癡膠雞 (荔枝角道)

👨🏻‍🍳癡膠雞 (荔枝角道) (太子)📍太子荔枝角道78-84號勝興樓地下D號舖 「多次回訪🤤心目中頭幾位常吃米線」 第一次食灣仔個間，已經上癮🙈無限Encore，今次見到太子有！！😆6點已經要排隊😩癲 👍🏻🍽️椰子雞濃湯米線 $60轉上海麵+$18 檸檬薏米水 次次都叫呢個🤣真心大愛！！雞嫩吾講，椰子濃湯越滾越濃！！重點吾會好咸🤤次次都飲到底🥹今次試下上海麵，煙煙韌韌，不過都系米線最夾🤤太子分店好細心，麵另上（有個碗）👍🏻 檸檬薏米水吾會好甜，健康去水腫🤤 👍🏻🍽️口水雞濃湯米線 $48+$6 凍檸茶 呢道口水雞正！！吾會太辣岩我🙈仲好似？加左小小麻醬有小小麻醬香🥹🫶🏻好食！！雞一樣肉嫩皮煙韌，超正👍🏻 👍🏻🍽️金磚豆腐 $42小小調味粉已經好夠味🤤入面豆腐仲保持到好嫩好滑👍🏻配有泰式甜辣醬，不過吾蘸都得！！ 有位吾知系咪老闆娘，咁忙都好好笑容，好親切🤤🫶🏻 #癡膠雞 #香港米線關注組 #香港米線 #椰子雞濃湯米線 #椰子雞米線 #太子美食 …查看更多

香港人向來熱愛米線🥰除了重口味的酸辣麻辣米線，清淡養生的湯底亦不乏支持者😇這間「癡膠雞」就主打香濃雞湯🐤而且還供應火爐保持雞湯溫度🔥浮誇得來十分貼心🫶🏻———————————————————————雞湯賣相非常金黃✨雞味十分突出，表面的雞油不算太多👌🏻是令人舒服的味道☺️雞件方面有7-8件🐔每件都有一定肉量，雞味頗濃😋肉質雖不算嫩滑但亦不會韌🙂而且有少許調味，味道不會太淡太寡😁而花膠就有4件，雖然每件都是小小一片🤏🏻但質感頗滑有彈性😋以這個價位來說絕對做到應有的質素🤓另外餐廳有將米線分開另上，未會浸在雞湯中，不用擔心米線會因不斷加熱而愈煮愈爛👍🏻金磚豆腐size的骰🤌🏻賣相平平無奇，入口卻令我驚艷不已🤩豆腐外皮炸粉極薄，卻依然十分香脆😜豆腐本體則非常嫩滑😚而且有豆香，能將如此軟滑的豆腐製作成這麼層次豐富的炸物，廚師絕對功架十足👍🏻調味方面，炸豆腐表面撒了椒鹽味粉，帶有鹹香味道😃另外亦配有甜酸醬，不過我個人認為味道與豆腐就未算配合😗———————————————————————癡膠雞這「打邊爐式」的擺盤看似浮誇😂但其實能讓鮮甜的雞湯保持着最佳的品嘗狀態👍🏻既是噱頭又相當實用🫶🏻有如此細心的設計，難怪會在米線界中突圍而出😎…查看更多

星期日下午3:30左右去到，依然要排一陣，人氣好旺。一人一鍋花膠雞米線，我地叫左一個藥膳黃酒花膠雞($68)，一個蕃茄花膠雞($68)。欣賞花膠唔係嗰種好膠好難咬嗰種，好軟熟的，一鍋大約3塊，份量合理。特別喜歡藥膳黃酒，好香酒味，個鍋越煮越入味，去到後尾明顯更加香濃。另外必點金磚豆腐（$42），炸皮好簿好香脆，做到外脆內軟，好好食。食的時候小心熱。另外叫左個麻藥蛋（$28），做到溏心效果，味道都唔錯。…查看更多

