星海．譽宴 (The ONE) (已結業)

爸爸公司改政策，依家個個星期四都放假，出尖沙咀整野，再慢慢嘆茶食點心🍵。酒樓環境非常濶落，樓底夠高，超級適合👍包場（ Annual Dinner／ 冬至／晚飯聚會／百日宴／婚禮）。🌈蟹粉小籠包小籠包皮薄，咬落去有滿滿既湯汁，蟹粉味香濃。🌈原籠蝦醬松阪豬鮮魷魚蒸飯蒸飯用上肉質爽彈鮮嫩松阪豬，鮮魷嘅鮮甜配上蝦醬嘅鹹鮮完美結合，另鮮味加倍。🌈原隻鮑魚燒賣皇鮑魚竟然比燒賣更大隻，正😍。🌈千鳥紅米脆皮鮮蝦腸呢個真係好好味😋，咬落去仍然係脆脆，入面餡料豐富。🌈金箔斑蘭香滑奶皇包(3件)好特別用上斑蘭做包皮，顏色配搭真係好靚。🌈黑松露鮮蝦菠菜餃滿滿都是鮮蝦，爽口彈牙。🌈安格斯和牛天鵝酥擺盤非常精緻，餡料竟然係安格斯和牛，牛肉味非常香濃。📍星海 (The ONE) The ONE 📌尖沙咀彌敦道100號The ONE L18樓層 (港鐵尖沙咀站B出口)📞2811 9980 #粵菜 #點心 #尖沙咀 #theone #香港食好嘢 #尖沙咀餐廳 #尖沙咀食好嘢 #尖沙咀必食 #尖沙咀好去處 #尖沙咀美食地圖 #餐廳推介#假日好去處 #ilovefood #hkfood #美食推介 #美食日記 #晚飯 #婚宴 #酒樓 #酒樓擺酒 #中菜 #香港粵菜 #香港聚會#親子kol #hkkol #blogger #親子 #全職媽媽 #育兒日記 #育兒 #育兒日常 #寶寶日記 #成長記錄 #lemontea.519 #凍檸茶…查看更多

人在尖沙咀正想尋找午膳好地方，聞說此食店景觀正, 便决定探店😏處於高级商埸高層，樓底又高，坐下好有舒適感，佈置格調典雅😃點了龍井茶，上桌時同時奉上餐前小食，是少見的麻辣蓮藕粒，又麻又辣又爽脆，一種新的口感😋先來了推介的蟹粉小籠包, 皮薄餡靚有湯汁, 熱度足😋冰鎮萵筍, 爽脆新鮮, 咬落清甜😋五香牛展拌海蜇, 海蜇爽口彈牙, 微微帶麻辣, 牛展鹵汁入味, 肉質有嚼感😋籠仔荷香金銀蒜蒸龍躉頭腩(炒飯底)作主食, 荷香散溢, 飯底熱而不油, 龍躉頭腩, 有肉又有骨, 好適合好魚食客, 混合金銀蒜味, 令整個蒸飯味道更昇華😋椰汁南瓜芋頭煲, 熱氣騰騰, 椰香配南瓜甘甜軟滑, 芋頭芳芬而入口粉化😋靚景美食的一餐…查看更多

