大公館

適父親節將近，老公問有咩提議同老爺慶祝， 咁就嚟大公館啦。我自己就唔係第一次幫襯，不過食物水準同服務都保持質素👍🏼👍🏼今日去之前再上開飯睇過有咩推介， 見好多人讚川味口水竹絲雞，果然冇介紹錯。 麻麻香香唔太辣，d汁我仲用點蝦食🤭 蝦肉仲要好彈牙。 龍皇脆米腸，仍然係卜卜脆。 芝麻卷都係我最愛。老公無菜不歡 佢覺得豆漿鮮腐竹浸時疏好特別，菜又鮮嫩。阿仔就係叉燒粉絲。家人食得開心緊要😊其實仲有好多點心好想食，要諗下幾時再嚟過先😁…查看更多

好耐冇去大公館飲茶啦…所以相隔一晚即約bestie 茶聚下先啦…✨清香富貴蝦餃 $88晶瑩剔透的水晶皮透出內餡【瀨尿蝦】，一口咬下，清香的檸檬葉散發出來。✨錦鹵雲吞 $62經典中式點心，據說會用竹昇麵皮來做，餡料不多，只有少許蝦同肉碎，再沾上甜酸汁，老少咸宜。✨臘味糯米包 $62秋冬暖胃一口糯米燒賣（臘味糯米包），外皮用燒賣皮，口感煙韌，蒸後的糯米飯先香，喜歡吃糯米飯的朋友一定愛不惜手。✨黑白芝麻蝦多士 $128香港懷舊小食，裡是以蝦為餡的蝦膠，爽口彈牙，酥脆麵包上更有加上芝麻，再沾上美奶滋，回味無窮。⭐️香茅脆皮BB乳鴿 $128 香茅味清香氣撲鼻，一口咬下，外脆內嫰，肉汁滿腔，皮薄肉甜，對於喜愛吃乳鴿的ME..大滿足~✨雪菜肉絲手工湯麵 $168湯頭清甜，手工麵較有嚼口，加上少許浙江醋又是另一番風味。✨檸檬蜂蜜蛋散 $45✨金箔懷舊芝麻卷 $48⭐️2款都是酒樓懷舊點心，菲林卷（芝麻卷），入口彈牙，更有金箔作點綴。蛋散酥脆，入口鬆化，以檸檬蜂蜜代替蜜芽糖，幾特別。…查看更多

預祝母親生日，妹妹提議帶媽來試試新派粵菜，提前大約一星期在openrice預訂座位。餐廳提前兩天確認座位，並提供一些需要預訂的菜式的資訊。餐廳的門面幾有氣派，我們那張大枱是在房內，空間舒適，環境不會好嘈吵。點了4人份的尊豪套餐 ($3388) 及2人份的尊貴套餐 ($788) 各一set，並散點了一些食品，8人食用超飽肚！2人套餐的大公館小碟有招牌黑毛豬叉燒、黑魚子龍井煙燻黃花魚、鮮沙薑琥珀豬手及麻香萵筍。黃花魚的皮好香脆，魚肉滲入龍井茶的餘韻，肉質嫩滑。萵筍切成條狀，煮得微微軟身又不失爽脆口感，帶淡淡花椒麻香。琥珀豬手已去骨，是豬手凍的造型賣相，沙薑味香而不鹹。4人套餐的小碟同樣有黑毛豬叉燒，叉燒肥瘦適中，燒得帶點焦香，肉質不會乾柴，蜜糖味偏重。潤澤素燒鵝，以腐皮包卷著紅蘿蔔絲及雜菌，層層疊疊，腐皮香軟，口感豐富，吸滿醬汁，味道可口！金甲脆魚皮，炸魚皮大塊又香脆，鹹蛋黃醬均勻的沾上片片炸魚皮，香濃惹味！陳年花雕醉雞卷，花雕酒香足，雞卷肉質紮實。湯品方面，分別是魚汁白玉金勾花膠湯及羊肚菌皇瑪卡燉豬𦟌湯。花膠湯湯汁奶白，帶薄薄膠質，沒有魚腥味，花膠夠厚身又軟滑，湯味鮮甜。羊肚菌皇瑪卡燉豬𦟌湯，羊肚菌及瑪卡都是健康食材，羊肚菌的口感爽脆，湯的味道又香又清甜！