コメダ珈琲店

呢間過江龍咖啡店啱啱開業嘅時候請唔夠廚師(經理自己講🙈)，所以長期排曬隊💩咁啱呢日放假又唔太full就入去試試😎首先嚟到嘅係KOMEDA咖啡，跟餐只需要$20，可以免費加豆奶，聞起嚟都幾香，飲落亦都冇苦澀味，中規中矩👌🏻本來想食紅酒燉牛肉，但嗰日冇曬，所以就叫咗咖喱意粉($78)，仲標明同新宿中村屋共同研發😆估唔到「因禍得福」，意粉質感好特別，有少少彈牙、好似烏冬咁，但又未至於好煙韌，我同朋友都超鍾意🥰雖然餐牌有提示醬汁偏辣，但只係香港人嘅小辣，而且唔會長留喺個口度，比起普通日式咖啡味道得確更豐富😝因為個意粉太好味，塊牛油多士相對之下就好普通😉好少可見炸豬排配味噌，通常都係啡色嗰隻豬扒醬，所以就叫咗份三文治試試($75)，可以揀切兩舊定四舊🥪本來諗住兩個人食就分成2份，點知個包幾大下，結果都係要自己再切多刀😂豬扒新鮮炸起超級熱辣辣，但食完第一啖我哋都好疑惑，點解會有咁濃嘅酒味🤔或者明古屋嘅味噌係咁，但同想像中真係好大出入🤣又或者係因為沙律醬加芥末再加味噌就出現呢浸味，其實總體嚟講唔差，麵包亦都有烘過、夠鬆軟，不過普通嗰款三文治可能更好😛最後當然唔少得甜品 - 迷你冰與火($48)🤩雪糕係淡淡嘅牛奶味，但唔算濃郁，口感比較似新地雪糕🙈丹麥麵包比我預期中失色咗啲，以為會好香牛油味或者好鬆軟，點知兩者都冇，食落似係比較硬實嘅麵包，要連埋雪糕食先比較好，亦都好彩有糖漿搭救☹️…查看更多

📌 コメダ珈琲店 - 紅磡黃埔天地黃埔號(第6期)AEON Style地下G01號舖🗓(24/12) 星期六 ⏰ 下午3點左右 💈特式：呢間連鎖cafe我去日本旅行時都有去過，見佢係香港開第一間分店，一直都想去試，但無奈日日大排長龍，見今日係附近睇戲，佢又可以手機攞飛，咁就係差唔多電影散場前一個鐘手機攞定飛，睇完戲去到門口都仲又大約等多15分鐘先有得入座，但都比係門口乾等好好多。🥩🍔🌭🌮🥗🥯🥘🍲🍝🍣🥟🍤🍱食物：因為睇左成3個鐘電影，由唔肚餓都變到肚餓，所以就叫多幾樣野食下，睇下佢同係日本食分別大唔大我，等我同大家講下🎌味道先。香辣炸豬扒方堡 - 本身想食味噌味，但見佢呢個係同日本名店中村屋共同研發嘅口味，好似比較獨特、所以就叫呢個，一上枱感覺係估唔到有咁大舊，落單時仲可以選擇將個方堡一開二或一開四，我已經揀左開四，但每件都仲好大件，要再開二/三件先可以成件擺入口，味道就一d教唔辣，但有咖哩香味，炸豬扒好脆又唔油，個包都好鬆軟，賣$75蚊我就覺得唔貴。KOMEDA黃金炸牛堡 - 本身係想叫正常漢堡扒嘅漢堡，但佢呢個標明<香港限定>，就點都要支持下香港口味，呢個賣$60蚊就比起炸豬扒方堡無咁抵，佢個包都大片，都係鬆軟，但個炸牛漢堡就偏細塊，亦唔覺有咩特別，我相信正常漢堡扒會好d。迷你冰與火 - 呢個冰與火係招牌甜品，不可不叫，不過因為驚食唔晒，所以叫迷你，但原來迷你都好大舊，可以分到6件，真係唔知唔迷你會有幾大，講下味道先，首先toping個牛奶雪榚真係好重奶味，口感又滑，又唔太甜，下面舊丹麥麵包就有少少似牛角包咁嘅質感同味道，但我整體都係好高評價，仲要只係$48蚊，唔止唔貴，直頭係抵食。☕️🍵🥤🧋🍺🍷🥃🍹🧉🍾🍶🥛飲品 - 飲品我就叫左一杯最元祖嘅KOMEDA咖啡同一杯果凍朱古力咖啡，始終佢係一間cafe，咖啡就一定係做得最出色，而且佢嘅咖啡種類真係多到花多眼亂，但相比下我就會飲就普通元祖咖啡多過其他特飲。🍽環境：餐廳裝修大致上都係喂跟返日本店個design，歐陸風配上紅色梳化，加上間舖開張無耐，所以仲係好新淨整潔。🤵🏻🤵🏻‍♀️🤵🏻‍♂️服務：因為係用QR Code落單，埋單亦都係自己出收銀處，所以職員主力都係上菜同收碟，但職員態度都唔錯，上菜/收碟速度亦都好迅速。💰💸價錢：今日叫左兩個主食，一個甜品，兩杯飲品，埋單都只係$270左右，原來以為呢d過江龍實會收好貴，但埋單又覺得都算合理。🐲💬總結：我覺得佢雖然未做到同日本咁，上枱食物同相片100% match，但都做到起碼有80%，我已經覺得有所交代，加埋價錢唔算貴，唯一缺點就係要預好多時間排隊等位。推薦指數：❤️❤️❤️❤️🤍…查看更多

