Little Vegas

第二次黎😊食到好飽好飽依度裝修好靚好美式檯面既糖仲可以任食架😚♪ 牛肉芝士漢堡$112漢堡肉超厚而且同個名一樣好juicy但覺得調味可以再多少少伴碟既薯角炸到香脆令人一條接一條食唔停😖♪ 明太子天使麵$98聽講依度既明太子幾出名見其他檯都有叫黎食又真係唔錯~有好多忌廉汁同明太子調味做得好好~明太子痴住每一條意粉啖啖都食到~♪ 雞翼三重奏$78分別有水牛城, 玫瑰, 胡麻醬玫瑰味最特別!真係食到玫瑰香其次係胡麻醬我未食過用胡麻醬煎雞翼所以好有驚喜♥︎♪狂炸海鮮拼盤$86好熱氣😵有魚手指, 魷魚, 生蠔, 薯波魷魚同魚手指係最好食我最欣賞😊嗌咁多野食又碟碟都大大份但其實我地得2個女仔😂😂😂要清淡返幾日先得啦😋 味道：★★★★★💰 價錢：$$$…查看更多

本來選了另外一間餐廳，這間的裝修幾靚，照相一流，於是我們就改變主意過來慶祝朋友生日。為免FULL BOOKING，我們預先訂位，但留意餐廳訂位只限當天4點後才能預約。是次飯聚有三位朋友，但有一位朋友未到而餐廳又講明限時一個半小時用餐，我們唯有在門口等差不多才進去。入座之後安排給我們的位置近冷氣風口位，於是我們轉了位置 (幸好當時人不多)。食物方面，我們點了以下的。首先環境氣氛不錯，每張桌上都有一盞燈，拍照不怕太暗。每張桌上都有一杯糖，是這兒的特別之處之一。在點完餐後我們就先吃粒糖。食物方面:雞翼三重奏分別是麻醬炸雞翼﹑玫瑰炸雞翼和水牛城炸雞翼。過往試過的"水牛城雞翼"都一般般，所以我沒有試到這間水準。朋友就認為水牛城雞翼不會太酸 (她試過其他地方的水牛城雞翼十分酸)，相比下這間的水牛城雞翼都正常。而麻醬雞翼的麻醬味幾濃厚，不會太淡，第一次試都幾特別。最後玫瑰炸雞翼其實是玫瑰蜜糖味，我就最喜歡蜜糖雞翼，不能輸啊。黑松露野菌PIZZA這個PIZZA幾好味，黑松露很多，味道很濃，PIZZA是薄PIZZA，脆口好味。但比較油，除此之外都不錯。卡邦尼幼意粉卡邦尼幼意粉用大字母圍邊碟裝著，配搭桌子的馬賽克，顏色繽紛很吸引人。意粉裡面有火腿和菇片。卡邦尼汁很稠，但芝士味和整個意粉都不夠味，沒有什麼味道。這個焗特菇就是一個大大的菇上面放了芝士拿去焗，味道沒有什麼特別，不過幾好味的，菇有很多汁。薯波就是波形的薯餅，上桌還熱騰騰的，幾脆口。事先詢問了LITTLE VEGAS 叫甜品能否在碟上寫字，他們說不能，但可以幫我們插生日牌和蠟燭。我們都接受，於是點了心太軟和單個雪糕。這裡的心太軟不配有雪糕，所以雪糕是另外點的，我們就點了芝麻味(本來想要豆腐味，但什麼味都有就是沒有豆腐味)。心太軟製作時間需要10-15分鐘，這個時間我們聊聊天吃吃糖待時間過。心太軟熱騰騰好好味，芝麻味雪糕很快就開始溶 (因為我們顧著拍照哈哈)。右邊是一團燒過的CREAM加棉花糖粒，單吃又不對，配雪糕吃又奇怪，不知道應該怎麼吃它。…查看更多

