張生記

我同家人都鐘意食中菜，覺得一家人圍住一齊有傾一講係最歡喜。張生記唔係一般酒樓食店，環境較高尚；檯與檯之間寬闊，大家唔會覺得督促或逼夾。杭州四小碟可自己揀選，我地揀左杭州燻魚；美味臘鴨舌；西湖桂花藕及靈隱寺素燒鵝。鴨舌帶有少少辣，怕辣就可能揀其他。我個人最鐘意係西湖桂花藕，蓮藕釀左糯米，煙煙靭靭，超好味！杭州名菜宋嫂魚羹，未食過既話會覺得似魚翅類既湯羹，但並非如此。宋嫂魚羹鮮嫩滑潤且帶有蟹肉滋味，根本同一般既湯羹無法相比。杭州魚丸同我地平時食開既四海潮州魚蛋。杭州魚丸入口帶有空氣感，就好似食緊雪糕/豆腐咁，入口即溶既感覺。西湖藕餅用上兩小薄蓮藕片夾著肉餅, 唔好被外表呃到，因為一d都唔肥膩，脆卜卜，好正。…查看更多

朋友最近轉新工，趁住仲有一個月先開工入銅鑼灣搵我食飯，為左賀佢搵到新工梗係要食番餐好既，聽同事講公司附近有間上海野好正，就去左訂位 一search間餐廳原來就係太平大廈，距離公司只有一分鐘路程 前菜為江南涼菜兩味，分別係鴨舌同木耳，非常爽口 之後上既招牌 老鴨煲，湯底甜潤，而且非常足料，有鴨肉同竹荀夠哂特別既龍蝦大麻婆豆腐，估唔到呢個奇特既組合又幾match幾好食，最有驚喜，必試東坡肉伴南瓜餅，上黎既時候鬆一口氣，最驚大大份既肉太阻胃，呢個精緻份量好欣賞，好似法國菜咁，糯軟既南瓜餅入面係豆沙餡荷塘小炒，既竹荀炒荷蘭豆，好味但嫌略有點油膩 最期待既招牌小籠，果然係上海代表菜，皮薄汁多蝦肉鮮，非常正宗最愛的酒釀丸子，驚喜的是師傳加左芝麻餡但不會太多，恰到好處，不致於淪為湯圓；腐竹，桂花和酒比例好，食得出層次感，另外丸子唔會好似其他地方咁整到太諗，十分欣賞 值得一讚係服務媲美酒店，非常體貼周到，會主動幫忙換碟，舖餐巾、倒茶等，愉悅的用餐體驗，下次計劃帶一家人來 …查看更多

今日老豆生日所以帶佢食好野～呢間主打杭州菜比較少見，餐廳非常優雅，每張枱都有花瓶做裝飾，座位舒服又闊落，枱面有軟墊再鋪上枱布非常貼心舒服！店員做事非常有效率，不錯！頭盤：杭州燻魚賣相一流，望落去好似糖醋排骨咁，估唔到燻魚會有咁大塊，真係非常驚喜！厚厚既燻魚，外層帶少許焦脆，食落香甜惹味，第一口真係唔小心講左句：好好食啊！魚肉鮮嫩入味，外脆內軟，不得了，驚喜十足，惹味十足！必試！（燻魚帶骨，所以食既時候要小心）湯品：宋嫂魚羹材料非常豐富既湯羹，每一匙羹攪起都有料，質地黏稠唔會水汪汪咁，仲有胡椒粉可調味魚肉稍微煎香外皮再落羹，食落有口感，而且每口都有魚肉真係非常滿足，入面仲有肉絲、薑絲、蘿蔔絲、粉絲⋯⋯啖啖豐富既口感，調味剛好唔會淡又唔太咸，再加上少少胡椒粉更添風味！飲完個人會暖笠笠，冬天最岩飲！小菜：家鄉回鍋肉色彩豐富既菜式，大火爆炒火喉十足，非常惹味，味道軟濃送飯一流，入面除左回鍋肉仲有豆乾、筍片、京蔥、青紅椒⋯⋯全部都沾滿醬汁，辣辣地嘅味道非常開胃！小菜：杭三鮮用濃湯煮既杭三鮮賣相一流，材料唔止三樣，有海鮮、豆腐、肉丸、薑粒蛋白丸“？”、魚肚、金華火腿、雞肉、木耳、小棠菜⋯⋯應有盡有，最特別既係薑粒蛋白丸“？”我本身以為係魚蛋，但咬落去非常鬆軟，入面仲有薑粒，口感十分過癮！湯底濃香但唔會太咸，配埋材料一齊食非常正！小菜：杭州東坡肉配蝴蝶夾動L動L既東坡肉，一上枱店員就會幫手用較剪剪開，閃令令既表面睇得出骨膠原十足，夾起既時候仲非常動L既感覺，有啲似啫喱，咬第一啖真係比佢驚艷到，調味滿分，而且東坡肉入曬味，入面既油脂分布平均，入口即溶，不得了！咬左一啖試左原味後再用蝴蝶夾夾住黎食，原本已經切開咗即蝴蝶夾唔會太厚，口感彈牙軟熟，唔會好似饅頭咁硬，食落唔會乾，夾埋東坡肉食更加好味，沾多少少汁會更惹味！簡直係絕配！小菜：蟹肉粉絲煲份量十足即粉絲煲，入面既蟹肉份量都十分之多，睇得出係新鮮蟹再拆散，配埋蔥粒，賣相吸引粉絲濕潤又唔會太多水，彈牙既粉絲配上蟹肉，鮮味十足，一啖接一啖，加埋XO醬真係不得了既配搭，惹味又香口仲帶少少鮮味，正！甜品：酒釀丸子十分推薦既甜品，酒味香又唔會太重，帶上少許桂花既味道，丸子用咗黑芝麻做餡，皮薄彈牙，細細粒既丸子竟然包裹住咁多既黑芝麻餡，一咬落去就有非常濃郁既黑芝麻香味，食落唔太甜！各種配搭都十分出色，係我食過最好食既酒釀丸子！正！…查看更多