黃埔又有新餐廳！今次係名古屋café 🍴コメダ珈琲店。新開無耐就去咗食：食咗：🍦迷你冰與火$48（分大細size）▪️香辣炸豬扒方堡 $75（可切兩份/四份）▪️紅酒燉牛肉 $90 （跟兩片法包）☕️歐蕾咖啡 $26（跟餐加配）🥤蜜瓜雪糕梳打 $48-上菜次序：飲品 - 主食 - 甜品每杯飲品都會跟一包豆，食落似魚皮花生。當時唔知係咩用意，香脆幾好味。睇返資料，原來呢個係名古屋喫茶店文化，嗌飲品會送豆菓子。今次飲咗咖啡歐蕾（牛奶咖啡）同蜜瓜雪糕梳打。梳打特飲成隻綠色襪咁，頂頂有牛奶雪糕，童心未泯睇見都開心🥳。成杯飲品，有被牛奶雪糕驚艷到🤤係香濃牛奶味。-方堡有四款，分別係原味炸豬扒、味噌炸豬扒、香辣炸豬扒同炸蝦。成塊豬扒都有麵包糠，香脆有肉汁，辣醬食落似日式辣咖喱。方堡麵包鬆軟，食晒呢份真係飽晒。另外仲叫咗紅酒燉牛肉，跟法包兩塊。牛肉軟腍，中間白色係原味薯仔沙律，連紫菜絲一齊食，味道好似章魚燒😂。🧊🔥一開始睇到介紹係俾甜品冰與火吸引。未食喺到估會唔會係冰火交融呢🤩甜品冰與火有分兩款size，有主食當然叫一份細嘅試試味就好。丹麥麵包聲稱有64層，不過甜品嚟到當然要即刻品嚐，同埋雪糕就快融🙈食先。雪糕本身融得唔算快，不過淋咗啲糖漿好快啲食。食完有啲失落，就係丹麥麵包蘸雪糕😂-暫時目測walkin都幾困難，可以用the gulu拎定位，不過就咁打餐廳名係搵唔到，要scan QR code先搵到🙊今次等咗成個鐘先入到，街坊可以喺屋企慢慢等完再落樓。出面都幾多人等位，不過入到去又會發現唔係坐滿晒。想食都係提早拎飛/過一排先食啦。用QR code 自助落單，入面收得唔太好，不過餐廳有免費Wi-Fi，可以用一個鐘。…查看更多

