明軒小館

🦀咁正嘅蟹粉小籠包竟然冇人講?! 最近去咗位於上環呢間蟹粉上海菜館 - 明軒小館，主打大閘蟹同蟹粉菜式，餐廳空間闊落舒適~我地點咗➡️”清酒墨魚仔"，墨魚仔爽口彈牙，浸住清酒香慢慢滲出嚟又唔會搶味，凍食開胃一流!👍🏻➡️”水晶蟹肉凍"，個造型好得意，透明小蟹仔形狀，包住絲絲大閘蟹蟹肉嘅水晶肉凍，眼睛用蟹醋製成，好有創意，咬落去醋汁爆出黎，酸酸甜甜好開胃，不過如果蟹肉多d就更好!➡️”蟹粉小籠包"係全場MVP! 皮薄湯多，夾起嚟搖下睇到湯汁盪漾，透光唔穿底! 一啖咬落去蟹粉湯汁湧出嚟，建議咬細孔啜啖湯先，蟹粉同豬肉比例啱啱好，好鮮甜！雖然一籠只有四隻，但咁高質素絕對值得一試！黎到主食➡️”至尊蟹粉蝦仁鍋巴"，係必食推薦！上檯時「咋咋聲」勁治癒～蟹粉多到瀉，仲有啲蟹膏撈埋，超級足料！熱辣辣鍋巴淋滿金黃蟹粉，仲有大大隻蝦仁，鍋巴脆卜卜夾住濃郁蟹粉汁，吸汁後仲keep到脆口！另外仲點咗➡️”蟹粉栥飯糕"，我覺得比鍋巴又香口，外層炸得金香，入面飯粒軟糯，可以加入蟹粉食，黐住每粒飯，邪惡但停唔到口啊！最後仲點咗2款甜品，➡️"老上海法式焦糖燉蛋"，外型用蛋殼造型好cute，面頭焦糖金黃香脆，燉蛋好滑，蛋香超濃，甜度啱啱好！➡️"薑汁鮮奶燉桃膠"，食完濃味嘢食呢個最啱，薑汁微辣帶出奶香，桃膠滑嘟嘟養顏又解膩，食完成個喉嚨暖笠笠！🔸清酒墨魚仔 ($58)🔹水晶蟹肉凍 ($68)🔸蟹粉小籠包 ($88)🔹至尊蟹粉蝦仁鍋巴 ($188)🔸蟹粉栥飯糕 ($68)🔹老上海法式焦糖燉蛋 ($28)🔸薑汁鮮奶燉桃膠 ($48)🔴明軒小館 - 地址：上環皇后大道中287-299號地下1號舖 …查看更多

位於上環的明軒小館，是一間環境優雅的上海菜館主打蟹粉菜式，味道高質之餘，極具性價比餐館環境光鮮、空間闊落，店員服務專業用餐體驗舒適良好❤️🦀水晶蟹肉凍 $68水晶蟹肉凍造型有趣，口感冰涼開胃🤤以蟹醋作眼，味道清新微酸水晶內包覆著束束蟹肉蟹肉結構完整，滿滿蟹肉風味🦀🥟蟹粉小籠包🦀 $88蟹粉小籠包上菜時蒸汽騰騰，十分熱辣可以透視出內裡包裹的湯汁，皮薄餡靚😍蟹粉濃湯包覆著肉餡，暖心滋味附有自家制薑蓉醋，驅寒添鮮🥘至尊蟹粉正宗蝦仁鍋巴🦀 $188熱石鍋內裝滿香脆鍋巴，散發出米飯焦香蟹粉用料高質，蟹黃、蟹絲與蟹油的混合味道鮮味、口感綿密而帶顆粒感鍋巴外層沾滿蟹粉，味道香濃鮮甜、口感軟淋內裡則維持乾爽香脆，口感豐富有層次😋🍜蟹粉正宗河蝦仁手工拉麵🦀 $168金黃色的蟹粉鍋以燭光烘暖，感覺雅致鍋面泛起陣陣蟹粉與黃油，內裡飄浮絲絲蟹肉夾起一箸手工拉麵，在瓷鍋中沾上蟹粉煙韌的拉麵掛上蟹肉蟹黃，味道香酵濃厚，令人不禁一嚐再嚐❤️🍨薑汁鮮奶燉桃膠 $48整盅燉品溫熱上菜，桃膠晶瑩而豐滿燉奶口感軟綿嫩滑，奶香甚濃細味之下滲出陣陣薑味是一道精緻而優雅的中式甜品👍🏻🥛豆漿豆漿迎鮮冒泡，入口豆味香醇🥤酸梅湯酸梅湯入口鮮味，酸中帶點微甜，令人開胃總結而言，明軒小館的蟹粉餐點味道極佳搭配良好的服務與環境，使用餐成為了令人享受的體驗🥰…查看更多

颱風來襲前到上環尋覓美食，慕名前往一以蟹粉聞名的江浙菜館店面低調雅致，木質桌椅搭配淡雅青花瓷擺件牆上掛著水墨畫，燈光柔和，灑在木地板上，增添幾分溫馨開放式廚房內廚師熟練地翻炒，鍋鏟聲與食材香氣交織清炒正宗河蝦仁晶瑩剔透，彈牙鮮甜，突顯天然滋味至尊蟹粉撈萊茵衣藻麵，蟹粉濃郁，麵條爽滑清香，鮮而不膩至尊蟹粉正宗蝦仁鍋巴酥脆多汁，鍋巴吸滿蟹蝦精華，層次豐富蟹粉小籠包皮薄汁多，蟹香濃郁，一咬爆汁，鮮美無比…查看更多