提前預訂了脆皮極品糯米雞，脆皮燒雞的size不算好巨型，雞殼起骨並釀入糯米飯，糯米飯口感軟糯，吸盡雞油香，脆皮雞的外皮好香脆，而肉質嫩滑！兩份套餐的主菜合共有10道之多，第一道上桌的是法國藍腳菇炒蘇格蘭蟶子皇，西式的配菜融合粵菜煮法，蟶子鮮甜爽口，熟度恰好。第一次試藍腳菇，菇的口感結實爽脆。芙蓉豆酥蒸銀雪魚球，豆蓉炸至酥脆，配上細嫩白滑的銀雪魚肉及滑溜蛋白，口感形成對比，有趣！南非吉品鮑魚扣蝦子柚皮，鮑魚味鮮，扣得相當入味，口感彈牙不韌。蝦子柚皮入口即化，但質素些許不穩，部分可嚐到柚皮清香，部分則微微苦澀，稍稍扣分。脆米蒜香雞，雞肉面層鋪滿脆米，脆脆口感配嫩滑雞肉，蒜香味濃。大公館秘製稻草肉，以稻草捆綁五花腩肉烹煮，五花腩晶瑩，肉磚甘香，肥而不膩，入口即化！醬汁濃厚得來帶點甜味，與伴碟的杏脯乾及栗子好配合！蝦乾啫啫芥蘭煲，芥蘭爽脆，啫啫煲夠鑊氣，加入蝦乾的鹹香，幾惹味～～清蒸東星斑，稍為蒸得過火，魚肉不夠滑溜。另一樣提早預訂的菜式是金蒜瑤柱冰島鰈魚鰭籠仔飯，鰈魚即左口魚，魚鰭經過炙燒，迫出油香！每一啖飯充滿蒜香、瑤柱香及魚油香，加上滑嫩魚鰭，很好吃！金瑤櫻花蝦蛋白炒飯，櫻花蝦份量不多，炒飯味道普通。黑松露和牛沙鍋飯，同樣充滿鑊氣的飯，黑松露香加上牛肉香，香濃惹味！豆漿杞子黑腐竹浸時蔬，以豆漿浸煮黑腐竹及津白，兩樣食材皆吸盡豆香，感覺健康！甜品有三款，南瓜金球是南瓜造型的流沙煎堆仔，外層脆口，餡料夠流沙，味道不會太甜。金箔懷舊芝麻卷，芝麻卷又薄又軟滑，芝麻味香濃得來不過甜。雲石椰汁馬豆糕，椰汁糕中間夾著馬豆蓉，糕點口感軟滑，有椰汁香之餘亦帶淡淡馬豆香。整體的食物味道令人滿意，大家都滿足的捧腹離座！…查看更多

🤗 香港唔少新派茶餐廳起朵 “乜乜冰室”, 十次探店, 九次踩雷, 另一個朵就係 “乜公館” 嘅中菜, 跟據 Openrice, 香港至少有十間 “乜公館”.📖 翻查資料: “公館” 原指 官邸, 政府機關首長的房舍. 又可以係對一般人物住宅的敬稱, 例如 “甘公館”, “藐公館”, “嘟公館” 等等.🥰 今日相約老友 “甘仔”, “約兒”, “格魯特” 江湖飯局, “甘仔” 選址 “大公館”, 聲稱多次試菜都合格. 聽講餐廳開業初期, 真係富豪私人會所, 玩會員制, 收會費.🥢 餐廳位於長沙灣 D2 Place 十樓, 裝修擺設古色古香, 用上銅門, 及龍頭把手, 可惜樓底唔夠高. 通過接待處後, 目測數張圓枱, 靠右就係今晚用餐嘅副廳, 十張八張大圓枱. 直入靠左係打邊爐區域, 又名 “大公別館”, 我兩年前食過, 哈!😱 今日就係因為對 “乜公館” 嘅信心, 衝動地 一步攻頂, 點咗 “尊貴套餐”, $788+10%.🍽️ 大公館小碟招牌黑毛豬叉燒黑魚子龍井煙燻黃花魚鮮沙薑琥珀豬手麻香萵荀🥣 魚汁白玉金勾花膠湯🥰 主菜法國藍腳菇炒蘇格蘭蟶子皇芙蓉豆酥蒸銀鱈魚球大公館秘製稻草肉豆漿杞子黑腐竹浸時蔬金瑤櫻花蝦蛋白炒飯🍮 甜品金箔懷舊芝麻卷南瓜金球🐖 招牌黑毛豬叉燒. 