鍋霸吃到飽台式養生火鍋 (莊士倫敦廣場)

米飯班主真係好鍾意打邊爐，所以佢又話要去打邊爐，我們未食過「鍋霸吃到飽台式養生火鍋」放題火鍋，咁就過去啦😂位於佐敦的「鍋霸吃到飽台式養生火鍋」環境闊落，座位寛趟🪑，空間感滿滿，坐得幾舒服🥰除了四人枱，亦有五六人大枱，適合一班人聚餐打邊爐👍吃到飽火鍋套餐是不同套餐 不同時段 不同價錢的🥰我地選擇了 美國PrimeGrade極上牛頸脊 及 西班牙伊比利亞黑毛豬 套餐😎任飲任食無限時套餐 (正價時段) $413/人有20款湯底可以選擇🥘任點任食的食材接近90款，包括肉類、海鮮、蔬菜、火鍋配料、麵食及多款飲品汽水，連自助區的火鍋醬料都超過10款任君選擇😊飲品款式選擇都好多，凍飲❄️及熱飲🔥都有供應👍🏻如果想飲啤酒，亦有另外的價錢選擇。入座後，店員隨即送上前菜🤩有鹽酥雞拼花枝丸、青瓜及雲耳👍🏻鴛鴦鍋 +$48😉火鍋湯底方面🍲，選了 養生蟲草花桃膠雞 拼 田園蕃茄牛肉，蟲草花桃膠雞湯底除了桃膠、蟲草花、雞，還有豆卜和粟米🌽，味道幾清甜，而蕃茄牛肉湯底🍅蕃茄味濃郁又鮮味👍🏻美國PrimeGrade極上牛頸脊牛頸脊位於牛頸與肩胛之間，有油花平均，肉質爽滑有口感，肉味濃郁。西班牙伊比利亞黑毛豬我覺得是豬肉界和牛😂肉質顯現出大理石紋，口感極柔軟，而且肉汁豐富，好正呀‼️我自己一個都吃了2盤黑毛豬🤣除了以上2款肉類外，還有PrimeGrade肥牛片🐮、無激素豬肉片🐷、台式雞件🐔、黑毛肚、豬肚、豬耳等🐓，PrimeGrade肥牛味道濃郁，且富有嚼勁的口感，而無激素豬肉片入口軟嫰。海鮮有🦐海蝦、蜆、帆立貝、白鱔片、脆骨腩、鯇魚片、墨魚仔🦑、墨魚滑等，海蝦新鮮彈牙、墨魚滑入口爽口鮮味、脆骨腩入口爽脆👍🏻火鍋配料有足八吋長蟹柳🤩、花膠片、台灣腸、魷魚羮、手工三寶丸、手工香菇雞軟骨餃、魚皮餃、墨魚腐皮條、午餐肉、各種丸類及餃類等😛足八吋長蟹柳真係好吸晴🤩手工香菇雞軟骨餃入口有粒粒咬口，香菇味突出，口感豐富。蔬菜方面有羽衣甘藍🥬、皇帝菜、紫蕃薯、唐生菜，油麥菜，菜心苗、冬瓜🥒、粟米🌽等，全部都好新鮮。仲有王子麵、自家製台灣手工拉麵、出前一丁及稻庭烏冬等等🤩飲品係自助放題，出去雪櫃自己慢慢選🫶最後，食飽飽還要食甜品的啦😝可以選的有Movenpick、Häagen-Dazs、Dreyer's雪糕🍨及 Kitkat 雪條，真係大大大滿足‼️…查看更多

