濟州燒肉食堂

Sizzling sounds of cooking wagyu & Iberico pork belly at our table, those smells of sweet and tender meat with side dishes filling around, made a perfect dinner night for beef/meat lovers 朋友係個牛魔王，無牛不歡，比佢掹咗我嚟客串做陪食專員！以食物質素評價、和牛同黑毛豬五花肉等係高汁！職員們全都態度友善，主動幫忙燒肉、換餐具和添配菜，服務很好Prime Chunk Tail Flap (Salted)鹽燒食堂牛小排 >一上桌見到油花分佈均勻且密集，肉片燒出嚟牛脂味濃酥香鬆軟，因已略用鹽調味、唔駛點醬食都good! 最鍾意食呢個部位Mega Wagyu Boneless Short Ribs 豪快和牛燒 >呢兩大塊和牛片好好味，肉汁豐腴夠牛味Jeju Mega Iberico Pork Belly 濟州豪快黑毛豬五花肉>超長又大塊勁誇張！職員專業地幫手一邊燒一邊講解不同的燒肉方法，長知識！燒肉非常甘香有咬口，我用泡菜和蔬菜包住嚟食、解膩又好味Braised Beef Short Rib with Rice 燉牛肋骨 配白飯>牛肋骨好大舊、湯頭甜，大胃王朋友撈飯食清晒成碗飯Potato and Pork Ribs Soup with Rice薯仔排骨湯 配白飯>有3大塊排骨啖啖肉好滋味，仲有厚肉冬菇、個湯超甜！當晚配菜原來唔係薯仔係白蘿蔔，好清甜又索晒啲湯汁好腍好好食Cheese Oysters 芝士生蠔>啲蠔算飽滿大隻又新鮮，剛燒好熱辣辣又唔錯Plum and Lime Soda 梅子青檸梳打>朋友話呢款幾好飲，青檸配梅子味道特別清新Tangerine Soda柑橘梳打>我飲呢杯幾好唔太甜，裡面粒柑橘味道仲好清甜*呢度韓式涼拌小菜亦唔錯，個人喜歡泡菜不太辣帶點甜味、車厘茄夠鮮甜、醃白蘿蔔爽脆咬到颯颯聲、仲有沙律菜可以包燒肉食；圓拱形燒烤爐兩邊放了泡菜雞蛋和芝士栗米可以點肉食，令口味多啲變化…查看更多

又到HAPPY FRIDAY，由於即興同朋友食飯冇BOOK位嘅關係，間餐廳勁多人幫襯，裡面座無虛席，所以今次要稍等一陣先入得座。今次叫左 濟州燒肉套餐($756)，包括有特選黑毛和牛上身肉、食堂黑毛豬五花、豪快和牛燒、大紅蝦、壺漬牛肋骨、墨魚、人蔘雞湯/薯仔排骨湯，仲有叫左荔枝梳打($32)、 梅子青檸梳打($32)。其實個套餐個份量已經好多，不過大食嘅朋友仔，甚至可以+$158追加五花肉部隊鍋😄座位都坐得幾舒服前菜：一共有4款，醃蘿蔔、四季豆、芽菜、泡菜，食完可以無限REFILL，最中意食醃蘿蔔，酸酸地幾醒胃，泡菜都唔錯，醃得夠入味辣辣地😋生菜：可以無限REFILL，拎黎夾埋D燒肉一齊食沙律：D沙律菜幾清新，食落爽脆爐邊嘅泡菜蛋同芝士粟米一樣都係無限REFILL😁平時食親韓燒都好中意食爐邊蛋，香口又夠滑😁芝士粟米仲可以有拉絲效果，香甜滋味😋食物陸續送上，先影張相先🤩薯仔排骨湯：上菜時個湯仲係好滾，出晒煙熱辣辣，要小心盪口😉個排骨勁大件好足料，仲有薯仔、菜等配料，排骨湯味道都好濃郁😋食燒肉點唔同嘅醬汁作唔同口味配搭😉特選黑毛和牛上身肉、食堂黑毛豬五花、豪快和牛燒：上碟擺盤都幾精緻，肉質亦好高質素，和牛油脂分佈均勻，由於夠薄身，所以唔使燒太耐就得食，食落好香口兼有種入口即溶嘅感覺🤤黑毛豬五花肉味濃郁，肥瘦比例幾好，點埋個醬汁夾埋生菜黎食好MATCH唔油膩😋壺漬牛肋骨：上菜時見個肉質都幾靚，但冇諗過夾起原來係咁大條勁誇張🤩剪開之後都足足有3大塊，食落肉質鬆軟得黎又不失口感，肉味香濃😍墨魚：大大件墨魚原塊上，可以自己剪開細件D黎燒就易熟D，而且墨魚有預先調過味，所以燒完特別香口，食落好有口感😋特大紅蝦：同樣地大大隻，呢到D蝦好新鮮，所以食落去夠晒鮮甜彈牙，正😍荔枝梳打、 梅子青檸梳打：荔枝比較甜，都係梅子青檸酸酸地比較啱我口味多D，2杯都夠冰凍又夠汽，食住熱辣辣嘅燒肉飲返啖，真係透心涼好舒服👍🏻成個套餐個份量同味道質素都好好，食完之後真係超級飽，雖然成晚都好FULL好多客人，但職員效率都幾高，基本上叫佢REFILL前菜、生菜、爐邊蛋或芝士粟米都好快手，燒到咁上下個綱開始燶，叫職員更換都好快手換埋個網，值得一讚👍🏻如果要食記得早D去拎位或者BOOK定枱補MENU…查看更多

