甜姨姨私房甜品 (清風街)

營業中

休息中

同朋友吹水吹唔停索性搵糖水舖坐低繼續round2，原來呢間店之前電視劇有出現過，最出名就係豆腐花～豆腐花 $34豆腐花用一個桶仔上，呢個玩法都幾過癮！佢唔單止外型吸引，豆腐花仲真真真！係咁滑，大豆味超香濃，最正係佢本身已經帶甜，唔需要落多餘糖，可以一啖一啖品嚐佢嘅真味，嗰種連綿幼滑絕對需要親口品嚐先能體會，姐姐仲會好貼心畀個計時器你，焗夠鐘先揭蓋，咁先是到最滑溜嘅豆腐花，又學到嘢。綠茶豆腐西米露 $40身為豆腐控嘅我都幾貪心，選擇咗呢個又有綠茶嘅西米露，其實係綠茶雪糕+豆腐花+西米露，以為佢會好甜，事實上豆腐花仲甜過佢！綠茶雪糕奶味比較重，都食到綠茶味，但未算強烈，撞埋去豆腐花度唔算非常夾不過口感就變得豐富，而西米露都幾有咬口，整體而言清清地，對平時食開無味嘢嘅我黎講，其實已經好足夠。芒果大合奏$50三款甜品之中，呢款可以話甜度爆曬燈！當然佢係因為芒果本身嘅鮮甜啦～芒果肉都幾靚無渣，一碗裡面包含5款芒果食材：芒果雪糕、芒果乾、芒果肉、芒果蓉連布丁都有，布丁真係神來之筆呢。

尋晚我同兩位朋友喺銅鑼灣食完飯之後，我地就諗住行去天后食糖水，順便消化下。天后有好幾間糖水舖，不過我地最尾揀左呢間，雖然佢比較貴，但係見係朋友請，我地二話不說就入左去。 其實糖水嘅價錢黎講都比較貴，最後我地叫左四樣野，埋單$172。 我地叫左一個豆腐花，呢個豆腐花真係好好食同好滑。呢個好似係佢地招牌野，見到周圍都有人嗌。 佢上枱個陣會有埋個計時器，要夠鐘先開蓋食得。我朋友叫左個熱嘅椰汁黑糯米。我叫左個尋·榴敢，有好重嘅榴槤，鐘意食榴槤嘅應該會鍾意，其實就係榴槤豆腐花加黑珍珠、涼粉、椰果等等。

一行四人８點到甜姨姨門外，幸好還未需要等位，很快就入座，店內充滿住榴槤味，可惜我唔識欣賞。今次我食的是什果茉莉茶啫喱，芒果汁底提升整個甜品的味道好甜好fresh 內裡有好多粒大大粒嘅啫喱，淡淡的茉莉茶味清香，但不建議連著芒果汁一起食，因為芒果汁嘅甜味會將茶味覆蓋，下次要試下綠茶啫喱先得