文記車仔麵 (福榮街)

都隔左好耐冇食車仔麵，次次來深水埗文記都必定排長龍，晚黑用男朋友都諗唔到食咩好，行到深水埗見到文記就說不如食文記啦，前面都有成二十人排緊。不過好彩都算快，等二十幾分鐘就可以輪到我地啦。好似上次一樣我就揀返蘿蔔，因為真係好軟好清甜，跟住就係陳皮魚蛋，好煙韌，好有陳皮味，次次去都必叫。而男朋友就揀左鳳爪同牛柏葉。昇華嘅就係加左佢嘅蘿蔔乾，真係一流，真係點食都唔厭。食完想再食。咁多人排隊係有道理嘅😋😋😋…查看更多

搭地鐵咁啱經過深水埗附近，又有啲肚餓，突然間醒起有間車仔麵好出名，就落車去試下。間舖好易去，深水埗D2出口直行轉右就到。我8:10左右去到，出面有條人龍，等左大約20分鐘先排到我。佢嘅運作模式有啲奇怪，係要出面排隊買完比埋錢先坐底食。如果係夏天/落雨嘅話，見到人龍我真係唔會排隊😢。大大個menu，令你可以一路排隊一路諗食咩。我嗌左一個三餸麵($45)🍜同埋凍檸茶($10)。麵底：河粉($11)餸：金菇($11)，蘿蔔($11)，豬紅($12)車仔麵湯底好重要。送到黎即刻飲一啖湯先，有驚喜！蘿蔔好清甜，冇渣，下次會再嗌！金菇索哂啲湯再食，👍🏻。豬紅就普普通通，唔腥。河粉份量都唔小（對女仔黎講）。凍檸茶偏甜，建議嗌少甜。可能因為我只係嗌左3餸嘅關係，$45一個麵唔算貴，$55食到一個飽嘅晚餐真係好抵食，性價比都偏高，下次帶埋男朋友黎一齊試下其他餸先。…查看更多

每次嚟到呢間車仔麵門口都勁多人排隊，尤其是每次經過都覺得條龍好長，今次唔使排好長龍都有位可以坐低食。我哋總共三個人每人叫咗一碗車仔麵，另外仲叫咗個腐乳通菜同埋瑞士雞翼。我個車仔麵叫咗都好多唔同嘅餸，包括豬手，韭菜餃，豬大腸，蝦春卷，勁多唔同嘅餸。每樣餸都好好食，唔單只係好入味口感仲非常一流。每樣餸都好好食，佢嘅湯都非常之濃，店內環境正有少少窄，但總算有同事幫你搵位唔使自己麻煩。買完有同事幫你拎過去座位嗰度。開頭我都唔知以為要自己去處理。店內仲播住Mr. Bean，真係好寫意。…查看更多

白色碗 $51鮮蝦腐皮卷 新鮮炸起 外皮香脆餡料相信係魚肉混合鮮蝦粒招牌自製韭菜餃 大大粒好飽滿 塞滿咗韭菜同埋肉餡韭菜味香濃玻璃辣魷魚 魷魚爽口彈牙因為滲著湯所以辣味淡咗好多 估計更符合大眾口味米粉幼身質地爽彈橙色碗$50牛孖筋燜得夠淋入口滿滿膠質又入味 芝士腸 豬皮 米粉 …查看更多

文記車仔麵街知巷聞，更加係米芝蓮推介既餐廳🍴。車仔麵係港式經典街頭美食🇭🇰。一碗麵🍜配搭各種價廉物美既食材就成為香港人既Comfort food🥰。—————————————————📍車仔麵（蘿蔔+八爪魚卷+韭菜餃+雞翼）(9/10)小編叫左油麵配4️⃣個餸加腩汁。d餸份量好豐富，堆滿成個碗🥣，賣相非常吸引💯。麵同d餸份量好多，多到就黎食唔曬。蘿蔔🥕係車仔麵招牌餸菜，有時甚至食蘿蔔就已經知道餐廳🍴落左幾多心機💦煮野食。蘿蔔🥕果然係最好食既餸🏆，清甜無渣，煮得好淋好入味😆。雞翼🐓雞皮爽口彈牙，而裏面肉質好嫩滑。滷水味香濃帶甜，越食越滋味🤩。韭菜餃🥟都幾好食，d餡好飽滿，菜同肉既比例都好平均😋。腩汁味道香濃，令到車仔麵味道更加有層次😍。…查看更多

一碗叫油麵，另一碗叫粗麵，車仔餸選擇了，瑞士雞中翼，猪紅，猪大腸，蘿蔔，酸齋。👍真係非常出色，有質素，雞翼有色水又入味，猪紅有猪紅味質感不會太鬆散，酸齋好味過齋鋪嗰啲，蘿蔔入味無根，猪大腸夠曬鹵水味。另外煮麵姐姐要記一功，因為啲麵不會太硬，有啲麵檔啲車仔麵硬到咬唔到。食車仔麵的例行步驟，排隊，叫麵，叫餸，要大聲啲，比錢，話比服務員知，送去隔離舖。車仔麵週街都有，唔係間間都整得好食，以中等價位計算，「文記」是可以滿足到你心目中的車仔麵的原本味道。…查看更多

近日疫情關係，盡量減少外出用膳，同事們發起外賣文記車仔麵在office慢慢品嘗。大家一早打電話落order, 然後中午食飯前揸車去拿。同事叫了十二碗車仔麵及小吃。今次係我第一次食文記，叫了三個餸加薯粉，分別花膠、柚皮及蝦春卷，用了腩汁湯加秘制辣汁。花膠大塊有肉，爽滑、柚皮有少少苦味但也可以，春卷彈牙好吃，加埋少少秘制辣汁及菜譜，简直绝配，非常惹味，一定會再食。…查看更多