立冬了，想吃火鍋，再訪四年前光顧過當時開業不久的「鍋霸」，能在佐敦屹立五年，水準有保證。吃到飽養生火鍋套餐有三款選擇，窩夫與蝦子餅星期日光顧，選了中間那款，7時30分前離座，無限時每位341元，比限時120分鐘只需多付32元。湯底有20款之多，太難選了，可考慮加48元要駌鴦鍋。結果點了藥膳椰子雞鍋拼新推出的藥膳胡椒豬肚雞鍋，雞鍋裡面有幾件厚厚的雞髀肉呢。自助飲品種類繁多，窩夫鍾情冷泡茶，蝦子餅則愛喝帶酸的烏梅山楂茶和台灣黒糖冬瓜檸檬茶。自助醬料區很整潔，自家製火鍋甜豉油沒普通豉油那麽鹹，更能提升食物的味道，建議加些麻油令味道更有層次。火鍋必食的牛肉可選Prime Grade安格斯牛頸脊，肉味濃且肉質嫩滑。西班牙伊比利亞黑毛豬有適量脂肪，比普通豚肉片軟身。窩夫一向愛吃墨魚滑，「鍋霸」的手工黑松露墨魚滑實在太好吃，口感彈牙，有超多爽口的墨魚粒，再加上黑松露的香味，要安歌呢。其他手工丸亦很有水準。是日精選海鮮是蜆，嫩滑無沙，生猛海蝦鮮甜彈牙。最後一人有一杯雪糕，牌子口味選擇多，窩夫點了Movenpick雲呢拿味雪糕，是窩夫個人覺得最美味的雲呢拿味雪糕，蝦子餅則點了Movenpick椰子味雪糕。…查看更多

今年係鍋霸開幕五周年 推出左全新吃到飽火鍋套餐🆕可以揀120分鐘/無限時(+$40) 7:30離場 最平$219就食到 大滿足🤑.📌吃到飽養生火鍋套餐-美國 Prime Grade 極上牛頸脊及西班牙伊比利亞黑毛豬 $299 (120分鐘 7:30pm前離座)🐷西班牙伊比利亞黑毛豬肉香味濃郁 口感厚實🐷西班牙無激素豬肉片豬味相對冇咁濃 但軟嫩啲🐮Prime Grade安格斯牛頸脊牛味濃香爽嫩🐮Prime Grade美國安格斯肥牛質素冇咁高 但都唔錯.🍲湯底揀左雙拼 (+$48)1️⃣蕃茄濃湯豆腐雜菌涮涮鍋 蕃茄酸甜味真係勁濃郁 仲有大量雜菌同蕃茄粒 惹味得嚟又清新🍅🍄‍🟫原本expect係滑捋捋軟豆腐 但佢係蜂巢豆腐同豆卜 超索湯🤍2️⃣藥膳椰子雞涮涮鍋呈奶白色 清甜中帶淡淡藥材味🥥仲有勁多大大舊嫩滑雞髀肉 足料又養生🍗.等湯底滾嘅時候 嗌咗啲小食試吓✨麻辣木耳同青瓜惹味開胃🌶️鹽酥花枝丸Q軟爽彈又香甜🍡鹽酥雞酥脆香口🐔灑埋四包Shake Shake粉 味道更豐富👅脆鯇魚片同脆骨腩爽彈香脆 白鱔片肥美甘甜🐟墨魚仔好大隻爽嫩🐙帆立貝幾有鮮味 但是日精選海鮮(蟶子仔同蜆)就有啲腥🦪最矜貴竟然有花膠片 但每次嘅質素都有啲參差👀魷魚羹爽彈有咬口 微微鮮甜味 手工黑松露墨魚滑唔錯 有鮮味得嚟又帶淡淡松露香🦑足八吋長蟹棒香甜軟嫩🦀芝士小籠包外皮較厚實偏硬 內裏流心芝士微甜 似平時芝心包🧀流沙魚蛋有驚喜 咬開係鹹香金沙餡🥚超推介火鍋店少有嘅羽衣甘藍 清新草青味又爽脆 正🥬.最後當然唔少得甜品 每人有一款雪糕🍦Dreyer’s印度皇家茶味好出色 茶底同奶味平衡 甜度唔高 茶甘濃香🍵Movenpick嘅espresso味都好正 濃醇咖啡雪糕混入焦糖榛子碎 香甜脆口🌰☕️…查看更多

