蟹仙海鮮私房．蒸氣石碢 (環海大廈)

而家無得食晚市，唯有weekend 午市12-6pm食好d補數🥺發現原來最愛餐廳之一蟹仙而家午市都有各款海鮮大餐食，當然要book！😍3人行點了個$439/位的海鮮餐，可以食到9款海鮮🦞🦀🦐大滿足！餐廳亦好衛生，會先用蒸氣消毒所有餐具，才serve嘢食先來的是貝殼類，每款都好新鮮大隻！round1 的貝殼類海鮮已經大滿足😋🦐越南大虎蝦意想不到地新鮮彈口，而且蒸熟後都好大隻，肉質肥美香口🌟台灣九孔鮑魚熟度剛好，肉質軟香中鮮甜，口感好好🌟韓國慶南珍珠蠔雖然唔係大大粒，但係都食到滿口鮮甜味🌟大西洋野生青口大大隻，味道鮮甜🌟最surprise嘅係紐西蘭刀貝蚌，一打開殼大大粒肉之餘，食落去超鮮海水味😋因為唔想食🐟嘅關係，餐廳安排了日本赤蝦，代替海星斑，但真係好值得一試！赤蝦大大隻之餘水準好高，朋友都忍唔住邊食邊講了三次「好鮮甜鮮甜」round 2 先係最重點！每款都係我最鍾意、覺得最吸引嘅海鮮！🦞😍店員說我們遇到可遇不可求的「重皮蟹」，蒸過後重皮層甜香，蟹膏+蟹肉都好鮮甜～😋😋😋另外🦞澳洲青年龍蝦亦非常出色，肉質厚香彈口+鮮甜，膏同樣超香超好食（有點食大閘蟹膏的感覺）最後食埋吸收曬海鮮鮮甜精華嘅粥，真係大滿足😋😋這裡的服務超好，係由店員幫您蒸+夾海鮮😍原來他們老闆是海鮮分銷商，所以海鮮質素是非一般的海鮮地方食到的！一定再來☺️…查看更多

冬日最喜歡吃暖笠笠食物，不是打邊爐就是蒸海鮮，蒸海鮮健康又美味。⭐️尊貴海鮮套餐$439/位店員先把豬骨、芋頭、粟米和生米放進鍋裡。⭐️深海海星斑首先吃半條蒸星斑，魚肉柔嫩鮮美。⭐台灣九孔鮑魚入口口感滑嫩有嚼勁，鮮味很足。⭐越南大虎蝦入口非常爽脆，很新鮮。⭐大西洋野生青口野生青口更容易入口，肉質嫩滑。⭐紐西蘭刀貝蚌海水味很突出，入口有鮮味竊有鹹鹹的海水味。⭐日本大元貝大元貝入口好柔嫩，鮮甜不需要沾醬油。⭐韓國慶南珍珠蠔海水味較重的珍珠蠔，愈嚼愈甜。⭐罕有大黃奄蟹有非常飽滿的蟹膏，主要吃蟹黃，入口濃滑香甜。⭐澳洲青年龍蝦澳洲龍蝦蝦肉很多，入口很彈牙，口感很正。⭐有機蔬菜籃蔬菜夠新鮮，入口清甜。最後將熬煮的粥用大火一煮，加入菜脯和蔥花，入口綿綿的，很美味。最後還有甜品，椰汁雪燕，很滋補。…查看更多