燒肉想整得好食，首先要帶個處女座嘅朋友去，加埋一間靚肉嘅燒肉餐廳，你就已經得到全世界㗎啦😂有時我哋食韓式燒肉最驚嘅就係單一醃肉味或者未溶雪就上俾你嗰種…今次食咗呢間無論喺肉類品質同配搭上花好多心思之餘仲係靚肉㗎😍烤網旁邊繼續有蛋同栗米芝士，第一轉我哋揀咗食牛先，呢個<豪快和牛燒>，和牛薄切一大片，基本上喺網度兩面輕烤佢啲油脂已經湧哂出嚟，未擺入口都好香牛油味入口後油香溶哂肉質好軟嫩。跟住再試嘅係呢款<特選黑毛和牛上貝身肉>，切開肉嘅形狀似貝類所以叫貝身肉，平時比較少食呢個部位嘅牛肉，因為佢係近中腹腰脊嘅限量版，肉烤嘅時間相對多少少，肉身油份好充足，入口油脂口感好濃厚而且肉質偏爽口，好好吃層次好豐富。牛肉用網烤完後，就叫餐廳轉個板燒，因為接落嚟就燒豬腩肉啦😍呢個豬肉拼盤係無醃製嘅豬肉嚟，未烤之前其實都見到啲豬肉好靚仔，肉質係有彈性顔色都好靚，燒熱個板後烤到肉肉好快就兩面金黃色，再烤多陣剪小舊就可以慢慢嘆啦，呢個最佳朋友梗係用生菜色住同泡菜一嘢轟入口，嗰吓滿足感x10000講番個肉肉先，真心勁讚豬同牛肉好靚，最簡單但都係最難嘅係豬有豬味牛有牛味，唔會係醃料味同雪味！！讚多樣，但雞扒真係好x好食！蘋果醬油醃過後，肉質係爆鮮嫩同埋爆汁，烤到外皮少脆少少焦香，一咬後外脆入面爆汁juicy 正到爆炸…查看更多

今日去左北角新商場－北角匯，夜晚去左位於二樓嘅濟州燒肉食堂。我地坐係窗邊位，本應望到維港，可惜天公唔造美，全日不停落雨🥲點完菜之後職員立即送上免費小食/前菜，包括泡菜、大豆芽、醃蘿蔔、豆角等等。邊爐食蛋同粟米芝士係韓燒必備😚- 薯仔排骨湯排骨肉燉到好軟稔，味道有少少辣，薯仔非常入味，娃娃菜索曬湯汁😋- 豪快蘋果醬油雞腿雞腿有成隻手掌咁大，調味恰到好處，肉質都嫩滑。- 豪快濟州黑毛豬拼盤拼盤有齊我最喜愛嘅兩個部位：五花肉同護心肉，前者肥瘦均勻，後者肉味香濃，識食一定係用生菜再加韓式辣醬包住😎- 大八爪魚上菜時真係好巨型，不過燒既時候體型會慢慢縮小，肉質非常彈牙，不過味道比較淡。- 特選黑毛和牛上貝身肉油脂比例適中，入口即溶，一咬油脂就完全釋放出黎，而且無筋，真係人生一大享受😍- 豪快和牛燒和牛預先醃製過所以顏色比較深，而且大片薄身，味道香甜，牛味亦香濃。另外仲叫咗兩杯梳打，飲落無乜化學味，味道比較天然唔太甜。總括而言，食物質素高，最印象深刻係兩款和牛，不過價錢嚟講有啲貴，不過一邊食一邊望住維港景色都值回票價。…查看更多