今天家人提早慶祝生日，選了這間「鍋霸吃到飽台式養生火鍋」；鍋底選擇了鴛鴦鍋；分別「台灣麻辣牛肉涮涮鍋」及「藥膳養生花膠雞涮涮鍋」；啱哂食辣同唔食辣既。一黎就送黃金蛋黃炸魚皮，配上香辣,芝士，海苔，梅子粉，配上紙袋,玩味十足。這鍋底我主要「台灣麻辣牛肉涮涮鍋」涮涮鍋」這部份；已經有牛肉在鍋內，我們選了小辣，剛上鍋底時，還十分入味，麻香十足，隨著湯底加了多次湯後，麻辣漸消退，麻辣香再沒這麼強烈。我們點了較高級的套餐，包括「Prime grade 安格斯牛頸脊」「西班牙伊比利亞黑毛豬」「Prime美國安格斯肥牛」「西班牙無激素豬肉片」正價時後成人$408,小童$278；至於相對較平的套餐，主要小了「Prime grade 安格斯牛頸脊」及「西班牙伊比利亞黑毛豬」至於供應的飲品十分豐富食到最後，必點，有Movenpick 雪糕…查看更多

我不嬲都好鍾意打邊爐，呢排立秋之後好似有涼到少少，就更加想打邊爐，無論係港式、台式、定係麻辣火鍋我都鍾意，今次食嘅係一間幾高質嘅台式火鍋，賣點係唔會趕人走、唔使好急食兩個鐘，再出去同朋友食甜品先傾到計既火鍋店。呢間鍋霸吃到飽台式養生火鍋，係一間佐敦嘅台式養生火鍋店，湯底主打特色養生藥膳湯底，好似藥膳醉雞湯底同藥膳椰子雞湯底。火鍋配料超過60款，包括Prime美國安格斯肥牛、西班牙豬肉片、羊肉片、豬頸肉、雞髀肉、多款海鮮、鴨血、手工餃子、ShakeShake鹹蛋黃魚皮等，仲會送Mövenpick雪糕，選擇夠多。小食包括炸魚皮、涼拌麻辣青瓜、木耳，非常惹味。飲品方面有手工冷泡茶、自家製烏梅同台灣進口冬瓜茶，全部都係飲飲。餐廳喺佐敦嘅莊士倫敦廣場，地鐵站行兩三分鐘就到，唔算難book，前一兩日book都有位，book左7:30就入座。餐廳環境幾闊落，全部都係卡位，坐得舒服。座位隔離會擺兩樽雞湯俾我哋自行加湯，冇晒嗰時啲店員會主動換啲湯底。依度會寫明有邊啲嘢食係任點，可以scan QR code點菜。醬料區非常大碟，有蒜蓉、炸蒜、山茶醬、指天椒、蔥、芫荽同麻油。-🥘 吃到飽套餐 💰298/位呢一間嘅火鍋店特別在佢嘅套餐，一般嘅火鍋放題都係60分鐘到120分鐘，而呢度度特別在可以不限時，餐廳5:00開始晚市，喺未有疫情之前佢哋係可以開到凌晨2:30，即係可以食九個半鐘，咁當然疫情之後就只可以食到10點，但都已經有五個鐘，如果係一大班人好鍾意傾偈其實好適合，五個半鐘其實可能兩個鐘已經食飽，但係就可以有個地方傾幾耐食幾耐都得。湯底方面佢哋有16個選擇，主打藥膳、養生嘅湯底，行台式風格，我就叫個店員推介嘅藥膳麻辣蕃茄牛肉鍋同藥膳椰子雞涮涮鍋。我係幾個月前去，呢個每位$298既餐仲有，呢家多左個每位$398既餐每位$298既餐，分別係多左Prime牛頸脊同西班牙伊比利亞黑毛豬可以任點。