同事生日，收工同同事落去銅鑼灣食little Vegas 好耐之前有食過，對上一次黎排隊排勁耐今次好在唔洗排，即刻可以入去坐底起限時90分鐘我地叫左雞翼三重奏(水牛城、玫瑰、胡麻醬)、焗波特菇、卡邦尼幼意粉落完order 勁快就上食物啦，係咪知我地肚餓呢🙈🙈個雞翼三重奏 我試左胡麻醬同玫瑰味我個人鐘意胡麻醬既雞翼多d 夠哂香夠哂濃再配上雞翼 好夾呀！而玫瑰味既雞翼都比較特別 每一口都食到玫瑰味卡邦尼幼意粉 個汁好creamy 焗波特菇: 個菇都好大舊 上面再加上溶左既芝士 好正！飲品方面:Fuji, sunsets,青蘋果梳打Fuji 係藍橘子Sunsets 係橙味杯野飲入面有個雪糕 都幾特別…查看更多

當日情人節 朋友推薦嚟呢間西餐廳餐廳裝潢有vintage既感覺 環境唔擠迫待應都好有禮貌 最鐘意係佢地餐牌外國風既設計 最驚喜最好味係呢一道明太子忌廉天使麵 份量剛剛好 食材方面有木魚同菌 不得不讚既係佢地唔係用普通既冬菇 一食落去就食到好香既菌味另外佢地既麵質亦煮得岩岩好 唔會太淋 唔會太硬 明太子汁都唔會過咸 食完一定會再想食！另外亦叫左半份豬肋骨同雞翼三重奏最surprise係佢玫瑰味雞翼 食到好香 甜甜地既玫瑰味 但雞翼本身係咸既 兩種味道match埋一齊好好味豬肋骨方面就中規中矩 冇特別驚喜 但都係好食既 煮得夠淋 易切易咬 總括而言性價比好高既一間西餐廳 可以一試再試❤️❤️…查看更多

個人認為大時大節唔一定食得貴先叫好嘅平價之選又有特色可以去Little Vegas雞翼三重奏係賣飛佛玫瑰蜜糖雞翼真係好好食！另外呢個海鮮菠菜忌廉汁意粉海鮮份量夠 忌廉汁岩岩好略嫌有啲淡 加返少少鹽就好好味🤗________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)價錢：$76(雞翼)$126(意粉)________________________唔信我嘅可以自己去試試😂…查看更多

餐廳環境吾錯，裝修幾特別，係燈光比較暗，同朋友影相可能就無咁靚，至於食物質素都吾錯既，餐牌設計係非常之靚😁我地前後叫左三個主菜，一份雞翼同埋每人叫左杯野飲，我就試左當日既手工啤酒。意大利飯牛肝菌味超濃又多汁，比意料之外好食，而且飯既軟硬度煮得岩岩好，我同朋友都勁中意👍🏻三種味既雞翼，有辣有酸有甜，係幾新奇既，都係一般既雞翼無咩特別，反而覺得佢玫瑰味（甜味）完全吾好食，好似糖漿浸住咁太甜喇！😣Pizza都係一般，薄皮，勝在用料豐富，mix埋咁多食材一齊食都吾錯😊天使麵都好食既，係略嫌佢太多汁，如果可以煮得乾身d可能會更好味👍🏻期間限定而且價錢又平既手工啤，點可以吾試😁吾中意太濃味啤酒既人呢款啤酒絕對岩你飲🍻😎朋友叫左梳打同綠茶飲品，其實全部都好甜，中意飲甜野既都可以叫既😉其實佢一開始已經有隻好靚既玻璃酒杯裝住好多吾同既糖果放係枱面，同朋友食完都忍吾住一路傾計一路食佢d糖，其實都幾特別😁😁服務員態度都吾錯，上菜都上得好快，環境都幾適合大家傾計👍🏻…查看更多