每次想去食海鮮，總會想起蟹仙，因為他們的海鮮的確非一般的新鮮，而且$450左右就可以食到9款海鮮，實在好值得去！餐廳好好服務，是逐枱客serve，幫手蒸海鮮的，一入到去隔著口罩都聞到海鮮鮮味。先吃的是🦐、台灣九孔鮑魚、珍珠蠔、野生青口、刀貝蚌、月亮貝等，蚌和鮑魚等新鮮到還在動的～特別喜歡彈口鮮甜的🦐，口感好好。而鮑魚肉質厚實，食落去味道鮮甜，texture都好滑，他們計時蒸得剛剛好。大西洋野生青口亦非常大隻新鮮，非常少見！另外🦪都好鮮甜，吃過後滿口鮮甜味留在口中😋非常喜歡當晚的紐西蘭月亮貝，一大開滿滿的海水鮮味，非常鮮甜。月亮貝口感滑香，感受到鮮甜味留在口中😋令人回味。最欣賞店員每次一聽到蒸鍋timer響就會跑來，確保海鮮剛剛好新鮮。頭半part海鮮已覺得好驚喜，下半part的海鮮更驚喜！🌟肉蟹先說見到已嘩嘩聲的越南肉蟹，真係爆曬膏之餘好大隻！開邊一半已見到滿瀉的膏😍肉蟹最好處是多膏又多肉，而且肉質甜實。蟹膏好多好香，味道似蛋黃～真係一食難忘。🌟琵琶蝦 另一款非常喜歡的是野生琵琶蝦，店員說這個海鮮種類一定要徒手捉，所以並非經常有的。食落去好夠鮮甜味，肉質彈口。🌟太平洋饅頭蟹這款蟹平時居於深海，求偶時才出來，所以是季節性海鮮，雖然肉和膏都不算好多，但勝在好有海水味，蟹汁好鮮甜！有機會再來吃海鮮盛宴😋😋…查看更多

上次Po去過九龍城分店嘅蟹仙 睇完相真係好吸引 搞到好想食🤤所以就約另一個好鐘意食海鮮嘅朋友一齊去我地就腳嘅尖沙咀分店一嚐蒸氣海鮮嘅滋味.💫尊貴海鮮套餐 ($439/person).首先店員會幫我哋開爐 然後將所有餐具放係蒸鍋蒸一陣作為消毒🍽確保餐具碗碟乾淨衛生.之後店員為我地送上海鮮😳店長為我地介紹海鮮嘅產地 而且仲表示呢度嘅海鮮全部都係野外捕捉所以唔係養殖 肉質會比較厚實鮮甜 而且仲無激素跟住就會幫客人分開每款海鮮逐樣蒸 咁就可以確保海鮮保持住熱度而且仲為我地排好由淡味到濃味嘅進食次序蒸鍋下面係有一個粥底 蒸完海鮮嘅精華就會溜落粥底一齊煲.🌟越南大虎蝦虎蝦大大隻肉質結實🍤蒸完都唔會大縮水 非常鮮甜.🌟台灣九孔鮑魚鮑魚非常飽滿肉質唔韌又彈牙唔使落醬油就咁食仲好食🤗.🌟韓國慶南珍珠蠔 珍珠蠔本身比較細隻 但係一d都唔失色豐富有海水味之餘仲唔腥 好creamy🦪.🌟大西洋野生青口 青口嘅肉質實淨唔似得平日食嘅咁削 果然係野生青口👍🏻.🌟日本元貝元貝大大隻 鮮味十足😙唔止中間嘅元貝好食 連裙邊都相當唔錯.🌟紐西蘭刀貝蚌 呢款刀貝蚌真係好有驚喜🤪平日我比較少食到呢款蚌好大隻 而且喺頭先咁多款貝類當中最鮮甜..🌟太平洋饅頭蟹呢排大閘蟹就食得多 饅頭蟹就真係第一次食🤓呢款蟹主要係食佢嘅鮮味雖然蟹肉唔係太多但係真係好鮮甜 同平時食開嘅有分別😚.🌟澳洲龍蝦龍蝦絕對係主菜之一🦞肉質結實仲有膏😆店長仲教我地點樣最易食到 食完之後就成隻放落粥底煮 😛.🌟大黃奄蟹 大黃奄蟹其實係處女蟹 咁刁鑽果然係非同凡響😋奄蟹好大隻而且仲爆多膏🤩食落啖啖滋味超幸福 連埋大梳大梳蟹肉一齊食真係絕配 🥰.🌟有機蔬菜籃食完海鮮仲有蔬菜籃🥬蔬菜蒸的時間同火喉都剛剛好估唔到咁普通嘅菜都幾好食 .🌟粥底食完所有主菜之後就可以食匯聚晒海鮮精華嘅粥底🍲粥入邊都落左啲肉同粟米份量都幾多一定夠飽店員仲會提供菜莆、蔥花 方便客人仲可以加落粥食.🌟椰汁官燕食完海鮮當然要食埋甜品椰汁官燕落左超多燕窩 一d都唔孤寒香濃嘅椰汁味令人好滿足☺️.店長同店員都好殷勤同用心咁為我地介紹各種食材除左食到好食嘅海鮮之外仲長知識當晚座無虛席 所以記得打電話黎book枱啊！…查看更多