-🥘 藥膳麻辣蕃茄牛肉涮涮鍋 （👅: 8.5/10）麻辣番茄湯可以揀雞肉同牛肉，咁我就揀咗牛肉，可以睇到湯底都係非常之多料，有好多辣椒、花椒、洋蔥、牛肋條、蕃茄、豆卜、木耳。呢度嘅蕃茄湯係餐廳自己將新鮮蕃茄打醬，而唔係落啲現成嘅茄醬、茄膏，湯底夠濃稠，蕃茄味出，飲落麻味幾重，唔算辣，唔係好食得辣嘅人小辣就啱啱好，不過帶少少苦澀味，應該係花椒比例比較多，但依種苦味係可以接受，湯底同時有酸、甜、辣、苦，會越煮越麻，夠味唔駛點豉油。呢度嘅牛肋條食落唔會有羶味，食落軟腍夠入味。湯底算係幾重味，會越煮越重味。-🥘 藥膳椰子雞涮涮鍋 ＋💰48（👅: 8.5/10）呢度嘅湯底非常足料，可以好輕易撈到非常之多嘅椰子雞、洋葱、木耳、粟米，湯底用椰漿代替椰水，飲落非常濃味，好重椰香味，因為佢係藥膳湯底，會見到有唔少紅棗，但係唔係會帶有苦味既藥膳湯底，飲咗好清甜，完全係可以當湯咁飲，飲落無平時咁油膩。椰子雞唔係用冰鮮雞，可以見到佢比嘅都係大嚿嘅雞髀肉，因為個湯夠味，所以令到啲雞好入味好食，食落肥美肉嫩，無雪味，仲可以無限任添，係打邊爐好高質嘅雞肉。-🥤 台灣黑糖冬瓜檸檬茶 （👅: 8.5/10）飲品方面好多選擇，飲品除咗有常見嘅放題飲品之外，仲有提供啲自家製沖嘅冷泡茶，例如有桂花烏龍、四季春、冬瓜檸檬等等。餐廳細心在佢唔止有凍嘅嘢飲，仲會有個暖嘅櫃裝住啲熱飲，而且仲有啲嘢飲係室溫嘢飲。我就揀咗呢個黑糖冬瓜檸檬茶，黑糖味幾突出，但檸檬味唔算話好重，但會飲到甜甜酸酸嘅味道，係好開胃嘅冬瓜茶，以自家製嘅飲品來講我覺得幾好飲，我會揀飲佢多過飲一般嘅紙包罐裝飲品，飲呢個就可以中和湯底好濃嘅味道。-1️⃣ 鹹蛋黃魚皮 （👅: 8.5/10）呢度點嘢食之前就會送一盤自家製shake shake鹹蛋黃魚皮，會有四款味粉俾你自己調配再shake，分別係海苔、芝士、梅子、香辣。魚皮都比較厚身唔算好薄，咬落脆口，食落魚味足夠，比起一般火鍋店嘅炸魚皮都好食，再加上加咗點都好食嘅鹹蛋黃粉，鹹蛋黃粉嘅味道已經好夠，其實唔需要再落其他shake shake調味。呢一碟前菜實在好好食，可惜在只可以送一碟，冇得任點，只可以點普通嘅炸魚皮。-2️⃣ Prime肥牛片（👅: 8.5/10）呢度嘅肥牛得一款，都係Prime Grade 美國安格斯肥牛片，唔似其他火鍋店會有唔同嘅牛品種、唔同部位俾你揀，未煮之前油花睇落都幾靚，雪花均勻，牛肉入口軟嫩，有噯勁，但唔係好韌難咬唔開嗰種，唔會太瘦亦都唔會有太多肥膏，肥瘦適中，而且仲有少少牛味，放題來講食到呢一種肥牛，係非常高質，略嫌有啲薄身，好處係灼一下就食得，如果一塊唔夠滿足，應該要一次過落幾塊一淡咁食，但牛肉嘅質素係高質比起一般火鍋店。