Espresso Alchemy (美麗華廣場1期)

今晚唔肚餓， 晚餐揀個 light D 的。呢間望落環境不錯，自成一角靜靜地噃。餐牌都幾多輕食的選擇，例如多士、沙律等等。西班牙辣肉腸墨魚 $58呢個配搭都幾有新鮮感，墨魚條配辣肉腸伴多士，突然好有聖誕 party feel 。Honey Bee (honey lime soda) $45青檸辣椒牛扒沙律$118另一個清清地的選擇，係牛扒沙律。食得出牛扒味道特別濃厚，一問之下原來係牛腹膜位置。濃味牛扒配合泰式沙律的做法，味道幾有層次。份量唔算多，相對價錢略有少貴，但幾特別可以一試。精選全日早餐$128有咖央多士、三文魚多士、煙肉、炒蛋同焗薯。全部都好精緻，幾好味架，尤其焗薯熱辣辣好香口。Honey Earl Grey Latte $42離遠已經聞到好香伯爵茶味，淡淡的紅茶 mix 鮮奶。表層是奶泡，似用機打成的cappuccino 泡，好香好滑。好啱唔飲得咖啡又想有歎啡感覺的人仕。其實餐廳有成副武裝，好專業的咖啡陣容。已睇中佢既 breakfast set ，一於揾日去食，順便試埋個啡，再同大家報告。…查看更多

呢間coffee shop 雖然位處地庫電梯底比較隱蔽唔係太起眼，但卻好寧靜、寬敞、舒適。名字提到煉金之術，而店舖o既當眼處同d 咖啡杯仲刻上o左一d 神秘符號，間餐廳其實都幾有特色，彷彿散發住一股獨特o既氣場般。叫o左份青檸辣椒牛扒沙律($118)，侍應上菜時簡單提到牛肉係牛腹膜既部位，而d 沙律配菜，係從法國進口。個沙律o既醬汁同平時食開西式o個d 有d 唔同，呢隻用上青檸汁，加上辣椒同青瓜，令道菜幾有泰式風味，少少辣之中帶點清甜。至於d 牛扒，份量都幾多，切開有好多片。廚師只係煎香o左表面，內裡仲係比較生，因而十分鮮嫩。我平時鋸扒都叫開三成熟，所以幾符合我口味。呢個牛扒沙律overall 真係幾唔錯，值得推介！咖啡白朱古力西多士($58) d 麵包砌到好靚，瀋上少許糖霜，再劃上一道紅色醬汁伴碟，侍應話呢隻係雜莓醬。一督落去，會feel 到份多士超級鬆化，好多空氣o係入面，麵包邊緣尤其脆口。個人prefer 唔搽o個隻醬，因為味道偏酸覺得唔係好夾……上milk chocolate ($41/large size。平日一個food + 一個drink 有八八折) 時侍應介紹呢隻係由兩隻自家製o既朱古力製成。奶泡打得唔錯，而味道同一般coffee shop 好唔同，佢會較重純可可味，甜度好低，但一d 都唔苦，質感幼滑。有兩個後來坐低o既OL 見我杯milk chocolate 好似好靚咁，特登問我好無飲然後都各自叫o左一杯呢。…查看更多