之前同先生食過九龍城分店，新鮮嘅食物同優質嘅服務令人留低深刻印象，辛勞完一星期，同先生嚟尖沙咀分店再嘆一次海鮮餐。今次點嘅依然係尊貴海鮮套餐，海鮮連蔬菜籃有成十款咁多，非常豐富。點餐後侍應為我哋以蒸氣消毒餐具，並送上啱啱炸起嘅魚皮，邊食邊等。第一款送上嘅海鮮係潮式凍蟹，冇過多嘅調味，食出最原始嘅鹹鮮，肉質亦相當結實。越南虎蝦尺寸唔細，味道頗為鮮甜，口感爽彈。元貝雖然唔大，但勝在味道鮮甜，蒸完嘅湯汁千祈唔好浪費，要將精華倒埋入粥底。慶南蠔肥美飽滿，蠔味重而且一啲都唔腥；刀貝尺寸中等，勝在清甜爽口。九孔鮑魚大大隻，肉質厚實，入口彈牙；龍躉片夠鮮嫩，肉質爽滑帶少少膠質。原隻澳洲龍蝦開邊非常有睇頭，而且肉質結實有咬口，入口啖啖肉令人非常滿足。龍蝦頭仲有膏，色澤淺黃，香濃美味，非常邪惡。全晚嘅戲肉當然係罕有嘅大黃奄蟹，平日食到嘅奄仔蟹通常都比較細隻，難得食到咁大隻，仲爆哂膏，實在令人喜出望外。大黃奄蟹膏香肉甜，入口完全係鮮味爆發，加上肉質結實，相當有驚喜，係全晚嘅亮點。作為全餐唯一嘅本地貨，有機蔬菜非常新鮮，食完咁多款海鮮當然要清一清味蕾。最後食埋豬骨粥底，米花開得燦爛，好有潮州粥嘅感覺，加入菜脯令味道更鹹鮮。雖然海鮮餐唔算平，但非常足料，大黃奄蟹更加係好有驚喜，海鮮亦處理得夠乾淨，整體對得住價錢，又一次證明老闆作為海鮮批發商絕對唔係浪得虛名。…查看更多

上次同友人食過蟹仙•九龍城分店，今次去尖沙咀分店食，同新界人聚一聚先尊貴海鮮套餐 $399有十款海鮮真係好抵食，海鮮新鮮唔在講，size又夠大、質素又超班爆滿膏的越南頂角膏蟹，每一隻蟹均由專人篩選，質素一定有保證第一次食成隻手臂長的野生大瀨尿蝦，蒸熟後好彩有店員哥哥幫我哋剝殼，我哋可以慢慢專心品嚐澳洲青年龍蝦都係有膏架厚肉的台灣九孔鮑魚 ，蒸得恰到好處越南大虎蝦肉質爽口食海鮮點少得深海龍躉片、紐西蘭刀貝蚌高級的日本大元貝份外鮮甜點都要食番d有機蔬菜籃平衡一下蒸海鮮ge精華融匯在粥底，怎可能抗拒得到店舖還奉上椰汁官燕甜品給我個作完美的結尾店員很細心幫我哋調較個爐蒸海鮮，又為我們解説海鮮的產地，好專業呀…查看更多

