黑木堂

營業中

休息中

好耐冇去大角咀了，本身想去的餐廳竟然冇開><"!只好即搵其他野食，假日之下好多地方都FULL，上網搵到間日本野，食刺身丼同價格幾平，一於行去博下，行到去果陣時差不多兩點，唔太多人即有位坐。小小的店子，裝潢甚有和風之感，居酒屋格局，以木系為主，木架上擺放了不少經典可樂樽，搶眼的玩具模型及小飾物，牆上掛有一些舊照片、掛畫及日式掛布，帶點日本懷舊之感，燈光柔和，坐得舒適。餐牌，食物都幾多選擇，價格合理，有LUNCH SET，幾抵食。波子汽水，跟餐+$14。鮮奶三文魚湯，內有海帶及熟三文魚肉，湯味道似豆乳，不俗。沙律，有櫻花蝦增添味道。三文魚赤蝦海膽丼，$108，刺身及醋飯份量適中，赤蝦大隻爽口，三文魚正常水準，海膽鮮甜，味道不俗。吞拿魚三文魚油甘魚丼，$98，友人的。帆立貝蔥粒拖羅蓉丼，$108，友人的。醬燒廣島蠔，$68，有4件，廣島蠔都幾大粒，唔會只係得醬多，同鮮味十足，醬燒之下口感及味道更豐富，抵食之選。厚玉子燒，$38，得兩件，太少了，蛋口感唔好滑同軟，一般。食物幾好，價格合理，坐得舒適，服務態度親切，下次有機再戰。

🇭🇰黑木堂·呢間我地好耐之前食過一次架啦 記得佢都唔錯既 所以就再黎左😎😎·醬燒廣島蠔(4隻)$68 l 香草羊架(2件)$78佢呢度既燒野真係做得幾出色 佢隻蠔超級大隻 而且肉質好好🦪面頭既明太子醬惹味得黎唔會太漏 成個combo超好😌之後佢個羊架都做得唔錯 燒到岩岩好而且唔會話太騷😎·加拿大翡翠螺(4隻)$40 l 原隻活赤貝$42 l 珍寶赤蝦(4隻)$88佢個翡翠螺同埋活赤貝都新鮮既 個珍寶赤蝦抵食就抵食啦 但係始終一分錢一分貨 所以我男朋友話都係活一鮮正D🤣🤣·燒左口魚邊壽司$18 l 貝三貫$52 l 珍寶帆立貝壽司$58 l 鰻魚壽司$24 l 油甘魚壽司$18 l 蟹棒壽司$12之後其實呢度D丼抵食D既 但係因為我地個日想食壽司 所以我地最後都係嗌左壽司😂😂不過呢度既壽司就一般D啦 唔知係咪因為佢舊飯太大舊 搞到佢個魚味好淡🙊最出色係佢個燒左口魚邊 呢個個魚油真係燒到好好味 其他就一般般啦 比較麻麻係佢個鰻魚同蟹棒 佢個鰻魚好多細骨 而且調味太重手🤭🤭📍大角咀鐵樹街28號富多來商場一期地舖

最近口痕，心思思想食日本野，一個星期兩次專程再到位於大角咀嘅黑木堂 — 一間有濃厚日本風味嘅小店🏮。（好瘋狂...）店內裝潢好有居酒屋嘅感覺，温暖舒適。如果想小酌一杯，黎黑木堂就最適合不過啦！🍻平時去迴轉壽司店，都會鍚住荷包黎order💸，但每次黎黑木堂，都係想食就叫。因為每道菜都非常高質，👍🏻完全係物有所值，所以即使埋單要付比平時更貴嘅價錢，依然覺得好抵食。😋黑木堂有熱茶供應，我地另外試咗呢款喺香港唔常見嘅蘋果可樂，味道好清新👍🏻。（相片out focus咗🙈）丼飯選擇多，唔岩口味嘅話仲可以嗌自選款式。1\三文魚帶子海膽丼店員話呢個係人氣丼飯🥇。果然！海膽好鮮，係香港好難食到呢種高質素嘅海膽🤤。帶子好肥美，爽脆有彈性。三文魚脂肪分布均衡，入口結實飽滿，肉質非常細膩，無渣。👍🏻2\自選款式炙燒三文魚腩、炙燒帶子丼如果唔食得生冷嘢，不妨試下炙燒丼飯。指定嘅炙燒丼飯選擇唔多，之前食過炙燒三文魚脂丼飯，滿滿嘅魚脂甘香齒頰留香。可惜白飯太濕，粘到一舊舊，口感好差。☹️今次我地自行配搭炙燒款式，雖然炙燒三文魚腩冇三文魚脂咁重油香味，但肉質口感較為豐富。白飯冇上次咁濕，口感有改善👍🏻，但如果再乾啲啲

