羅麥記 (青衣城1) (已結業)

今晚去青衣城睇戲, 在此前在附近揀了間特色餐廳, 享用完心情靚靚去睇戲我們倆被餐廳門口很懷舊的戲院設計吸引著, 睇完餐牌, 不貴哦! 老板應該很喜歡睇港產片, 特別是周星馳, 門口放有舊式放片機, 餐廳大大的發光字寫著 “全院滿座” 左邊是香港不同年代的明星, 右邊側是一系列周星馳不同年代的電影畫, 很有映畫懷舊的感覺這不是套餐菜色, 上枱速度都幾快! 芝味牛肉蔥油餅卷 這個蔥油卷隔油做得很好, 口感不會有一層油, 帶少少香脆, 內裡是芝士牛肉, 芝士半流心, 是一道超香口的小食 ,而且比我想像中大份 避風塘鮮魷 這個鮮魷可以再 encore! 很新鮮, 咬下去吃到鮮魷的口感很嫩滑, 而且外層炸得香脆, 灑上香粉, 很惹味呢!羅麥炒飯 這個炒飯合格, 每粒飯炒得乾爽不油, 有蛋, 白飯魚干, 跟香蔥及黑橄欖碎很香生薑蜂蜜檸檬水 我加了 $10 叫這杯飲品, 沒有 hea 我哦, 有很香, 帶少少辣的生薑, 加上蜂蜜的檸檬水, 很養生驅寒, 用料很足, 喜歡上這杯飲品…查看更多

放假約左三五知己去青衣城shopping, 順便搵間餐廳食個簡單晚飯, 經過見到原來青衣城剛新開左羅麥記。記得很久前都係銅鑼灣食過, 對食物印象不錯, 價錢亦都唔貴, 最緊要係無加一服務費!!大家都沒有異意就決定去呢間食個dinner~呢間分店以懷舊影院做主題, 雖然我不是60,70年代, 未有想當年的感覺, 反而令我地後生一輩充滿新鮮同好奇心。menu上除了港式懷舊美食, 當中更加入了比較新潮既食物款式, 滿足不同年紀食客口味。很多款都很想吃, 奈何肚皮有限, 只能選幾款share大家試試~【麥sir 乳鴿仔】HK$56燒乳鴿係我最愛既中菜款式之一, 呢度仲可以自選檸汁同蜜汁。而我地就揀左蜜汁, 雖然外皮不是脆, 亦吃不到蜜汁味, 但肉質嫩滑, 而且本身既肉汁很豐富, 能吃到原汁原味。【避風塘鮮魷】HK$58炸皮比較鬆脆, 魷魚很爽, 加上避風塘炸蒜, 微辣, 很惹味!【水牛芝士炸雲吞】HK$46即叫即炸, 炸皮很薄, 芝士汁跟炸雲吞分開放, 唔會整林左d炸皮, 最驚喜既係雲吞入面既蝦真係冇偷工減料, 而且d蝦真係好爽口鮮甜!! 【避風塘軟殼蟹炒麵】HK$68炒麵炒得幾有穫氣, 炒麵唔會一舊舊, 雖然個炒麵比較油, 不過呢個價錢竟然附上兩隻完整既軟殼蟹!! 出面真係少見份量有咁足~【磚頭焗白汁芝士海鮮飯】HK$95自問胃口大既朋友, 推介食呢度既"磚頭"系列。份量係超級的大!!!高高的麵包表面稍為烘過, 麵包中放滿炒飯, 炒飯粒粒分明, 海鮮包括有青口、炸魚塊同埋鮮蝦, 雖然個汁係飯既表面唔太多, 但餐廳亦會免費提供四款汁醬比我地點包食: 芝士汁、蕃茄汁(味道甜中帶微酸, 好似杰既羅宋湯咁)、咖哩汁 (少少辣)、黑椒汁 (辣度比較出), 個包皮面略脆, 內裡軟棉, 其實食完入面既飯都已經飽左8,9成, 基本上唔太多人可以完全KO個包, 岩哂胃口大既朋友!+HK$28特飲 【紅豆冰粒粒奶茶】出面比較罕見既奶茶配搭, 茶味香滑濃郁, 上層有幾粒以紅豆冰雪成既冰粒, 待冰粒慢慢溶, 都唔會令整杯味道減淡。這裡還提供懷舊甜品, 但我地飽得根本吃不下去, 食到飽, 捧住個肚走, 每人都唔洗HK$200, 確實很抵!! 平日晚6點後更推出晚市一人客飯套餐, 幾乎是連鎖式快餐的價錢, 無論是一個人還是一大班朋友, 這裡算是一個抵食既飯堂! …查看更多

晚上七時，新開張的<羅麥記>全院滿座，懷舊裝潢像七十年代的電影院，餐廳多款的地道美食，讓味蕾也重温美好時光。黑松露卡邦尼撈丁 $68卡邦尼撈丁是中西合璧的菜式，新穎配搭令人留下深刻印象。撈丁一上枱，飄來濃郁的黑松露香，拌勻温泉蛋和芝士粉，撈丁入口稠密，柔滑的白汁香甜，配合煙肉，啖啖滋味、窩心! 出前一丁代替意粉，帶來彈牙口感，著實不錯。避風塘鮮魷 $58避風塘鮮魷是必點推介，炸至甘香酥脆，薄脆的炸漿，包著有嚼勁的鮮魷，口感脆而可口。表面舖滿蒜頭、乾蔥及椒粒，惹味香辣的味道，十分吸引! 蝦多士 $60蝦多士香脆油潤，蝦膠夾合芝麻和莞茜，沾上沙律醬，超級邪惡。只是莞茜略嫌奪過蝦膠的鮮味，我認為不添加，感覺更佳。磚頭焗咖哩軟殼蟹飯 $95磚頭焗咖哩飯份量巨型，麵包磚焗至邊緣焦香，3隻金黃軟殼蟹及滿溢的咖喱汁，令人胃口大開! 切開麵包磚，米飯濕潤，配合酥脆無比的軟殼蟹，是雙重美味。有咖喱汁另外附上，可以跟據口味作調較，如果咖喱中有薯粒點綴，感覺更美味。麥SIR乳鴿仔 $56乳鴿仔炸至油光亮澤，外皮脆卜卜，咬開表皮，油香滿佈，吃到舔舔脷。只是內裡肉汁未算豐盛，但整體不錯。蜂蜜紅豆西多士 $28蜂蜜紅豆西多士是邪惡的化身，把大大塊牛油，塗上新鮮熱辣的西多士，牛油慢慢溶化及被吸收，令人垂涎! 西多士內層夾滿紅豆蓉，蜜甜、軟綿，加上蜂蜜的升華，是嗜甜者的摯愛! 懷舊香蕉船 $40懷舊香蕉船是最簡單的味道，香蕉夾著3球雪球，分別是芒果及芋頭味，配上朱古力醬和topping，甜入心扉! 我很貪心地想，如果雪糕可以自由選擇口味更佳。總括而言，<羅麥記>價錢大眾化，上菜速度快，同幾位好友幫襯，可以試到更多元化的美食。…查看更多