添好運點心專門店

添好運係星級點心，係本地人，遊客都係必食之選。原來係香港站地下都有一間分店，位置好偏僻，不過都坐滿人，而且大部份都係外地人。好好彩，我同朋友可以同一對外國人搭枱，唔使等位。我地各自叫咗自己想食既點心，一齊分享，結果成枱都係點心。- 酥皮焗叉燒包 ($33)必食推介，一定要食，同埋要趁熱食。外層超級香脆，內裏有叉燒，中西合璧，好好食。- 香煎椰汁紅豆糕 ($25)鴛鴦煎糕，好重椰汁味，口感香糯，少少甜。- 黃沙豬潤腸 ($32)依個配搭比較少見，黃沙豬潤口感粉嫩，唔會太鞋。- 鮮蝦燒賣皇 ($40)，古法糯米雞 ($42)，蛋白蝦春巻 ($36)依三樣點心都係比較常見，不過都係高水準，好好食。…查看更多

有老友過開嚟中環搵小弟食晏，當然應約啦，就番佢方便泊車，行遠少少過到嚟香港站嘅「添好運」飲茶。午市超多人，但老友幫手等位，慳番我好多時間。不過安排入座方面，個阿姐態度、語氣確喺幾差！環境唔講啦，晌鋪面一眼睇晒，簡單而言，就喺裝修簡約，企理光猛。打開張點心紙，有咩食都列晒出嚟，蒸點、煎炸點、腸粉、粥粉、燉湯、小食、甜點……等等，而茗茶睇你揀咩而定，有傳統熱茶、特色熱茶及冷泡茶。啲招呼就基基本本啦，勝在又唔收加一。酥皮焗叉燒包 $33呢個喺招牌點心，目測所見，近乎枱枱都有嗌，我哋就當然都要試試啦。一客3個，個個都烘得金黃，外層一咬落去好鬆脆，包身好軟熟，而裡面嘅叉燒餡又多又好食，醬汁唔會過多而顯得太濕，又無乜肥豬肉喎。黃沙豬潤腸 $32飲茶食點心點可以無腸粉架，叉腸、蝦腸成日食啦，所以，揀咗豬潤腸，亦喺店家嘅推介之一。單睇外觀，外皮拉得薄，少少透到啲豬潤出嚟，腸粉入口好滑溜，但又唔會話好易斷，而啲豬潤份量唔少，又起晒沙，夠粉香，好食。香滑馬拉糕 $28點心中另一經典就喺馬拉糕，雖然唔喺話必食嘅點心，但我都好想食。睇到馬拉糕中嘅氣泡就知蒸得好鬆軟，食落果然唔錯，入口又好有黃糖嘅香味，當然，亦唔可以講有咩驚喜。馬蹄土魷肉餅飯 $42兩個麻甩佬梗喺要叫個蒸飯墊底啦，幾款蒸飯中以呢一款最少機會食到。賣相可能你會覺得普普通通，但件肉餅確喺做得不俗，一來口感鬆化，唔會死死實實，二來加入土魷就令到個味道有陣陣海味香味，仲混有馬蹄粒，增加口感嘅層次，令到食落有啲爽口感，加埋軟熟有飯香嘅飯粒，大家都食到飽晒。雖然都好多年無嚟「添好運」，但今次再幫襯，覺得啲質素都保持到，確係唔錯。喺一開始安排入座有啲混亂，招呼亦麻麻，講到食物，就無咩太多挑剔啦！…查看更多