今日朋友帶我去蟹仙海鮮私房.蒸氣石鍋，食海鮮蒸氣鍋。我地選擇呢個$399套餐。店員先將餐具放在蒸氣鍋里加熱又可以消毒餐具讓顧客安心。越南大虎蝦，虎蝦大大隻肉質又爽口陣牙，蝦又鮮甜。台灣九孔鮑魚鮑魚大大隻，鮑魚肉質肥美又爽口彈牙。澳洲青年龍蝦，龍蝦好大隻火喉又蒸到剛剛好、肉質肥美又彈牙好鮮甜美味可口。日本大元貝好肥美又鮮甜又新鮮。紐西蘭刀貝蚌，蚌大大隻又好清甜，深海龍躉片魚片好嫩滑。越南頂角膏蟹，膏蟹膏好結實又好香，膏蟹肉質好結實又好肥美鮮甜可口，呢餐海鮮蒸氣鍋超新鮮又超級正吃完海鮮最後就要食粥啦！因海鮮的精華就在粥里，粥好鮮甜美味可口。韓國慶南蠔，蠔好肥美。…查看更多

去開金巴利道嗰頭揀飲衫，閨蜜話附近新開咗間蟹仙，仲有6折優惠添呀！於是飯腳3人組又出動啦，大家都好鍾意食蒸海鮮😋。原來呢度係旗艦店，地方都幾大，仲有包房同埋2人座位。今日我哋揀咗$399 嘅 套餐，有9種海鮮：大黃奄半隻、龍蝦半隻、琵琶龍蝦、鮑魚、龍躉片、生蠔、大蟶子、游蚌、虎蝦、蔬菜籃🥬、粟米南瓜排骨粥，仲有燕窩木瓜糖水送。咩叫大黃奄？大 ～ 據說一般奄仔只有5-6兩重，而蟹仙的奄仔卻有13-14兩，差不多二百隻蟹先至有一隻，好罕有。黃 ～ 就是滿滿的黃色蟹膏啦⋯⋯奄 ～ 奄仔蟹是也。坐低無耐，店員送來一碟蝦棗丸，話新張送嘅，又幾好味喎可以自己揀調料沾食海鮮，如果海鮮夠新鮮，本身已經夠曬鮮甜，所以個人偏好唔用調味。先來蔬菜籃、鮑魚、帆立貝、蟶子、游蚌、生蠔、龍躉片、琵琶龍蝦、虎蝦。除咗奄仔蟹係半隻之外，其他海鮮都係每人一件(隻)，而帆立貝或蟶子係2揀1，自己揀自己想食嘅種類。生蠔肥美、龍躉片新鮮。店員首先拿來粥底材料，倒入蒸氣石鍋內，然後才開始蒸海鮮。店員幫我哋將海鮮放落鍋，相同蒸煮時間嘅放埋一齊蒸，夠鐘就過來夾俾我哋，好服務👍首先講吓主角~ 蟹可以揀頂角膏蟹或大黃奄，我哋都係揀大黃奄。喜歡佢蟹膏爆到瀉，膏質軟滑甘香，肉質結實鮮美，令人回味無窮。龍蝦肉質彈牙美味。蠔隻雪白肥美，多汁味鮮，蠔味十足。琵琶龍蝦雖然醜樣，肉質非常爽甜，啖啖肉，好正呀！海鮮蒸嘅時間啱啱好， 龍躉片肉質鮮甜爽脆，充滿骨膠原嘅魚皮甘香豐腴。鮑魚鮮甜彈牙又唔老，正呀！😋游蚌鮮爽甜美，好味😋虎蝦同蟶子爽口又鮮甜，好食😁然後輪到新鮮乾淨嘅蔬菜，南瓜香甜，粟米清甜，娃娃菜腍甜。呢個時候，大家已經飽咗 大半，跟住仲有匯聚各種海鮮精華嘅粥，粥底好綿，味道鮮甜，食完飽到捧住個肚。最後，仲送埋木瓜燕窩糖水，夠晒滋潤養顏呀。真係好正，好想再食多轉啊。…查看更多

