富臨酒家

父母總係鍾意上茶樓食中菜，但係屋企樓下果間屋村酒樓又食得太多，開始覺得悶。橫掂呢排天氣幾好唔熱又無落雨，我就提議去屋企附近富臨酒家食飯，我仲記得細個間中阿媽都有帶我黎飲下茶架。富臨呢度嘅選擇比起屋企酒樓多好多，又有冬瓜盅、各款燉湯、最強海鮮推介等等，真係睇到餐牌都已經覺得好肚餓了。另外，仲有晚飯3寶推介，加上一系列精選特價小菜，樣樣都咁好味，既然係咁，我地決定唔叫飯，只叫餸。由細養成嘅習慣，就係開飯前先飲湯，呢個金銀菜燉白肺，可以潤肺止咳，而且阿媽話洗豬肺好麻煩，而家出街食唔洗自己洗又有得飲，特別好味喎。限量每位只可叫1份嘅蠔皇八頭鮑魚扣金錢，特價只需$26.8一位，冬菇大大隻，鮑魚就炆得夠腍。真係估唔到，有冬菇、鮑魚食$30都唔駛，去邊度搵呀。老婆最鍾意食泰式炒通菜，加上新鮮爽口嘅蝦球，所以就叫左呢個泰皇蝦球炒通菜。有阿媽鍾意嘅豬肺湯，又有老婆鍾意嘅炒通菜，咁又點少得老爸至愛嘅火腩大鱔煲呢。半肥瘦嘅火腩肉，混入呢個惹味十足大鱔，食得老爸津津有味。脆皮豬手份量夠大，而且外皮煮得非常香口，但略嫌比較乾身，但整體黎講尚算不錯。雖然話今晚唔叫飯食，但為免老爸半夜要起身煮麵食，最後都叫個生煎菜肉包比佢，生煎包最重要係夠熱，底部煎得夠燶夠香，我都忍唔住食左兩個呀，哈哈。…查看更多

約左屋企人飯聚，幾時都係上酒樓最得我心，皆因中菜才會有「家」的味道多款晚飯小菜，豐儉由人，價錢只是數十元起，還定期有不同優惠一家人食飯，又點少得飲番個老火靚湯，「金銀菜燉白肺」，滋味順喉，潤肺養顏「龍躉兩味」先來「西蘭花炒龍躉球」，啖啖肉，魚肉切得夠厚，帶皮部分特別爽滑，無得頂第二味「清蒸龍躉頭腩」，嫰滑可口，件件肥美肉厚，抵食夾大件，超級滿足蠔皇八頭鮑魚扣金錢，優惠價只需$26.8一隻，絕對要用刀叉享受，貨真價實，唔試係閣下嘅損失，千听咪走鮑啊仲有呢味「脆皮豬手」，皮脆肉嫩唔在講，幫你分得整整齊齊，食得特別方便滋味，送酒一流嘆埋個「生煎菜肉包」，簡直係完美加完美，連埋兩小時泊車優惠，四個人每人都係二百元左右，真係抵佢越做越旺…查看更多

今天到長沙灣探屋企人，晚飯去酒樓食，屋企人話貿易廣場有間富臨酒家幾抵食，所以今晚就去。原來酒樓近排搞噱頭，會不定期做”太公分豬肉”送給食客，幸運今晚給我們遇上了。雖然係送，但一點不馬夫，新鮮切開還是暖暖的，皮脆肉嫩。鮑魚口感不算韌，都夠入味，汁香味濃，還有配菜西蘭花和東菇。平時通常係杏汁白肺湯，今次有金銀菜，清清地都幾好，白肺嫩腍。平時食上海菜才有，而家富臨都有做，賣相飽滿油潤，麵包質感鬆而實在，肉餡味道香濃，如果再汁潤些就更好。菜夠大碟，芥菜新鮮，用上腩肉炒，芥菜都食到腩肉的香。份量都幾足，而且白鱔每件都好厚切，肉質爽韌，鱔味香濃，配豉汁最好不過。粉漿好薄，咬開肉都夠大件，做到外層脆內腍軟，酸汁開胃，配有菠蘿和青紅椒。…查看更多

