華苑潮州閣

營業中

休息中

聚會要食潮州菜，第一時間諗起華苑。老細係潮州人，出品自然係正宗潮洲風味。四個人，五個菜一個湯，埋單每人唔使300，我覺得抵食。👍🏻▪️芋蓉香酥鴨唔係度度都有得食嘅手工菜。見到華苑有，嗌嚟試下。之前有睇過關於呢道菜式嘅介紹，期望好高。雖然我就第一次食，唔知真正好食嘅味道係點，但佢嘅出品都不過不失嘅。外層酥脆，芋蓉厚實，鴨肉都算嫩口，都可以叫層次分明。$168/例，有成10舊，未食過都可以試吓嘅。▪️蠔餅呢個蠔餅真係世一，每次嚟都必叫🤤超級足料嘅蠔餅，啖啖有蠔，咬落香脆，唔會好似出面啲蠔餅咁多粉。百食不厭。