同屋企人係美麗華行街，我自己走左去底層書局睇書，今日竟然搵到好野，唔係指好書，指既係門口一間唔多起眼既小店<espresso alchemy>個名加埋店面裝潢，已經睇得出係一間專門做咖啡既餐廳。四個人，入到黎望下MENU 再聽下店員細心介紹之下，點佐5樣野先黎前菜係一個煙豬面肉薯仔炒蛋炒蛋好滑好濃，煙豬面肉有小小偏咸，再配埋個薯仔加小小香草，再配埋香脆既面包，口味出奇地夾再黎係個青檸辣椒牛扒沙律呢個夏天食真係無得頂，好有泰式風味﹗牛扒絕對新鮮，約五成熟牛肉相當嫩滑，配埋洋蔥沙律菜，好清新開胃，但唔好俾佢個名"辣椒"呃佐，其實我唔係好食得辣都覺得唔辣。三重海鮮寬面三重海鮮分別係青口，大蝦同埋尤魚，海鮮非常之新鮮大隻，看似簡簡單單，但用料一D都無馬虎香茅奶油汁煎魚 <-- 呢個我點其實就咁聽個名好似真係都幾博，香茅仲要配個奶油汁去煎魚，但人一世物一世咩都試下啊嘛﹗但出黎效果竟然可以咁正，先講條魚，外層剪到好香脆，但入面仲保持到好嫩滑，個汁唔知係咪就係香茅同奶油呢個奇妙組合，竟然同條魚相當夾，呢碟算係最極速清曬既一碟，講緊係連配菜都秒殺﹗最後黎個味增腌豬肩肉呢個賣相都真係無野好講，底層係菇類(因為我真係唔係好食菇，所以真係唔太清楚品種)，面係豬肩肉，頂層浦一層火箭菜﹗店員介紹時話呢個係無用SALT 去調味，係主要靠味淋味增同埋清酒去做個調味﹗淨係望落D 豬肩肉度都流曬口水，肉層仲係粉紅色，成舊好飽滿滿佈肉汁﹗頂層係出名味道獨特既火箭菜，成個配塔真係好正，仲要真心大碟，而最勁係，我本身真係唔係好食菇，但呢碟菜，我食佐好多舊菇，因為成個配塔真係太正﹗最後上野飲，雖然夜晚成8點，但一場黎到，我都係點佐杯咖啡 - COLD BREW另一杯點佐既係特飲POMOEGRANATE AMBER其實我自己對咖啡真係無咩認識，主要都係返工頂眼訓，不過呢杯野真係令我對咖啡呢樣野另眼相看，唔瓜得而家越黎越多人去講呢個咖啡文化聽店員講，呢隻咖啡係佢地自己調校，長時間去冷泡再入樽，而每段時間用既咖啡豆都會唔同，而且好易失敗﹗黎到既係一樽冰凍既咖啡，一隻冰杯裡面有冰球，成個組合都令到咖啡保持冷度﹗味道一D都唔苦，而且好獨特。POMOEGRANATE AMBER 主要係紅石榴+蘋果汁+BREAKFAST TEA，有小小帶酸，但味道清新，岩曬夏天飲埋尾我地仲叫佐兩個甜品一個係咖啡朱古力三文治，另一個係奶。醬。多三文治都幾鬆軟，夾層係咖啡醬+朱古力醬，唔甜，岩我食奶。醬。多就真係名符其實甜品啦，口味比出面甜，聽店員講因為煉奶係經過特別再處理，所以會更加甜，雖然我自己麻麻地甜野，不過在場女仕就相當受落成個過程店員都好俾心機去講解每道菜，好有禮貎，而最重要係，佢地既無論飲品同食品都睇得出同埋食得出好有心機，好有質素餐廳係美麗華商場底層書店外既一個角落，環境都相當唔錯﹗下次去睇書都一定會再黎…查看更多

Espresso Alchemy 在美麗華商場B1層, 餐廳分為兩部分, 「室外」是商場電梯下的位置, 有圓也有方型的長檯,遠離商場人流最多的地方, 感覺放鬆。而「室內」有一排卡座與半開放式廚房雙對望, 內裡裝修高尚, 以黑色金色作為主調, 半邊牆身擺放著出售的各種咖啡豆。-細看餐廳Menu, 除了咖啡以外, 餐廳把各種食物分門別類,  趁今天天口熱, 就叫了一個分屬’Light’ 的煙豬面肉薯仔炒蛋, 與及’Medium’ 的青檸辣椒牛扒沙律, 另外飲品叫了店員recommend 的Flat White (L).-煙豬面肉薯仔炒蛋屬於Light 的煙豬面肉薯仔炒蛋份量不會很多, 適合作為前菜或輕食。煙豬面肉有點像炸了的西班牙煙肉, 鹹香豐腴, 與嫩滑的炒蛋同吃, 層次足以提升。除此之外, 又有薯仔粒和多士, 即使是很簡單的食物, 口感和味道都變得多元。-青檸辣椒牛扒沙律至於主菜, 叫了青檸辣椒牛扒沙律, 這是一道屬於東南亞的菜色, 牛扒只係煎到半成熟, 非常嫩滑, 洋蔥，羅勒, 芫茜, 蕃茄和辣椒，配上青檸汁和魚露造成的sauce,雙互配合,加上一絲絲炸過的米粉, 不會讓沙律過於單調, 卻有著層層的變化。牛肉鮮美，加上各種蔬菜, 尤其是五辛類的酸辣和香味，實在清新開胃。-Flat White最後不得不提Espresso Alchemy 這裡的Flat White。由測豆、選豆、炒豆皆不假手於人, 有專業認可資格的杯測師選用最靚、最頂級的咖啡豆, 不同咖啡豆都會用不同方法去沖出來。今天選了的Flat White, 咖啡香氣強烈, 入口順滑, 並且帶有微微的果香，酸度不會太強，餘韻長久。能飲到最新鮮的咖啡, 實在是這餐午飯最完美的結束。…查看更多