烤肉前先食韓式前菜，因為會令人胃口大開，有四款可以無限添加。特選黑毛和牛上貝肉油花均勻，口感極嫩滑，食得出係上乘品質和牛。豪快和牛燒有兩大塊，和牛已經有調味醬汁，甜甜地，烤香後可以剪開，我鍾意加埋泡菜用生菜夾住食，超滿足！豪快濟州黑毛豬拼盤包括有黑毛豬五花肉+濟州豬梅肉+濟州豪快黑毛豬五花肉，份量澎湃，肯定可以滿足食肉獸。豪快蘋果醬油雞腿係原隻上，烤後肉質仲好滑。大八爪魚鬚真係好大隻，食得出係新鮮，好彈牙爽口。薯仔排骨湯味道有少少似羅宋湯，仲有一大舊排骨係入面。另外，爐邊有芝士粟米同泡菜蛋，都係可以無限添加。拉絲芝士烤軟左夾埋肉食真係又好食又充滿罪惡感！飲品叫咗柑橘梳打同荔枝梳打，都幾大杯，只係$32！值得一讚呢度抽風系統唔錯，唔會煙霧瀰漫，燒完後d衫同頭髮亦都唔會有燒烤味道。…查看更多

丫妹今日下午見工, 為預祝佢見工成功, 見工前同佢去左北角匯濟洲燒肉食堂食佢至愛嘅韓國烤肉。 入座隨即送上沙律菜、包生菜、多款韓式前菜, 再加入爐邊蛋、粟米芝士, 前菜同爐邊物食完都可無限添加, 爐邊蛋富有蛋香味, encore了好幾round。【豪快和牛燒】HK298 和牛油脂分佈密集, 中段再多一闊紋牛脂, 烤嘅過程迫出了部份牛脂, 令火光更旺盛, 所以要特別注意烤嘅時間, 肉質好滑, 牛脂豐富, 用菜包住食減少油膩感。 【特選黑毛和牛上貝身肉】HK198一碟有兩件長長的, 平均掃上了汁醬, 牛脂分佈平均, 肉質對比上面果款冇咁滑, 牛脂冇咁多, 唔會食到成口油, 烤後表面依然附有甜甜地嘅汁醬, 唔洗再額外調味已經夠味。【豪快濟州黑毛豬拼盤】HK$312五花肉: 肥瘦相間, 比例平均, 但肥油層位置比較硬梅花肉: 沒有被調味, 烤後能食到原味道, 脂肪比例較少, 肉味相對重一點豬頸肉: 切成條狀增加彈性口感, 相連少許肥油層, 肉質爽彈, 又唔會太油 【豪快蘋果醬油雞腿】HK$88雞腿原隻上, 幾乎有成人手掌般咁大隻, 肉質很嫩, 似加左少少鹽調味, 食到少少鹹味。 【大八爪魚】HK$116原條八爪魚自行剪段, 店員建議表面燒至金黃就食得, 質地超爽唔硬, 食到原汁原味。點少少鹽食更顯鮮味。【薯仔排骨湯】HK98湯底濃郁有少少辣, 入面有兩大件排骨、綿密薯仔同大量索左湯汁嘅黃芽白, 排骨肉軟嫩, 輕輕一撥就可以夾起肉食, 而且仲keep到陣陣肉香, 唔係湯渣質素。飲品方面order左兩款梳打, 整體味道唔會過甜, 很夠汽, 邊食烤肉飲, 不錯的配搭!【荔枝梳打】HK$32【柑橘梳打】HK$32…查看更多