大公館四小碟, 服務員建議趁熱食叉燒, 蜜味水準之上, 可惜唔夠熱, 肉質略肥.🐟 黑魚子龍井煙燻黃花魚. 前菜玩金箔, 又紅花瓣, 賣相加分. 煙燻味道柔和, 入口少少餘韻, 魚子增加複雜性, 肉質相對 “榎歰歰”.🖐️ 鮮沙薑琥珀豬手. 唔識欣賞, 正常發揮吧.🌶️ 麻香萵荀. 諗起 “后園” 嘅 藤椒象拔蚌, 麻而不辣, 異曲同工, 今次配清爽嘅萵荀, 簡單出色!🥣 魚汁白玉金勾花膠湯. 熱辣辣, 奶白膠口, 味道鮮甜, 不俗.🐚 法國藍腳菇炒蘇格蘭蟶子皇. 藍腳菇爽甜, 烹調惹味, 可惜主角蟶子 “煮過龍” 了, 超韌, 又唔夠熱, 期望愈大, 失望愈大.🐟 芙蓉豆酥蒸銀鱈魚球. 銀鱈魚肉質嫩滑, 配合蒸蛋, 十分有趣, 可惜, 豆酥唔脆嘅, 非常哽口, 唔知想點, 一路食一路撩開豆酥, 災難級別.🤗 大公館秘製稻草肉. 紅燒肉肥瘦比例啱啱好, 甜度適中, 算係入味. 可惜已經好飽, 肥肉又非常腬, 食一半棄糊了.🥬 豆漿杞子黑腐竹浸時蔬. 豆漿湯底香甜, 配合腐竹同埋蔬菜, 唔錯!🍙 金瑤櫻花蝦蛋白炒飯. 櫻花蝦乾身香脆, 炒飯夠鑊氣.🫔 金箔懷舊芝麻卷. 香港懷舊甜品, 食落芝麻味香, 又唔會 黐𥹉𥹉, 值得推介, 記得預訂.🍘 南瓜金球. 即係流沙煎堆仔, 外皮熱辣辣, 流沙餡慢流, 唔會太甜, 好食.🤗 總結: “大公館” 位於工廠區, 定價中高檔, 又以 “乜公館” 起名, 對食物質素有一定期望, 可惜事與願違, 非常一般般, 前菜還好, 主菜 蟶子 同埋 豆酥鱈魚 攪唔掂. 要讚嘅係上菜節奏舒適, 唔會太急, 整體服務還好. 睇番其他食評, 似乎點心小菜較受歡迎.📖 翻查資料: “撻朵” 或 “響朵”, 意指 主動將自己嘅身份告知別人, 以獲得好處. “朵” 引申為有身份嘅一個名字.1945 年太平洋戰爭結束, “水客” 會將香港嘅物資偷運入深圳墟. 部份國民軍 從事接應走私貨嘅活動, 以獲取生活利錢.當時, 國民軍穿起軍服, 佩上胸章, 就可以免費搭火車, 又可以攜帶私貨穿州過省, 而鎮守關卡嘅軍人都官官相衞, 早有默契, 互相得益. 國民軍胸章為國民黨黨徽, 類似 “花朵”, 而靠胸章取得特權嘅叫 “撻朵” 或者 “響朵”.後來一些退伍傷兵老兵都穿起舊軍服, 帶上胸章, 暪天過海, 靠 “撻朵” 搵食.…查看更多

