牛扒先生 (新都會廣場) (已結業)

疫情之後，由於有啲淆底，少咗去酒店食buffet但又好掛住嗰種感覺，於是就去扒房食個semi buffet每一個Lunch set都有跟埋自助沙律、甜品吧+廚師精選餐湯咁抵食，最貴係西冷/肉眼扒餐，都只係兩舊水多啲啲，平之餘，肉質好嫩，非常juicy，仲有一大舊薯蓉同菜類，高質又溫和牛小扒都好唔錯，切落係超靚嘅粉紅色，筋肉比例恰當雞肉外皮脆肉質滑，海蝦頭爆漿，蝦肉甜美，仲有豬肉腸超香肉味同香草味以往見到沙律自助吧，覺得唔太吸引，諗住只有生菜同醬料但呢個餐顛覆大胃對沙律吧嘅印象，原來沙律可以有好多選擇，同肉類亦有好好嘅配搭，其中雜菌沙律簡直令人心心眼湯同麵包都係自助今次嘅湯係忌廉湯，熱辣辣又湯香撲鼻麵包亦有幾香嘅香草調味，浸湯食好適合食完唔好忘記有甜品吧，大胃建議一開始要食咗麵包布甸先，好快會冇貨其他甜品都好高質，唔會死甜，值得encore

喺新都會廣場想搵個地方食物ok,舒適D慢慢傾, 多數會揀呢度午餐自助沙律種類好多，菜同水果都新鮮特別推介個醋蕃茄，好鮮甜雖然只可以自助一轉，其實盛一碟份量已經好足夠，主菜前食多D蔬果感覺好健康主菜我哋食西冷扒同卡邦尼彈弓粉，彈弓粉顧名思義係口感彈，掛汁，份量ok多，煙肉亦多，味道剛好個扒都唔錯少少筋屬正常！唔算韌，肉質ok！一人份量夠飽整個午餐寫意，環境舒適，服務頗貼心！