細個嘅時候個個星期都會去飲茶，大個咗之後就少咗好多機會🫖🍵今次就去試下馳名嘅添好運點心專門店，喚醒返兒時回憶🧏🏻‍♀️.一去到我就知冇去錯地方了，係好遠已經見到有勁長嘅人龍排緊隊，係等緊位嘅期間店員會俾定張點心紙我地揀野食，好貼心🫶🏻因為大部分都係一group group 人，我地得2 人，所以唔洗等好耐已經有得入去食😚白桃烏龍嶄新冷泡茶 $15/位平時飲茶都係得熱茶，見到呢度有冷泡茶嘅選擇，就點嚟試下，烏龍茶有淡淡嘅白桃香味🍑就算茶濃都唔會澀口，天氣咁熱有得飲返杯冷泡茶解解喝，舒服哂💦鮮蝦燒賣皇 $40去飲茶必叫嘅其中一樣一定係燒賣😸呢度嘅燒賣好足料，豬肉好新鮮，而且入面有大大隻鮮蝦，仲有一粒紀子係面頭做點綴🙌🏻蜜味叉燒腸 $32第二樣飲茶必食 - 腸粉🤘🏻叉燒一啲都唔韌，好淋，腸粉整得好滑，「噓」一聲就食咗落肚🤣家鄉鹹水角 $28我覺得食鹹水角就係食佢個皮🤪外皮炸得好酥脆同煙靭，加埋入面有少少肉陷，外皮甜內陷鹹，襯熱食好正呀🥰酥皮焗叉燒包 $33終於嚟到我最期待嘅酥皮焗叉燒包🥹雪山外皮香甜而且焗到脆卜卜，一咬落去入面嘅叉燒陷爆哂出嚟，一鹹一甜，好食到想叫多一碟拎走🥡🤣唔怪得知個個嚟到都要嗌😋😋.我覺得呢間餐廳飲茶價錢合理，而且每樣點心水準都好高，下次一定會叫多啲friend 一齊嚟食，咁就可以試多幾款點心啦🤤🤤…查看更多

餐廳：添好運點心專門店地點：中環港鐵香港站菜式：中式點心餐牌：點心紙得一張，包括蒸點，腸粉，粥飯燉湯小食，煎炸點，甜品，汽水，期間限定，選擇比晚市少。價錢比半年前黎加左。酥皮焗叉燒包 $31酥皮焗叉燒包一客3件，個酥皮真係好酥吓，味道甜甜地，入面叉燒餡都唔錯，水準保持。晶瑩鮮蝦餃 $38晶瑩鮮蝦餃一客4件，皮薄餡爽口，正常。香茜魚茸燒賣 $35香茜魚茸燒賣係期間限定，一客4件，基本上係鯪魚肉加葱花，比較散，面頭一片臘腸，個人覺得麻麻地。免治牛肉腸 $32免治牛肉腸一客3條，腸粉皮算滑溜不過太厚，於是顯得免治牛肉太少，麻麻地。紅油抄手 $38紅油抄手一客5粒，果然皮薄餡正，個辣油少少辣，面頭加上大量葱花同白芝麻粒，中間有好多蒜蓉。呢個點心可以。茶位每人$6，我飲滾水，味道怪怪地。服務員態度頗差，成日話唔得閑，要多壺水同你講張枱無位，餐具唔乾净，一定要自己用茶水洗。點心有好有唔好，人均一百蚊。下次點繼續幫襯呀？我知呢度係中環......…查看更多

今日晚餐去咗好多年無幫襯既添好運食。星期六6點前到達可以直入。點心紙得一張，包括蒸點，腸粉，粥麵湯小食，煎炸點，甜品汽水，選擇算可以。晶瑩鮮蝦餃 $37晶瑩鮮蝦餃一客4件，皮薄餡爽口，好好食。馬上叫多籠。鮮蝦燒賣皇 $36鮮蝦燒賣皇一客4件，面頭一粒杞子，入面好多料，包括蝦仁，冬菇同豬肉，都好好食，夠鬆唔會死實。又encore多一籠。酥皮焗叉燒包 $26酥皮焗叉燒包一客3件，個酥皮真係好酥吓，味道甜甜地，好食呀，不過好似無以前咁脆，入面叉燒餡都唔錯，招牌果然係招牌。韭王鮮蝦腸 $36韭王鮮蝦腸一客3條，腸粉皮算滑溜不過可以再薄d，入面蝦仔都脆既，韭王就少過頭。豉汁蒸鳳爪 $25豉汁蒸鳳爪一客5件，鳳爪夠腍而個汁味道都剛好，都好好食。陳皮牛肉球 $23陳皮牛肉球一客3大粒，上枱時服務員問你加唔加喼汁。牛肉球足料而且有唔少芫荽，好香。每個都附有腐皮。泰式班蘭雞 $35泰式班蘭雞一客5件，一片無班蘭葉味既葉包住連皮雞，雞肉咖哩味重。可惜雞大部份都係雞骨，都無肉食，把鬼。杏汁大白菜燉豬肺 $42 杏汁大白菜燉豬肺個湯杏汁味真係好啱，豬肺都好好味，好爽吓，可惜得好少，大部份料係鹹豬肉，菜乾都係得少少。煎蛋牛肉飯 $36煎蛋牛肉飯都唔細碗，一底滑溜牛肉滑上面有一隻煎蛋，上枱時服務員問你要唔要豉油。識食一定將隻蛋整穿再撈飯加牛肉滑一齊食，就又香又滑。杞子桂花糕 $13杞子桂花糕一客3件，即叫即起，我個仔一個人食哂，你話好唔好食啦？香煎椰汁紅豆糕 $25香煎椰汁紅豆糕一客3件大大件，煎得外皮少脆，而椰汁同紅豆味都好好，而且質感滑溜。茶位每人$6，我地飲滾水，味道怪怪。兩大兩細食咗好多野，人均一舊水左右。服務員態度都可以，只係地方好似唔多乾淨。不過點心質素普遍都係好好食，又唔算貴呀，抵。…查看更多