🙋🏻‍♂️餓底探員去咗太子調查呢間雞湯米線專門店，餐廳除咗雞湯，亦有麻辣，酸辣同蕃茄湯底選擇，湯鍋會放喺火爐上，米線分開上，以確保湯鍋熱度，好貼心🐤招牌花膠雞濃湯米線 $68 (轉雞髀+$10)🙋🏻‍♂️表示個雞濃湯呈乳白色，味道鮮甜濃郁，花膠食落爽口，有豐富嘅膠原，雞髀肉質嫩滑，好有鮮味，呢個米線滋補養顏，絕對係必食嘅招牌米線👍🏻🐖胡椒豬肚雞濃湯米線 $60 (轉雞髀+$10)🙋🏻‍♂️表示個湯底同樣係雞濃湯底，加上胡椒同豬肚，味道濃郁帶胡椒嘅辛香，豬肚食落爽口，米線口感軟硬適中，配上鮮嫩嘅雞髀，呢個米線驅寒暖胃，非常推介🧱金磚豆腐 $42🙋🏻‍♂️表示個豆腐炸到金黃色，外脆內軟，口感嫩滑，配上泰式辣醬，食落非常惹味🍋凍檸檬茶 $6 (跟餐價)🍊熱柚子茶 $4 (跟餐價)🙋🏻‍♂️表示飲品可以優惠價跟餐加配，亦可選冷泡茶，梳打等特飲加配📈吃貨指數😋好味度 8.5/10🔙返啅度 8.5/10…查看更多

呢排癡膠花嘅人氣真係愈燒愈勁，就連🐻都被燒到，聽聞佢個Fʀɪᴇɴᴅ癡膠雞嘅人氣都好勁，所以我哋今日就去咗搵佢個Fʀɪᴇɴᴅ ，睇吓係咪真係咁好食先😙招牌癡花膠雞濃湯米線 $78我哋加咗$10轉雞髀，肉質嫩滑有雞味，湯膽係湯底呈現鮮黃色，表面仲有浸雞油，飲落係好濃郁嘅雞味，食得出係無味精嘅，而花膠就偏膠質，份量都唔少，最正係用爐上，咁就可以Kᴇᴇᴘ住個溫度喇❤️麻藥雞拌麵 $58麻油味都幾香，食落唔算好濃果隻嚟，雞件份量都算多，最正係果粒糖心蛋麻，半流心狀態，滑捋捋又夠哂入味金磚豆腐 $42酥脆嘅外層包住嫩滑嘅豆腐，外脆內嫩，調味啱啱好，點埋個泰式酸辣醬，真係一粒接住一粒總括嚟講，份量足又幾抵食，難怪係長期人龍店🤩…查看更多

我第一次食呢間餐廳係喺灣仔🥢~每日午餐時間都會有人排,因為個湯底真係幾正😋~呢日嚟到太子,原來呢度都有間,仲要啲麵全部都係鑊仔同火爐上🔥~我哋點咗個藥膳黃酒花膠雞湯底~裏面有啲川芎,飲落好香藥材味,感覺好養生👍~而個上海麵係另外上,未煮到透,等你可以放落湯再煮一陣🍜~另外仲點咗個招牌癡花膠雞濃湯🐔,呢個湯底會濃啲同鹹啲~我就點咗米粉,因為吸湯吸多啲,更加好食😍😍~最值得讚係啲雞唔會老,而且本身已經有味道,都好好食~小食方面叫咗個金磚豆腐🌟~佢新鮮炸起超級熱,記得千祈唔好成粒食落去🥵~入面嘅豆腐超級滑,但係外皮又好脆,加埋啲味粉哥啲好好食~食麵可以加配飲品,本來想叫鹹檸七🥤~但呢度有自家製薏米檸檬水就試下,去下濕~味道唔會好甜,飲到淡淡檸檬香🍋~呢間店同灣仔店都好有水準,不過呢間更闊落舒服~…查看更多

