旦王

營業中

休息中

每次經過旺角都忍唔住去買返一碗酸辣粉🥰雖然次次都要排隊，但好在姐姐們動作超快～·酸辣粉旦王啲薯粉真係好煙韌！就算拎到返屋企先食，啲粉都唔會爛曬。再加埋啲肉醬真係超正！有一次我仲加佐酸豆角，9蚊一份，姐姐俾佐超多！開心子！重口味人士每次連湯都唔放過～建議大家外賣嗰陣要分湯👌·魚蛋係我最愛嘅陳皮魚蛋呀～旦王嘅調味真心唔錯，辣度適中！·豬大腸一開始見到啲白色豬大腸嗰陣⋯真心覺得唔開胃😂但食落又覺得真係好好味，而且洗得好乾淨～推薦！·

《旦王》出名左咁多年，我都未食過今日就黎會一會佢啦～本身以為過左飯市時間去買，可以好快....... 點知😅都係要排差唔多10分鐘隊。買到時都3點lu，酸辣粉外賣(唔分湯、BB辣) HK$30。亞姐都幾好脾氣，冇話因為人多做唔停而忟憎，依然笑笑口睇落好似細細碗，不過食起黎都幾飽肚 有少少香菜，炸花生、酸菜、肉碎都俾得好足。炸花生夠香口，酸菜好爽口，連埋d粉一齊食，好正 BB辣度啱我，加埋佢嘅酸同麻，食到上隱咁 流住汗都要食 🉐🉐🉐🉐🉐

自從食過旦王 其他酸辣麵再也睇不上眼每次食都覺得係人間美味 極力推介‼️已經幫襯了好多年 極力推介‼️💗.🐈.𝙎𝙪𝙢𝙢𝙖𝙧𝙮人間美味 全香港最好食嘅酸辣粉🤩🌶️立食嘅話 環境好一般 比較污糟同少清潔抹台建議外賣返屋企食 浸得耐啲仲好味～外賣仲熱辣辣 食得過癮 冇得頂👍🏻👍🏻👍🏻.🐈.🌟酸辣粉 - $27配香料 醋 肉碎 花生 炸菜等 可另加配料.湯底好夠味 又酸又辣 （個人認為比譚仔辣）推薦配料：金針菇 芝士腸 墨魚 豬腸尤其係豬腸 口感特別 新鮮爽口 令人想食完一舊又一舊🤤

已經食過旦王無數次，今次都係第一次寫食評。因為好早嚟到，12點前得我同三個客左右，我嚟旦王每次都係食3個餸：肥腸、蘿蔔、牛栢葉，酸辣粉要麻辣大辣，今次有吸收谷友意見、叫左加酸。餸既水準唔會有分別，因為基本上次次嚟食都係咁正！雖然要成$8-10一個餸，但佢既餸真係足料同好食，我覺得值。湯底今次反而俾唔足大辣我，有啲失望，但加左酸的確更加正同埋味覺既衝擊大左！最後，想講一講遮遮們既態度，我自己唔係太著重，始終都係外賣為主，唔受氣就ok。係旦王忙既時候食過，唔忙既時候都食過，發覺遮遮們真係…唔太focus，無咩客既時候都會重複問我要咩辣、要咩餸，最後都係煮唔岩辣度，因為個個都係度傾住計寫粉。如果叔叔係度就反而無呢個問題⋯雖然係咁，但我仍然好鍾意食旦王！希望遮遮可以有番啲改善，做嘢時專心啲喇

因為自己本身好鐘意食辣，所以成日都會食酸辣粉，加入社交平台的香港酸辣粉關注組之後，發現好多人話旦王好好食，所以今日渣車入黎買碗試下，因為天氣好熱我地買左外賣返屋企慢慢嘆，而外賣仲可以分湯。 旦王的酸辣粉辣度可自己揀，我地叫左一碗小辣同一碗中辣，各加左三個餸，份量十足，佢個湯麻同酸都好夠，所以食得好過癮好爽，出面其他的酸辣粉都暫時比不上。而薯粉有適量的咬口，亦不會好淋。芫茜，肉碎，花生，榨菜全部都好足料，有需要仲可以落多少少，食每一啖都有配菜，口感好好，以後經過旺角都必定會去旦王買一碗酸辣粉。

這間位於太子的旦王小食店，由佢開業無耐食到現在已經有很多年了!他們的酸辣粉一直都係我的最愛!每次經過這裡不論咩時間，午餐、晚餐、宵夜，我都買一碗黎食，甚至會外賣返屋企食!這裡的酸辣粉辣度可自己揀，因為我唔算係好食得辣，所以每次都只係叫小辣，但因為佢個湯麻同酸都好出，所以每次都食得過癮!出面其他的酸辣粉都暫時比不上。而薯粉亦不會好淋，有適量的咬口!他們的配料絕不吝嗇，花生、炸菜、芫茜、炸醬每次都會有好多!基本上唔需要再加其他餸都已經好飽!另外如果一碗唔夠可以叫加底，加底之後份量超多，足夠飽整個下午!不過如果係佢地到食記得唔好著白色衫，因為一定會彈到!