Happy Friday晚上當然要約朋友食飯，鬆放一下😜。佢喺北角放工，於是就直接喺嗰頭搵嘢食吧。我哋都鍾意食燒肉，就揀咗「濟洲燒肉食堂」。餐廳人氣超高👏，門口企滿人，等咗陣位先入得。環境唔錯，冇乜污煙漳氣嘅感覺，通風算幾好。餐枱亦夠大，客人坐得舒服。我仲留意到呢度竟然有室外位？天氣太熱，不了🥵。我哋豬牛雞每樣都嗌咗啲🥩，嚟到先知份量原來咁鬼多，好彩最終不知不覺間都食晒，好飽好飽。韓式前菜好豐富🥗，有泡菜、芽菜、醃青瓜同醃蘿蔔，全部都可以向店員要求再添加㗎。另外，仲有沙律菜同蔬菜籃，後者用於包肉食。豪快和牛燒($298)，呢份牛肉果然夠豪快，因為一碟有兩塊，而每塊都好巨型、好長，唔剪開係放唔到上個爐度燒🔥。牛肉肉質OK，但略嫌調味稍為重手咗啲。特選黑毛和牛上貝身肉($198)，和牛油脂分佈好靚，雪花紋超密❄️。上貝身肉細嫩，亦食得出牛味。和牛輕輕燒幾下就食得，最好七成熟。蘋果梨汁無骨雞翼($82)，雞翼係意想不到嘅好食🍗！去骨後嘅雞翼，攤開成為一塊，非常適合拎去燒。雞翼微微嘅甜味，令佢變得惹味，而且雞皮燒香後脆脆的，加上雞肉口感嫩滑，好正。濟洲豬梅肉($120)，佢其實即係一件大豬扒🐷，厚薄適中。豬梅肉肉質唔粗糙，配合埋脂肪邊位，食起上嚟有少少似食緊豬腩肉。食堂豬皮($68)，豬皮係我朋友嘅至愛🙈，但對於我來講就有啲吃不消。因為佢非常厚，燒完並唔會好似港式乳豬咁脆，反而似層脂肪。不過朋友堅係食得津津樂道。牛肋骨煲($98)，呢個鍋物唔錯喎🍲，好大煲，而且溫度夠熱，食到尾都仲出緊煙。大塊牛肋骨有四至五件，連同埋蘿蔔，全部都炆得好入味。湯底有少少辣，偏重口味，但好啱送飯呢🍚。食韓燒又點少得爐邊蛋🍳同芝士粟米🧀🌽呢？兩樣都好邪惡，但好味道🤤。我想講多少少關於個燒烤爐，整體火候幾平均，無偏埋一邊，所以全晚燒嘅過程稱得上好順利👍。飲品方面🍹，我哋要咗梅子青檸梳打($32)同柑橘梳打($32)。兩杯梳打味道都唔太甜，而且仲幾清新，但建議要攪勻先好飲啊。我飲梅子嗰杯，飲落令我聯想起咸檸🍋。總括嚟講，我哋今餐食得好暢快，對住個靚景食大大加分，特別開胃，食完飽到要散步行咗幾圈，哈哈🤣。價錢方面，我略嫌稍貴。最後，店員服務都幾好，樂意提供協助，又能清晰講解。…查看更多

坐低後店員好主動幫忙加粟米芝士和蛋汁，仲有一d小碟前菜，生菜和前菜係可以無限添加。order左既所有食物到齊，咁豐富當然影返張全家福。豪快和牛燒，醬油味濃郁，牛肉結實，而且肉味亦較重，有兩大塊，剪開一口一片較方便食。特選黑毛和牛上貝身肉，淨係睇賣相都見到好多油花，肉質呈鮮嫩粉紅，燒熟後入口有即溶口感，另外個人喜好都鐘意用生菜包住肉黎食，必加少許韓式辣醬和泡菜，生菜都一停refill左幾次。濟州豬梅肉，絕對係抵食飽肚之選，有兩大塊，而且仲要厚切，肉質都有咬口，唔使驚煮熟後會韌。醬油豬腸，目測內藏清潔得衞生乾淨，而經過燒煮後，豬腸外層脆口，內裏仲軟綿綿，口感豐富。食堂蘋果梨汁雞肉，雞肉脹卜卜有肉地，店鋪已經細心去除雞骨，雞肉有肉汁食落幾嫩滑。粟米芝士和蛋汁一樣都可以無限任加，芝士的一邊實在太好味，我都不知加左幾多次，芝士熱熱地溶溶地咁，好正。牛肋骨煲，我數過有4件牛肋骨，而且每件都非常厚身大件，簡直係啖啖肉，而且炆煮得好腍，味道方面仲帶有少少辣，都幾惹味。…查看更多

