荳子 (德福廣場1期)

營業中

休息中

星期六約咗朋友喺九龍灣食lunch🍽一早已經決定食呢間之前去過荃灣嗰間店環境都舒服諗住靜靜地可以傾吓計都預咗星期六會好多人，好彩今次唔係等咗好耐，唔使半個鐘已經有位✌🏼店員都好有禮貌，一坐低已經有提供溫水，我哋一行三人揀咗四樣嘢食諗住happy share西班牙辣腸海鮮通粉有驚喜😏平時食開辣腸都係配蕃茄醬🥫估唔到呢個幾特別🤔小小辣好開胃🤏🏼值得一試香辣單骨雞翼都好出色🌈上到枱食嘅時候仲係熱辣辣另外單骨雞翼都有三四種唔同嘅口味，如果你鍾意食雞翼嘅一定要試，餐牌上亦有提供素食菜式🥗就算有朋友係素食者都有唔同嘅選擇總括嚟講食物質素唔錯價錢合理💁🏻‍♀️其實Beans好多地方都有分店🗺大家經過開都可以試吓💯

星期六下晝，朋友一直想試下呢間café，見門口都唔少人排隊，等左大約20分鐘先入去食下午茶。星期六就無下午茶優惠，都係全日menu，肚餓都直接揀正餐。呢間特別在可以轉我和你無所事事嘅飲品，飲品正價減8蚊咁，不過我就無試啦。除左menu外，都見佢地有宣傳要為醫護打氣加油。朋友就揀左豪華英式全日早餐（$118，要加一），跟餐凍檸蜜（+$0），自己就揀安格斯牛肉漢堡，配焦糖洋蔥、車打芝士、太陽蛋、薯條（$142，要加一），跟餐熱美式咖啡（+$0）。安格斯牛肉漢堡雖然偏貴（$142，要加一），但一上枱就知份量十足，如果想用手攞起黎食，一定會好似我咁滴到周圍都係，建議大家都係用刀叉好啦。麵包烘好，太陽蛋煎得唔錯，牛肉漢堡扒非常juicy，芝士香濃，焦糖洋蔥好食，生菜同蕃茄新鮮，非常推薦。跟餐沙律同咖啡不過不失，但薯條乾身又唔香，對比咁好食嘅漢堡就略有失望。朋友嘅全日早餐（$118，要加一）都幾豐富，偷食左少少鬆餅仔都好食。

呢間cafe長期都好受歡迎~ 排隊基本上係指定動作🤧 #🍎👧🏽 weekend中午去食 最後排咗半個鐘左右就有位了😭💛▪️豪華英式全日早餐 🍳🥓($118)黑松露炒蛋勁香🤩 煙肉係炸嘅 偏油 烤蕃茄好厚 仲保持到爽脆感😋 另外仲有豬肉腸 煙三文魚 茄汁豆同炒雜菌~ 窩夫造型特別😆可惜係淋身的 唔係預期的質感👧🏽好少食All Day breakfast (因為擔心唔夠飽🤫)但今次俾個窩夫吸引咗 所以叫個Deluxe版🤣果然好豐富喔~食完都幾飽哈哈 (⭐評分：6.5/10)▪️原隻波士頓龍蝦🦞 配牛油軟包+薯條+龍蝦湯 ($178)望落超大份🙀龍蝦連個鉗都拆埋肉 肉質都算爽口~牛油包好香🤤 隔咗陣先食仲好脆👍🏼 略嫌龍蝦湯凍咗有啲腥🤧 食完個包加埋薯條真係超飽🙈 (⭐評分：6.5/10)▪️炸龍脷魚柳配薯條🐟·辣蕃茄醬🌶($138)魚柳非常厚肉🤩 炸得好脆 入面超級熱!!脆漿夠薄 肉質嫩滑 薯條份量適中 配埋個辣蕃茄醬又幾特別 好滿意的fish and chips💕(⭐評分：7.5/10)跟餐包一杯飲品☕️亦可以轉飲「我想和你無所事事」手搖飲品 (所有飲品都有減$8優惠🤩)▪️黑糖薑母茶<

2020年9月20日。晴。九龍灣。呢日去睇《天能》，燒腦之前要先食啲嘢11點去到都要等位，好彩好快就有位～好耐之前去過荃灣嘅分店食甜品，覺得裝修好有文青feel，甜品都幾高質！今日入到九龍灣店就覺得裝修冇咁特別，不過都舒服嘅～坐咗卡位，隔籬有盞好靚嘅燈～鮮奶拿鐵，$29（跟餐嘢飲減$8）男朋友嗌嘅咖啡～每朝一杯醒神咖啡！牛油果蟹肉意大利飯，$118份量唔算多，但女仔嚟講都夠㗎喇～不過一上枱個芝士味有啲奇怪，同埋牛油果好似得個色，食唔到完整嘅牛油果肉，牛油果味亦唔濃另外蟹肉都唔多，反而磨菇唔少嘅～白桃梳打，$22（跟餐除咗店內飲品，仲可以揀「我想和你無所事事」飲品，都可以減$8，一齊壯大黃色經濟圈！）白桃味香濃，唔假～梳打又夠晒解渴～呢個配搭非常好！本來諗住嗌呢個可以外賣攞入戲院飲，但忘記咗疫情關係，戲院入面唔飲得嘢。。。豪華英式全日早餐，$118呢個製作需時，等到得番好少時間，要趕住食去晒佢去睇戲！所以如果趕時間記住唔好嗌呢個！但係味道係好嘅～我好鍾意佢個waffle，雖然佢個樣同質地都唔似waffle，但係質地軟綿，蛋味又香，好似食緊蛋糕咁～下次再幫襯嘅話，我會嗌有waffle嘅Al