牛牛日式火鍋放題 (北角匯二期)

呢啲日式任食火鍋真係開咗好多，呢間我覺得係其中一間質素幾高嘅。呢度有五個餐可以選擇，我哋今次揀咗中價位澳洲穀飼牛$248。呢度係一人一鍋，湯底我揀咗壽喜燒(+$8)，芫荽白魚湯(+$8)。醬油區選擇好齊全，熟悉嘅麻辣鴨血都值得一試。牛肉嚟到都算唔錯，未至於係雪花，但係都肥瘦適中，羊肉豚梅肉都ok。至於喺出邊自取嘅食物，選擇亦都好豐富，有超長蟹柳，仲有兩款爆漿嘅丸(唔記得咗叫咩名)都值得推介👍🏻。飲品除咗罐裝飲品之外，亦都有果汁，嗰餐啤酒都包埋👍🏻我見到雪糕就雙眼發光，因為movenpick係我最愛…查看更多

最近玩緊低碳飲食 簡單講即係少食碳水化合物 ，係公司附近搵左間打邊爐lunch正 ，主要食肉同菜👍🏻🤪🤪..📍美國頂級牛肉午市放題套餐$178 （90分鐘）Lunch set 分左60/90分鐘放題 因為60分鐘好似太少時間🙈 雖然係最平個隻牛（頂級牛）但牛都好高質 油脂分布均勻 牛肉夠薄身 咬落無渣😋 食左成1x碟真係回晒本，另外豬肉都幾唔錯 似豬腩肉黎 所以肥瘦都均勻🤪.▪️自助吧有超過33樣配料可以自取(真係數過黎🙈) , 大部分都係菜既選擇 想問有咩款可以睇返相 。但主力好想推介一般火鍋店好少有既台灣空運水蓮、紅心蘿蔔 日本京水菜 😍 種類超多又特別 超級適合選擇困難症既朋友 😏 乜都可以食一餐 。.▪️飲品選擇都算好多 包括：汽水 韓國啤酒 冷泡茶 果汁 ... 唯獨係冇咩熱飲選擇 但冷泡茶好正 仲有分 高山烏龍、四季春、桂花 。打邊爐已經好邪惡 飲返d茶個感覺會無咁肥🙈.▪️雪糕雪糕係movenpick 口味有：雲呢拿 士多啤梨 朱古力😍 雖然大盒裝 要自己裝。但味道不變 仲可以拎多d🙈 .…查看更多

冬天凍冰冰一定係食火鍋，但次次食來食去都係沙爹鴛鴦鍋又覺得悶悶哋，所以今次揀咗北角新開張哩間 Gyu gyu Shabu Shabu，原本見到係日式 Shabu Shabu 放題已經心動，仲要有多個口味嘅雪糕。加埋新張期間四送一就更加抵食去到人超級多，好彩我哋比較早到唔駛等咁耐，如果係四人以上記得早啲拎定飛，唔係就要等一段時間啦！坐到入去環境好靚，係以粉藍粉紅做主調，影相打卡一流！而且位置好寬敞，唔駛同人逼，一人一鍋又衛生，外面自助除咗多款菜，竟然仲有炸物，炸物真係非常少見，通常一般 SHABU SHABU 都係俾人夾就算，好少會炮製一啲即做食物出嚟。 而牛方面我叫咗黑毛和牛，油花同厚度都好正，又滑又香 ，哩個價錢抵到爛！傳單上睇到原來中午都有定量放題，$100都唔駛就可以任食外面自助BAR，中午 LUNCH都係一個好選擇！…查看更多