全港最高質素的中菜廳食物質素與細心服務位於荔枝角D2既大公館絕對是一間值得一試既中菜廳無論係食物既口味定係服務的態度這裡都展現出令人驚艷既高質我既用餐體驗令我留下左深刻既印象首先係食物的口味佢哋對食物嘅要求非常高為客人呈獻左所有無可挑剔既美食無論係一個經典嘅炒菜定係創新既菜式每一道菜都散發住獨特既風味同精心既製作我特別推薦佢哋嘅招牌菜古法鹽焗雞 提提大家 呢個要早一日預訂如果唔係 即日order係唔會食到除了令人一試難忘嘅食物之外大公館既服務態度都係無可挑剔從我踏入餐廳既果一刻起接待嘅職員已經幫我開門仲會親自帶我入房就展現出極高既專業同細心感覺去咗一間五星級酒店咁而且佢見到我哋有小朋友都會主動提供白飯佢哋殷勤既服務絕對係值得被讚揚無論你係想同屋企人慶祝生日定係朋友聚餐我強烈推薦大家可以試吓大公館絕對會係一次難忘而且愉悅既用餐體驗…查看更多

難得的me time～約埋幾位靚媽一齊聚一聚！今次飯聚選擇咗大公館，品嚐精緻高質嘅新派粵菜🫖環境舒適寬敞，加上貼心的服務，可以用「冇得彈」嚟形容💕每款菜式都好精緻，好有水準！💥特別推薦川味口水竹絲雞，以冷盤啫喱狀呈現好特別，配埋麻辣醬油，非常滋味！三色藜麥金沙蝦球🍤上菜時已經聞到陣陣鹹蛋黃香味，加上蝦球皮脆彈牙，絕對係令人忘不了的味道！西班牙火腿金芙蓉蒸星斑球賣相特別，嫩滑星斑球🐟配上蒸蛋及西班牙火腿，味道好夾，口感豐富！金箔懷舊芝麻卷係我最鍾意嘅傳統糕點❤️香港已經買少見少，但呢度可以食到皮薄芝麻味濃郁嘅芝麻卷，實屬難得！今次飯聚有美人佳餚非常開心！而且有說不完的話題，期待下次見面啊❣️…查看更多

母親節就到了，正在想要在那家餐廳慶祝，同事都推薦這家中菜館，環境優雅恬靜，食物精緻，還帶我先去了解一下😋先點了🔸清香柚子凍鮑魚作前菜， 放在一在乾冰盆上，一陣煙霧下，呈現這個彈牙鮮甜的鮑魚，下面的柚子加添清香感第二道菜🔸香煎琵琶官燕，想不到官燕可以這樣烹調，外型做成蘿蔔仔🥕般可愛😍，咬落就食到啖啖官燕，及絲絲蟹肉，外脆內軟。 伴碟還有脆脆瑤柱乾另一驚喜是🔸藏紅花汁燴脆皮花膠扒， 厚身又大件的花膠外脆內軟腍，炸皮非常薄，食落唔油膩，加上有口感的紅米糙米，及藏紅花汁令人難忘的🔸脆米蒜香雞（半隻），皮薄肉嫩的雞肉，加上脆脆米粒，味道更有層次，好味到停不了口🤣粵菜當然不少得蒸魚，這道🔸西班牙火腿金芙蓉蒸星斑球，加入西班牙火腿，魚肉嫩滑之餘，亦有陣陣火腿香。下面仲有用龍蝦煮成的黃金蒸蛋，必定要食呀😋最後還有粵式懷舊甜品，🔹清心柚子糕及🔹金箔懷舊芝麻卷。 柚子糕分兩層，入口爽甜，味道幾清新又可減膩。 芝麻卷爽滑又香濃，令我回想起兒時每星期日都同屋企人飲茶的往事🥰…查看更多

母親節就到啦！大家諗到點樣同媽媽慶祝未啊？ 不如同媽媽一齊去大公館飲個茶，食下小菜！ 母親節前夕去品嘗一下大公館嘅招牌菜式～🌬清香柚子凍鮑魚仙氣十足嘅凍鮑魚！上枱時整盤都霧煙勁靚！鮑魚質感好嫩彈牙，底近喺微酸清甜嘅柚子，好開胃！🥕香煎琵琶官燕整到好似小蘿蔔咁有棵草喺個頂度好可愛😂 裡面有一絲絲蟹肉同官燕好滋補！底部喺乾瑤柱超爽脆！🌕藏紅花汁燴脆皮花膠扒 呢個擺珠幾特別，花膠扒外層超脆皮，裡面花膠彈牙！配上糙米紅米飯一齊食，配搭的撞紅花汁味道好夾！🍗脆米蒜香雞 (半隻)超級脆嘅雞！表面撒有粒粒脆米，脆米已經爽脆，加上雞皮都煎得超酥脆，入口刷刷聲！🐟西班牙火腿金芙蓉蒸星斑球表面有咸香味濃嘅西班牙火腿，星斑球魚肉超滑嫩！底部喺龍蝦蒸蛋，夾埋一齊食滑溜滑溜蛋白質豐富，食完皮膚感覺都滑啲！🧡清心柚子糕葉子形狀啲糕點，顏色鮮艷帶柚子橙色，入口有清新嘅柚子味！🖤金箔懷舊芝麻卷帶點煙韌嘅芝麻卷芝麻味濃郁～…查看更多

