一人一粒仲有啲菇仔提升鮮味唔太滿意嘅係油落得太多食到尾好油膩，又滯於是就嗌多杯嘢飲～牛油果乳酪，$68點知。。。飲咗兩啖就想放棄無乜牛油果味，質地係沙冰咁（然而我唔係想飲沙冰）乳酪亦唔知喺邊最後男朋友只飲咗三分一都飲唔落啦總括來講，呢間餐廳係打卡好地方但係價格太貴咁樣每人就$200有啲離譜，質素同價錢唔成比例，性價比低…查看更多

最初新開張時已經睇過各大傳媒報導，被店內佈置吸引著，其後又有電視節目介紹，令餐廳人氣高企。打風前夕嘅週六，熱到不得了，走到呢棟M1酒店，旺角、油麻地有不少cafe係藏身於精品酒店之中，靠著口碑吸引客人專程而來全店以木色、綠色為主調，最吸睛一定係呢幅巨型植物牆，再用木架襯托，並以小擺設裝飾，感覺舒適療癒，確實係裝潢上落足心機:)餐廳面積比想像中細啲，可能因為樓底夠高，令視覺上或者從照片睇來更有空間感。入座時人流未算很多，枱櫈間有一點密麻，慶幸坐旁邊嘅客人講野唔係好大聲。後來明白點解咁安排座位喇，因為餐廳真係幾受歡迎，不停都客入呢，晚市十分建議訂位。店員遞上水、餐牌，並表示用餐時限1.5小時，我地不嬲都唔係慢食嘅人，加上上菜夠快，足夠有餘。餐牌供應西餐為主，有意大利飯、意粉、冷盤、小食、全日早餐，主食有羊架、焗鱸魚、慢煮黑毛豬、燒春雞等，價錢中上，一律散點，豆過份量頗足，可以考慮share。另有甜品、飲料等，午市點左一份全日早餐、一份意粉、兩款小食，三個女仔足夠，人均消費約百五蚊。香炸雞翼 $58/4隻小食揀左雞翼，呢度嘅雞翼外皮好香脆，炸粉都唔算厚，係類係洋蔥圈嘅製法，雞翼大隻肉嫩，可惜略油，尤其是女仔，可能會好似同行朋友咁要起皮先食到。甜蕃薯條 $58即時炸起，份量頗多，炸到香脆，用上粗身蕃薯條，粉感不足，而帶蕃薯甜香，味道唔錯。青醬帶子扁意粉 $148食物媲美西餐廳收費，勝在份量不少。扁意粉軟硬適中，掛滿青醬，加入少量彩椒煮成，幾香口，調味得宜，唔會太鹹。面頭鋪上三粒帶子，亦有睇頭，仲幾爽口。英式豪華早餐 $148多數我唔算太餓，但又想乜都食少少嘅時候，就會點全日早餐。呢份幾豐富，裡面有德國腸、煙三文魚、炒滑蛋、煙肉、蕃茄、什菌、茄汁焗豆、多士。早餐擺般精美，適合打卡，味道亦合格有餘。多士焗到燶燶地，有蒜香。煙三文魚卷成花形，唔會太鹹，伴少少新鮮沙律菜食，正。至於其他配料製作無難度，味道亦係預期之中。整體豐富，夠飽…查看更多