在熱鬧的尖沙咀，想搵到一間寧靜的地方享受美食真的不容易。就在美麗華地庫的一角，坐得舒適。職員態度誠懇有禮。咖啡吸引，估唔到食物同樣有驚喜。Piccolo Latte在意大利文意思即係小小的拿鐵。有靚靚拉花，味道也同樣吸引。入口順滑， 咖啡與奶的比例啱啱好，有奶的甜香，亦飲得到咖啡的甘濃。青檸辣椒牛扒沙律 依個牛扒好特別，用咗泰式沙律的做法。牛扒煎到半生熟，然後切片撈沙律。咪以為做沙律啲牛扒差一點。依個牛扒肉質十分柔軟，而且具濃肉味，一點筋都沒有，中間部份還是粉嫰的。配埋紫洋蔥、青瓜、紅椒、芫茜等蔬菜，好清新的感覺。加埋炸米粉，更多一重脆脆的口感。酸、辣、甜的Salad dressing將整個沙律的感覺帶到泰國，非常開胃又美味的菜式。 食完一個泰feel的沙律，跟住食返個西式的煙豬面肉薯仔炒蛋。薯仔同煙豬面肉切粒香煎，豬面肉的油香滲透入薯仔入面，再配少少黑香草，好味道。比起一般餐廳用薄片煙肉，肉香更濃，而且更有質感。旁邊的麵包外層香脆帶點咸香，內裡細緻綿密。在上面放點幼滑的炒蛋&惹味的豬面肉和薯粒，好豐富。  …查看更多

真的沒有想到在尖沙咀鬧市的商場內，竟然可以找到一間坐得舒服，環境清靜的咖啡店。這裏除了咖啡等飲料供應外，還有很多不同的食物選擇。青檸辣椒牛扒沙律 $118 - 沙律內的牛扒，已切成片狀，肉質鮮嫩多汁，可以看到牛扒中心還保持粉嫩的顏色。沙律方面有多款什菜，顏色鮮豔，有紅椒、青瓜、紫洋蔥、炸米粉，配合泰式的青檸醤汁，味道清新。味噌醃豬肩 $158 - 豬肩肉用了日式的味噌和味醂醃過，豬肩肉切成薄片，配合下面的雞肶菇一同吃，味道很夾。煙豬面肉和薯仔 $58 - 切成粒狀的煙豬面肉，味道有點似煙肉，配合清清地的薯仔粒和滑滑的炒蛋，跟多士同吃，既飽肚又好味。咖啡白朱古力西多士 $58 - 這個烘多士搽了白朱古力和咖啡做成的醬，咖啡味道很突出，加上麵包上的糖粉，甜甜地、脆脆地加埋咖啡的香味，是一個很特別的甜品。Latte $36 - 這杯咖啡的味道除了有咖啡和牛奶味外，還帶點朱古力味，飲完後，口腔還有點果仁的香氣。Earl Grey Chocolate $39 - 鴛鴦就飲得多， Earl Grey 加朱古力又幾特別喎！朱古力味比較濃，但亦可以喝到淡淡的茶味和牛奶味。室內環境Menu…查看更多