以前返學經常流連於銅鑼灣，畢業之後就好少過黎啦。不過約開舊同學食飯都會簡返銅鑼灣，懷緬下麻。舊同學話呢間唔錯，心諗，既然識飲識食既佢都話ok，應該可以一試。不過可能我地之前少黎呢邊，係time square地鐵站出黎之後，搵左一陣先搵到橦大廈，而且可能係食飯時間，樓下排隊等lift 既人龍都唔短，我地排左大概15分鐘先上到去。未入去已經覺得出面既牆好靚，成面牆塗鴉，甚有美國街頭既味道。坐係度同舊同學吹水都快過D。等左差唔多30分鐘終於入到去啦！一入去餐廳就聽到好強勁既POP Music，好似真係去左Las Vegas 咁╴氣氛一流。我地3人被安排坐係Las Vegas個logo下面，位置好適合影相。另外，佢台面上放左一個裝滿糖果既高身玻璃樽，連調味料既樽都好得意。最中意係佢個Menu既設計充滿美式漫畫風，好似睇緊漫畫！見好多人推介呢度既雞翼，我地叫左個雞翼三重奏，3隻味包括檸檬味、水牛城同玫瑰。玫瑰味雞翼？聽落真係覺得好伏既感覺，所以一開始我斬係試其他兩款雞翼，炸得很香，一咬落去，D汁迫晒出黎，味道亦不錯，檸檬味酸度適中，水牛亦不太辣。當我猶豫緊食唔食玫瑰既時候，同學係咁叫待試，話好香玫瑰味。可能待以前聞D咩花露水啦，總覺得好似食緊D香水咁，不過係特別既！呢度既招牌燒烤醬焗豬肋骨好似係必點既菜式，我地叫左一份其實份量已經好夠些牙！食落D肉都幾嫩滑，加上D醬汁，整體感覺都唔錯。如果覺得齊食肉同薯條有D濟，我建議你好似待咁食埋D菜，待幾中意佢既味道，頓時覺得好清新。同學見我話想試呢個泰式冬蔭功意粉時覺得好驚，不停叫我唔好帶佢地中伏，但我真係好想食D酸酸地、辣辣地既野╴所以最後都係叫左。不過，食落真係唔錯，D意粉吸收晒冬蔭功湯汁，好開胃，加埋其他泰式配菜，例如青紅椒同菇菌，口感豐富多層次。諗唔到食咩既朋友，真係可以試下架。仲有，果日叫左法式龍蝦湯，味道濃郁，但略嫌咸左少少。…查看更多

銅鑼灣是我經常出沒的地方，返工放工都會必經之路；星期五的下午定必與同事一起尋找好西，百樂中心是我選擇的其中之一。此大廈的餐廳大多以西餐廳夾帶情調為主，是日來到一間以《拉斯維加斯》的美國主題餐廳；一到步全店也是色彩繽紛完全被吸引過來。 入內輕快的音樂與場內的氣氛，頓時覺得特別悠閒；窗外更可以遠眺跑馬地馬場。餐廳內更有許多小擺設及集體遊戲，我想如果相約朋友聚會到訪也是一個不錯的選擇。 午飯時間，有套餐的選擇並可免費跟餐湯及飲品。雖然是星期五，但我都不會放肆下來；與人分享便是最好不過。 是日餐湯：龍蝦湯配蘑菇，龍蝦湯呈橙色添加了少許香草不會太過濃稠，而且微熱滿帶忌廉香不俗。 雞翼三重奏 $68 跟餐的關係可以優惠價$68，三款不同的雞翼：檸檬、玫瑰、水牛三口味。由淺入深比較好，檸檬味道酸甜醒胃、玫瑰花香將肉汁鎖著；而最令人期待莫過於水牛雞翼。雞翼的辣度恰到好處，不會過分並帶惹味。 黑松露意式雲吞 $138 西餐常點之物，意式雲吞皮薄滿滿的松露香味，松露的醬汁滲透在雲呑，完全令人無法抗拒想來多一口似的。 海鮮喇沙炒天使麵 $128 當西餐遇上新加坡時，以喇沙炒至半濕的天使麵；海鮮的份量相當多有魷魚、小蝦、豆卜等，辣度十足愈食愈滋味。天使麵的質感幼細而不乾身與喇沙汁大為匹配。 棉花糖鮮奶咖啡 喜歡熱飲的我選擇咖啡是最好不過，一來咖啡的濃郁不會被冰塊而轉淡；鮮奶的味道香滑而不淡；添上了棉花糖粒甜苦交替，百般味道完全是我杯茶。 榛子朱古力 如果朱古力配上榛子定必濃度十足，但這個卻有點失色；朱古力與榛子不太出眾味道未能達到可可感。只能說奶香重過榛子及朱古力的味道。 …查看更多