今日陪男朋友行深水埗, 出得嚟比較晏, 邊行邊掃左一陣街, 都將近晚飯時間, 就行去最旺最多食肆嘅福榮街視察下現場🧐聽講有間好出名嘅車仔麵🍲, 稱霸左呢區好耐, 原來一條街有成三間鋪😲仲要每間舖門口都充滿住人, 人同人😅😅 攞左飛, 到入得去坐低, 已經係四十五分鐘之後嘅事🙄對車仔麵有我自己嘅堅持, 豬紅😋酸齋😁豬紅, 蘿蔔以外, 亦叫左酸齋, 墨丸, 瑞士鷄翼, 襯油麵加左杯凍蜂蜜柚子茶, 要加$9好食可惜之前掃街打左底, 麵嘅份量唔細, 食唔唒😅…查看更多

每個餸$8~$12 算合理, 每次必揀瑞士雞翼、玻璃魷魚同八爪魚春卷。瑞士雞翼好好味,夠晒"淋"又入晒味😋特別介紹湯底可以大混戰, 我同太太就必揀秘製辣汁(少辣)+瑞士汁+腩汁, 聽落好怪但值得一試咖😄…查看更多

由細到大最唔鍾意食車仔麵，因為覺得好污糟，好單調乏味！有次有個朋友不斷介紹深水埗嘅「文記」車仔麵，次次都話好好味，好正呀！但又講唔出點解好食，我地就半推半就就去咗食，嗰晩仲系夜晚11點幾，都仲有人排隊，有冇咁好生意啊？原來真係有！！！湯底濃郁夠味帶甜，再加小小辣調味，不能加太多辣，因為會掩蓋左個湯底！瑞士雞翼又「林」又入味！蘿蔔好清甜！韭菜水餃個餡啲肉好新鮮好好食！仲有豬紅，牛筋腩......都好出色，每一道菜都有唔同的味道！真係有驚喜呀！！！而家成為我唯一會想再食嘅車仔麵！…查看更多

本人非常喜歡車仔麵，經常到不同食肆食車仔麵。久仰大名今次特意前行，抵達時已有非常多人在門外等候，拿了籌後等了大約20分鐘進店。車仔麵的餸選擇非常之多。我點了雞翼，豬腸，酸齋，米粉。所有餸都非常入味而且湯底亦很濃有藍汁的味道和沙嗲味道。非常之有質素必定會再次回來光顧…查看更多

必食：大腸、蘿蔔、瑞士雞翼大腸非常入味，蘿蔔完全吸收了湯底的精華，瑞士雞翼能吃出醃了相當長時間，味道很驚喜不過不失：玻璃辣魷魚魷魚同辣味不能融為一體，不是很好伏：韭菜餃子餃子皮煮得太爛，一夾就散，難以想象米芝蓮食店會有此劣作服務裝修：光顧的是文記的新鋪（註：文記三間鋪開在同一條街，不必特意光顧舊店因為差別不大)，坐法類似一蘭，一人一個孤獨位，如果同朋友聚會就不推薦了等位狀況：星期六兩點去等了一個鐘，可能是剛剛列入米芝蓮小食的關係。值? 如果經過不用等位可以一吃，專登去我覺得一般，不同區都有很多旗鼓相當的車仔麵，沒有見到文記的過人之處，不過總的來說是好吃的。…查看更多

近聖誕，去福榮街買家居裝飾品，來試車胎人推个車仔麵。一個人，好快便入座。豬大腸：肥膏是預期的，不入味豬手：不夠淋都冇問題，但毛多且硬，兩大舊，幾乎完全吃不到雞翼：正常牛𦟌：正常唯一覺得滿意的是秘製辣醬，的確香，但幾辣。…查看更多

自從食過文仔車仔麵之後，你真係唔會再幫襯第二間車仔麵檔，餸菜選擇種類又多，地方依家裝修咗又乾淨又舒適咗，隔離仲開咗2間分店，可以唔駛等位添!如果你鍾意食豬紅，牛筋，豬手必定要試，仲有秘整辣汁同埋花椒油添!正ah!…查看更多

自從屋企樓下嗰間好好味嘅車仔麵檔執咗之後好難搵到一間好食嘅， 今日試過呢間都算ok喎，其實呢間都想試好奈， 但係次次行過都勁多人排隊， 今次咁啱見到呀開咗間新嘅分店又冇人排隊，於是乎就去試下。環境好坐得唔係好舒服，似有冷氣嘅高級大排檔，新舖大部份都bar枱式，座位嘅距離有啲迫，不過好彩櫈下面有個籃畀我哋再自己嘅隨身物品（ 都算係一個窩心嘅設計），佢設最低消費25蚊（ 其實大約都係揀兩至三個餸到就已經over咗最低消費）。 入去嗰時職員會畀 一塊用膠板整成嘅menu你，menu上面呢都有唔少嘅選擇， 仲有好多懷舊嘅小食添，而我今次就揀咗豬腸同豬紅配米粉，佢哋嘅豬腸 做到入曬味又唔會好難咬得開， 而嗰啲豬紅呢又好爽身， 完全冇怪味。 個湯底我就揀咗牛腩汁不過個湯底食落就好似有啲錢出前一丁公仔麵嘅味，響呢度就有少少扣分啦，不過食完之後都唔會太口乾。 不過好值得一提嘅呢就係佢樽冬菜，望落去好辣，但其實唔係好辣，加落d面度簡直一流呀👏👏分量方面呢呢一個女仔食叫兩個餸加一個面呢已經夠飽㗎啦， 都唔算太細碗。…查看更多