香港是一個美食天堂，相信無人會反對，自己亦嘗試過很多不同國家的菜式，但如果要我選一個最喜歡的，中菜必然是我首選中菜烹調多變，煎炒炆煮墩焗，款式千變萬化，故在飲食界，中菜始終是佔有重要的席位這天約了兩老晚飯，地點當然是由他們決定，「富臨」酒家，老字號兼有不少分店，當然正合我意兩老在這區居住，亦是這酒家常客，說這裡招呼好，食落有感情咁話喎雖然我唔係住呢區，亦覺得這裡交通方便，地鐵站過來亦只是三、四分鐘腳程，如果是駕車人仕就更加便利，泊好車就可以升降機直達兩老一早已經開定茶等我們，未坐定就已經搶著介紹這個餸好，這個餸一定要試，看來這裡應該在他們心目中有很好的評價當我細看菜牌之後，普遍一些特式小菜定價十分親民，特別是有幾款超抵的招牌菜，例如：18元一隻「頭抽走地雞」，9.8元一隻蠔皇八頭鮑，呢兩樣優惠就當然唔會放過啦餸菜未到，閒話家常，又點少得啤一啤喎，22元一支啤酒，係酒樓飲喎⋯⋯心諗，今晚絕對唔使就住打頭陣嘅金銀菜白肺湯，侍應很快便分好給我們，清潤的湯底，火喉十足，白肺處理得乾淨，有圖有真相，呢個老火湯，不簡單啊跟住呢個頭抽走地雞，放大木盤內，單看賣相已很吸引，馬上相機📷先食，呃下Like先，正宗走地雞，肉質較有纖維感，特別有雞味，色、香、味全兩老特別喜愛這味豉汁蒸白鱔，肥美肉厚，爽彈魚肉，滿足至極，仲要全部靚位，味道剛剛好，水準極高蠔皇八頭鮑，大大隻，比埋刀义你慢慢据，我就鍾意一啖一隻，特別原汁原味，燴得好入味，至高享受原隻德國豬手，用鐵板保持住溫度，配上黑椒汁，服務員識做的問要不要先影相，果然是訓練有素熟練的技巧，很快就把它剝皮拆骨，再加入惹味的黑椒汁，肉嫰皮香，真的令人垂涎三尺，美味極鮮腐竹浸皇帝苗，特別好入口，皇帝苗味道特殊，配以特濃湯底，清爽可口還有生煎菜肉包，外皮香、餡料足，一人一隻，很快便被搶完了這頓豐盛晚餐，坐得舒服，食得盡情，招呼體貼，未食完，兩老已經打算安排什麼生日飯、過節飯等等飲飽食醉，埋單八百元唔使，今時今日，上酒樓絕對平過你食街邊，咁先至叫做識飲識食呀嘛…查看更多

細個時學校帶小學生去旅行，長大了社區也會帶長者一天遊，爸媽今天去了慈山寺，黃昏時分去長沙灣社區中心會合兩老，順道和他們吃晚飯，老人家還是愛上酒樓，近近地就到了貿易廣場的富臨酒家我並不是這兒的街坊，也不知富臨是否新接手，只見酒樓裝修很新淨，燈光火著十分醒神，餐具亦十分乾潔，感覺不錯。精靈的兩老早已閱讀了枱面上的優惠，$18.- 頭抽走地雞，醬油鹹甜適度，還帶有點點酒香，雖然係冰鮮雞，但係家常便飯可以原隻奉上，平得來仲要好好食，真係非常震撼啊。靚女服務員推薦我們揀選廚皇小菜，價格優惠之餘亦係廚師推介。率先來個金銀菜燉白肺湯，時令金銀白菜感覺很清甜，豬肺處理得非常乾淨，湯底是以豬肉雞骨餚製，清澈不帶油，入口更是順喉滋潤，很有家的味道。扣鮑魚始終是酒樓師傅才做得出色，蠔油芡色澤光亮，鮑魚冬菇都非常入味，鮑魚略嫌不夠淋，但勝在鮮味搭夠一牒例牌滿滿的，每件都是中間靚位，清蒸不用大堆頭的醬汁，簡單的蒜頭豆豉，輕輕拌上醬油，不會喧賓奪主，反之更加突出鱔片的爽脆新鮮生煎菜肉包係畫龍點睛，食餸唔想食飯，就食個生煎包，生煎包呢啲酒樓大路嘢，一定穩陣呢個菜中西合璧，中國人過時過節愛吃元蹄，愛其橫財就手好意頭，這道菜擺脫舊式做法，元蹄原隻炆煮再烘乾放鐵板，上枱前由樓面姐姐拆骨起肉，然後淋上西式的黑椒汁，即時香氣四溢，惹味的黑椒汁在原蹄上慢慢流動，再降落熱辣辣的鐵板上，汁料繼續燒煮，豬手的皮滲着醬汁，時脆時淋，豐富的骨膠原間中會黏着嘴巴，吃得兩老大讚呢四個人，食完仲要打包兩盒拎走，牒牒靚餸做節一樣，埋單七百零蚊，慳家媽媽斷言自己買料都唔夠，我就覺得靚料靚菜梗係比酒樓做，何況價錢唔貴，招呼又好，最緊要係唔使我洗碗…查看更多