用餐日期 2016年5月14日。聞名已久嘅Little Vegas，今次終於都離試一試佢啦。一行六人提早book咗位，6點鐘離到仲未係好多人。我哋打完🎳過離，所以個個都好餓，一坐低無耐就快快手嗌咗嘢食先！ 離之前上openrice 睇咗食評，第一次離嗌嘅都係大家推介嘅食物  每枱都有一杯雜錦糖，喺上菜期間我哋差唔多將佢清晒🙊 嘢食好快就陸續上枱啦！ 明太子忌廉天使麵呢個要比五粒 啊！  以前好驚食明太子，因為覺得好鹹腥。但係呢個天使麵簡直令人眼前一亮！首先賣相已經好吸引啦，食落唔單止無鹹腥，仲有啖啖又香又滑嘅明太子忌廉汁，啲麵又爽口，仲有好多蘑菇撈埋一齊食 令人食完一啖又想再食，大家一致讚好   777老虎機拼盤呢個老虎機拼盤樣樣都有啲，有洋蔥圈、魚手指、炸蝦、脆皮腸、炸雞翼同釀蟹蓋。全部煎炸物，真係非常邪惡 整體味道就普普通通，最特別係個綠綠地色嘅醬汁，酸酸地好開胃又清新，好刺激到食欲! 雞翼三重奏分別有水牛城、玫瑰同檸檬三種口味。六個人每人一隻剛剛好，對我而言玫瑰雞翼係最新奇嘅，當然要試一試啦。食落口...嗯 雞翼本身係香脆嘅，至於個玫瑰汁 我感覺好似香水味...另外一個朋友都有同感，可能呢啲新穎口味未必人人接受到。至於水牛城同檸檬雞翼，朋友們就用清新開胃去形容，幾好味咁話 招牌燒烤醬焗豬肋骨(一份) 配薯角招牌菜之一嘅焗豬肋骨單係賣相已經好吸引  上面鋪滿燒烤醬好惹味，入口肉質鮮嫩入味。  香煎三文魚香煎三文魚都係配有薯角(突然覺得好似有無盡嘅薯角XD)，三文魚煎得剛剛好 肉實又入味。點少少醬汁食，酸酸地味道好夾。 賭城至尊披薩披薩嘅材料係有芝士、三色椒、菠蘿、蘑菇同腸仔，所有材料平均分佈o係每塊披薩上面，每一啖都可以食到唔用嘅口感，雖然都係簡單嘅食材，不過都好香脆好味。最後睇下飲品~我點嘅骰子奶茶。個人感覺奶同茶味道分配得好平均，杯底有好多四四方方幾甜嘅蒟蒻，因為奶茶本身唔係太甜，一啖奶茶+蒟蒻 味道好夾 入口好舒服啊仲有朋友點嘅 水果茶(熱)，好大一壺啊!今次朝聖成功，大家都滿意同滿足嘅一餐，希望好快有機會再來啦。…查看更多

Little Vegas 是一間裝潢富特色的小店，自新開業以來先後到訪過多次，每次食品皆富一定水準，難怪食客越來越多，下午茶時間也近九成滿。筆者喜愛雞翼小吃，這客雞翼三重奏當然不會錯過。一碟六隻雞翼有水牛城、檸檬及玫瑰三款口味，水牛城保持傳統香辣味道，既脆且香；檸檬味道清新，帶酸的食感很適合炸品；玫瑰更是富驚喜之作，花香清幽怡人。整體而言，筆者對這客雞翼三重奏甚為滿意。主食香腸拿破崙長通粉，醬汁口味偏酸，喜愛重茄味道的朋友可能會較合心。芒果綠茶是夏日消暑飲品，冰涼清新不過甜，更有少量果爽添食感。…查看更多

