燒烤堂

最近串燒店越開越多 呢間多分店得嚟仲有質素保證💕價格唔貴CP值幾高 難怪個個都話記得要book位❣️豚肉日本蘋果卷 $24/串油脂豐富嘅豚肉片包住清甜爽口嘅日本蘋果 解膩又能增加層次感 非常新穎🍎❣️汁燒橫隔理肌 $28/串牛味香濃且帶有口感 類似平時食牛肉飯嗰啲入口即溶🐃適當油脂口感柔嫩❣️厚切鹽燒牛舌拖羅 $48/串有成cm厚嘅牛舌腍得嚟有咬口👅醬汁為彈牙嘅牛舌增添風味❣️焦糖鰻魚芝士玉子燒 $28/串完全超出一般玉子燒嘅想像 金黃色嘅玉子包住軟綿綿嘅鰻魚 面頭仲要燒咗層焦糖香甜得嚟帶蛋香超級驚喜 ❣️鹽燒阿波尾七里香 $22/串採用日本德島縣嘅阿波尾雞 肉質略帶油脂但非常嫩滑鹽燒鎖住原有雞肉香❣️黑松露烤雞 $28/串濃香嘅黑松露醬為柔嫩雞肉更添色彩 獨特嘅香氣令人一試難忘❣️鹽燒無花果卷 $26好多獨家嘅創新料理值得一試 熟食無花果估唔到好似水蜜桃咁嘅口感果香帶微青草香氣 好特別❣️鹽燒豚肉荔枝卷 $22/串荔枝比蘋果更多汁juicy💦外層豚肉火燒後變得焦香脆口加上荔枝果汁勁match ❣️焦糖青蘋果鵝肝多士 $108個厚度彷似一個迷你burger 鵝肝相當有份量 油光熠熠生輝✨中層夾埋焦糖青蘋果 適當去除鵝肝油膩感 爽脆清甜而細膩口感絕對值得一試❣️鹽燒赤雞頸肉 $22/串雞頸肉屬稀有珍貴部位 鮮彈有咬勁 原味鹽燒真正體驗天然味道🐔❣️鹽燒牙帶魚 $48/串一般人以為牙帶魚會好腥 但估唔到呢個就咁用鹽燒只食出鮮味同肉嫩鮮美🐟❣️日式燒白鱔 $48/串白雪雪嘅白鱔附上蔥絲賣相好靚好吸引 無骨無醬汁有別於一般搽晒鰻魚汁咁重味 外皮香脆 鱔肉厚實 做到真正嘅外脆內軟❣️雞皮墨魚滑 $38/串大大嚿燒墨魚滑表層鋪咗雞皮 雞皮燒得脆香可口 而墨魚滑彈牙無比🦑❣️鰻魚炒飯 $58估唔到呢個價錢可以有咁大兜炒飯 鰻魚切成粒粒混入飯粒之中 幾乎每啖都可以食到鰻魚肉 十分足料❣️汁燒免冶雞肉軟骨棒 (付月見) $38雞肉軟骨脆卜卜有咬勁 點埋醬油生雞蛋令肉棒更嫩滑 味道更上一層樓❣️蟹膏燒飯團 $38焦香飯團加上一大pat蟹膏用料上乘 蟹膏香濃美味 咸咸香香一齊食真係好正❣️川燒蒜蓉茄子 $36用川式做法做嘅茄子略帶微辣 放上菜脯一齊燒更香更惹味🍆❣️日本芝士年糕 $38熱辣辣嘅拉芝芝士年糕撘配奶香濃甜嘅煉奶 好似食緊甜品咁 內鹹香外香甜 超級滿足…查看更多