今天跟外地朋友到這家杭州餐廳吃晚餐，這裡的環境舒適有氣派，是一家感覺高檔的餐館🌌 墨魚腸拼土豬肉香腸 🌌墨魚腸吃起來比較軟身，有少許彈牙，微甜加上墨魚味，不錯土豬肉腸相對比較有質感及較為乾身，口感似臘腸✨ 宋嫂魚羹 ✨魚羹香味不錯帶胡椒及薑絲之辛辣味，而拆魚肉經炸脆，能夠保留其鮮甜味，食完非常舒服🌠 家鄉回鍋肉 🌠這味菜色澤吸引，但略微咸，材料有五花腩、京蔥、豆片、筍片等，傳統家鄉之味🎇 杭州東坡肉配蝴蝶夾 🎇這味東圾肉非常出色，無論甜度及咸度都控制得相當之好，所謂色香味俱全，東圾車炆得很腍，而且毫不油膩，將東圾肉夾在蝴蝶夾內再放入口，為之讚嘆，東圾肉慢慢融化，味道帶甜而香又不膩😋😋🌌 杭三鮮 🌌以上湯燉煮的杭三鮮，所採用的食材非常多，就像雜錦餸菜一樣，湯底清清的相當開胃，而整體味道都不錯🎇 蟹肉粉絲煲 🎇蟹肉粉絲煲亦是其中一味出色的菜式，粉絲幼細軟硬適中帶少少彈力，粉絲夾雜蟹的鮮甜味，加少許店家的XO醬更加惹味和香口，值得推介🌠 酒釀丸子 🌠非常溫暖的甜品，甜絲絲的味道中帶有蛋香及桂圓甜，而湯圓很軟熟內有芝麻餡料，畫上完美終結的一款甜品總括而言，這家杭式餐館之食物質素很不錯，而且菜式並非隨處可見，比較特別的杭州菜，而環境及服務都高尚，很享受👍🏻…查看更多

每次到杭州出差必會喝一碗老鴨湯，已經很久沒有到大陸幸好香港也有張生記這裡除了大廳外也有包廂，寬大舒適，私隱度十足前菜跟茶一起奉上，可邊品茗邊點菜上菜前都會先分好每人一份，涼拌黑木耳口感脆脆，酸酸甜甜十分開胃！紹興酒醉雞充滿濃郁酒香張生記花膠老鴨煲不槐為招牌菜！以一年以上的中華綠頭母鴨及花膠配上金華火腿、天目山笋乾及江南粽葉於砂鍋文火燉四小時以上！湯汁濃而不膩、老口感濃滑醇香麻婆豆腐炒本地花龍蝦，龍蝦肉厚有彈性，豆腐吸收龍蝦汁，更增鮮甜美另一招牌菜杭州東坡牛肉伴南瓜餅以鹿兒島和牛取代豬腩肉，入口即溶，脂香豐富！南瓜餅以南瓜蓉作餅皮包著豆沙，甜而不膩荷塘小炒口感脆嫩清爽蟹粉小籠包皮薄多汁酒釀丸子帶少許酸酸的味道，還有一股桂花的香味，吃下去很清新…查看更多