聽過呢間好多次，但終於去左試啦！今次4個人七點幾上到去但係已經差唔多要等1個鐘入到去即刻叫野食: 黑松露野菌長通粉、明太子忌廉天使麵、雞翼三重奏，仲有一個pizza！佢上菜速度超級快個黑松露野菌長通粉一拎上黎已經有好濃郁既黑松露味，個醬唔會好淡，每一啖都食到好多黑松露醬而且d野菌亦都唔算少架，都好大塊！所以食落去都好滿足！另外個天使麵黎講，都係非常濃郁！因為佢真係好似有好多粒明太子咁，而且個醬係調校得好好味既！至於個雞翼，我覺得其實個玫瑰味就唔算好特出啦，反而有d似蜜糖味！個水牛城雞翼就有少少辣啦，又係好濃既醬不過都算還可以！但個檸檬味我就冇試過，聽返朋友講都唔算差，都幾香檸檬味㗎！最後就係個Pizza啦！我哋揀咗兩款: 海鮮喇沙Pizza同賭城至尊Pizza估都估唔到喇沙都做到Pizza！不過其實唔會係濃既喇沙味，只係原來喇沙pizza都幾夾！至於個賭城至尊Pizza就冇咩特別，同平時個d Pizza差不多！…查看更多

聞名已久，終於一試，裝修好懷舊，好似身處美國一樣食物款式都算多，價錢合理，份量又唔會太大份，好適合成班朋友一齊食👍🏼法式龍蝦湯味道偏咸，蒜茸包焗得好脆好香口。雞翼三重奏，三款唔同味既雞翼，第一款酸酸甜甜，都幾醒胃，第二款味道帶花香，味道較清，第三款係水牛城雞翼，味道比較辣，鐘意食辣既人實鐘意👍🏼👍🏼Pizza好薄手好脆，芝士同料都好多，食完唔會有濟既感覺黑松露野菌長通粉，好濃黑松露既味道，配料好多👍🏼👍🏼 成碟長通粉差不多一半都係野菌，味道比較淡…查看更多

今天同媽咪跟Mr. L 去銅鑼灣行街，醫肚的時候選擇了Little Vegas。這裡的裝潢帶美國style，老闆似乎好喜歡動畫, 無論在牆上, 枱上及杯上都畫滿不同動畫，而每張枱都有一個畫上公仔的玻璃杯，杯內放滿不同種類的糖果，加上恰當的擺設，非常特別。這裡並沒有 set, 故我們3人叫了3個 main course, 1 個小食及1杯特大的飲品。黑松露野菌長通粉 - 野菌雖然唔算太多， 但黑松露汁好濃郁及香， 滲入軟硬適中的長通粉內，更加入味。 招牌燒烤醬豬助骨 - 每條骨都沾滿濃郁的燒烤醬， 配上香脆少辣薯角， 香口惹味。賭城至尊比薩– 餅底屬於薄脆， 適量的芝士， 而且上面舖滿肉醬， 腸， 菠蘿， 蘑菇， 燈籠椒， 咬落每口都有豐富的材料， Yummy!雞翼三重奏分別是水牛城雞翼、檸檬雞翼和玫瑰雞翼 – 由於Mummy 吃不到辣， 而且叫拼盤太多炸野， 故我們最終選擇了雞翼三重奏， 三款雞翼都外脆內軟， 檸檬雞翼， 味道微酸又帶點甜， 正合Mummy胃口， 玫瑰雞翼個人認為甜多d， 卻不覺花香味， 水牛城雞翼味道是當然係最濃， 而且少辣加酸酸甜甜， 正合Mr. L 的口味。 秘密花園水果茶 – 好大杯， 足足夠我們3個人飲， 而且裡面包括好多生果， 又有得飲又有得食， 好過飲一般的奶茶及檸茶。 …查看更多

