大圍小食

營業中

休息中

大圍是個很多美食的地區，中、日、韓、越、泰、西式等多國美食都有，而且大多都是本土小店，有本地居民主理，味道很有個人風格，不是集團連鎖店那種千篇一律。大圍美食雖多，但能屹立多年的不多。對街坊來說，大圍東鐵站對出的《大圍小食》可說是陪伴成長的食店。主打港式街頭小食：魚蛋、燒賣、炸大腸、煎釀三寶這種當然不可缺少。其實《大圍小食》也與時並進，不僅有小食，懂得點菜搭配，其實可以是一道豐富的晚餐。分享一下我平時以《大圍小食》為晚餐的菜單：「豬油渣麵」、「芫荽肉碎狗仔粉」等粉麵為主食，再搭配「韮菜豬紅豬腸」當湯水，然後加一些「串燒豬頸肉」、「滷水雞髀」、「煎釀三寶」當餸菜，一家幾口很是豐富的了。味道方面自然不差，不然很難在競爭激烈的大圍成為街坊心中CP值高的老店。「豬油渣麵」🍜不是人人都好，尤其都市人怕肥，但油渣那爽脆的口感，咬下去滲出甜甜油汁的邪惡口味，反正我是抗拒不了🤤。「芫荽肉碎狗仔粉」🍜芫荽愛好者的天菜，更是好辣者的首選。因為此店「辣菜脯」的鹹、香、辣是出了名的惹味，由老闆天天親炒，加在狗仔粉裡吃，辣得滿頭大汗很是過癮🥵。「串燒豬頸肉」🍢不硬，很香口，十分推薦👍🏾。「煎釀三寶」🍆🫑勝在巨大化

以前讀書嗰陣放咗學成日都會經過去呢度拮串魚蛋燒賣或者煎釀三寶先返屋企😆又性價比高，所咁多年直到今時今日呢間小店仲係深受好多街坊、學生哥歡迎👍🏻今日去開大圍點都要去呢間小店食返夠本😆😋魚蛋燒賣：陳皮魚夠晒彈牙，燒賣唔粉，好好味！一定要點埋佢嘅特製醬汁，好好味又惹味😋煎釀三寶：每件都大大件咁！個人推薦炸餃子，外面夠哂卜卜脆，入面係粉絲、肉，好好味😋而出面比較少有👍🏻炸豬大腸：真係超好味！外面炸到熱辣辣、卜卜脆，而入面軟，加埋豉油好正呀😍臭豆腐：平時出面我唔敢食臭豆腐，但係呢間比較有信心保證，同埋又係古法製，所以呢個我係必食之一！佢好大件！食落口一d都唔油膩，外面好酥脆！入面軟而且唔會空心👍🏻加埋甜醬豆板醬食😋狗仔粉、豬油渣麵：狗仔粉既麵比豬油渣麵短，大家一樣嘅湯底。而狗仔粉加埋佢地嘅辣菜甫超好味，愛辣人士必食呀😋而脆卜卜豬油渣加埋軟嘅麵條一齊食超好味！！

大圍友或者成日去大圍踩單車嘅一定知道大圍小食呢間小食店，除咗因為超近東鐵站，食物種類都好多，而且性價比高，每次經過都見到唔少人喺度買嘢食，難怪喺呢個位屹立咁多年😆我哋最常食嘅就係豬油渣麵，炸得香脆嘅豬油渣吸收左啲湯之後特別好味😋真係唔係周圍有得食，再加埋佢哋嘅辣菜脯特別惹味～其次就係韭菜豬紅豬腸，豬大腸處理得好乾淨唔會有怪味😆肥得嚟唔會成口油，食落無咁膩，豬紅亦都夠入味👍🏻小食方面就有近期好Hit嘅臭豆腐🤤佢哋嘅臭豆腐係以古法炮製，冇加阿摩尼亞，食得安心啲。陳皮魚蛋都係必食嘅‼️細細粒好彈牙，仲有淡淡的陳皮香味，加埋佢哋特製嘅辣醬勁好味‼️街頭小食嘅煎釀三寶同炸大腸都係必食‼️佢哋嘅炸魚蛋大大粒，除咗常見嘅紅腸、青椒、豆腐，仲有比較少見嘅冬菇同埋西蘭花🥦燒烤嘅款式都好多，我哋尤其鍾意食豬頸肉，好爽一啲都唔韌，配埋辣醬或者沙嗲醬食特別香口‼️

今日諗咗好耐先諗到不如食街頭小食做午餐，搵咗外賣平台送沙田大圍面向火車站一間街邊檔送咗以下啲小食嚟：1. 煎釀三寶，叫咗個細嘅$30，揀咗兩塊炸雲吞皮（呢個睇唔出好正！但係有時整得會有啲苦味，唔知係唔係啲雲吞皮有鹼水）、四件釀茄子（呢個都好食）、兩粒彈牙的自家製炸魚蛋（好正）、兩件煎釀豆腐（好鬼死大嚿！啲魚肉好味，雖然啲豆腐就淡啲，但係我識得欣賞豆腐嘅清香味）。2. 豬油渣麵 $48，以前細個嘅時候住過深水埗，成日喺北河街啲街邊檔食，好懷念㗎！呢度嘅豬油渣麵好似冇周記咁好食，但係喺沙田有得食都唔錯㗎！不過其實我冇食晒所有豬油渣囉！因為怕肥同埋膽固醇過高呀嘛！個湯底就普通咗啲囉！3. 韭菜白蘿蔔豬腸豬紅$60，好鬼大份！味道都唔錯，但係我鍾意啲豬大腸用返傳統嘅切法就係打斜切長形，睇落去好似大件啲，又好似睇到入邊個窿咁！唔知係唔係因為我老咗，食韭菜唔可以一大綑擺入口，如果唔係有種感覺好容易濁親，搞到喺喉嚨唔上唔落，下次都係要喺備注嗰度叫佢落少啲韭菜，或者叫佢將啲韭菜再剪短一半。唔知幾時開始，喺外賣平台張點心紙，配料例如蔥花、辣椒醬、豉油等等每個菜式只可以揀一種，孤寒咗囉！希望如果點臭豆腐的