約咗屋企人飲茶， 想book間坐得舒服嘅酒樓， 在尖沙咀The One 找到譽宴·星海。。樓底超高，裝修典雅，仲有超級無敵靚景， 連接戶外小花園平台， 居高臨下望維港海景。平日下午茶時段都差不多坐滿， 人氣十足！除了點心，也有多款小食，午市孖寶。:)普洱茶香滑， 前菜: 芥末木耳 ， 爽口帶少少辣～蟹肉菠菜餃菠菜餃嘅皮比較腍身， 餡料非常鮮味，蟹肉和菠菜味道配搭得宜。蟹籽燒賣王燒賣好大件～ 混入蝦和冬菇特別鮮味。胡椒雞湯灌湯餃原盅燉，熱辣辣！ 濃郁雞湯底配合超重胡椒味， 非常暖胃。 灌湯餃餡料也非常飽滿。蟹粉小籠包非常精緻， 一籠一隻。 小籠包外皮睇落好薄好通透， 非常可惜蒸嘅時候側了一邊黐住蒸籠， 小心夾都會穿， 把湯汁都溜走。 另一籠都是一模一樣～小籠包湯汁唔少， 豬肉混入香濃蟹膏，也有蟹肉的鮮甜， 鮮味十足！XO醬炒蘿蔔糕每件蘿蔔糕切得工整而不散， 蘿蔔和粉嘅比例啱啱好， 蘿蔔清甜味突出。 外皮略炸外脆內軟，XO醬惹味香囗！XO醬鳳爪醬汁好惹味， 鳳爪不會炆煮得太冧👍😋香芒糯米卷外層芒果肉， 卷着芒果味糯米卷皮和忌廉，軟熟美味！手切豚肉叉燒酥酥皮相當鬆化， 豚肉餡料無想像中豐富不過味道依然吸引！椰汁西米露熱辣辣嘅椰汁西米露加入鮮奶， 非常滑溜， 甜度啱啱好！…查看更多

朋友生日，今日請左半日假, 三五知己去左尖沙咀The One 18樓這間 譽宴.星海，來個滿足下午茶。平時呢度搞婚宴，個廳勁大勁靚，仲有室外位置，由於居高臨下，可以飽覽尖沙咀景色 仲可以望到對面海添！環境真係滿分！我們大約下午兩點去到，岩岩好下午茶時段，全場已坐滿。幸好剛剛有一臺離坐。不用等很久便有位。餐廳裝潢華麗，而且有無敵維港景，價錢相宜，十分推薦。茶位每位$15。收加一服務費。餐前小食$15一小碟, 係麻辣雲耳，有黑雲耳同白雲耳，麻辣爽口非常開胃。櫻花蝦鬼馬腸  精髓絕對在於櫻花蝦，好脆唔錯！表面櫻花蝦味道濃黑松露蝦餃之王$41蝦餃有四粒，中間加配一粒迷你版嘅，有心思👍 蝦餃皮薄，size唔太大，好香黑松露味😋黑松露味香嘅同時又唔會搶晒蝦嘅鮮味。鮮蝦餃真材實料，真係有鮮蝦喺入面，爽脆彈牙。安格斯牛柳粒$88用上介末炒安格斯同露筍，露筍爽口香甜，牛仔粒牛味濃郁有口感，但稍為有少少咸咗！花菇綿花雞$34同我想像中有d出入，拆散左總係覺得怪怪的，但味道都算唔錯。流沙奶黃包一咬開就發現勁流心，正。期間限定：蟹粉小籠包$35蟹黃十足，好香濃嘅蟹味，大大隻，份量超多，一人一隻剛剛好，必試🤩🤩雖然叫得有點多了，但結賬才6百多元，這餐朋友非常滿意，話好抵食。:) 三人吃剛好，人頭2百幾蚊，環境好靚，仲有好多套餐添，生日大壽、做節都吾錯，做婚宴都好靚試左咁多點心，基本上全部質素都好好。座位舒適，枱同枱之間距離足夠，傾偈又唔嘈。每人$201，我覺得唔貴。…查看更多

