逸東軒

逸東軒嘅中菜廳午市點心算係幾出名，因為係米芝蓮一星餐廳但係價錢親民，點心只係收緊中級酒樓嘅價錢，所以吸引咗好多人去。不過因為遇上生日慶祝同行者指定要食中菜，所以先試佢嘅晚市。.1️⃣話梅車厘茄 💲108⭐️3/5份量多，好重話梅味，但過甜。2️⃣明爐蜜汁叉燒 💲238⭐️3/5逸東軒名菜。可能對米芝蓮中菜廳呢個名銜出品嘅叉燒期望過高，與同行者都覺得比較普通，水準只係略高於燒臘舖叉燒。不過份量幾多都算抵食。3️⃣砂鍋薑蔥爆乳香銀鱈魚 💲288⭐️4.5/5呢個砂鍋銀鱈魚好有驚喜，將餐廳嘅評分拉返高。砂鍋煲仔上夠熱夠鑊氣，銀鱈魚香脆嫩滑入味，好有乳香味，雖然比較濃味但都忍唔住食完一舊又一舊。4️⃣籠仔荷葉陳皮生煎雞飯 💲298⭐️3.5/5煎雞份量好多但係幾濃味，算重口味之作。5️⃣蛋白杏仁茶湯圓 💲48 ⭐️4/56️⃣家鄉甜薄罉 💲58 ⭐️4/5兩個甜品比想像中有水準，因為最近都係好多唔同嘅中菜廳叫過蛋白杏仁茶，呢個都算有質地，係近期食過比較好味嘅一個。薄罉一碟四件份量唔多，熱烘烘薄罉皮夾炒香花生加椰絲，私心不嬲都鍾意食呢類型嘅甜品，呢款甜品都算難出事.🔸除咗對佢人食人讚既叉燒有少少失望之外（可能我唔好彩），酒店所有

好出名嘅中菜餐廳，早咗兩個月book先book到星期五晚市，未開始食已經好期待！一嚟即刻叫啲前菜先，話梅車厘茄好好味，酸酸甜甜，話梅襯托下顯得車厘茄更加甜。反而金莎豆腐一般，椒鹽味太重，一度懷疑佢上錯咗椒鹽豆腐燒味揀咗個叉燒，見好多人推介，但我覺得一般，水準略高於一般燒味舖，但唔夠香亦都唔夠鬆軟。片皮鴨就好出色，鴨皮香得嚟唔肥膩，餅皮超薄，兩食先$598真係物超所值！蟶子好新鮮，可惜我食嗰隻略嫌過熟，有啲難𡁻。芝士蟹蓋都好好食，蟹味同芝士味都好出，食晒成個都唔覺得膩。杏汁豬肺湯就正常，但$180一位就貴咗少少。好少食蝦醬生菜呢個組合，幾香口，唔算太油。最後嚟一個甜品收尾，都係好食嘅，糖水舖水準。平日晚市仲有全單75折，去過好多酒店中餐優惠期間都會略降水準，逸東軒係維持水準，難怪booking咁full。

逸東軒的晚餐都非常熱門，這次趁母親生日就提早一個月預定黎食飯。四個人總共點左5樣，分別有豬肺湯，鴨，話梅車厘茄，菜同一個燒味拼盤。每一道菜都十分有驚喜同味道好好。話梅車厘茄，酸酸地十分開胃。而燒味拼盤係必叫嘅，十分出色，燒腩仔個皮十分之香脆，比起坊間買到嘅好食，叉燒調味都好適當，無豬騷味。我地仲點左豬肺湯，雖然洗得幾乾淨，但仍然殘留少少豬騷味。鴨有兩食，分別係炒飯同片皮鴨。炒飯好香鴨味，片皮鴨整體幾清新，符合佢嘅價錢。質素黎講，逸東軒真係無得輸，好推薦大家如果要節日慶祝嘅時候食。

為預祝父親節同家人生日所以就選擇米芝蓮一星食府享用晚餐。上網睇到星期一至日晚市可享七折優惠，但最後埋單時先知道因為將近父親節所以星期六日會暫停此優惠，另外渣打信用卡可享八八折優惠。🔝話梅味配上去皮車厘茄，入口清甜，味道清新開胃。🔝鴨皮烤得唔太脆，味道一般。🔝不過不失的二食。🔝呢個叉燒真係做得好出色，肥瘦比例剛好，肉質鬆軟，蜜汁香甜又惹味。🔝燒腩仔脆皮做得好出色，脆口得黎又唔會太乾身，但略嫌肉位瘦咗小小。🔝海蝦肉質新鮮，而下面嘅粉絲吸晒蝦嘅鮮味同蔥花香味。🔝應該係用咗豬頸肉做嘅咕嚕肉，外層輕輕炸一炸，肉質爽口，味道都唔差，但始終都係鍾意傳統中菜館炸得外脆內軟嗰啲咕嚕肉。🔝生煎雞肉質嫩滑，肉汁同油香滲透落荷葉飯上，加上飯質粒粒分明，聞落仲有小小醇香米酒味，香味濃郁。🔝味道還好。🔝壽包裡面係蓮蓉加蛋黃餡。🔝杏味濃郁又香滑，加上蛋白更有口感，甜度適中滋潤之選。

跟隨逸東酒店大翻新的逸東軒，已經重開數月。是夜趁着朋友生日聚會，終於有機會再訪。重新開業的逸東軒，裝潢風格來個一百八十度大變新。既保留了東方色彩，亦融入了西方元素。用餐區光量大幅調低，更具時尚風格。其實逸東軒樓底本身較底，位處地庫亦沒有自然采光，將室內環境調暗讓光線只聚焦在餐桌上，是總明的做法。收取廿八元一位的茶芥費用，提供的茶芥當然不能馬虎了事。茶壺以暖座保温是合理期望。奉上豆瓣醬、豆角及腰果小吃各一份。 大抵腰果置在太好吃， 肯恩入座前已腰果被早到友人洗劫一空。不知餐牌是否尚在設計階段，感覺現在用上的餐牌設計過於簡單，數頁紙釘在一起，外頁連硬套也沒有用上，除非食店會經常為餐牌替換，否則這種做工的餐牌翻得多很快便會變皺變舊。在座有位朋友剛在不久前才到來過逸東軒用膳，有識途老馬坐陣點菜便更為爽快便捷。訂座時已着服務員預留了片皮雞及杏汁白肺湯兩道菜式，當晚入座後很快已完成點菜程序。話梅車厘茄 已經褪皮的車厘茄粒粒賣相精瑩飽滿，在兩片蔬菜葉襯托下更像一串紅葡萄，IG拍照呃Like首選。車厘茄吸滿話梅煮汁，味道酸酸甜甜但又不會過份地蓋過車厘茄自身的茄香，作為第一道的頭盤小吃最為恰當，喚醒味蕾

逸東酒店逸東軒又返來啦! 裝修後第一次再來到呢間米芝蓮一星食府, 裝修完全唔同晒, 但食物依然同之前一樣好味. 今次食左XO醬炒腸粉, 話梅車厘茄, 同埋點心. 價錢都算合理, 係飲茶相聚既好地方. 見佢地有好多PRIVATE ROOM, 下次可以搞個舊同學聚會

平時都知要訂位，但今日同朋友即興。接待小姐雖說要等位，但來到等左一陣就有位。油麻地區數一數二的中菜，食物好味不用多講，侍應個個年輕活潑，但服務質數沒有比下去。叉燒肉腍入味、話梅蕃茄仔有特色又開胃；唯一要檢討燈光較亮點就完美。