川之源 (寶豐大廈)

營業中

休息中

想食辣野就第一時間諗起川菜 諗起前排聽過朋友介紹川之源嘅酸菜魚大件夾抵食 我哋就book左算係私房菜嘅川之源 環境的確吾錯 雖然我哋兩個人係坐係大廳嘅枱 但我哋見到有好幾間private房 好岩一班朋友聚會好嘈咁傾偈👯‍♀️👯👯‍♂️🥘酸菜魚 $218有兩條大辣椒系入面 酸酸辣辣好醒胃🌶️份量都好足 好多魚 大大舊 啖啖肉 肉質滑溜入面仲有切左片既萵苣同粉絲 索曬啲酸菜魚湯 好食🐥砵砵雞 $128成道菜好似口水雞 而且有好多雞髀肉 肉質嫩滑 配上底層爽口嘅青瓜 夾👍🏼上枱嘅時候已經聞到香噴噴嘅辣椒味 食落無論係辣味同埋麻度啱啱好 (相對起嚟比酸菜魚辣少少) 送飯食真係食幾碗都得🍚💭想食正宗嘅川菜嘅時候係一個好選擇 無論酸辣定麻辣都做得好到位 有聞到菜式入面嘅辣椒就流晒口水嘅感覺🤤

今日去開上環搵👨🏻食lunch，佢同事推介呢間樓上私房川菜，午市二人套餐只係$2xx，所以一試無妨。套餐有涼菜、招牌菜、熱菜，另外送白飯、飲品。我自己就鍾意食辣，不過👨🏻只可以食少少辣，所以order 咗個酸菜魚，魚好滑、另外仲有粉絲底👍🏻，湯底方面又不是十分太辣、太酸。怕辣嘅人，味道可以接受😬😬另外涼菜揀咗蒜泥白肉，辣過平時食嗰啲😆熱菜揀咗手撕包菜，睇個款好多乾🌶️、麻🌶️籽，但其實都唔會太辣😆😆呢度坐位都舒適，唔會好逼，另外仲有幾間獨立房，方便開會。