位於太子旺區有間主打養生花膠雞湯麵的人氣小店 餐廳座位不多但人流不絕😄而且乾淨企理 麵食跟小食的選擇幾多 價錢亦好親民 性價比好高💯✨招牌癡花膠雞濃湯米線 $68一整鍋花膠雞濃湯連爐上熱辣辣 湯底富含膠質非常鮮甜滋補🤤雞件夠大件好嫩滑 有3至4大件花膠好足料口感彈牙👍🏻米線一大碗份量好多🍜貼心地跟湯分開上保持米線口感 以免煮得太耐爛晒✨口水雞擔擔麵 $48🐔口水雞好新鮮入味 肉質嫩滑 調味帶麻醬的味道帶微辣🍜擔擔麵加入豬肉粒及花生粒 醬香味濃好惹味 麵底轉了薯粉口感夠煙靭✨金磚豆腐 $42金磚豆腐新鮮炸起熱辣辣 炸得金黃酥脆 外脆內軟不鬆散 蘸上泰式甜辣醬更惹味😍好推薦✨五香牛腱 $46牛腱筋紋分布均勻 透亮油香好入味 肉質軟嫩又有嚼勁🐮有白蘿蔔墊底✨飲品飲品以優惠價加配 要了凍檸茶🍋凍飲夠大杯 好解渴 性價比好高😙📍癡膠雞 (荔枝角道) (太子)太子荔枝角道78-84號勝興樓地下D號舖…查看更多

聽講呢間係人氣花膠雞湯米線，今次午餐12點就嚟到，好彩仲係冇乜人，店舖內座位不多。有期間限定餐牌當然要試吓menu主要都係花膠雞湯米線，仲有口水雞、沙薑雞、人參雞、胡椒豬肚雞、酸菜魚、水煮魚、蕃茄肥牛咁。熱鍋形式期間限定嘅姬松茸竹笙花膠雞米線，$78聽落都好補咁都幾多料，煲住食真係好食好多，啲湯超濃味，普通花膠雞濃湯就超濃雞味，呢個就超香菇味，好濃，配米線好食，最後湯都飲到一滴不留，啲雞都好滑同好入味金磚豆腐 $42炸得好脆，外脆內滑蜜糖雞翼 $42面頭淋咗蜜糖，估唔到都超脆，脆卜卜而且好香嘅雞翼，而且雞翼都幾大隻…查看更多

講真之前真係俾佢個餐廳名吸引咗！@痴膠雞 @crazychickenhk除咗個名好似成日鬧人或俾人鬧個句咁,睇真D原來佢地個招牌菜真係膠雞,花膠 + 雞🐔! 所有湯米線都會一窩🏟連爐上,一邊滾♨️住個湯,一邊可以食入面嘅湯料,等個湯唔會凍落來失原味,而麵線會分開上,唔怕浸到淋哂 店家會按人頭免費送上自家煲製嘅羅漢果菊花茶,好少餐廳會有羅漢果茶飲,呢度仲要送俾你之餘,杯飲品一D都無馬乎,堅有羅漢果味,清熱消暑呀！ 🔮招牌痴花膠雞濃湯米線 🐔 個湯底真係無得輸,果然係招牌,自言不加味精,真材實料熬製而成,多口問店家,原來佢地個湯底係用咗雞殼,雞肉,猪骨,鯊魚骨加埋自家秘方熬咗半日,湯頭熬到變成奶白色,飲落口感濃郁而且有清甜嘅鮮雞湯味,真係好正！個窩入面大概有5～6件雞,同3件花膠,全部都係雞脾肉,肉質嫩滑.花膠炆得好腍又入味,咁既價錢有咁多料,其實都幾抵!👍 🔮藥膳黃油雞湯米線 🐔 同事E見個名咁養生所以就揀呢款,我飲咗佢頭啖湯,em....應該都係果煲好好味嘅膠雞湯做湯底然後再加紅棗,枸杞,北旗,黨參,再滾,藥材味不算太濃,不過食落有種好保身既感覺,同事都讚個湯好飲,想食好嘢,心理&身理上又想保吓身子嘅可以來試吓！ 🔮椰子雞米線🐔  宅男同事難得跟我地出來食lunch, 跟住姨姨去食嘢,哈哈,藥膳養顏佢都唔care,所以佢揀椰子雞來食。費時佢返到公司話我大蝦細,所以我無貪試佢果窩,不話佢都有俾評語我. 椰子湯底真係用椰子來煲🥥,個窩有好多椰子肉,所以有椰香味又清甜,飲真D應該有落埋椰子水來煲個雞湯咁,都好好味！而且雞件分量都好多!男仔都食得飽！ 🔮金磚豆腐  其實即係椒鹽豆腐,外脆內軟,有水準既小食 🔮椒鹽粟米  🌽咸咸地辣辣地嘅椒鹽炒埋甜粟米,好惹味呀！而且小食來講都幾大碟,可推介呀！ …查看更多