黃昏約了朋友吃飯，朋友只喜歡吃韓燒，所以便試試這家餐廳。餐廳裝潢沈穩典雅，座位舒適，幾乎全部都是卡座，坐得夠舒服。望出窗外，還能看見北角碼頭和日落， 十分寫意。前菜有醃蘿蔔、芽菜、泡菜、沙律等，除了沙律之外，其他都可以免費添加，最好味是醃蘿蔔，爽口清爽，解膩一流。⭐️濟州豬梅肉$120豬梅肉厚厚一片，紋理清晰均勻，燒熟後入口很彈牙，肉味出眾。⭐️醬油豬腸$78豬腸熟得好快，輕輕燒一燒就可以，入口很香口。⭐️豪快和牛燒$298經過醃製過的和牛表面是滿滿的醬油，雪花密密麻麻，入口牛味非常突出，牛肉很柔嫩，正！⭐️特選黑毛和牛上貝身肉$198黑毛牛厚身一些，脂肪充沛，所以口感更勝一籌，配上蔬菜一起吃，很美味。⭐️食堂蘋果梨汁雞肉$82雞肉也醃得入味，入口有驚喜，雞肉嫩滑且多汁，令人滿意。⭐️牛肋骨煲$98有幾塊牛肋骨和白蘿蔔，煮過之後另有一番風味。⭐️柑橘梳打$32燒肉一定要配梳打，入口清爽，還有粒粒果肉。▫️餐廳食物和環境都令人滿意，尤其食物質素較上乘，有機會再來。…查看更多

近來比較多吃中菜，決定轉一轉口味，來一點韓國風，吃韓式燒烤。濟洲燒肉食堂位於北角渣華道北角匯，從地鐵站出發大約5分鐘到，方便就腳。疫情關係，餐廳入座時也有量體溫，而且提供酒精搓手液，令到客人吃得安心。我們一行二人一共叫了幾樣食物，一起互相分享。點了菜後，侍應便送上各式泡菜和爐邊小食，吃起來甜甜酸酸，令人十分開胃。醬油豬腸 (⭐⭐⭐⭐💢)久違了的香港特色食品估不到在這韓國餐廳中看到。廚師把豬大腸處理得十分乾淨，吃起來完全沒有異味。建議用大火燒熱， 吃起來外脆內軟，送酒一流。豪快和牛燒 (⭐⭐⭐⭐⭐)和牛燒一共有兩件，大件，鋪滿整個爐。吃起來肉質較為紮實，少脂肪，而且多肉汁，最適合用汁燒的方法烹調，不用調配其他醬汁已經十分好吃。特選黑毛和牛上貝身肉 (⭐⭐⭐⭐⭐)相比起剛剛吃的和牛燒，這個明顯較多雪花，油脂分佈得十分平均。大約少兩三分鐘已經可以吃了，吃起來入口即溶，簡單的配合海鹽已經十分吃得出肉味。濟州豬梅肉 (⭐⭐⭐⭐💢)豬梅肉切得比較厚身。吃起來十分Juicy，而且不太油膩，適合注重健康怕肥的女士。食堂蘋果梨汁雞肉 (⭐⭐⭐⭐💢)另外還叫了一份雞肉，一份五件，是去骨雞翼來的。雞肉鮮嫩，吃起來啖啖肉，配上蘋果梨汁，味道十分清新。牛肋骨煲 (⭐⭐⭐⭐💢)最後也叫了個牛肋骨煲，份量十分多，烹調得入味， 令人停不了口。飲品 (⭐⭐⭐⭐💢)另外我們還叫了兩杯飲品，分別是梅子酒梳打和柚子特飲。梅子酒梳打喝起來甜甜酸酸，而且酒精濃度不算太高。酒量不佳的我也吃能輕易完成，而且據說還有養顏美容，幫助消化的功效。朋友的梳打也十分不錯，喝起來不太甜，十分冰涼，配上燒烤一流。 總括而言，這間餐廳地點十分方便，而且不算太貴。偶爾和朋友來一來也十分好享受。~~~~~~~~~~~~~~~~~~~~~~~~ 濟洲燒肉食堂 北角渣華道123號北角匯2期2樓210號舖推介菜式：豪快和牛燒，特選黑毛和牛上貝身肉👍🏻地點方便 👍🏻環境舒適  👍🏻價錢大眾…查看更多

