BEP Vietnamese Kitchen 越灶 (已結業)

咁岩去開k11 musea睇野，又有啲想食越南pho，於是搵到呢間餐廳。環境幾好同埋都多人排隊，價錢亦算K11中無咁貴，可以一試。2個人等位快好多，唔駛點等就有位。我同男友兩個都係病病地，食唔油膩既pho就岩哂。我就嗌左個蕃茄蟹湯檬，佢就嗌左個安格斯牛肉粉。偷食左少少，安格斯牛肉粉個湯不過不失，牛肉都大塊而且麵既份量多，一碗都夠飽。但係到我碗蕃茄蟹湯檬就比較失色勒首先，個湯係淡淡既紅色，圖文不符。飲落完全無蕃茄味，令我呢個蕃茄控好失望係清湯然後有少少海鮮味咁。我期望既係酸酸甜甜既味道...有樣好既就係食粉佢會比個細碗但滿滿既蔬菜你，我好怕外食無菜落肚同埋都多蟹腳既，不過多肉既只係得一舊，其他都唔係點啜到d肉。湯麵都仲有扎肉同豬肉丸，但個湯實在唔掂!見有滴漏咖啡，我就嗌左個試試!侍應姐姐話要等5-10 mins，一路滴既時候都聞到好香既咖啡味!係黑咖啡!最底有層練奶，搞拌左會更香~幾好味。呢到既湯麵將近100蚊碗，但又唔係話十分出色，而且我碗蕃茄湯檬仲要無味。。。可能小食前菜個d會好味d既

最近經常出沒K11 MUSEA 覓食，這天來到四樓的BEP 越式料理，是BEP 第四家分店，BEP 越南文解釋是「家的廚房」，餐廳廚師全是越南人，包括已任職12年的行政主廚Helen Ngo，務求以地道的傳統秘方，配合新鮮進口食材，煮出像住家飯般溫馨的家常越南菜。前菜我們選了越南蜜柚燒蝦沙律，除了大蝦及西柚，裡面還拌了青瓜、蓮霧、腰果、乾蔥及紅米通，啖啖爽脆。另推介越式蟹肉粉卷，四條皮薄餡靚的長條形粉卷餡內有蟹肉、豬肉及黑木耳，另配上少少鹹的扎肉條、炸鯪魚條，沾些魚露更能帶出越菜的味道。喜歡較香口的可選擇蟹肉春卷及牛肉卷，香芋蟹肉春卷裡面有蝦米，口感特別豐富，旁邊伴有紫蘇葉、生菜及酸蘿蔔絲，也是加點魚露更好吃，燒檳榔葉牛肉卷用濱海包起來，沾點花生醬吃很不錯。主菜方面，厚切香茅黑毛豬鞍也烤得有點太熟，但配白飯及豬油渣很香口。一般的越南牛肉河粉都是薄薄幾片的牛肉，BEP用上安格斯牛柳做牛肉河粉，有咬勁且牛味更濃。這裡的河內番茄蟹檬也是一絶，蕃茄湯底香而不濃，帶點清甜，裡面除了蟹腳，還有魚腐口感的蟹肉丸，朋友都很喜歡。🍜飲品方面以凍飲為主，熱飲我選擇了越南有機花茶（班蘭味），但喝不出班蘭味呢

今午在K11 Musea，真希望能尋找到一間特別的美食店，但是這商場好大呀! 行到我腳仔都軟軟，於是就決定入去一間以越南菜為主的餐廳。我叫了我喜歡的安格斯牛肉粉，在幾分鐘内就奉上了，效率其高呀。這個餐食的牛肉好嫩，好鬆化，再配合湯底亦很入味，至於個粉，就好滑溜。哈哈哈……這個粉唯一的缺點相信就是太少牛肉，只得兩片及薄薄地。為了使這餐有個甜結局，我點了一杯由咖啡及煉奶所交織而成的越南滴漏咖啡，這咖啡之特色就是要等待，等待一滴一滴所凝聚的精彩及味力。這咖啡，含有咖啡之苦及煉奶之甜，苦與甜兩極在我口腔中不斷的徘徊，很令我回味。最後我要感謝餐廳廚師及店員給我這午餐的美與好!