今次係第二次黎「蟹仙海鮮蒸氣鍋」， 知道佢係尖沙咀開左新分店， 有新張優惠，就同媽咪再黎捧場～☺️ 呢到有4款套餐，最便宜由$298/位起， 有8款海鮮，都幾抵食，😏 不過相差$100就可以要多隻龍蝦和自選海鮮， 咁好似$399/位嘅套餐仲抵d喎～😂 越南頂角膏蟹/ 菲律賓大黃奄原條深海東星班/野生瀨尿蝦皇/象拔蚌刺身/野生琵琶龍蝦澳洲青年龍蝦翡翠九孔鮑魚 越南大虎蝦 深海龍躉片 越南貴妃蚌 日本大元貝/紐西蘭大蟶子 韓國慶南蠔/紐西蘭青口 有機蔬菜籃 上海鮮之前，先上個粥底， 係用左瀨尿蝦汁，加入米、南瓜粒、排骨製成嘅，預先放係鍋底， 等成個蒸鍋食完之後， 就可以品嚐到集海鮮嘅精華於一身嘅靚粥～☺️ 越南大虎蝦都幾大隻， 肉質爽彈，蝦頭裏面有好多蝦膏，鮮味十足！ 日本大元貝好juicy，原汁原味～ 湯汁多到我地將佢倒埋落粥底裏面， 好讓我地一陣可以品嘗更鮮味嘅粥底。☺️ 是日唔係越南貴妃蚌， 因為店家話今朝見到紐西蘭刀貝好新鮮， 所以就upgrade左。❤️ 紐西蘭刀貝肉質鮮甜味美，喜出望外！😋 翡翠九孔鮑魚 鮑魚新鮮，厚肉，軟腍得黎又不失嚼勁。 深海龍躉片 入口嫩滑鮮甜，魚皮膠質豐富。 上次食左野生瀨尿蝦皇， 今次就試下象拔蚌刺身啦～ 用上北韓嘅象拔蚌做刺身， 個頭唔係好大隻，但係勝在味道鮮甜爽脆。 韓國慶南蠔 原隻生蠔連殼擺上去蒸， 蠔肉肥美，蠔身綿滑， 海水味十足。 澳洲青年龍蝦 青年嘅龍蝦，梗係最young最美好嘅時代～ 然後我地就好殘忍地要食左佢， 為好好報答佢，一定要仔細品嘗！😂 雪白嘅龍蝦肉細嫩鮮甜，爽口彈牙， 蝦頭仲有唔少膏，正！😋 最後，輪到主角蟹出場啦！♥️ 菲律賓大黃奄 食之前，店員為我地介紹奄蟹嘅來源， 又名野生蟹或處女蟹，係膏蟹嘅前身， 1000隻裏面先有5,6隻咁大隻，仲要有成12-14両……真係好詳盡嘅介紹～😂 蟹膏入口軟滑鮮甜， 蟹肉係一梳梳架，證明真係好新鮮！😳 有機蔬菜籃 有好多款式呀！ 有南瓜、娃娃菜、生菜、粟米🌽等， 清蒸蔬菜，原汁原味，健康又有益。 到最後加入香蔥、菜脯吊味， 薈海鮮精華於一身嘅靚粥就完全了～ 鮮甜，仲有米香，不錯！👍🏻 木瓜雪耳燉官燕 燕窩好足料，清甜滋潤～☺️ …查看更多