今次想食串燒🍢但係知道串燒都比較油膩，所以專登揀咗早時段，6pm就食，咁就起碼有時間俾我消化入座前，職員會問需唔需要熱爐，可以將串燒放上去，咁就不會變凍，幾細心👍🦪蒜蓉廣島蠔 $44/2隻大大隻廣島蠔，面頭鋪上蒜蓉及蔥去燒，蒜味香濃，廣島蠔水嫩多汁🤤⚪️浜燒活元貝 $78/隻鹹香與先甜嘅帶子配合，雖然略貴但值得一試！🌶️川燒活蟶子 $68/份除咗蟶子好靚，鮮甜爽口；用川燒作為烹飪方法真係好正！辣味平衡得剛剛好！🍢惹味爽口雞腎 $28/串嗰種燒得爽口又不會痴牙/難咬嘅感覺，實在值得讚🍢鹽燒A4宮崎和牛 $58/串驚艷到我😱😱係又淋又多汁。唔係太飽的話都想食多串🍢中切鹽燒牛舌芯 $28/串串牛舌就稍為有點韌🍢麻辣豬大腸 $24/串普通就咁烚或者滷水嘅豬大腸我都唔鍾意食。但係燒過或者炸大腸我就好鍾意🤣所以你請我都超級喜歡！麻辣味好香🍢泰式豬頸肉 $28/串串燒另外配上泰式嘅酸辣醬汁。豬頸肉非常Juicy 🍢鹽燒豚肉荔枝卷 $22/串用薄片嘅豚肉包住荔枝，荔枝唔會燒得乾身，咬落去嗰時荔枝嘅果汁會喺口腔散開😍清甜嘅荔枝中和左豚肉嘅鹹味👍🍢鹽燒白鱔 $48/串本身怕腥，但係經過鹽燒後就唔會食到腥味。白鱔外皮燒到香脆，魚身爽口彈牙。🍙蟹膏燒飯團 $38/個山型飯糰有令人垂涎嘅焦黃醬燒色澤🤣飯糰米飯的口感軟硬適中，再加埋淡淡的蟹膏充滿喺口中，值得一試！🍢鹽燒萵筍 $18/串平時食嘅萵筍一定係切絲或者一片片。第一次見串燒嘅方法上，係一舊舊圓形🤣🤣識落就係同平時一模一樣，只係今次就大嚿好多😂🍆川燒茄子 $35/條呢個真係冇得輸！！！川式燒嘅辣味同蒜蓉味配合得天衣無縫！！我係完全盡量刮晒所有茄子再加埋所有蒜蓉嚟食🍡糖不甩燒芝麻湯丸 $22/串又到我嘅最愛！！呢個真係好好食！湯丸嘅外層脆，入面係流心芝麻😍好幸福啊！🍻另外餐廳仲做緊Sapporo啤酒買一送一優惠，即係兩杯只係$48咋，好抵啊！！…查看更多

串燒呢樣野真係令人又愛又恨，尤其是日式串燒，絕對係愛不釋手，點停到口。我嗌三四串肯定唔夠喉，起碼嗌到一枱都係，咁先夠疏乎咖麻，有串燒一定要有埋酒，適逢佢地札幌生啤全日做緊買一送一，咁就要大大啖，起返個孖啦！👇🏻📌招 牌 推 介 - ▪️ 燒 鳥 - ▫️「鹽燒赤雞頸肉」口感極為嫩滑，油香十足但同時唔會好油膩。▫️「汁燒赤雞心」雞內臟黎講絕對係無敵，口感相當爽脆，經汁燒過食落醬油味豐富，完全無內臟果種腥味，好好食。▫️「鹽燒雞中翼」燒得一樣香口惹味，味道均勻入味，鹹味恰到好處，同時保留到鹽燒獨有既惹味感。▪️ 食 事 -  ▫️「蟹膏燒飯團」用上蟹味噌甲羅燒既做法，不過放左係個飯團身上，再包紫菜，一次過食到蟹膏同埋燒香既飯團，口感一流。▫️「明太子燒飯團」明太子份量比預期中，加上飯團燒得非常出色，焦香感到位，飯團夠煙韌，加埋明太子既鹹香，兩者完全無違和感，好食。▪️ 牛 類 -▫️「汁燒橫隔理肌」牛肉部位黎講都係第一次試，呢個食到濃濃肉味外，口感仲略帶爽甜，幾特別。▫️「中切鹽燒牛舌芯」比起厚切黎講，口感更加略勝一籌，爽脆多汁之餘，夠咬口完全唔韌，調味唔會太鹹岩岩好。▪️ 豚 肉 -▫️「福岡味增松板豬」新鮮滾熱辣豬肉相當爽脆，配上沙律醬份外惹味。▪️ 海 鮮 -▫️「蒜蓉燒廣島蠔」蒜量十足，味道夠哂濃香之餘，唔會蓋過蠔本身既鮮甜，加上蠔肉新鮮肥厚，呢個一定要試。▪️ 佐 酒 小 食 -▫️「味淋魚干」呢個一係送酒既最佳良物，一啖魚干一啖生啤，何其享受！…查看更多