韮王鲜蝦腸鲜蝦幾乎可媲美海中之蝦，多汁彈牙，粉皮晶瑩超簿！食過翻尋味。蠔皇鮮竹卷鲜竹柔韌度適中，湯汁混合饀料够哂味道。值得推薦！酥皮焗叉燒包皮脆叉燒香甜多汁，好吃！！古法糯米雞非一般洒樓吃得到的米雞，這古法糯米雞咬落煙煙韌韌，饀料豐富有質感！够rich!!老餅名店…查看更多

今日突然想去中環行Donki（貪呢間分店較少人😂），諗緊中環有咩好食之際，🐷💁🏼‍♀️竟然提議去食添好運😋正～落到去都7點幾竟然唔駛等位😆，🐷💁🏼‍♀️話一定要食酥皮焗叉燒包，又見到好多嘢都想食😋,我地點左…1️⃣晶瑩蝦餃王💯好足料，蝦都好爽口，皮薄餡靚👍🏼2️⃣陳皮牛肉球💯牛肉球配芫荽加陳皮香，再加彈牙牛肉，超讚🤭3️⃣黃沙豬潤腸豬潤爽口👍🏻不過唔夠熱同腸粉皮太厚😔4️⃣香煎素XO醬芋頭糕味道係可以的夠足料，但略嫌煎得太乾身，入口太硬5️⃣家鄉鹹水角炸得好乾身，食落煙煙韌韌又唔會太油淋淋6️⃣酥皮焗叉燒包 💯滿滿嘅叉燒醬同叉燒粒，好惹味，必食😋7️⃣古法糯米雞蒸得有啲乾，無軟綿綿嘅口感，餡料都比較輸蝕😅，唔夠多總結：可以話仲keep到水準，除左黃沙豬膶腸唔夠熱之外，其他點心全部都係熱辣辣好新鮮👍🏻想平平地快快飲個茶，添好運都係一個幾好嘅選擇🤭…查看更多

專賣傳統點心嘅添好運，已多年獲「米芝蓮」評定為一星級餐廳，號稱是「全世界最便宜的米芝蓮餐廳」，目前全港有六家分店，人潮已不及從前，但點心質素相對亦有保證其中位於香港站1/F的「添好運」位置相當方便易找，店面亦光猛整潔酥皮焗叉燒包每次都一定必點，外皮酥脆，叉燒餡肥瘦適中懷舊鳳尾蝦多士香脆可口蓮蓉芝麻球外皮煙靭，黑白芝麻配搭香口陳皮牛肉球嫩滑彈牙免治牛肉腸，腸粉晶瑩嫩滑櫻花蝦臘味糯米飯較普通，水份太多，唔夠乾身後記：傳統點心百吃不厭，不設加一，非常抵食，大推…查看更多

同朋友行開中環，突然之間話想食點心，朋友就介紹咗呢間叫做添好運嘅點心店畀我。 佢話呢間係米芝蓮餐廳。我完全未去過呢間點心店。心諗係咪真係咁勁咁好味呀 好！就即管試下係咪真係咁好味喇。添好運有好多間分店其中一間就喺香港站入面。餐廳係開放式既設計， 即係個個經過既人都會清楚地望到入面，而食緊嘢嘅人亦都望到出去。個人而言，我唔係太喜歡呢一種嘅設計🥲。 因為我唔係太鍾意畀人望到自己食嘢。 至於餐廳入面嘅環境大致上都係乾淨嘅， 位同位之間都算寬闊。叫咗幾個點心終於嚟到喇！至於服務態度方面 店員 就唔會話太殷勤 ， 不過都明白嘅。始終呢一間餐廳唔係一間高級嘅餐廳。🙃總括而言呢間點心店嘅點心唔單止好味仲要好平喺出面要搵到咁平 有咁高質 嘅點心食都唔係咁容易。 鍾意食點心嘅你可以嚟試下添好運。😋😋😋😝…查看更多