招牌痴花膠雞濃湯米線 $68★★★☆☆呢間比較特別就係佢有個爐上，令到個湯不斷煮緊，一路食都仲係熱辣辣，但相對上個雞肉都係放埋入去，都有機會食到尾會老左。雞湯湯底加入左雞肉、豬骨跟魚一齊熬製而成，湯底奶白色，面頭有帶有雞油，質地少少稠密，唔係超級流身。就咁飲落係順口，感覺養身滋補，唔係超級香濃，亦冇太多嘅調味。有大約5-6件雞肉，肉質唔算特別嫩滑，但唔會超鞋口，有雞味。花膠有2-3塊，口感正常唔重膠質，但冇腥味。佢米線係分開另上，等大家可能根據自己口味加入湯底食，但個米線一上枱食已經煮得太淋，唔似有過冷水，食落冇彈牙煙韌嘅口感。另外由於個湯底唔太濃嘅關係，加入米線一齊食有Ｄ唔夠味道。椰子雞米線 $58★★★☆☆我諗椰子雞湯底個底都係用雞湯，只係加左椰子、紅棗、木耳一齊再熬製。個湯底會再帶啲椰子味，啖湯清甜少少。同樣跟米線唔算太夠味，但整體食落係舒服，唔似有味精之類，唔會食到口乾乾。金磚豆腐 $28★★★☆☆份量多亦都係新鮮即炸，外面香脆，入面滑溜。但唔算夠味道，如果落番啲椒鹽會更好。 🌟總括：整體黎講正常，味道上係好清，係一個健康嘅選擇。但對於食開重口味就覺得點都差D咁。未食過又鐘意偏清淡小小冇咩負擔可以一試，但個人就覺得試過便好。…查看更多

今天辣引起， 想找辣吃。留意到這一間的店名很有趣，米線的湯底還用爐keep 住滾，很少見， 就進去一試。點了水煮牛米線、金磚豆腐、凍奶茶。水煮牛米線，肥牛的份量很多， 一般餐廳都是配菜多牛較少， 但這一間肥牛跟配菜是50:50。米粉很綿， 掛湯能力也強。湯一直在爐頭上滾著， 又熱又辣。爽👍🏻 水煮的湯底一點都不油， 辣得來也很清香。金磚豆腐， 薄脆金香的外皮， 包裹著軟滑的豆腐， 口味一流。凍奶茶用不銹鋼杯裝著， keep 住冰凍， 食完辣辣的水煮再喝一口冰凍的奶茶，正。👍🏻👍🏻…查看更多

聽朋友介紹，呢間專食花膠米線的米線店。經過太子， 就黎試下佢。我叫左蟲草花花膠雞米線、金磚豆腐。蟲草花花膠雞米線 $68米線的湯底真係好好飲，有別一般的米線店，即係酸酸辣辣果隻。我可以清晒佢Ｄ湯，真係好濃郁，鹹度適中，飲得出不添加味精。米線同湯底係分開上，湯底、雞件、花膠片、蟲草花放在一人邊爐D 鍋度， 好似打梗邊爐咁。用細火keep 住個溫度，熱辣辣，飲落去真係好正，如果冬天黎食仲正呀。雞件好滑，花膠好淋，米線分量好足，如果細食D 既朋友，可以叫佢小米線呀，唔好浪費食物。金磚豆腐 $28另外，叫左金磚豆腐小食。外脆內軟，炸分又唔厚，入口即溶；調味又不會死鹹，好香口，份量足，值得推介。食物質素高，店員小姐又有禮貌，呢間小店可以再回頭呀。…查看更多