之前食過幾次黑木堂嘅丼飯，好高質，所以男朋友點名要黎黑木堂慶生🍰 今次散叫為主🍣1\自行配撘嘅壽司拼盤三文魚好新鮮，脂肪分佈平均 炙燒三文魚入口即溶，油甘香味揮之不去。鰻魚冇重重嘅醬油味，保留鰻魚鮮味2\醬燒廣島蠔新鮮滾熱辣嘅焗廣島蠔好肥美 即叫即焗，配上沙律醬同少少芝士，滋味又唔膩😋食嘅時候小心蠔殼燙手辣咀🙊3\串燒拼盤+生蛋黃配甜醬油包括雞翼、牛舌、雞軟骨、烤豬，串燒本身已醃製入味，烤完依舊保留肉汁鮮味將蛋黃同醬油拌均，用作串燒醬汁。再加少少檸檬汁，令串燒食落有陣酸甜味，幾開胃因為串燒本身已經好香口滋味，所以怕食生蛋唔沾醬都冇問題(*^o^*)4\蟹肉蟹子丼飯廚師用聖代雪糕杯盛迷你丼飯，present有啲可愛相比起其他刺身壽司，蟹肉冇咁新鮮，扣咗丁點分數睇相回味嘅時候發現 🎞 用菲林相機app打卡，恰好帶出黑木堂裝潢設計嘅色調～

放假食lunch唔知食咩好，就是但響屋企附近行下，發掘到呢間日式餐廳。午市唔係好多人，直接入去就有得坐，咁我就揀左個最穩陣既三文魚吞拿魚丼，佢個碗好大個，睇落份量有d少，其實食落都夠飽既。三文魚好新鮮，夠肥美，食到魚油既香味，吞拿魚口感軟滑，魚味濃，壽司飯煮得岩岩好，酸酸地幾開胃。見個焗蠔平平地，所以就叫黎試下，估唔到會有驚喜，雖然個蠔唔係好大隻，但個醬有芝士，好食到停唔到口，唔係要減肥既話，真係想隊多碟

去完奧海城睇戲，唔想去大商場食連鎖餐廳一直行到去大角咀區尋找小店。今次搵到呢一間裝修充滿日式風味嘅日本料理餐廳。全店以木色做主題，座位多但相對比較逼。店內有不同嘅擺設，有唔同嘅畫同埋唔同款式嘅飲品做裝飾。店內有優惠，凡惠顧滿$200便可以享有特價小食。於是我哋叫咗兩個刺身丼同埋一串雞軟骨，剛好夠數。海鹽燒鯖魚$32用筷子一夾開魚肉，啲魚油直情係湧出嚟！師傅功夫好！完全做到外皮脆，但係肉質唔會過老。食完之後口腔仲留停住魚油的香味，好滿足。海鹽燒雞翼雞翼皮夠脆，溫度亦夠。加入少少檸檬汁去一去油膩感，正！醬汁燒廣島蠔雖然明知道熟蠔其實唔會係新鮮既蠔，但係咁樣燒法再加埋一啲類似沙律醬，少少酸嘅汁配搭起上嚟有幾match喎！我哋叫咗兩款刺身丼，貴啲嗰款係有三文魚腩，只係覺得太薄片，海膽嘅鮮味一般。反而欣賞平$20嘅三文魚配帆立貝丼，雖然張厚切嘅帆立貝劏開一半咁擺，份量唔算多但係都尚算鮮味。香港地鋪租咁貴，周圍都係連鎖鋪頭，一般小店都好難經營。所以我一直都好鍾意去大角咀區既小店，雖然價錢唔算特別平但係好有個人風格，希望大家繼續支持。

好鍾意黎呢間野到開餐，雖然可能價錢偏貴少少少少，但最重要係坐得好舒服，同朋友飲住酒食野吹水一流牆上有直送海產推介飲品櫃想飲梅酒但佢話無~清酒有小冰桶保冷，坐幾耐都飲到冰凍嘅酒入口不太嗆，但飲幾杯已紅都臉曬而且我地酒量差，一住飲一住驚嘆好襟飲，倒極都仲有貝三貫/火炙三文魚三貫/三文魚腩壽司/甜蝦壽司件件魚生大大塊又新鮮，壽司飯結實唔易散食完好想encore，但無羊架不能好吃更多醬燒廣島蠔有個餐牌係話，點其他野滿100蚊就可以特價點某幾樣但因為懶所以無影低個牌我地揀咗呢個蠔，面係啲芝士再用火燒咗兩燒咁嘅樣，好吸引仲有樣主菜係海膽，帆立貝，三文魚丼，因為間野最出名係魚生飯，但無影低hello moto