晨早接電話 原來朋友A話想去飲茶但本來茶腳甩左底 想我陪佢去飲過茶食個包我眼見放假 唯有同佢去飲個午茶 再做自己野啦點不知要到尖沙咀 我心諗飲茶都飲到去尖沙咀咁高端?! 朋友A話佢揀好耐先揀到呢間 唔好推佢咁話 好啦.......又唔遠 無所謂去到THE ONE 仲要18樓 點不知 一打開升降機門 我真係「嘩」左一聲估唔到有間咁靚既酒樓係到囉  星光處處感覺就係好似置身係銀河一樣 天花有星雲 地毯都係用上藍黑色配再配合埋一排既落地大玻璃窗 ......好舒暢!! 簡潔餐具 配合個環境 我醉了.....陶醉了一陣子 好吧 要點菜 因為連早餐都未食既我 隨時頭頂有星  餐具都用上比較高級的銀器 令到成個感覺都很GRAND 要知道 銀器多見於高級西餐廳 並且要經常打理保養維持反光度 避免氧化點心選擇多 由小食到甜品 一應俱全若以環境地段計 價錢都合理蝦餃平時都會點 但今次竟然crossover 黑松露睇見都流口水 蝦肉極之彈牙爽口 外表簿得黎唔會爛 通透非常加埋黑松露令到鮮味更加提昇而且松露仲大粒到咬得到 唔係加松露醬咁行龍蝦湯底鮮味好出 濃又稠度高 真料實料三件鮮竹卷 外面腐皮仍然有少許脆口即叫即整感覺係唔同啲 入面包住豬肉粒 木耳 不同既野菌咬口層次都好突出 配合埋龍蝦湯 好味😬黑松露迷 竟然用係腸粉到？！ 不得不試成日食肉不如食返菌類 又環保又有營養一黎到 well!! 真係腸粉黎？ 反傳統得好別緻有擺位有配菜 仲要好香松露味 咬落仲要係脆口 原來係將炸好既羅馬生菜夾係中間做分隔 多種口感 齒夾留香 大大個蟹粉小籠包 以為自己點左個灌湯餃有分時三隻加埋咁既份量 蒸籠仔 別具一格 另一種格調 蟹粉十足 用料上乘 入口流出中高溫肉汁湯底唔會熱得要吐 剛剛好 蟹羔充足 味道十足要玩派頭 玩特別又點止咁少？！雪茄咁大支既春卷 有別於平時見到既佢長過支地筷子 方便你拎黎點沙律醬食用香脆可口 入面有木耳豬肉蘿蔔絲等等 口感變化多 老少咸宜最後點左煎釀蘿蔔糕類內似煎釀三寶做法 加左少少豬魚肉係面再拎去煎 煎到金黃色 吸引喇呱！！蘿蔔糕本身都好重蘿蔔料 咬到有粒粒蘿蔔質量高唔會好易散開 同釀肉好夾 一軟一硬香脆外層帶出左本身既味道 講真 以環境論地段 我覺得值得回頭可以同屋企假日黎飲個茶 又唔迫 又唔怕人撞人 況且樓下就已經有地鐵停車場 四通便利…查看更多

第一次黎到譽宴．星海食LUNCH, 原來係18樓高高在上, 而且有無敵海景, 一覽無遺, 腳底下就係九龍公園, 遠望到港島, 天氣好的時間坐出去露天SOFA真係好正!因為帶住個細路, 坐係室內同樣舒服,樓底極高, 天花掛了波浪的水晶吊燈, 每張檯都留有闊落的行人路,感覺好舒服.店員會先送上餐前小食及茗茶, 餐前小食係炸魚仔同花生, 茗茶好純好香~皮蛋紫薑 – 6件已開邊皮蛋, 外面帶一點點松花, 裡面流心, 表面灑了砂糖. 底部墊了紫薑. 紫薑甜甜酸酸的, 夾著皮蛋及砂糖, 彈牙爽脆又帶甜酸, 口感特別, 而且好醒胃, 一個不錯的小食~金不換正喜餃 – 一上枱最開心係小朋友, 每隻餃上都有3色的裝飾 (紅蘿蔔/青豆/黃椒), 皮薄透明不易爛, 亦不會太黏筷子, 內裡有點似粉菓, 有菇, 蝦碎等等, 味道不太濃~蟹粉小籠包 - $28一隻, 我們點了2隻, 上枱十分精緻, 一隻小籠包一個籠, 大閘蟹當造, 蟹粉置於小籠包上, 勁多汁, 肉汁帶有蟹的鮮味!趣緻黑毛豬 – 奇怪了, 上枱會係3隻豬仔? 原來係豬仔造型的咸水角! 新鮮即點即炸, 放了好久都熱燙燙的, 內裡用了黑毛豬免治肉, 餡料不多, 外皮炸得極脆, 有小朋友必叫, 佢地可以玩好耐!酥皮焗蛋撻 – 蛋汁仲係脹卜卜的, 證明真係新鮮即焗, 酥皮不太油, 十分香脆, 蛋汁等了15分鐘還是超級熱, 又滑又不會太甜, 小朋友第2最愛呀!果醬香芒卷 – 厚厚的糯米粉皮, 包住芒果肉, 再加上酸酸的果醬 (好像是黃梅醬?) 糯米粉皮彈牙, 芒果夠甜又熟, 果醬酸酸的”吊”味, 好特別!川貝燉雪耳雪梨 – 原盅燉的, 整個鴨梨係盅內, 還有蓮子, 雪耳等等, 十分甜, 湯汁十分膠質, 十分滋潤!!…查看更多

