頂立

一直都想食呢間虹橋的小店，好幾次想食，但都係大排長龍，一係就撞正休息日。今次終於都可以食到。今次試左佢個蝦湯拉麵配cold blew 再加日式布丁嘅套餐價錢就$98+70=$168蝦湯夠晒濃味又夠香，一啖咖啡一啖湯，真係夠晒特別。拉麵質感亦都很不錯👍🏻冷萃咖啡都好飲，以一間日式拉麵店入面飲到呢個質素嘅啡真係好難得。日式布丁就一如其他食評所講有質素好水準！另外再試埋佢個雞白湯拉面，雞湯夠濃，忍唔住成碗飲晒。呢間鋪嘅雞白湯絕對唔會差過虹橋另一間排隊排到人山人海果間拉麵舖最後再試埋佢個tiramisu 巴斯克一件價錢$65但驚喜又好食，夠滑夠cream 而且店主都好好，會一邊同我地傾計，又會教我地煮野食！好有心同埋好睇得出店主對煮食嘅熱誠總括嚟講，呢間野值得推介，我都幾肯定我會再嚟呢間鋪頭…查看更多

5點剛開店就到了不用排隊，鋪頭內部非常逼，坐得不舒服很辛苦。叫了一個雞白湯拉麵＄98，和一件tiramisu。本來想加只糖心蛋，但係鋪頭冇蛋。湯底幾好味面也不錯，但沒有蛋的拉麪並不完美。tiramisu並不是tiramisu，只是一個tiramisu味的mousse蛋糕，而且是硬mousse的那一種，味道不算濃郁，不推薦。店內只有水或咖啡，如果有茶便更好了。…查看更多

【拉麵×珈琲】一個好新鮮嘅拉麵體驗，品嚐到嘅食物配搭都係經過店家親自調配。店員亦會親自講解一次當日食材同流程。今次試晒佢哋個濃湯系列，同樣都升級套餐($75)，加粒溏心蛋($10)。雞白湯拉麵 ($98)味道真係好濃郁，仲帶啲漿口，並不是會涸喉嘅味精湯。配料有豚肩肉、鴨胸、白蔥、無花果、粟米芯同紫菜。蝦湯 ($98)同樣好濃郁，蝦嘅咸香味好突出，中意重口味少少建議揀哩款，無花果指明要同豚肩肉配埋一齊食，果香同豚肉嘅油脂又幾夾，甜咸之間有股微妙嘅化學作用。麵質偏向爽口同滑身。當日嘅冷卒珈琲果味突出、口感清爽，配搭濃郁嘅蝦湯，兩種截然不同嘅味道喺口腔慢慢開始變化，好特別同好新奇。套餐除咗冷卒珈琲仲有昭和硬布丁，一貫地蛋香味濃，口感滑溜。焙茶巴斯克蛋糕 (+$35)店家另一款推介嘅甜品，焙茶味香濃，蛋糕口感偏向結實，奶油相對濕潤。留意到店家仲有其他大大小小周邊產品。據了解係店員親自設計，值得支持！…查看更多

小店位置得幾個，要有心理準備可能要排隊😂，老闆會問係唔係第一次去，係嘅會建議睇下本書（menu) ，有講佢創作理念等等嘅資料，值得睇下，除左食仲可以了解更多一間有心機做料理嘅人想法👍🏻🐤雞白湯拉麵 （$95）每次去日本都會食一餐雞白湯拉麵，哩到帶到日本感覺，面質有彈性，湯濃郁得嚟唔會好漏好口渴，似飲緊一碗煮淆左好耐嘅雞湯🤤，鐘意食拉麵飲咖啡相信會再二刷或更多👻老闆強烈推介咖啡，本人唔飲咖啡所以無試到，咖啡愛好者可以考慮去試吓…查看更多

虹橋依到可以話係屯門美食集中最多既地方之一今日黎到試一間想試好耐 充滿玩味既 咖啡 + 拉麵鋪 -頂立店內環境應該都落足心思,日式面具配上霓虹燈 顯得特別 仲可以幫餐廳提供更多光猛度 再講餐牌,佢係有分飲咖啡同唔飲咖啡 兩種黎到當然要試下咖啡(因為餐廳主打就係味道上既變化)先黎既係冷萃咖啡 - 偏酸,之後會飲到幾層既變化 果味好足 鐘意飲咖啡既人應該會好鍾意雞白湯拉麵 - 味道唔會特別濃厚,如果剩係食依碗麵 會覺得單調乏味,普普通通糖心蛋 - 如圖所見,流心效果唔算做得太好 少少熟 講到野食咁普通,但講明係一間玩味道變化既鋪頭,點會咁簡單~店員一開始都提醒 咖啡同湯底可以不停互相交換當你一開始食依樣野既時候 .....你就會發現新大陸 所有味道會突然變奏,會有一種衝擊 野食同野飲味道會開始完全唔同 可能依個就係依間鋪既賣點  好新奇 係一種另類既體驗最後黎既甜品巴斯克 - 芝士味勁重 勁邪惡 配未飲完既咖啡 真係好夾  為今餐劃上完美既句號…查看更多