綠茶餐廳 (奧海城二期)

營業中

休息中

今次同屋企人嚟食綠茶餐廳（屋企人之前喺深圳食過，評價唔錯）餐牌仲有唔少香港限定菜式。落單後大約幾分鐘就送到嚟，上菜速度快。粉絲裏蝦原煲砂鍋上，喺食客枱上即場煮，店員會幫忙計時。等十多分鐘食得！蝦嘅份量都多，而且幾爽口；粉絲吸滿醬汁，非常入味。麵餅醬香五花肉屋企人鍾意食，餅皮入面包住五花肉、脆片同鹹香嘅麵醬，一啖咬落去有唔同嘅口感，味道豐富。野菜腐皮卷呢款係素食菜式，用腐皮包著時令蔬菜，裡面嘅菜都有調味，係一道輕盈嘅素食前菜 。宋嫂魚羮用料豐富，裡面有魚肉丶金菇丶黑木耳丶香菇，感同港式嘅碗仔翅大同小異 。西湖雷峰塔呢款應該算係甜品，造型十分打卡able，係一座雷峰塔作造型~入口先知原來係山藥奶凍，口感q彈又帶點山藥嘅沙沙口感，唔錯！

陸陸續續都有唔少內地人氣餐廳攻港，唔洗番上去都可以試下特色中菜嘅味道，啱晒啲唔熟路嘅朋友仔～最近好紅嘅一定係綠茶餐廳，係杭州西湖好出名嘅江浙菜，香港開左幾間分店，間間都爆棚，奧海城分店裝修以江南古風為主題，風清竹影🎋正中我心😳🌱面餅醬香五花肉$108麵餅個組合有啲似北京填鴨，面皮包住炸到脆卜卜嘅五花肉、炸腐皮、京蔥同青瓜，五花肉肥瘦適中， 沾上鹹鹹甜甜嘅醬汁，好味又飽肚，推薦✨🌱鮑魚小炒肉$108同內地平時嘅辣椒炒肉好似入邊多咗鮑魚粒，鮑魚彈牙，五花肉切得好薄，整體都幾辣，香口惹味🌱狀元芋頭煲$88估唔到呢個芋頭煲咁好食，見佢係推薦菜就試吓，份量好大，芋頭綿滑，以砂鍋上碟，入面仲有啲豬肉粒，調味幾濃，好啱送飯🌱西湖藕韻$58去食江浙菜多數都會嗌，蓮藕中間釀咗甜糯米，外層有兩片炸蓮藕夾住，口感層次豐富，加上山渣桂花蜜，甜甜地帶點清爽感🌱西湖雷峰塔$28見到造型好得意，絕對係一個打卡甜品，口感軟身，幾彈，帶山藥味🌱懷舊米漿$18淡淡米香，微甜，口感順滑🌱紅寶石琉璃$28見到熊仔冰覺得好靚就揀左，聽到隔離食客都對佢哋嘅凍飲評價唔錯，唔會太甜，呢杯主要係石榴汁，上面仲有馬蹄爆珠，幾fresh餐

以杭州龍井茶入饌而享負盛名的綠茶餐廳，香港的第四間分店在奧海城開業，讓人急不及待品嚐一場茶饗盛宴。餐廳內部園林景致古色古香，播放悠揚中樂，服務生穿著古裝，氛圍古樸。📌龍井烤雞 ($138) 原隻春雞現烤，外皮金黃，脆嫩多汁，龍井茶的清香滲透其中，上桌後才切件。蘸上特製辣椒粉，香辣惹味。📌南乳醉鮑魚 ($98) 薄切彈牙的醉酒鮑魚片，灑上南乳汁，鹹香與酒香完美融合，搭配紫洋蔥幼絲，清新爽口，層次豐富。📌粉絲裹蝦 ($108) 即席在桌上以瓦斯爐加熱，鮮嫩大蝦熟度剛好，專人將材料拌勻。鮮蝦與粉絲吸收蒜香醬汁，口感惹味爽滑。📌龍井檸檬茶 ($28) 小熊造型的龍井茶冰端坐杯中，隨著冰塊溶解，滲入香氣四溢的檸檬水中，清新可口。📌暴打鳳梨茶 ($28) 小熊龍井冰同樣端坐杯中，鳳梨汁香甜潤喉，還有粒粒鳳梨肉，味道獨特。📌江南綠茶餅 ($28) 芝麻外皮烤得酥脆，芋蓉餡料香滑軟糯，甜度適中，連盡兩個也不膩不濟。📌西湖雷峰塔 ($28) 以淮山和牛奶製成的奶凍，倒模精緻，淋上綠色醬汁，增添清甜味與儀式感。綠茶餐廳的菜式展示了傳統菜餚與時尚擺盤的完美結合，是江淅菜一場難忘的視食與味蕾之旅