🕰一個平凡星期二的上午11:00，一間鋪已坐滿七成，另一邊就未開。📍位置方面，唔好跟OpenRice，我建議由A出口上會方便d，如果跟OpenRice F出口上，可能會繞路一會。平凡星期二的上午11:00，位置有d🪑環境可以，似茶餐廳般簡單，較酒樓簡樸，沒有華麗的裝潢、時髦的用具，長方形的枱，膠製餐具。因為半開放式的鋪形，每人都能見到門外的等候情況，令人有種食完就快啲交枱的感覺。🤵🏻遮遮的態度還可以，每位$5的茶芥，沒有加一。‍👨🏻‍🍳總評，味道幾好，尤其蝦餃和燒賣！👍🏻😋如果我家附近都有一間，我會經開帶長輩👴🏻👵🏻去食！米芝連級數的點心，到底是有幾好？真係食得出的分別，比一般酒樓好食！另外，師傅係即叫即包，見佢地不斷地包蝦餃🦐燒賣，可見人氣最高！🔥🔥<晶瑩鮮蝦餃 $36>👍🏻👍🏻👍🏻呢個真係要讚！一籠四隻， 每隻大小平均，晶瑩飽滿！一咬開軟軟的水晶皮，便食到2-3隻鮮蝦，口感結實，絕無欺場。調味恰巧，沒有用太多味精或肥豬肉。<鮮蝦燒賣皇 $36>👍🏻👍🏻👍🏻呢位都相當出色，一籠四粒，每粒都有隻蝦、冬菇、杞子，以少少蝦膠和豬肉碎黏合。同樣味道口感都控制得宜，剛好！<酥皮焗叉燒包 $25>👍🏻👍🏻一客三隻，香、脆、鬆、軟集於一身，口感一級棒！味道方面，個包同餡就偏甜，吃一個就好了☺️<陳皮牛肉球 $23>👍🏻👍🏻清香牛肉球，質感軟而穩固。少少芫荽和陳皮，再自己點少少喼汁，永不會膩的經典味道！😋<鮮蝦腐皮卷 $36>平時街開的腐皮卷都是煎的，但這裏的是炸的！！！所以幾時都要記得睇埋英文description，“Deep fried bean curd roll with shrimp & chive”「油炸韭菜蝦腐皮卷」所以一上枱時我是有丁點失望的。內餡是可以的，還有炒少胡蔔葡絲。但炸粉漿的原故，幾乎吃不出腐皮🥲<鮮肉韭菜蝦煎餅 $28>有春卷皮包著的剩餘材料，另一個形態的「韭菜蝦春卷」，無特色。此外，火喉控制失敗，炸得燶左。是脆、是未有燶到苦，但較油。<杞子桂花糕 $13>桂花和冰糖味幾濃，魚膠粉又足夠，夠結實。抵食，呢餐完美的結尾～…查看更多

呢間中式點心有好多遊客都慕名而來，仲係比米芝蓮星級推薦，價格都相宜🌟久揚大名今日終於一試，但其實食物質素比預期嘅普通😯未必會回頭再品嚐呢～🔸 酥皮焗叉燒包（HK$25）呢個係店內嘅名物，價錢都幾抵，不過個包就比平時嘅細個啲🤪外皮微脆有少少似菠蘿包咁，入面嘅叉燒餡適中，無想像中咁驚喜🔸 酥炸奶黃包（HK$26）見無蒸嘅奶黃包就試下呢個炸嘅做法，好似平時嘅炸饅頭咁，細細個都幾精緻😙不過就覺得略油左啲～🔸蛋白蝦春卷（HK$31）第一次見咁嘅春卷，入面有一絲絲嘅蛋白，外皮都酥脆，不過蝦味就唔係咁突出啦🔸 鮮蝦餃（HK$36）蝦餃就不過不失，皮厚薄適中，入面有啲蝦仁仔🍤🔸 鮮蝦燒賣皇（HK$36）入口嘅蝦味略少，豬肉味較重🔸 香煎蘿蔔糕 （HK$23）蘿蔔糕無咩其他配料，不過食到一絲絲嘅蘿蔔，好傳統嘅感覺…查看更多