星期五夜晚去，超級多人，等了好一陣子，終於都入座了都有食韓燒指定的前菜、沙律、爐邊蛋和芝士特選黑毛和牛上貝身肉($198) 的油花非常靚，稍為燒一燒，入口充滿油香，柔軟好食， 非常正一大碗厚厚的醬油豬腸($78)， 燒香之後， 香味突出，稍為有點肥 ，但越邪惡越好食豪快和牛燒($298)， 好大塊但長度剛好是爐面的直徑， 燒起上嚟真係好豪快，稍微有調過味，但唔太濃，味道和肉質都唔錯濟州豬梅肉($120) 色水靚，夠新鮮，肉質比較厚實， 因為沒有調味，所以還品嚐到本身肉香蘋果梨汁雞肉($82)微甜的， 肉質嫩滑牛肋骨煲($98) 望落小小的一煲，其實很有份量，牛肋骨很足，還有很甜很淋的蘿蔔 飲品點了荔枝梳打和濟州特飲， 濟州 特飲即是用柚子和綠茶做成，吃得出粒粒柚子，幾好飲…查看更多

進餐廳坐窗邊卡位，位置好闊落擺６碟菜式＋前菜＋飲品仍然有足夠空間，印象深刻的是幾位上菜的侍應都非常有禮貌，食得好舒服～前菜是蕃茄仔，青瓜，泡菜，沙律菜，特別青瓜加上柚子絲好清新好鍾意~ 蕃茄仔同泡菜都無令人失望。侍應毫不吝嗇在爐邊蛋加上超多泡菜，另一邊芝士粟米就好綿滑，咸咸香香好好食，可以refill但我地叫左好多主食所以無添加lu豪快和牛燒 $298和牛肉紋理好靚，油脂豐富，超嫩!入口即融!食!!特選黑毛和牛上貝身肉 $198油花分布均勻，經過醃制後烤完即入口，不用再蘸醬汁已經很惹味，食落軟腍，有濃郁肉味，很好吃～濟洲豬梅肉 $120肉汁好豐富，厚厚一塊食落好有滿足感蘋果梨汁無骨雞翼 $82鍾意食雞翼又嫌吐骨麻煩唔優雅，梗係要食無骨雞翼～雞翼切半有著清新梨香，嫩滑多汁，直頭想order多一碟!牛肋骨煲 $98等待烤肉期間先食個牛煲，牛肋骨煮得好腍好入味～醬油豬腸 $78平時好少食但睇韓劇成日食豬腸搞到我都想試下，處理得好不腥不臭仲有D爽田彈牙，用醬油醃制更添風味梅子青檸梳打&柑橘梳打 $32 /杯梳打有4款揀，飲住梳打食韓燒真係好暢快! 總結濟洲燒肉食堂食物質素高，鍾意食靚牛的可選各種高級和牛，喜歡經濟實惠也可揀性價比高的韓國豬／雞，而且服務良好，用餐體驗係開心既，推薦比喜愛韓燒的人~…查看更多