今日收工風大雨大，最岩就係食番碗滾熱麵線！傳聞呢間「癡膠雞」真材實料，咁就嚟試試啦！門口睇落冇咩特別，就真係一間普普通通嘅麵店，即係行過都唔會特別留意果隻，係個名幾盞鬼，一講就會記住。叫左兩碗面、兩個小食、一杯柚子茶：招牌花膠雞湯米線$68：呢款米線真心誠意推介！！米線同湯底配料係分開上，湯底配料有新鮮雞件，仲有幾件花膠。雞件肉質嫩滑、雞皮夠薄、花膠軟滑，個湯底好清，但又有雞肉嘅鮮味，感覺唔係味精湯底，而係可以連埋湯底飲哂佢果隻！！而佢嘅湯底配料座住個火鍋爐，好似出面啲一人邊爐咁，有個猛火Keep住燒熱個湯底，Keep住可以食到新鮮滾熱辣嘅米線！！北菇花膠蝦子撈麵$52：而另一款值得推介嘅係一款撈麵！北菇味道甜甜地，口感同花膠一樣咁軟滑，面頭撒左啲蝦子粉。食嘅時候要落埋高湯同醬，啲醬辣辣地，好惹味（唔知係咪蝦子醬）！成碗麵配搭得好好～味道香濃，而且麵餅唔會乾身！麻辣豬耳 $32：豬耳爽脆有咬口，小小辣口，夠入味金磚豆腐 $28：即叫即炸，所以食嘅時候小心燙親！豆腐外脆內滑，有小小辣椒粉撒係面頭，惹味可口！本身無辣不歡，食完呢間真材實料嘅「癡膠雞」，先發覺原來唔辣嘅米線都可以咁好味！會再次嚟幫襯架！！…查看更多

之前試過灣仔嘅癡膠雞分店，覺得好食又抵食，其實公司附近行遠少少都有另一間太子分店，今日就同同事行過嚟，順便當做下運動。兩間舖雖然係分店，但賣嘅嘢都不盡相同，呢度仲有一幅好靚嘅黑板畫，介紹吓仲有啲咩鎮店之寶。一坐低店員先俾杯熱茶，呢杯並唔係普通嘅中國茶，而係每日新鮮煲嘅羅漢果菊花茶，非常滋陰又潤喉。招牌癡花膠雞濃湯米線當然係必要之選，雞湯非常濃味，啖啖真材實料。入面仲有一件件嘅切雞同埋花膠，材料豐富，雞件煮得啱啱好，肉質保持嫩滑唔鞋口，呢個價錢真係冇得輸。原本諗住叫藥膳，不過店員話最近多咗人叫椰子雞米線，都啱嘅，一來已經試過藥膳，二來天氣咁熱唔使咁補住，就一於揀個鮮甜啲嘅椰子雞。呢個椰子雞雖然冇花膠，但取而代之嘅就有雲耳、紅棗、椰子，一樣咁滋補。呢度嘅小食好多都只係$28，所以我都點咗幾款。呢個金磚豆腐係即叫即整，上枱嘅時候熱辣辣，而且真係做到外脆內嫩滑嘅效果，簡單灑上少少味粉同芝麻，就已經非常可口。平時椒鹽菜式就成日食，但就真係未試過椒鹽粟米，起初仲驚又鹹又甜有少少怪，但估唔到食起嚟味道又幾夾，而且粟米切成小件，食起上嚟更方便。雖然呢度主打都係雞湯，不過見呢度同時都有魚湯，所以就叫返個鮮味魚湯時蔬，蔬菜主要都係白菜，另外再有木耳絲，浸過魚湯嘅蔬菜特別好味。最近真係愛上呢類雞湯窩麵，真材實料冇味精嘅花膠雞湯，一大鍋有雞有花膠連埋麵都只係買$68，真係仲抵過去酒樓飲個燉湯！…查看更多

