雞翼山 (裕民坊YM²)

營業中

休息中

之前已經食過雞翼山的玫瑰雞翼，好香的玫瑰蜜糖味，皮外脆內嫰，好食，今次外賣返屋企，叫左3款吾同口味share 分別有避風塘雞翼、鹹蛋黃雞翼同埋玫瑰雞翼，仲叫多左。個小食蝦多士和飲品蜜桃烏龍茶。雞翼即叫即整等左10分鐘左右，店員好細心態度良好，打開外賣盒俾我影相打卡，即叫即整雞翼隻隻都脹卜卜。天氣太熱，一路行一路飲杯蜜桃烏龍茶果味好香好好飲。外賣用紙盒裝住，保溫都做得好好，令返屋企食的時候仲係keep到個溫度。先食咗鹹蛋黃雞翼，雞翼外皮沾滿鹹蛋黃醬，鹹蛋黃醬吾會死鹹，好鍾意佢個沙沙質感，雞翼炸得剛剛好，皮仲係好脆夾埋鹹蛋黃醬呢個配搭好惹味。跟著再試避風塘雞翼，港式味道小辣，惹味同好多炸蒜好香，跟著再食蝦多士中間蝦肉彈牙，香口小食，不過不失，最尾食玫瑰雞翼，雞翼上的玫瑰花粒好靚，甜美中和左避風塘雞翼的辣味，食落每一啖都有淡淡的玫瑰花香。順帶一提，盛載雞翼的索袋設計好靚，下次會再試埋其他口味。

觀塘做完嘢就周圍行下，竟然比我見到雞翼山😍😍成日聽人講話好好食今日終於有機會試吓😏😏難得同朋友一齊食就梗係唔會食一個味咁少啦，今次揀咗佢個餐，一共12隻雞翼😜可以揀三個味道😋😋咁就揀咗濃口櫻花蝦蝦醬味🦐黑松露武士雞翼同埋避風塘雞翼🐥其實佢有好多款，食一次真係食唔晒😝下次再食其他味道😜咁就介紹翻我食過呢三種味先啦😌😌濃口櫻花蝦蝦醬味🦐超級極度推介🤩🤩🤩鍾意重口味嘅你一定好鍾意😍佢真係有濃濃的蝦醬味😌而且好多汁包圍晒成隻雞翼但又唔會淋，仍然可以做到脆雞翼嘅感覺，咬落去啲汁仲會流出黎，所以呢個真係必食推介😋😋😋😋黑松露武士雞翼🐔由於我第一隻係食櫻花蝦蝦醬味，相比之下呢一隻黑松露雞翼就冇嗰隻咁好味啦🙈🙈雖然佢都可以做到皮脆肉汁流出但係就唔係好食得出黑松露味，唔知係因為我頭先個櫻花蝦味太重😛😛定係佢本身唔夠黑松露味🤷🏽‍♀️呢個我就做唔到定斷了啦🙈🙈避風塘雞翼🐤都係外脆內軟，有汁流出，超多炸蒜🧄🧄一句講晒，好食👍🏽