在IFC找一間性價比高的餐廳吃飯添好運應該是一個不錯的選擇「飲啖茶，食個包」，好好歎一下來得添好運，怎能錯過它們馳名的酥皮焗叉燒包（$25）叉燒包一上桌，拿起手真是「熱辣辣」的包的酥皮外層鬆脆，而包的質地就軟綿綿裏面的叉燒和醬汁不是太甜，配搭在一起不禁令人一口接一口地吃下去另外，我們還點了黃沙豬潤腸（$28） 、咸水角（$21）和鳳爪排骨飯（$35）黃沙豬潤腸是比較特別的點心，在其他地方飲茶比較少見豬潤的質地爽口，沒有腥味，腸粉皮則很滑嫩至於咸水角，外皮很脆，質地煙煙靭靭，餡料惹味值得一讚的是，這裏的點心全部都是即叫即蒸所有食物上桌時都是熱騰騰的，增添了食物的美味…查看更多

想喺中環食平平哋食有質素嘅點心就一定要你添好運啦佢係喺ifc地庫嘅 平時都好多人排隊所以有陣時我都係買外賣 今日突然間淨係想食呢個酥皮焗叉燒包價錢貴 佢仲要係即焗嘅咁嗰啲餡料都好新鮮個包暖暖哋咁好鬆化 仲要細細個有三個咁多所以都幾精緻嘅 外賣嘅速度都好快唔使排隊畀錢 建議可以唔喺中午繁忙時間你就會有多啲位坐囉 其他推介食物下次再同你介紹啦 本人覺得佢最好食都係呢個 包好掛住 我行過都要買嚟食呀 其實佢堂食個價錢都唔係貴嘅 不過係人多咗啲人多數都係外賣…查看更多

燒賣蝦餃係點心既表表姐，都差唔多係必叫，但唔知係咪蒸得太耐， 燒賣真係好一般， 可能七仔叮叮仲好食過佢就咁睇落顏色都知佢超濃郁， 平時食開既桂花色澤淡黃D,而且超多桂花， 平時用魚膠粉整桂花糕，口感會實的的，但依個唔會，正！牛腩乾肥膏較少， 好入味而且有啖啖八角味，應應該都煮咗好耐，不過就冇好乾柴既感覺 ， 唔鍾意食肥膏既人可以試下招牌酥皮叉燒包， 一定要叫， 食過咁多次仍然覺得佢好好食我知排骨係有骨既（癈話）， 但個人黎講覺得骨既部分真係偏多左…查看更多

放半天假跟朋友們去山頂玩, LUNCH過來看一看, 嘩~~真係好多人啊!!! 可能也是星期五HAPPY FRIDAY的關係, 所以很多人, 尤其遊客超多~~其實地方也不是很大, 不過阿姐真係超好記性!! 因為一拿NO.就會比張點心紙, 然後TICK了到差不多有位, 阿姐就會收了準備去蒸點心~~(呢個安排幾好, 坐低唔駛等太久就有得食!!), 結果我地就等了一個鐘左右, 終於可以入座了……晶瑩鮮蝦餃($28)及鮮蝦燒賣皇($28)~~~兩款都是皮薄料足, 蝦幾大隻而且新鮮彈牙……..豉汁蒸排骨($16)~~~唔知點解覺得有點梅子味, 不過D骨都幾稔, 個汁OK…….古法糯米雞($30)~~~幾大隻, 打開好香, 而且料都算多, 有冬菇, 雞肉等等, 汁也蠻好, 糯米飯入晒味, 飽肚之選!!滋味鮑汁鳳爪($27)~~~我覺得幾入味, 而且唔算太硬, 咀嚼感幾好~~~鮮蝦炸雲吞($30)~~~炸粉唔算太厚, 都幾大粒, 配合酸甜汁不錯的香脆口感…….潮州蒸粉果($13)~~~朋友最愛的粉菓, 不過我無食, 眼見都幾大大粒, 朋友說不錯~~~青芥菜鮮蝦餃($28)~~~我覺得初初有少少似豆苗餃的朋友, 吃著都有點似, 不過芥菜味出D, 而D蝦粒又混得爛少少, 但是健康的一款…….酥皮焗叉燒包($20)~~~最出名的一款, 表面的酥皮好脆, 真係有點似菠蘿包, 裡面的叉燒及汁等也洽到好處, 果然是出名物, 好味!!!蜜味叉燒腸($21)~~~腸粉幾嫩滑, 叉燒也不少, 雖然有我不吃的青青在裡面……..其實總括而言係唔錯, 而且價錢真的唔算貴, 但又唔係話超水準, 有點名氣過大,如果要等咁耐先有得食, 我諗唔會成日食, 真係要有時間又好想食先會再來, 希望有機會…….…查看更多