🥢 KOMEDA Coffee @黃埔AEON唔知係熱潮已過，定係因為佢哩日嘅意粉同方堡都賣曬（基本上淨係得返咖啡甜品小食可以叫～）嘅關係，所以排隊等位10分鐘內就入得🤣🤣心掛掛杯咖啡，又想試下佢地嘅甜品就話咁快就回頭了hahaaa，甜品真係出色過主食好多🌟哩個OpenRice超多人推薦嘅冰與火 ~凍冰冰嘅香滑雪糕配熱辣辣嘅香酥丹麥麵包，再加埋楓糖漿😛🤍甜甜地配咖啡一流👍🏻👍🏻另外今次仲試咗想試好耐嘅維也納咖啡🤣原來即係加咗忌廉嘅黑咖啡haa喜歡cream的我表示喜歡~不過好邪惡嘅感覺🥲整體來講~啲座位真係幾闊落好坐（特別係今次坐咗入去入邊啲嘅位置），越來越少人排隊嘅時候，就更加適合攞埋電腦過嚟傾嘢做功課（完勝Starbucks😂👍🏻)🌟KOMEDA咖啡 $39🌟迷你 冰與火 $48🌟維也納 咖啡 $45📌 地址:黃埔號(第6期)AEON Style地下G01號舖營業時間: 07:30-22:00…查看更多

KOMEDAコメダ珈琲店係日本名古屋發跡，最近就開左過黎香港～為食既我當然要去朝聖下！諗住平日晏就時間去，應該小人排隊避開人流🙃🙃但原來係錯既～我都等左個幾鐘架🕰而且，意粉，方堡類都售罄🚫🚫紅豆牛油多士 追加 香脆薯角 $68大大份牛油🧈再加紅豆～邪惡又好味😈搽落去自家製丹麥麵包 外皮酥脆 內裏鬆軟亦層次分明 口感蓬鬆細膩 並非空心包🍞薯角亦相當驚喜，皮脆內軟🍟迷你冰與火 歐蕾咖啡（大）$74平日3點已經得反迷你冰與火🥲 冰係指雪糕🍦口感順滑 奶香味相當香濃可口火係指酥脆既丹麥麵包～再加上甜甜的蜜糖醬🍯麵包好食～黑與白 豆乳咖啡 $65黑係指年輪蛋糕🧁 蜜糖漿好甜 🍯白係指雪糕🍦口感順滑 奶味相當香濃可口年輪蛋糕相對就普通～☕️豆乳咖啡偏向豆奶味較重（餐牌亦已注名）所以鍾意咖啡味偏濃嘅朋友，就不適合啦蘋果批 紅茶 $66蘋果批外層酥脆，蘋果肉亦大大舊！🫖紅茶茶味偏濃郁甘香👍🏻總括黎講 食物質素就行樸素路線，無咩太花巧既款式～適合行完街想坐下同朋友傾下計食個茶點既休閒舒適咖啡室🤗熱朝過後，唔洗再排隊都會想再去食意粉，方堡類既餐點"題外話，可以Gulu拎飛"拎完去行下Aeon～…查看更多

KOMEDA’S Coffee源自名古屋, 其獨特早餐文化係可以點咖啡送早餐, 分店遍至全日本, 而家終於開到嚟香港早餐主要為一片厚多士 可以有三款選擇，包括烚蛋、蛋沙律或者紅豆蓉; 另外再可以個人化口味，將多士塗上牛油或士多啤梨醬 至於咖啡方面亦都有好幾款選擇, 推介KOMEDA咖啡和Au Lait 環境方面，香港店都採用返日本嘅木系和式, 配上紅梳化為主調, 卡位私隱度高, 簡潔明亮; 餐廳播有柔和音樂, 而且重點係冇時間限制; 再加上店內有各類報紙雜誌, 真正可以享受一個完美的早餐👍…查看更多