鳴越越式料理

營業中

休息中

今早因為要趕住做完個report畀老細，結果搞到三點鐘才可以出去食晏。 正考慮不知食乜好 ，突然醒起公司附近有間越南餐廳下午茶有折; 一於就去試下。餐廳要落地牢，店內以綠色為主調，掛上不少越南風景和特式美食的畫;地方算是闊落。下午茶價錢約四十至五十不等，另外再配小食和飲品添。 而呢度嘅小食都幾多選擇㗎。越式海鮮炒金邊粉 呢個炒金邊粉份量都幾大，有蝦、青口、帶子和少少雜菜，算是足料。但與我平時食慣啲有些小唔同， 就是冇左花生碎和蛋絲，所以冇咁香口。 不過咁嘅價錢又有咁多料都算合理。越式炸春卷春卷炸得香口皮脆，包著都是紅蘿蔔絲、肉碎、沙葛絲、粉絲等等;亦帶有胡椒粉調味。食時加埋甜酸醬和生菜一齊食，即時令口感清新 和不油膩。金桔青檸梳打 青檸一向是我至愛，所以餐飲當然要飲青檸梳打啦!估唔到佢嘅梳打水唔係用普通罐裝果種，是樽裝的而牌子亦不曾見過。 柑桔和青檸份量都很多，所以飲落非常開胃和消暑解渴。

晚餐今天選擇了越式藏身於中環地底不太起眼晚市有一人或二人套餐懶得去想就點了一人套餐作罷越南餐廳當然要點越式生牛肉湯河有青檸羅勒葉洋蔥作配料湯頭看似混濁但味道清甜牛肉被剛好湯溫度灼煮肉質因而相當嫩滑值得一提是湯粉份量極大另一主菜是豬頸肉馬拉盞通菜配白飯醬汁濃鹹惹味配白飯一流加十八元可加配越式小吃香茅雞中翼炸得香口惹味越式炸春卷配以生菜享用加八元可加配越式特飲椰汁珍多冰杯身高達十九厘米份量大果然是這家店的特色之一

靚裝越菜@中環餐廳係喺地庫，我係畀呢個牌吸引到目光，哈哈！落到去發覺裝修都幾靚，啲位好好坐 價錢以中上環一帶嚟算係好親民，我哋仲加咗小食𠻹呀 😋朋友嗰杯係椰汁紅豆冰，佢話幾好飲。我嗰杯係青檸薏米水，清清哋好好飲 啲薏米幾有咬口。越式炸春卷好脆口，餡料包得滿滿，加咗生菜就更加清爽，無乜油膩感～另一個小食就係香茅雞中翼喇，雞翼都幾大隻，都係比較香口啲小食。越式火車頭非常大碗，個湯好清澈但好有牛味，河粉好滑嘟嘟～有齊生牛肉、牛腩片、牛丸、牛筋同牛柏葉，好啱鍾意食牛嘅我 👅 炒紅飯酸酸甜甜好開胃，仲有好多蛋絲𠻹。牛柳粒加咗黑椒，有少少辣但係好惹味。

同同事到中環開工，係德輔道中見到有間新開既餐廳叫鳴越越式料理，就好奇心大發決定去食。 間餐廳係地底既，需要行一條落樓梯先到。一落到去發覺地方超大，亦都坐滿人客。店員細心地問我地既人數，而且介紹佢地既菜式。由於係下午茶時間，我地就叫左兩個下午茶餐追加跟餐小食同另外一個小食套餐。兩個餐分別係:牛坑腩金邊粉 (HKD 42) 追加越式炸蝦餅 (加HKD 26)配椰青 (加HKD 18);鮮茄牛腩金邊粉 (HKD 46)追加越式春卷 (加HKD 18) 配椰汁三式冰 (加HKD 6)。至於另叫既小食套餐，我地就叫左香芽串燒雞肉(2串)&越式炸蝦多士 (HKD 38)配椰汁三式冰(加HKD 6)個牛坑腩好好味，口感爽，一啲都唔韌，而且分量唔少。個湯底清甜，仲有略帶檸檬味。至於個鮮茄牛腩金邊粉，分量唔少，酸酸甜甜，牛腩內面有濃濃既蕃茄味，非常開胃。個春卷炸得香脆，用料又足，包埋塊生菜食，正呀。個蝦餅有(8塊)，啖啖肉，點埋甜酸醬，真係好滿足。至於個椰青，大大個非常清甜，原汁原味，仲可以食埋內面d椰子肉添。個三式冰都毫不遜色，勁有椰子香味，同好好飲，啲配料非常足。香芽串燒雞肉，好好味好香，食完仲想添