之前同屋企人嚟食冬至飯見OpenRice評語唔錯 碟碟餸都幾精緻靚仔咁睇成個格局都已經feel到好high class餐牌勁多勁多菜式! 我哋主要都係揀啲廚師推介嘅💫《前菜》▶️ 清香柚子凍鮑魚 ($148)賣相超型 用咗乾冰 所以不斷散發「煙霧」🌫️每人一粒鮑魚仔 食落口感韌韌地彈牙底部有好多西柚 西柚食落有汁帶苦味 配上少許柚子醬 成個combination幾特別▶️ 話梅鐵棍淮山 ($78)淮山切到一粒粒外面啲汁令到佢黐笠笠咁 食落甜甜地 不過就冇話梅嗰陣味而淮山質地好爽口 咬落以為係硬啲嘅啤梨🍐個人覺得呢個唔算特別好食▶️涼拌海蜇頭 ($138)呢個海蜇頭同出邊買嘅好唔同 大塊又厚身另外加咗啲青蘋果 黑木耳 芝麻全部咬落都好爽脆 醬汁酸酸地 好開胃▶️ 川味口水竹絲雞 ($118)因為用咗烏絲雞 所以係黑蚊蚊嘅🖤個醬油係麻辣醬 好在唔係好辣🌶️因為係前菜所以凍嘅 雞肉幾腍 質地有啲似啫喱 似上海肴肉嘅做法▶️ 金甲脆魚皮 ($78)自己唔食魚皮所以冇試 但係應該幾香口 因為魚皮炸完之後外面仲落咗啲鹹蛋黃《肉類》▶️ 招牌黑毛豬叉燒 ($248)望落去同一般叉燒唔同 雖然叫咗瘦 但係其實都似半肥瘦呢個就冇想像中咁好食 叉燒冇乜嗰種烤過嘅味 豬肉偏韌🐷▶️ 黑糖龍井茶燻雞 ($228)望落雖然似正常嘅油雞 但食落反而幾特別佢嗰種煙燻味 加茶味好出🤤連皮食都唔會好油淋淋🐔肉質滑嫩新鮮 仲要多數係肉冇咩骨《蔬菜》▶️ 珊瑚蟹肉脆茄子 ($218)嚟到以為係炸豆腐😂茄子一片片咁 之後炸咗佢 成金黃色旁邊有一壼蟹肉嘅醬汁俾你淋落去 真係超級多真蟹肉🤩好正多到可以用嚟撈飯食 唔太脆口 純粹有炸嘢嘅香味 茄子幾淋🍆好食！推介呢個試吓▶️ 豆漿杞子黑腐竹浸時蔬 ($158)今日嘅時蔬係豆苗第一次見用豆漿煮菜而非上湯 豆漿奶白色 偏杰身 少少Creamy 🥛上面一啲深紫色嘅腐竹 然後有好多粒杞子 望落去清淡而滋補😌豆苗好新鮮好清脆 唔太食到豆味 但係好鍾意佢個醬汁口感呢個都好值得叫🥬《飯麵》▶️ 金蒜瑤柱蒸冰島鰈魚鰭籠仔蒸飯 ($268)一個竹籠裝住瑤柱香蔥炒飯 上面鋪咗唔少魚片 最後灑上蒜蓉個魚同一般食嘅龍躉好唔同 呢個好黏身 同埋軟到似肥膏咁 入口即溶🐟帶有少少魚油味 好在冇骨冇皮🍚炒飯唔會太油膩 飯都係粒粒分明嘅 調味唔會太鹹 不過感覺就差少少鑊氣炒入咗唔少瑤柱 同埋應該落咗啲薑呢個就一般啦 份量足夠分四碗《甜品》▶️ 金箔懷舊芝麻卷 ($48)因為搶手 所以要預訂架🔥芝麻卷整到好似腸粉咁 其實食落個feel幾似😆只係黏身啲的確幾好食嘅 因為佢個黑芝麻味好香濃 又唔會太甜👍🏻想食記得提前落單！