喺朋友介紹下得知<<旦王>>既酸辣粉好出名，經過花園街買嘢就決定一試！嚟到都夜晚九點幾都有幾個人等緊，大部分人都喺嚟買佢既酸辣粉或者麻辣燙，朋友話酸辣粉正，就試下佢先喇！酸辣粉有得揀辣度，因為唔算太食得辣所以都只喺叫左微辣，店員會問你需唔需要走啲配菜，不過我自己就全部都要喇。呢間舖好在隔離有一個舖位喺專喺度俾客人企喺度食嘢，有高枱可以放嘢食。呢隻酸辣粉既辣比較多喺麻辣，反而辣真喺比較少，食左幾啖成個口已經麻晒，要抖吓再食，但真喺好味！

喺附近番工，經常都經過呢間旦王，其實幫襯過幾次，魚蛋燒賣果啲都係普通過唔普通，唯獨我就鐘意佢地嘅酸辣粉。今日收工行到過去，依然都係咁多人，位置比以前闊落，我先黎多左咋，以前得個小鋪位，人多起上黎都好逼。而家門口有幾張枱，後巷又有幾個位。點左酸辣粉，少麻少辣，天氣唔係好熱，喺條街食野都可以接受，遲啲熱少少，我諗我再想食都唔會企街嚕。酸辣粉喺香港食就點都唔平，但我覺得呢度起碼多料，廿幾蚊已經好過好多小食檔。酸辣粉個碗都用大陸果種，一模一樣。肉碎、花生、酸菜都幾大方。揀左少麻少辣，至在刺激下。薯粉彈牙煙韌，份量正常，我自己就好鐘意食。

店名：旦王地址：旺角弼街72號地舖好味指數:8.6/10價錢：$20酸辣粉(大辣)這裡的酸辣粉是我的最愛，味道不但跟傷心的相似，還更麻更有風味，但辣度依然相當突出。大辣對於我來說是剛剛好，勁辣是這裡的終極級別。粉條夠煙韌爽口，配料如榨菜羌西花生等夠多。堂食的話雖然沒有座位，但有空調，唔會食完出曬汗，就算夏天都可以去食。

Okay I admit that I like to torture myself sometimes by eating really spicy food even in the dead of the heat in the summer so I can sweat and sniffle while treating my tongue to some good numbing sensation. This shop is where I seek out my secret pleasure. This place is located on the side of Gold Fish street and you can't miss the aromatic smell of the chili peppers wafting out onto the streets. Technically it's a food stand but they do provide a standing air conditioned space next door for pa

師傅呢期同好友食家"乜都放入窿"真係見得幾密, 唔識師傅嘅都可能以為師傅係"基"架, 不過師傅好肯定咁講句, "師傅係鍾意女人的"! 同好友食家"乜都放入窿"見得密就當然食得密啦; 大約一星期前師傅同幾位好友暢飲過後, 好友食家"乜都放入窿"就叫師傅齊齊宵夜, 有得食師傅當然唔會say no, 於是好友食家"乜都放入窿"就問師傅想食咩, 師傅嗰刻淨係想食七喜, 於是兩食家就夜媽媽由旺角行到去太子喇!往七喜途中忽然見到呢間食店仍然有燈, 好似仲開緊工, 而好友食家"乜都放入窿"就同師傅講想試左呢間好耐, 其實師傅都係一樣, 於是兩條友就膽粗粗行去睇下間食店打烊未; 行到埋去, 估唔到仲有得食, 於是就一人柯打左一碗酸辣粉, 為了穩陣起見, 兩食家都只係揀左小辣!睇住煮酸辣粉嗰位師傅真係好熟手, 所以話咁快就煮好兩碗! 師傅好友食家"乜都放入窿"就行過隔離鋪, 入去涼住冷氣企喺度食; 師傅二話不說即試下個酸辣湯底, 湯底果然夠酸, 但酸得黎唔會過火, 係有開胃功效, 絕對唔需要飲水, 而配上小辣更可謂洽到好處, 皆因辣度夠之餘之唔會搶左酸嗰種味, 所以惹味得黎亦十分開胃, 好鬼正呀; 不