-3️⃣ 西班牙無激素豬肉片（👅: 8.5/10）呢度嘅豬肉都係西班牙冇激素豬肉片，食落厚實彈牙，唔鞋，同牛一樣都係好薄身，灼一下就熟。-4️⃣ 手工三寶丸 （👅: 8/10）呢度嘅手打丸都比較細粒，係可以一啖食到嘅大細，全部都係用新鮮材料整，食落唔會好粉。牛丸食落幾彈牙，味道夠重，有麻辣味。梅菜豬肉丸食到梅菜香。墨魚丸除咗咬落彈牙，仲食到墨魚味。-5️⃣ 自家製手工韭菜餃 （👅: 7.5/10）韭菜餃夠大隻，入邊嘅材料新鮮，食到韭菜香，但略嫌個餃包得唔夠好，入邊嘅材料唔夠飽滿，會食到有啲位比較空氣啲。餃子類仲有麻辣豬肉粟米餃、香菇雞軟骨餃、白菜豬肉餃。-6️⃣ 白鱔片 （👅: 8/10）鱔片咬落爽口，肉質夠實，食落魚味豐富，而且魚既去骨得做得好好，係可以一啖擺落口，唔使吐骨。-7️⃣ 手工黑松露墨魚滑 （👅: 8/10）墨魚滑非常新鮮，會食到粒粒嘅墨魚粒，黑松露味都食到，但可能黑松露醬有少少冚過墨魚滑本身嘅鮮味，有可能唔加仲好食。-8️⃣⃣ 海鮮（👅: 8/10）蜆食落幾鮮甜冇沙。蟶子肉質夠飽滿，食落一樣冇沙。帆立貝幾新鮮，食落彈牙長蟹棒有八寸咁長，食落滿足。花膠夠爽口，唔算好重膠質。-9️⃣⃣ 其他（👅: 8/10）蜂巢豆腐係港式個種而唔係台灣嗰種，可以索盡呢兩個湯嘅精華，不過因為呢兩個湯個味比較重味，豆腐會有啲鹹。鴨血薄切，食落冇腥味，味道唔算好入味，但味道同蕃茄麻辣鍋幾夾。爆醬濃芝牛丸係有驚喜既牛丸，食落牛肉味香濃，再加上流心芝士，配搭得非常好。油麥菜幾新鮮，唔會好黃。-🔟 雪糕（👅: 8/10）每人可以點一份雪糕，雪糕種類非常之多，有movenpick、HaagenDazs 、dreyers、kitkat嘅唔同口味，火鍋店來講算係幾唔錯。-🌟呢度嘅食物質素係幾高質，冇話邊一種嘅配料特別伏，肉來講係火鍋店幾高質，可以係咁點，丸類係我覺得第二好食嘅配料，我自己特別鍾意爆醬濃芝牛丸，之後要數第三好食係海鮮，夠新鮮肉飽滿，飲品來講最鍾意係台灣黑糖冬瓜檸檬茶。呢度係用QR code落單，但落咗咁耐都冇試過漏單，落幾多數量就上幾多數量，而且上菜速度都幾快，唔會話張枱冇嘢食要等，而食完嘅吉碟，店員都會好主動過嚟幫手收走，服務係幾周到喺火鍋店來講。整體係間幾值得再食嘅火鍋店，我覺得同牛大人有啲相似，咁當然牛大人係專食牛，呢間就只有一款牛，但依度嘅湯底同其他配料都出色，配料就唔算好台式，勝在可以坐好耐，易book，絕對係我唔想試新野嗰時會再食嘅火鍋店。-👅味道: 8.5/10🍴環境: 7.5/10💰消費: $298pp (服務費: 10%)…查看更多