因為樓上鋪為免上上落落，大家可以打個電話confirm有位先。佢全部都係小食類，有少量炒飯類，以下重點介紹！鰻魚炒飯 $58覺得d燒烤唔夠食可以叫個飯，雖然佢燒烤為主，但個飯都唔差，醬油味同鰻魚味幾平均。份量唔少，三四個人分都ok!蟹膏燒飯團 $38燒嘅程度啱啱好，蟹膏好多🤗明太子雞腿肉 $28香蒜蓉鹹蛋黃虎蝦 $48 👍🏼👍🏼推！虎蝦ok大隻，蛋黃好入味，真心不錢錯中切鹽燒牛舌芯 $28鹽燒和牛牛小排 $48牛類必食，燒得靚，唔韌，肉汁多孜然燒蒜蓉茄子 $36😻燒烤一定要食，佢蒜蓉都好多好重手，又唔會太鹹牛油蒜蓉焗雜菇 $38鍾意食蒜蓉，呢d又係必點，佢都大份嘅，多人食可以叫呢d黑糖燒菠蘿 $18👍🏼比普通燒菠蘿仲多d蜜糖，無咁酸，好開胃日本芝士年糕 $38有兩舊，比煉奶你點，皮脆！口感幾煙韌，唔漏！🍻Sapporo Premium Draft $48/2杯最正佢啤酒買一送一，真係好抵想食日式燒烤串燒又唔想太貴真係唔多選擇，呢間就係其中一間。款款可以叫少少，多人食就可以試好多唔同串燒。佢仲有好多款sake比大家飲添。…查看更多

同事話放工想去chill下，見呢間新開串燒價錢係銅鑼灣區幾抵食，又坐得幾舒服，就約左去談心！🍻$48啤酒有買一送一，真心超級抵！❣️除左超級多串燒選擇外，每串價錢係$20-40左右，開懷咁叫都唔會破費！❣️餐廳仲會有唔同風味嘅串燒整法，日、泰、韓、川、新疆都有！當晚點到成枱都係，個人幾鍾意以下串燒😆🍢 牛油果豚肉卷$28- 燒香薄片豬肉包住超軟嫩香牛油果，再配上紫菜、沙律醬，好有層次感- 豬肉片本身肥瘦均勻🍄 牛油蒜蓉焗雜菇 $38- 超好食，入面好多款菇配上粒粒蒜香兼有牛油香，好惹味🐟 鹽燒白鱔$48- 肥美厚肉，入面好juicy🐑辣辣地烤羊架$48 and 秘制燒羊架$48- 厚厚一塊肉質夠軟嫩juicy。如果點了「辣辣地」更加係辣得好刺激味蕾有層次感，幾特別。🍢 鹽燒豚肉露荀卷$32- 估唔到入面包著嘅露荀真係粗身的，入面爽口甜香，配上豬肉片有層次感🍢 汁燒免治雞肉軟骨棒（付月見）$38- 入面粒粒軟骨，點上濃濃蛋黃同甜甜醬料更滋味🍢 香辣雞腿根$22- 粒粒雞根有咬口，辣得過癮🍙蟹膏燒飯團$38- 超厚一層蟹膏好吸引！飯糰外層燒到夠脆，配埋啖啖蟹膏香，好滋味😋🍆孜然燒蒜蓉茄子$36- 加上蒜粒、櫻花蝦，惹味得來夠香口🍢 孜然豚肉芫茜卷$22- 真係超多芫茜！🍢 福岡味增松板豬$28- 啖啖油脂香，肉夠軟嫩，外層有蜜糖焦香，幾特別另外仲點左：🍢鹽燒秋葵$16🍢蒜蓉燒廣島蠔（2隻）$44🍢汁燒煙韌年糕卷$26🍢蜜糖燒雞中翼（2隻）$18飲品：🍹青檸菠蘿梳打$32🍹新鮮椰青（個) $38值得一讚嘅係，soda係大大杯，絕對可以飲成晚！椰青都幾清甜！呢到可以話越夜越多人，下次再約朋友去！…查看更多