今時今日的酒樓光做婚宴酒席, 應該難以應付租金, 尤其位處貴價地段, 就算不設早茶, 也要提供午市和下午茶。 星期六中午約了媽媽於尖沙咀飲茶, 雖然她較愛懷舊點心, 但偶爾也想帶她嚐嚐些新派的, 於是選擇了位於The One 18樓新開的"譽宴"。 做婚宴場地的裝潢當然較誇張, 水晶燈, 喱絲椅套少不了, 高樓底, 兩邊落地玻璃, 滿滿的柔和光線, 日光下飲茶, 其實都幾舒服, 尤其天朗氣清的下午。 露臺更設有座位, 供茶客可到室外坐坐外, 也是準新人舉行午宴或証婚的地方。 茶芥星期六、日$15/位, 而每碟花生$15, 跟一般酒樓的收費差不多, 不過這裡的服務費是12%, 定位頗高。 點心的蒸點和炸點款式未算太多, 大多以新派登場。 黑松露鮮蝦餃王 $48/4隻黑松露除用於西餐上, 近年於中菜也大行其道。 蝦餃上檯一刻已聞到很香松露味, 飽滿大隻的蝦餃, 皮薄帶黏性, 蝦肉爽口, 平均$12一隻, 索價頗進取, 但品質和味道卻是值回票價。 蟹粉小籠包 $28/隻來到10月食蟹的季節, 譽宴也推出蟹粉小籠包, 我們也趁趁熱鬧, 一人一個。 小籠包表面有蟹黃點綴, 皮薄, 內有蟹肉跟蟹黃, 味道濃郁, 滲出蟹黃油香, 十分不錯。 養生鮑魚燒賣 $58/2隻一般燒賣上的蝦球, 這裡換作了矜貴的鮑魚仔, 顯得富貴。 鮑魚仔彈牙腍軟, 鮮味之餘很入味, 好食。 燒賣餡料足, 基本的豬肉蝦肉也是滿滿的。 附出多點就可以偽裝有錢人, 品嚐富貴燒賣, 滿足! 蟲草花濃湯牛肉球 $34這家在平常的蒸牛肉球上加了點新意: 蟲草花湯, 湯頭清澈濃郁, 還附有幾條蟲草花, 清甜得令人多喝幾口。 牛肉球彈牙大粒, 口感豐腴。 沒有山竹和喼汁的湯浸牛肉球, 來得頗有新鮮感, 不錯! 奶黃流沙大蟠桃 $26/個中間一道淺粉紅色, 外表極像壽包般, 撕開內裡流出的不是蓮蓉餡, 而是流沙奶黃應聲湧出。 流沙包外皮頗厚身了一點, 不過奶黃味香濃, 而且非常大個, 足夠二人分享, 若果外皮可以薄一點會更理想。 意式春卷 $28/2條又長又粗的春卷已預先一開二, 春卷皮薄身香脆, 餡料除注入滿滿的蝦肉外, 還加入了西式食材 - 芝士。 芝士的咸香加上彈牙蝦肉, 沒有違和感之餘, 亦令這碟中西合璧得意又好味。 花之戀鮮蝦腸粉 $58名字有點像壽司的稱號, 還以為加了三文魚那麼crossover 呢。 腸粉一如其他酒樓早已切成數段, 加了蝦乾於腸粉表面, 更多一份咸香和脆口。 腸粉皮滑溜, 餡料有大大隻爽口彈牙原隻鮮蝦, 還有片翠肉瓜, 不錯。 270度的海景景觀跟21樓西餐所望的幾乎一樣, 這回卻喝著中國茶吃著中式點心, 將傳統點心加入創意元素, 又是另一番滋味。…查看更多