Terrace in seaside (新城市廣場一期)

營業中

休息中

超開心今日Happy Friday有人陪我黎呢度dinner。見到有post講出咗個開心果窩夫，好想食，終於食到。個名超級攪gag，洗唔洗咁長呀？「開唔開心試咗先知嘅開心果窩夫」，個名唔重要，最重要waffle好味好多cream好多開心果碎同醬，有crunchy口感好好味。「輕盈又滿足的煙三文魚沙律」其實輕盈在個d沙律菜，反而三文魚好多。而醬燒牛肉飯卷餡料包得實在又好食，一碟好多件，好飽肚。燒慢煮雞腿紫蘇拌飯嘅雞脾又真係好嫩好似有少少鹵水味，紫蘇拌飯幾開胃顏色都好靚。出名嘅濟州柑橘乳酪有少少益力多味，幾特別，想有氣嘅都可以飲青柑柚子梳打，個底係柚子蜜，似好香柚子味嘅汽水。

韓國著名海邊餐廳過江龍Terrace in seaside最近密密係香港開分店，主打韓國新派菜式提供甜品同輕食，擺盤非常有心思，每台必叫濟州柑橘乳酪!!🏝️- 濟州柑橘乳酪 HK$68 🍊🥛超吸睛飲品人手一杯!!大大個濟州柑橘放係杯上，未飲都知夠新鮮，非常適合打卡!!乳酪口感順滑，再加入香甜柑橘果汁，味道清新順喉!!- 醬燒牛肉飯卷 HK$88 🐂🍙香氣十足韓式飯卷!!醬燒牛肉甜中帶咸，配料卷得非常滿帶黎清新口感，飯卷紫菜表面更塗上芝麻油香氣十足!!- 肉醬芝士千層麵 HK$86 🍝韓底味道千層麵!!千層麵份量比較細，岩晒叫一份甜品再叫一份千層麵墊肚。稍甜肉醬及濃郁芝士鋪滿彈牙千層麵，幾惹味!!- 白桃繁花窩夫 HK$132 🍑🧇超打卡白桃窩夫!!白桃味道香甜口感非常常見。窩夫上鋪滿忌廉，甜度不高但足夠輕盈，窩夫厚身有彈性有飽足感，表面香脆，口感層次豐富。

位處商場open area嘅韓國🇰🇷cafe開揚舒適，服務幾細心，食物就不過不失。-燒醬油黑毛豬白切肉紫蘇飯($128)食物微暖，始終爭啲。豬肉肥瘦適中，煙煙韌韌，口感不俗，個飯就無乜特別，微微辣。醬燒牛肉飯卷（ $82 ）淡口乾身咗啲，無乜味，但餡料豐富，白飯唔會死實實，都收貨啦。蟹籽雞蛋🥚薯仔蘋果沙律🥗（$68）有家的感覺，似一般茶餐廳/屋企自己撈嗰啲沙律，份量唔細，求特色就免啦，如果想食comfort food都唔錯。聽聞佢啲甜品出名，有機會再試。