台式火鍋係呢排既新寵 雖然其實香港人一年四季都鍾意十下十下已經唔係新鮮事，但而家既火鍋著重講求養生，尤其係台式養生鍋，淨食鍋底已經覺得好高質講緊既就係今次食既鍋霸，仲要標榜「無限時吃到飽」 我friend話佢有朋友食足九個鐘！我今日揀左晏晝黎食，戰鬥力好d，又唔會飽到夜晚訓唔著。同埋個大胃王朋友一齊黎，一於擦返餐勁先揀鍋底，淨鍋都有17款選擇，仲有得揀辣度，真係花多眼亂 最後我地揀左藥膳養生花膠雞涮涮鍋，真心覺得無揀錯！個湯底有大量紅棗、龍眼肉等藥材，煲成一個好甜既藥膳湯底。入面既雞件好多，仲要超腍滑，絕對唔係煲到乾柴哂既雞 花膠都有唔少，仲有返咁上下厚度，滾耐d會更腍，比起爽口既薄花膠的覺得呢隻更好 另外仲有粟米呀豆卜呀洋蔥等等配料，吸哂湯頭真心好食加湯都唔會加清水，而係連埋杞子北芪既藥膳湯，越滾越濃一落左鍋底就有QR code俾我地點野食，食材全部都係即點即送。淨係飲品同醬料係出面拎，比較衛生。飲品方面有好養生既烏梅山楂、冷泡四季春茶、桂花烏龍同埋黑糖冬瓜檸檬，全部都係自家製。另外罐裝同盒裝飲品就有薑母茶、蜂蜜柚子、荔枝烏龍、忌廉鮮奶等等，仲有暖櫃同室溫選擇，好貼心醬料有簡單既蒜蓉、蔥花、辣椒粒、沙茶醬等，個豉油難得係自家製，唔會太鹹，仲用個木桶裝住好得意一返到枱就見到食材已經到哂，送餐超快速 而且都無漏單，值得一讚我地嗌左貴d果個餐，係包Prime牛頸脊（白碟），就發覺同平d個餐包既Prime肥牛（右下黑碟）真係有分別，前者牛肉味更重更濃郁，反而無咁肥但都夠腍滑另外仲包個西班牙伊比利亞黑毛豬，油花超靚 無諗過豬都可以做到咁靚咁高質！呢度既賣點係海鮮都可以任食！ 海蝦超鮮甜大隻，肉質爽口唔霉。是日海鮮有大蜆同埋小蟶子，1d都唔欺場魚都有幾種揀，白鱔片非常爽滑鮮甜，脆肉鯇有魚片同骨腩任揀，怕有骨既仲可以揀啖啖肉既深海魚柳火鍋配料選擇都好多！八吋長長腳蟹棒好吸睛，食落都好爽皮 帆立貝啖啖厚肉 腐皮墨魚卷都好得意。台式火鍋當然唔少得鴨血啦！松露墨魚滑雖然唔算好重黑松露味，但墨魚滑非常爽口彈牙！手工餃子就有幾款，我地試左香菇雞軟骨餃，口感都幾特別。手打既仲有墨魚、豬肉同牛肉丸，最鍾意無粉既手打肉丸，好彈牙好鮮味鹹蛋黃魚皮係呢度另一招牌，就咁食好脆同好重鹹香味。枱面仲提供shake shake袋同shake shake粉：七味粉、芝士粉、海苔碎，可以因應自己口味再加添，玩味十足菜竟然有羽衣甘藍，落落個清甜藥膳湯底後1d都唔苦，仲有娃娃菜都係吸湯之選，食菜食得好滋味最後仲有每人一客雪糕：Movenpick, Haagen-daz, Dreyers同Kitkat任君選擇，打完熱辣辣邊爐食返杯冰凍雪糕真係不得了總括黎講，我同朋友都覺得鍋霸高質過同類其他台式火鍋。鍋底真心已經佔左一半CP值，而且比牛大x會多左任食海鮮 仲要Openrice有得訂位，唔駛係門口排哂長龍咁入座同係自助區逼餐懵，服務同安排都舒適好多。…查看更多