在這間餐廳初開張的時期已認識它，那時也特意跟朋友們來吃了好幾次，對其獨特的賭城格調及玩味環境氣氛留下不錯的印象。 .近日生活有點繁忙、緊張，想從中找來一點調劑，換一下心情。跟男朋友趁著週末到一個小島放慢腳步，眼看回到港島的時間尚早，還有一段時間才到晚餐，想起了它，決定趁著時間還早就早點來排隊。.大約六點半已經來到，一打開電梯看到以美式漫畫牆，亦有塗鴉的logo、撲克牌及老虎機，連洗手間的指示牌亦是撲克牌的Queen及King，玩味及賭城十足。.在門口的椅子邊看餐牌邊等，打開餐牌才發現餐牌已經換掉，畢竟已有一段時間沒來過。餐牌亦充滿賭城味，餐廳推介的菜都以各種賭城會有的遊戲作背景。.等了大概十五分鐘就有位子了。裏面亦同樣充滿Vegas味道，牆上有不少塗鴉、漫畫等，很有氣氛。.跟以往一樣，每張餐桌上較有一個盛滿糖果的酒杯，讓客人隨意地吃著它們。但這一次發現桌子上有現時的卡通人物，而我們這天坐的桌子有Chopper，Kawaii！.甫坐下就點了半份招牌燒烤醬焗豬肋骨，之前吃過想要再試試看就直接點了它。豬肋骨共有七件，職員已預先把它切好，方便享用；肉質又嫰又腍，而且在調味過程已經入哂味，所以雖然外表看起來好像沒有什麼汁，但吃下去一點都不乾。 唯美中不足的是薯角炸得耐了一點，令表面薫薫黑黑，不像仍很脆，很香口。.另外本來想點炸海鮮pizza，但原來換了餐牌，在新餐牌找不到它，但反而看到另一樣新的菜式，明太子忌廉天使麵。調汁很creamy，明太子及蘑菇份量亦很多，每條天使麵都掛滿明太子及調汁。 以煮總多種意粉來說，天使麵是相對地較難控制，因為麵條較幼，很快就熟透，而寫耐了就會痴在一起。但這道天使麵煮得剛好，不會太硬但又不會太腍，而且條條分明，不錯！ .再點的是雞翼三重奏，本來心思思想要點小食拼盤，但又怕吃太多，所以到最後才點小食。雞翼三重奏有三款雞翼，分別是水牛城雞翼、檸檬雞翼、玫瑰雞翼，每款兩隻，兩個人share最適合不過～ 由淡到濃地吃，先是檸檬雞翼加有檸檬汁，味道帶微酸，像是檸蜜，很開胃！玫瑰雞翼原來吃下去甜甜地，是用蜜糖，帶有淡淡花香。本來想像不到玫瑰是什麼味道，以為可能會係三款中較遜色的一款，但怎料到是我最喜歡的，有驚喜！ 水牛城雞翼味道是最濃，味道亦很辣，辣中帶點酸酸甜甜，我吃完一隻要喝一整杯水都不夠，但辣得很過癮，喜愛辣的朋友是不能錯過的！一道雞翼有齊酸、甜、辣，正呀！ .在繁忙的地方、緊張的生活中，來這間餐廳吃一頓，為自己的心情帶來一點調劑，充過電後再迎接新挑戰！…查看更多

我倆六點半左右到達，唔洗等位。Order左四款食物同兩杯飲品雞翼三重奏分別係檸檬、玫瑰花同水牛城口味檸檬味比較清淡普通；玫瑰花味好突出 甜甜地 三款中最好味；水牛城醬汁酸酸地，惹味炸海鮮拼盤魚手指、炸蝦同魷魚圈味道都係一般餐廳嘅質素，不過上枱時熱辣辣，所配嘅汁亦好味明太子忌廉天使麵個人認為好好味，份量比想像中多，天使麵嘅口感亦係我鍾意的，推介！另外，她點的海鮮扁意粉配料好多，汁比較淡口綿綿朱古力普通熱朱古力配棉花糖，可能圖案畫耐左，送上枱時唔係好熱骰仔朱古力凍朱古力配粒粒點子，口感好總括黎講，餐廳氣氛好，裝修好，今餐食環境之餘，食物質素亦唔錯！…查看更多