「我細細個就聽過張生記呢個名啊」我母親係杭州人，曾經跟母親返杭州食過張生記。不過當時年紀太細，連擺咗咩食物落口都唔記得，唯一記得嘅係母親對張生記讚不絕口。早前知道張生記來港開舖，於是同屋企人嚟左位於銅鑼灣既張生記。一開始上咗前菜－西湖桂花藕。做法係將糯米飯釀入連藕之中，屬於涷食既菜式。加上金箔作點綴盡顯氣派。龍井手剝野生河蝦仁賣相最簡單，不過味道勝於賣相，河蝦幾清新而且充滿水份，呢道菜夏天時候最適合不過。杭州東坡肉最邪惡，肥肉一入口就融化，酥而不膩，由於太好味嘅關係我哋叫咗兩份東坡肉。另外仲叫左蝴蝶夾包住東玻肉，又係另一番滋味。雖然龍蝦湯脆米泡湯係今餐最唔正宗，並非杭州菜，但我認為係張生記必食之選。脆米炸到粒粒分明，脆米浸喺龍蝦湯之後口感相當特別，濕潤嘅同時依然香脆，令人愛不釋手。湯底濃郁鮮甜，入面有大量龍蝦肉，真係一分錢一分貨。江南名菜點少得老鴨煲，據職員所講，老鴨養咗幾百日，肉質卻一啲都唔老同爛。湯底香濃順滑，亦滲透一陣鹹香。配料都好味，特別係荀乾，口感特別爽脆。最重要係滋陰補腎，咁先能夠成為一個好男人。要講今晚最喜愛菜式，我認為非杭州燻魚莫屬。杭州燻魚用魚腩製成，每條魚只可以做到兩碟，可謂幾珍貴。魚肉經過先炸後燻，香脆之外肉質嫩滑唔腥，加上酸酸甜甜嘅醬汁，特別惹味。杭椒目魚絲最古惑，碟上嘅青椒並非每一條都係辣。假如你咁幸運地食到一條辣既杭椒，嘗試克服佢目魚絲口感煙韌，配上醃菜令味道更豐富。剁椒蒸千島湖野生大魚尾價值$780，據聞千島湖水質非常優美。由於水中含有大量營養，所以出產嘅魚特別鮮味。食落果然如此，魚肉非常鮮甜，嫩滑多汁，加上剁椒非常開胃，剁椒幾辣但唔會搶走魚嘅鮮味。蝦爆鱔最香脆，冇諗過鱔都可以炸。加上甜甜地既芡汁後可謂錦上添花。甜品方面，我家人大部份叫咗杏仁茶，而我對酒釀丸子特別情有獨鍾。張生記既酒釀丸子更清香，丸子相當煙韌，酒味唔會太濃。今餐之後終於明白母親當日既讚不絕口，每一款菜式非常別緻，味道亦頂呱呱，可謂無可挑剔。…查看更多