近期花膠雞等滋補養生菜式大行其道，市面上瞬間多咗好多呢類餐廳，呢日午餐時間就行咗去太子荔枝角道新開嘅「癡膠雞Crazy Chicken」試下。餐廳名夠哂出位🤣，不過有啲唔好意思講出口。餐廳位置來説，我認為唔算好旺，但竟然要排隊先入得！可能座位唔多，加上新開嘅關係啦🤔。好彩我哋都係等咗大約十分鐘就入得，卡位相對好坐啲，圓枱就迫啲。餐廳當然就係主打招牌癡雞濃湯米線，另外亦有魚湯米線，可轉麻辣、酸辣或者蕃茄湯。餸料除咗🐓雞雞以外，仲有吉列豬扒、牛𦟌同胡椒豬肚等。價錢由$32-$68不等，大部分都係$4x以下，係招牌菜就貴啲。主食以外，餐廳亦有提供唔少小食，樣樣都好抵咁啵，就算細份都無所謂啦😜。由於太多人幫襯(包括外賣訂單)，食物準備時間都稍長，可能有成15-20分鐘...。店員亦顯得有點手忙腳亂🙈。我同同事叫咗兩碗米線，再加兩份小食。A2招牌癡花膠雞濃湯薯粉($68)，呢個招牌菜造型有點誠意，因為有個一人打邊爐火鍋熱住(勁膚淺😂)。不過古怪嘅事就發生，就係湯明明熱住都唔太熱...，其實食完個火都未識😅。花膠雞湯入面嘅料都有唔少，顧名思義，有花膠同雞件🐔。雞肉唔算嫩滑，不過有大啖肉嘅。至於個湯底亦唔算太濃，印象中有少少奶香味，味道都正常。麵食方面，有得揀米線、米粉、上海麵或者薯粉。我哋揀咗後者，但呢到嘅薯粉同平日食開嘅唔同，無論造型、粗幼同質感(唔煙韌)都唔似薯粉，似檬粉同水晶粉嘅混合體多啲？由於個湯唔夠熱，所以落任何粉都會唔好食😥。B4吉列豬扒蕃茄湯米線($34)，本身對🍅蕃茄湯都有啲期望，可惜呢個勁唔掂！佢有蕃茄嘅橙紅色，亦有唔少茄肉同腐皮，但奈可個湯淡過水...，好似無落鹽咁。至於吉列豬扒🐷，就係分開上的，咁樣會避免浸淋咗個炸皮。豬扒都算唔錯，份量多，但乾咗少少，有沙律醬點嘅話就會好啲。F1金磚豆腐($28)，呢個小食係預期中嘅好食😋，因為炸豆腐粒好難會整得難食。一口豆腐一啖食哂啱啱好，外面好脆、呈金黃色，有七味粉嘅香味；裡面就好滑。F5椒鹽粟米($28)，實物同圖片一樣吸引🤤，而且呢味小食仲要又特別，又好食。椒鹽味齋聞已經好香，食落鹹鹹甜甜的，勁惹味，而且同粟米🌽好夾，毫無違和感。粟米大約以三、四行為一嚿，食落亦好方便，推介啊👍。餐廳比較特別嘅地方係會為我哋送上飲品，本身已經係深色啲嘅熱茶而已🍵，點知係羅漢果菊花茶，味道仲要唔錯，甘甘甜甜！一杯小小嘅飲品已經足夠令客人多咗份滿足感😊。後尾先發現原來我哋個位樓上掛咗塊黑板，上面好鬼可愛😍，以動漫公仔形式介紹有乜好食。總括嚟講，我認為呢到嘅小食比起主食出色，豆腐同粟米都真心正！麵食類就普通啦，有機會可以試下其他口味，反正定價唔貴嘛✌🏻。但希望餐廳亦可以再研究改良下個招牌湯底啦，畢竟咁先可以令班客人回頭嘛。不過留意番有機會都要排隊，而且上菜需時，如果唔趕時間就可以Try Try。…查看更多