今天本來約了朋友吃飯的，結果被飛機了，然後剛好另一個朋友也被飛機了，所以只好組成被飛機者聯盟一起去吃飯了！這次就選了大家公司距離中間的位置找東西吃，路過聞到有燒肉的香味，就忍不住進來了這間吃了！這裡一共會提供六款前菜給你，而且都是可以無限重點的，味道都不錯，吃起來挺清爽的！而且還有常見的爐邊蛋和粟米芝士可以給你任食，我都多點了好幾次芝士，拉絲真的爽！特選黑毛和牛上貝身肉（１９８元）想不到這裡也有日本和牛可以吃，就叫了一份來回味一下！一來到就可以看到這個牛肉的雪花真的超美，雖然這個上貝身肉是靠近肩的部位，但吃起來還是油香十足，比較有肉味，肉質不鬆散，有和牛獨有的香甜！豪快和牛燒（２９８元）這個真的是比想像中的大片，而且有兩大片，油花當然沒有日本和牛那麼多，但也是分佈得挺平均的！這個是比較傳統的，用上了醬汁去醃肉，味道吃起來有醬香味，又甜甜的，牛肉吃起來也挺嫩滑的，不用再沾其他調味料就足夠了，包上生菜也不錯！濟州豬梅肉（１２０元）韓燒就少不了吃豬肉了，所以我們也點了一份！這個部位是豬的油花比較多的地方，豬肉只用了簡單的鹽來調味，所以完全是吃豬肉本身的香甜味，燒完以後，肉質還是挺嫩的，肉汁挺多！醬油豬腸（７８元）意想不到的是這個份量真的挺多的，滿滿的一大碗，豬腸已經用了醬油來調味的，所以燒完就可以直接吃了，味道已經很足夠了，燒得焦焦的，吃起來又ＱＱ的，挺不錯！食堂蘋果梨汁雞肉（８２元）這道雞肉是超級有驚喜的一款菜式之一，這裡給的不是平常的雞扒肉，而是給的去骨雞翼，吃起來超級嫩滑多汁，肉味香甜，這應該是蘋果梨汁的功勞了，這個真的是非常推薦！牛肋骨煲（９８元）這個不要只看他只是小小的一煲的樣子，但其實他的份量真的挺多的，牛肋骨給得非常足料，肉非常厚，而且煮得剛剛好，肉質鬆化有油香，味道也完全滲入了牛肋骨內！這個裡面還有白蘿蔔，吸飽了醬汁後，吃起來更加香甜！梅子青檸梳打（３２元）這個最底的是梅子醬，然後放上了一整個青檸，喝前要先拌勻，喝起來能感受到梅子的酸甜，又有青檸的清爽，再配上梳打水的氣泡，味道不錯！柑橘梳打（３２元）這個味道很少見就叫一杯來試試，這個最底的是柑橘醬，也放上了柑橘的果肉，而且還非常好的幫你去皮了，喝起來就有柑橘的香甜，配上梳打水清爽的感覺，而柑橘的果肉又因吸飽了梳打水，吃起來會有特別爆汁的感覺，也挺不錯！…查看更多

今天第一次來到北角匯食午餐，也是我第一次一邊食韓燒，又可一邊欣賞海景，簡直是高級享受。首先，前菜已經好豐富，有泡菜、沙律菜、車厘茄、醃蘿蔔和醃青瓜。還有爐邊放上雞蛋加泡菜，另一邊放上粟米加芝士，賣相吸引，味道也好好呢！特選黑毛和牛上貝身肉～我最喜歡吃這個，油花分布平均，紋路細緻，肉質柔嫩。豪快和牛燒～和牛大大片的，醃得非常入味。蘋果梨汁無骨雞翼～啖啖肉，雞肉和雞皮嫩滑而且香甜。平時不喜歡食雞皮的我，都忍不住把雞肉連皮一起吃😂。牛肋骨煲～份量多，湯汁香甜，牛肋骨好入味。醬油豬腸～加上秘製醬油的豬腸好入味，完全沒有腥味。濟州豬梅肉～肉質腍軟，脂肪分配均勻。另外，點了兩杯梳打特飲，梅子青檸梳打酸酸甜甜，非常開胃，荔枝梳打味道也不錯。…查看更多

晚餐想食韓式燒肉一於試下依間濟洲燒肉食堂估唔到晚上都好多人喺度等位等左九個字終於有位一坐低職員就喺燒肉爐旁邊倒左泡菜蛋漿同粟米芝士放低左一式五份嘅前菜食完完可以再叫職員refill叫咗濟州豬梅肉、醬油豬腸、豪快和牛燒、特選黑毛和牛上貝身肉、蘋果梨汁無骨雞翼同牛肋骨煲豪快和牛燒肉味濃過特選黑毛和牛上貝身肉無骨雞翼燒得方便但食唔出蘋果梨味不過肉質都算嫩滑濟州豬梅肉同醬油豬腸包生菜最啱食燒肉都想飲番杯特飲揀咗梅子青檸梳打同濟洲特飲濟洲特飲係西柚綠茶味道略嫌甜左少少…查看更多