杭州張生記响中國出名嘅食肆，之前張生記接受帝苑酒店帝苑軒邀請黎香港作短期營業獻藝，當時我無去試到。😢😢 機會總會黎臨，張生記又再重臨香江，今次於銅鑼灣開店，一收到消息，即刻同家人約好一齊去喇😁😁。香油馬蘭頭：一道清涼爽口嘅上海/杭州前菜，賣相好靚，好工整。它的美味來自於馬蘭嫩葉清脆的甜菜味加上豆乾屑軟嫩豆香味與混在其中的麻油香，一道必點嘅前菜。👍🏻👍🏻招牌老鴨煲：要講必食的招牌菜式，一定是為張生記省靚招牌的張生記招牌老鴨煲，據我所知杭州張生記曾試過一日內賣出六百多煲，成為一時佳話。🤔🤔 店員為我哋介紹，老鴨煲精選成年老鴨、筍乾、上等金華火腿等，用砂鍋文火煨燉四個小時以上。湯汁濃而不膩，亦唔會有鴨酥味，配上鴨肉同勁多嘅筍乾，依個招牌老鴨煲確係頂瓜瓜。👍🏻👍🏻西湖桂花藕：之前睇過雜誌，西湖桂花藕都係推介菜式。蓮藕片釀入咗糯米飯，再用桂花蜜煮成，入口甜而不膩，好好食😋😋。杭州東坡肉：除了老鴨煲，佢哋嘅東坡肉都十分精彩，一盅一方五花肉，香味撲鼻，肉皮燉得如漆似膠，配埋軟熟嘅夾包，再加埋啲汁，超正😻😻，食落完全唔覺得肥膩。在座屋企人平時飲食都盡量少食好似東坡肉依類型嘅食物，但依份東坡肉一上枱，轉頭就全部報銷。😅😅龍井手剝野生河蝦仁：「龍井蝦仁」是用河蝦及清香的龍井茶烹製而成的杭州名菜。張生記嘅龍井蝦仁，滲透住淡淡龍井清香，蝦仁食得出好新鮮嘅味道，既爽滑又彈牙。😌😌杭州燻魚：傳統燻魚涼菜，魚炸得連皮都脆卜卜，魚肉不腥不乾，香口惹味 🤤🤤。江南鹹雞：皮脆肉嫩，雞肉好滑好香。雖然唔稱得上係咩特別菜式，但我覺得張生記處理得好好。👍🏻👍🏻杭椒目魚絲：唔知係咪取其楷音，目魚其實係講緊墨魚🦑🦑。墨魚好鮮甜彈牙。依道菜最特別反而係杭椒，杭椒有啲辣，有啲又唔辣，好似玩緊抽獎遊戲。🤣🤣蝦肉小籠：佢唔係普通嘅小籠包，肉餡係豬肉同蝦肉混合。小籠包餡韌湯甜，口感爽脆，鮮味十足。😊😊酒釀丸子：張生記嘅酒釀丸子真係值得一食。一啖入口，即刻品嘗到張生記用上了靚嘅酒醩，酒香味同過往食過嘅酒釀丸子有過之而無不及，張生記係我食過最香酒味嘅酒釀丸子。😍😍 除咗酒香之外，甜湯仲滲出淡淡嘅桂花香。另外，張生記用嘅丸子，唔係普普通通無餡嘅糯米粉粒，而係實實在在，有餡嘅迷你湯丸仔。湯丸仔皮好煙韌，餡料我就食到黑芝麻同花生兩種。😋😋後記：張生記店員服務態度好好，好周到。店內環境都好清靜優雅。而佢哋自家製嘅XO醬都好香，又好夠辣味。茶方面，張生記都有唔少選擇，我哋就揀咗西湖龍井同桐鄉胎菊皇。其實仲有一道菜無為大家介紹，因為我唔記得叫咩名喇。😅😅雖然係好普普通通嘅腐皮炒菜，但張生記都煮得好好食。😄😄…查看更多

早兩個幾星期喺星島日報睇到一份名人食評，才知道曾經喺香港開個嘅大陸著名杭州菜館張生記在登陸香港，以前我成日去食，當時係喺銅鑼灣富豪香港酒店，所以一收到風就WhatsApp俾一班為食鬼朋友，粗粗略略地儲齊連埋自己7位，拉隊book枱去試，點知係冇特別要求之下都有一間VIP房，仲不設消費，今晚還有八八折，不知道這個優惠做到幾時，點了以下菜式：1. 秘製雙拼$158，新鮮魚肉做的炸魚片雖然好味但係冇乜特別，另外嗰個係墨魚臘腸，黑蚊蚊有墨汁的，亦有切咗粒嘅墨魚肉的，呢個好味得來有特色。2. 杭州熏魚$188，只係用魚腩部位來做，味道比一般上海菜館出色三成。3. 西湖桂花藕 $108，這個是甜的冷盤，好味得來沒有什麼特別。4. 酒釀蒸鰣魚半扇$980，跟一般好味嘅酒糟正鰣魚味道差不多。5. 杭州東坡牛肉$1129，每人一件，用咗黃牛做東坡肉，有一半朋友超級喜歡，還有每人一件南瓜餅，餡料是豆沙，這個一般。6. 龍井手剝河蝦仁$388，灣仔英皇集團中心一樓的路上海做得更加好。7. 山藥炒秋葵$158，餐牌相片之中有雲耳，上菜的時候沒有，這個組合的小炒麻麻。8. 杭州片兒川$238，係師傅手拉的白色拉麵，加咗揸咗嘅魚放入濃湯入邊上，超好食！9. 酒釀丸子$232，我沒有吃所以不知道。10. 石磨蛋白杏仁茶$116，我沒有吃所以不知道。11. 餐廳送的杞子圓肉菊花糕$0，有超過一半的朋友很喜歡。12. 七位茶芥（胎菊王）$15413. 張生記杭州老鴨煲$1080，每人有兩碗湯，另外仲突出兩碗，即是可以八人食，每人兩碗，這個菜式是必食的，因為沒有其他地方比這兒做得好，啲金華火腿是A級貨，湯渣好好味，真的要極力推介！因為我是主持要提早到，餐館準備了車厘茄做餐前小食，還有炸花生和非常之好味嘅XO醬。由於餐館是新開的，裝修很新淨，洗手間的衛生。我們俾咗$85貼士，埋單每位$715。…查看更多