一碟三卷▶️ 清心柚子糕 ($45)賣相幾靚 分成兩層 上面透明粉紅色嘅 下面就白色一層透明嗰層入邊有真西柚粒 同前菜嘅西柚粒一樣 食落又酸又苦個人唔鍾意食呢個 一來覺得佢個糕整得太甜 二來覺得加左西柚唔係好夾🫢▶️ 流心南瓜球 ($45）味道同南瓜餅差唔多 只係圓轆轆 整成南瓜形狀 (其實似吉仔多啲🍊)外皮炸到超香脆 入面就好煙韌好似mochi咁因為落咗芝士 所以甜中帶鹹🧀本身冇咩南瓜味 亦冇南瓜蓉但係呢個好熱氣 食完即刻少少喉嚨痛🤏🏻-食物超級精緻而份量正常 (唔係fine dining咁細碟)用料靚而足 對得上價錢每道菜式都有佢特別之處 唔係一般中菜館會叫到嘅 感覺創新有趣😍服務超好 啲姐姐好nice 點單仲會同你介紹邊啲係必要菜式成個環境氣氛都好舒服 因為分成唔同廳堂 所以坐得空曠又唔會好嘈入面用上紅色配黑色嘅格調 感覺高檔平均每人$400左右 間唔時食下貴嘅好西😆…查看更多

近年不少中菜廳在主打傳統工藝同時也加入新意，位於D2 Place的大公館以當代烹調手法為經典粵菜賦予全新形象，不但能滿足食客的口腹之慾，更能帶來與別不同的視覺享受。內裡面積寬敞，裝修散發東方古典韻味，極具中華文化風格。餐牌選擇繁多，由高質素的巧手點心，廣東菜式及手工火鍋皆一應俱全，茶錢每位$22。清香柚子凍鮑魚 $148一上枱已彷如步入仙境般煙霧瀰漫，飄逸著夢幻清涼的仙氣，為炎夏降溫，可說是眼睛與味蕾的感官盛宴。鮑魚口感緊緻，清新酸甜的柚子果香更能帶出鮑魚的香濃甘腴與鮮甜海味，挑起舌頭的慾望，令胃口為之一醒，替這場豐盛的晚餐揭開序幕。話梅鐵棍准山 $78鐵棍准山水分少，糖分多，山藥汁液會特別濃，以酸甘的話梅調味，是屬於夏季的開胃涼拌菜。桂花蜜燒鴨腳包 $108隨著飲食文化不斷變遷，鴨腳包因製作繁瑣而變得罕見，但大公館就將這道瀕臨消失的經典菜式重現餐桌。鴨腳包外觀呈琥珀色，豐腴油潤的烤肉包裹着鴨腳及雞肝，帶來廣東蜜味燒烤的懷舊風味，含蓄芬芳的桂花香氣亦可中和肉食的膩感。花雕桂圓慢煮乳鴿 $138乳鴿肉味向來濃郁霸道，平時滷水、紅燒吃法就食得多，但很多時都會令肉質偏乾柴。經低溫慢煮的鴿肉呈粉紅色，既保持鴿肉幼嫩口感，又有花雕酒香四溢的效果。黃金沙律汁蝦球 $258圓鼓鼓的蝦球炸至外層酥脆，緊緊包裹著大隻肉厚又鮮味爽彈的原隻蝦肉，沾滿甘甜南瓜醬和和沙律汁，下層舖以香煎茄子，層次感豐富。木瓜慢煮美國安格斯牛小排 $268正所謂「不時不食」，夏天是開懷吃水果的好時機，木瓜既生津也降火消暑，以時令生果入饌的賣相亦是別出心裁。打完卡後，店員就會幫忙切開，入口軟棉的木瓜裡盛載著慢煮美國安格斯牛小排，由另類食材配搭帶出新鮮感。