新記煲仔雞粥 (已結業)

第一次食新記。叫左兩碗外賣粥。一碗係貴妃雞豬潤粥，而另一係皮蛋瘦肉粥其實每一次我早上行過新記都好想去試下。可惜新記開得比較晏。而家有得叫apps外賣方便好多。而且apps個價錢都還可以接受。老公叫皮蛋瘦肉粥，佢話好食我叫左貴妃豬潤粥，一打開滿滿雞黃油睇到都覺好補身甘。雞肉好嫩唔鞋口。雞皮好滑。最令我驚喜係豬潤好軟口。一啲都唔硬唔粉。一流。我好鐘意食豬潤。粥麵好小食到啲甘軟口嘅豬潤。好驚喜。好好食

近日天氣涼咗，就想食雞粥，講起雞粥就自不然諗起《新記》，以前收工食宵夜《新記》就係首選，貪佢多小食又多選擇！入到去就必嗌貴妃雞粥，但見到有個叫貴妃雞豬潤粥好似幾好喎，貪豬潤可以補血氣😂再叫埋一條油炸鬼同豉油皇炒麵，嚟多一杯七喜話梅柑桔冰潤潤喉先😋貴妃雞豬潤粥👉🏻果然真材實料呀！每舊豬潤都算厚切，咬落軟腍，又夠粉，唔會乾爭爭，口感滿分！單食貴妃雞已經入哂味，加上軟綿綿嘅生滾粥，暖到入心！油炸鬼炸得好炸👉🏻剪開一舊舊，方便啲粥入哂落油炸鬼入面👍🏻細心豉油皇炒麵👉🏻好大碟！食落有哂細個嗰陣嘅味道，豉油味十足，炒得夠乾身又唔油！七喜話梅柑桔冰👉🏻味道層次豐富，有哂甜酸鹹味，味道非常夾！近日天氣乾燥，飲完之後覺得喉嚨舒服好多😚

今日過嚟元朗辦事，時間尚早五點幾忽然想食粥，於是就嚟咗新記。入到去兩張枱員工都食緊飯，不過啲阿姐好好，見到我哋入嚟即刻執枱睇咗個餐牌一陣覺得都係貴妃雞好食，於是就....1)貴妃雞豬潤粥係超級無敵多豬潤!!而且豬潤爽滑冇過火貴妃雞係鹹雞嚟嘅，不過亦非常之滑，本人覺得好好食一定返嚟！2) 講下個炸大腸，我覺得好乾囉！麻麻地3) 豉油王炒麵>呢個真係炒得唔錯 👍又唔會太鹹，面亦都炒得好爽4) 蝦醬通菜係非常之喊！有啲後悔如果係椒絲腐乳通菜可能會好食啲