一放入口就吃得出是上乘品質的牛肉，每一口鮮嫩多汁，與清甜木瓜搭配亦完全沒有違和感。金銀蛋濃湯浸木耳菜 $158吃完如此豐盛的佳餚後，是時候來一個清淡一點的時蔬，全然吸收湯底精華，清爽輕盈無負擔。鮑魚海味雞粒窩燒飯 $178窩燒飯溫度夠熱，蒸氣騰騰，從頭吃到底都可保持熱燙溫度。一鍋飯量亦不少，足夠3-4人分享，濕潤的飯粒全然吸收海味的鮮味精髓。金箔懷舊芝麻卷 $64菲林筒是香港茶樓老牌甜點，可惜由於工夫多，現在已經買少見少，想不到竟可在這裡重遇這道懷舊點心，重塑昔日古早滋味。以金箔點綴的芝麻卷捲得層次分明，厚薄一致，質地彈牙煙韌，麻香更是濃得化不開。…查看更多

家人聚餐通常會選擇中菜，今次就去左D2 Place 的大公館，環境舒適別緻，食物亦都高質素。清香柚子凍鮑魚 $148飄煙效果最適合拍片打卡出IG story，清新柚子配上鮮味鮑魚的冷盤，令人一試難忘。桂花蜜燒鴨腳包 $108鴨腳包是近乎失傳的廣東燒味，用烤肉包住芋頭，叉燒等，掃上麥芽糖漿再放入燒味爐烤製，蜜味十足。話梅鐵棍准山 $78鐵棍准山吸收了酸甜的話梅汁，是不錯的開胃前菜。花雕桂圓慢煮乳鴿 $138慢煮乳鴿皮薄而肉質夠滑又入味，花雕酒香味很濃。黃金沙律汁蝦球 $258蝦球大隻彈牙，炸得香脆，配上沙律汁、香煎茄子與金黃色的南瓜汁，配搭有新意。木瓜慢煮美國安格斯牛小排 $268外型好特別，木瓜裡藏著慢煮美國安格斯牛小排，木瓜清甜又可豐胸養顏，牛肉軟嫩不失口感。金銀蛋濃湯浸木耳菜$158金銀蛋即是鹹蛋(金)加皮蛋(銀)，配合清爽的木耳菜非常適合夏天。鮑魚海味雞粒窩燒飯 $178窩燒飯熱辣辣上枱，浸滿醬汁的飯粒吸收了海味的鮮甜味道。金箔懷舊芝麻卷 $64芝麻卷好似一卷卷舊式的曝光菲林，難得在這裡找到這款懷舊糕點，加左金箔更高貴，芝麻味極濃。…查看更多

大公館一直係我必試list好耐,今日難得約到朋友一齊聚會一定要食得好d.呢到環境好舒服又唔會好嘈,係一個幾好既地方同朋友聚下,一邊傾計一邊慢慢品嚐美食.川味口水竹絲雞將竹絲雞以肴肉方式製作,相當特別.呈烏黑色既竹絲雞香滑,成啫哩狀既精華濃郁鮮甜.口水汁麻香又帶住辣椒香,辣味香而不嗆.金甲脆魚皮酥脆魚皮上塗上一層鹹蛋黃,味道濃稠帶住咸蛋黃既鹹香.桂花蜜燒去骨鴨腳包外層晶瑩透亮,入口帶住桂花蜜清香,味道味而不膩.鴨腳包啖啖肉,鴨肉嫩香肉味濃.中間夾住芋頭增添一層粉香既芋泥味.三色藜麥金沙蝦球蝦球經炸香後混上鹹蛋黃,入口同樣香濃惹味.三色藜麥入口煙韌,為炸得卜卜脆又爽彈既蝦球再加添層次感.特色脆皮京都骨外層帶住拔絲既外層,入口香甜帶點酸酸甜甜,剛好中和油炸既油膩感.脆皮京都骨炸漿薄脆,內裏又帶位肉香.脆香豆酥蒸銀鱈魚球蒸蛋白上雪白既銀鱈魚球嫩滑鮮香,鱈魚帶住一陣魚油甘香,魚肉肉質結實唔會一夾就鞋,入口充滿彈性.味道同樣帶點麻辣香但唔會掩蓋鱈魚本身既鮮味.豆漿杞子鮮黑腐竹浸時蔬豆漿芡汁香滑重豆香,配上津白相當creamy濃稠.黑腐竹同樣充滿濃郁豆香,腐竹掛上豆漿芡汁後豆味更突出.黑松露和牛砂窩飯原窩砂窩上枱,和牛甘香帶住厚厚既和牛脂香.再配上黑松露,雖然兩者都偏濃味,但入口卻帶出層次分明既味道.飯粒分明,如果更乾身會更香.金箔懷舊芝麻卷黑芝麻味夠濃而且口感煙煙韌韌,味道又唔會偏甜,作為甜品都唔會過heavy.…查看更多

🥣金甲脆魚皮用鹹蛋醃製既金黃色魚皮 超吸睛🥴魚皮唔會有好重油味 陣蛋黃香味停留係個口裏面 好正🥰😚🥣川味口水竹絲雞（冷盤）肉同肥膏比例均勻 因為係冷盤 肥膏都雪到啫喱狀食落去d肉夾雜著啫喱 口感得意 幾開胃🐽🥣桂花蜜燒去骨鴨腳包一層甜甜地既密燒鴨皮 包著鹹鹹地既肉 入口鬆化 好特別既組合🥣三色金沙蝦球有半個手掌咁大嘅炸蝦球 用蛋黃醬醃製 加上藜麥片做點綴 好大體 絕對可以喺大場合出現既餸✨🥣黑松露和牛沙鍋飯值得讚嘅係炒飯放喺砂鍋裡面可以保溫🥰好香濃嘅黑松露味 唔係講笑 啖啖飯都食到和牛 份量仲要好多抵食🤪🥣金箔懷舊芝麻卷可能係全香港最好味嘅芝麻卷由細到大都有食街邊嘅芝麻卷但真係第一次食到咁濃郁 香滑嘅芝麻卷仲要有金箔裝飾 食完正餐保證可以自己自私食曬佢😤🥺…查看更多

好似好耐冇嚟D2 place喇原來呢到多咗咁多嘢食！今次叫咗幾個朋友一齊嚟食新潮少少嘅中菜，環境闊落舒服，唔會太多人太嘈雜，好適合幾個朋友嚟傾下計慢慢食飯(｡･ω･｡)ﾉ金甲脆魚皮🐟鹹蛋黃加魚皮呢個經典組合(=´∀｀)人(´∀｀=)有一排好興呢啲零食，個時hit到周圍都賣唔到！黃金酥香好適合做開胃菜。桂花蜜燒去骨鴨腳包🍗鴨腳去咗骨塞咗唔同餡料入去，唔知入面包咗啲咩呢口感好豐富，大啖食落好滿足٩(˃̶͈̀௰˂̶͈́)و川味口水竹絲雞🐔呢碟大家都好滿意一夾再夾ʕ •ᴥ•ʔ我自己就幾鍾意佢上面嘅配料一齊食好清新，雖然話係川味但係佢唔算好辣，唔會麻不過好香，收碟嘅時候姐姐仲話好多人好鍾意個汁會留嚟送飯添'(*ﾟ▽ﾟ*)'三色藜麥金沙蝦球🦐真係好鍾意食鹹蛋黃所以又叫咗呢碟金沙蝦球٩(˃̶͈̀௰˂̶͈́)و蝦球肉嫩爽甜而且好大隻，非常滿意！特色脆皮京都骨🦴睇個樣完全估唔到係京都骨！原來係起咗骨，再炸成一舊漲卜卜方形，真係好有特色(｡･ω･｡)ﾉ外層酥脆再裹咗一層甜甜酸酸嘅醬，好開胃。脆香豆酥蒸銀鱈魚球🐟呢碟大家又係讚不絕口，有人鍾意下面嘅蛋白奶凍(?)，有人讚個魚好滑，都有人讚個豆酥好香，唔知食咩嘅話叫呢碟應該都冇錯㗎啦！豆漿杞子鮮黑腐竹浸時蔬🥦用豆漿做汁好香好濃郁，而且好有營養，雖然煮過但係豆味都係好重唔會食唔到٩(˃̶͈̀௰˂̶͈́)و黑腐竹都吸咗好多杞子味，呢個創新配搭值得一讚！黑松露和牛砂煲飯🍲食咗好多野，最後食返碗香噴噴嘅黑松露飯收結(*¯︶¯*)金箔懷舊芝麻卷🫔食飽飯，吹吓水飲住茶配埋芝麻卷就perfect啦。呢餐飯大家都好滿意，茶靚菜色精緻有心思，可能會再帶長輩嚟食！…查看更多